呢個星期日同男朋友去咗銅鑼灣掃貨。
睇到openrice 係sogo 附近有呢間居酒屋，
佢想試吓所以就嚟咗。
本身我哋都想來食刺身嘅，
跟住侍應就推介左當日嘅精選刺身俾我哋，
刺身分別有甜蝦、帆立貝、口感滑嘟嘟嘅深海池魚、比較陌生嘅目仁奈（有咬口）、好爽既左口魚、油甘魚同吞拿魚，全部都夠晒新鮮
串燒方面我哋嗌咗牛舌、雞軟骨串、五花腩串。
調味我哋都覺得岩岩好，燒出尼唔乾。
溫泉蛋係用嚟點雞軟骨串嘅，雞軟骨串好有咬口，推介
燒海蝦，非常之大隻多肉
明太子蟹肉焗蠔大啡菇，
呢個要出動到刀叉嚟食，
切開面頭嗰層就會見到啲明太子流心，
連埋蠔同大啡菇一齊食好特別，有驚喜。
