halona000's Profile

今日食左佢地lunch set 醬油蟹加三隻蝦。環境幾靚，枱面上有好多韓星相。不過係面壁思過枱，所以冇坐到，都係坐返正常既舒服d。我朋友食lunch set 既牛肉粉絲煲，佢話冇乜味。我個醬油蟹都係冇乜味，都冇乜膏。撈埋飯都係0感覺😂😂仲要唔飽。好伏😂個海帶湯就暖暖地偏凍。本身跟餐有野飲，個職員又冇比到。同埋可能音樂太大聲，佢話咩我地都聽唔到😂到比錢果下都係聽唔到😂夜晚返到去就係開始屙嘔，你話好好食既我屙都抵，佢又難食又唔乾淨先慘。…Read More

我叫左2件西餅啦，個職員放左2件係個櫃枱度而冇放到入盒，之後去左收銀位度禁手機，我唔知佢係禁公司野定點，途中人來人往，就算冇疫情，都唔會就咁將客人嘅蛋糕放喺枱面禁耐唔理，更何況依家？之後佢禁完手機就講幾錢，但都仲係冇將件西餅入盒。於是我叫佢入，佢先走去入。但入完一句唔好意思都冇。之後比錢想用boc pay，佢第一個反應係下？咩黎？之後問係咪sogo boc，我地話唔係，只係普通boc信用卡，佢話收唔到。但我地係sogo其他餅店，其他舖頭都係收到。點解係得你一間收唔到呢？而且我見你地卡機係有顯示收boc pay呢個圖？sogo同中銀卡一直都做緊好多優惠？點會用唔到呢？而佢比我既感覺係完全唔肯定？求其話冇呀，收唔到就算！收完錢一句多謝都冇。間野其實個定價都唔算係低，但就連基本既服務態度都係冇？我真係未買過一間餅舖個態度係差得過呢間。就咁放個蛋糕係枱，自己走左去收銀果邊禁電話，直頭係背對住件餅。中間幾多人行過件餅個位！呢個係衛生問題！無人會想食一舊充滿塵埃既西餅，如果中間有人打個乞嗤咪死？…Read More

見今日熱熱地，度度都禁多人又唔想排隊就近近地食呢間啦。間野都靚靚地，又冇乜人。但開係呢d旺位都冇咩人其實心入面都有個譜，知咩料，所以都冇乜期望，點知差到咁🥲🥲🥲我2個人就叫左個2人餐。$178再加1個粟米湯就好似罐頭湯咁一樣味。都正常既。不過入面d雞粒就冇味。完全0味道。個蕃茄就普通出面羅宋湯咁。如果改左個湯名就十分正常既湯。😂到個飯。我叫左咖喱雞飯，d雞勁鞋。😂大大舊咁。。真係食唔落😂d飯就係珍珠米黎凍既。d雞就常温。全部野都唔會出煙😂小食個雞件真係勁出色，食完唔知食左d乜，直頭係難食。叫左2杯野飲 一杯綠茶 一杯烏龍茶。2杯都好淡。好似飲凍水咁。如果你話呢餐每人40蚊既話。我都唔會比負評。但每人要100蚊，你比d咁既質素我真係唔得囉。好似所有野我超市都執都好食過你咁。我係超市買枝茶都唔會禁淡🥲🥲🥲希望唔會有其他人同我一樣伏左。睇完呢篇野真係要諗清楚🥲…Read More

見呢間野網上勁多好評，好多人推介就試下啦。點知第一次買完去拎，間野落錯左味道比我。咁算啦。下次再買過。退錢就算。咁我死心不息，再落過單！今次終於成功買到個黑芝麻麻糬蛋卷。🥹🥹🥹滿心歡喜咁返屋企試，點知苦到癲。我知呢間野係做低糖蛋糕。但始終都係甜品黎，點樣小甜都冇理由係苦🥲我等左禁耐，點知到頭黎係禁失望🥲之後我就massage店舖，反映返啦。我都唔係話想退定點，純粹想話返比佢知。但佢只係覆左句，係咪比錯你？就算，之後完全唔覆。即係我唔係再落單買野既話，你就唔會理我？？…Read More

行過荔枝角見到有間新野就去試下啦。。個個職員都戴緊大叔嘅口罩，襯返個舖頭名，都幾得意😂😂😂雖然佢做緊個優惠$158第二碗半價，但都想試吓唔同嘅嘢，就叫左2碗。但係兩碗都係何其難食！🥶🥶😨😨個拉麵係我一世人食過最難食嘅拉麵。就好似冇任何湯底浸過，完全食到嗰浸水味。可以做到完全唔掛湯。好犀利！🥶而且個湯底你飲完係會想即刻飲水嘅。咁即係味精湯底啦🥲到最後就當然完全食唔晒。我出到去仲要買野食☹️☹️…Read More

呢間野勁多人買，咁入得黎長洲緊係要潮下聖。一入到去就買呢間野先。入面勁多人。。。到排到我啦，咁個店員就係咁吹水，之後又抹下杯咁。。但又抹十世都未抹完。。。都唔同我落單。我都知你間野多人。。唔怕冇生意。但都唔好咁。。佢直頭係令轉身吹水🥲同埋杯野都成38蚊，其實都唔平，係咪應該有返d禮貌？之後飲完一陣。。就黎料。成個人有種說不出既唔舒服。之後都冇乜點食過野。到夜晚。證實係腸胃炎☹️因為都冇食過其他野。所以都幾肯定係佢🥲…Read More

本身見大角嘴間本店食評唔錯，又多人介紹，發覺荃灣開咗間新店就打算過嚟試吓一入到去就安排左入座，但係座位又勁迫，同隔離枱幾乎係手踭掂手踭，然後明明有籃比客人放袋，但係店員完全唔會主動提供，仲要自己去攞叫完野食等左一陣就上，但係叫左幾份小食係一樣都無上過，見後入座既就都上左就問下店員，點知問左兩次都係hea覆話炸野要耐少少，但係明明餐飯已經食左半個鐘隔離枱岩岩入唔洗五分鐘就已經上到你唔係同我講要整半個鐘呀？問第三次先有個店員攞張單入去廚房問仲要係重新打單叫廚房整，但係完全無同我哋交代過件事，問題係我個飯都食完你宜家先叫廚房整有乜野用？仲要係一句交代都無，嬲嬲地直接叫無上既野取消拿拿聲走人算講真食物價錢又唔係平服務態度又咁樣真係出面大把選擇點解我要入嚟比錢買難受…Read More

咖哩汁成舊咁係面，拎上手完全唔知乜野黎。d牛又唔林，最嚴重係成碗野好似飲緊油咁。。粒粒飯都立立令！每食一啖隻匙羹可以滴到兩滴油出嚟。個底全部都係油。好似食粥咁。唔知係咪太油既問題，我食唔到d咩味。真係搞唔掂，最終棄左飯🤷🏻‍♀️ 不可一！不可再！😪…Read More

見禁多人排隊，心唸難食極都有個譜。點知原來係唸得佢太好，其實只係俾人吹捧得太緊要嘅一間餐廳，都真係幾失望。個茄湯睇落勁傑，但飲落完全冇茄味，甜既，小小酸味都冇，唔似加左好多番茄落去煲個湯底，真係完全打破我對番茄湯嘅既認知😩似落味精，食完勁渴，要係咁飲野先得😟😟😟 個牛肉又鞋又un，唔好食。仲話係推介，其他冇推介既真係唔知點。 其實深水埗仲有好多餐廳，唔需要揀佢。真係可一不可再，支持下一次就算。。😔😞😞…Read More