NiNiYuen's Profile

進入鋪頭，坐底！女職員（唔知係迷老闆）立刻罵我，唔好坐係宜張台，話今日要整很多外賣，宜張枱係用嚟放外賣，唔坐人，叫我搭其他台。好啦！咁我轉買外賣，唔坐佢d 位。叫外賣很多餸都無，無醉蛋、無醉蝦⋯ 這裡唔係食醉嘅東西？最後點左冷麵（加餸）等外賣期間，我出咗去鋪位買嘢，都唔想比佢話我阻住晒同坐咗佢d位。買完野，我專登都行咗過圈先返去，入鋪頭就見到有其他人坐喺我之前坐嘅位置？！（又話用嚟放外賣，唔坐人？）我入咗去，再等咗一陣問佢：我個外賣幾時得？個女職員就態度好差咁話：未得呀⋯d 單要排隊未到你⋯我：咁要等幾耐？（心諗呢個係冷麵，就咁喺雪櫃攞嘢出嚟撈就得）我嬲到同佢講，我唔要啦！（我都費事同佢嘈，唔洗佢退款）第一次嬲到要「寫負評」一間餐廳要做得住，都靠口碑、回頭客，唔係好明白點解客人一入去坐低就要俾人鬧。除咗味道之外，我相信服務同環境都係好重要‼️…Read More

第一次去屯門建生玩Playhouse，唔知有咩食！上網見到宜果Cafe唔錯，所以試下！放完電，仔仔好肚餓，我就急急腳去點餐，職員哥哥提我慢慢黎，唔洗急！真係做左人阿媽，樣樣都要急！好似好耐無試過好好慢慢咁食一餐飯！整體食物都OK，環境舒服，好鍾意可以望到出面既樹同埋有很多狗狗經過！貝果份量大都飽肚，係一個比都市人放鬆，令時間停頓的地方。雖然宜個豆丁係餐廳都有點吵...真係唔好意思，食食下大聲講話要去💩💩..搞到成餐廳既客人都知..好在餐廳隔離已經有洗手間，幾方便！美中不足係環境空境比較窄，如何要講心事就唔太適合，因為隔離台都會聽到。希望再有機會發掘一下屯門建生有咩美食餐廳！…Read More

小朋友聚會，有媽媽提議去屯門宜間貓貓Cafe！之前因為黑雨改期，最後揀左平日夜晚！貓貓Cafe既貓貓比我想像中唔怕人，牠們坐晒在台上面任你影相。不過，小朋友同埋未養貓的朋友要注意，貓貓未必會鍾意陌生人亂摸，唔係好容易比佢地抓親。之前睇左openrice其他食評話用餐有限時，叫得野食黎又睇唔到貓。所以我們WhatsApp訂位，去餐廳前已經WhatsApp落定單， 去到餐廳職員就立刻整！咁就多d時間打卡同影相，不過，我們平日去職員話唔係繁忙時間都鬆手比我們留耐左！我們7大6小點了很多野食，整體來講野食賣相一流，味道中規中矩，女仔份量剛剛好，男仔份量未必夠，要再加甜品/小食。餐廳內有扭蛋機 ($20/個)，客人可以買黎餵比貓貓。…Read More

要帶狗仔幸幸去CityVMC診所覆診，之後就去了出面的《康瑞甜品》食甜品醫下肚。讓我食唔停口既就是這個《秘制軟滑糖不甩》，湯圓皮薄煙肕，黑芝麻內餡味濃，配上花生及椰絲，口感豐富。老公就點了《椰汁西米露配芋圓、地瓜圓、小丸子》，很創新的組合：中式糖水配上台灣味道。芋圓、地瓜圓口感唔錯，但椰汁西米露味道比較淡，還是上次食紅豆沙比較好味(可能味道比較濃厚)。我的狗仔幸幸都不禁眼睛釘著桌上的美食糖水店外面有餐台，十分貼心的設計，所以我們可以同狗仔一起吃，不會騷擾其他食客。…Read More

難得平日放假，友人約我T.Park浸SPA鬆一鬆。我們係導賞集合的時間前已到，於是就試試裡面既餐廳 《T.Cafe》。整體感覺比我想像中好，環境寧靜，而且食物水準不錯。我們點了3款食品，意粉份量大，而且有機意粉粗，口感實淨。(下次來要選「輕量」可以減$5)《有機菠菜忌廉火腿有機意粉》，素火腿肉質彈牙，飽肚感十足。不過忌廉汁味唔夠濃。《鮮果沙律》(全份)，生果種類不多，有火龍果、雪梨，但新鮮多汁。《鮮茄煙三文魚有機意粉》，鮮茄汁味濃，令我食唔停口，最值得推薦！而且價錢合理！吃完lunch，跟朋友參加了T.Park導賞團，雖然只是聽佢講有少少悶，但最後頂樓的風景真係好靚！值得逛逛！…Read More

與老公外出吃晚飯，之前老公經過百味軒很多人食，今天終於有機會試下。因為得我地兩個，只是普通點了兩個小食，見其他食客多一大班朋友，會去大穚街市買蝦或其他海鮮黎加工！(睇到我地好想食，下次真是要一班人黎食先可以！)我點了「沙律墨魚餅」，份量比我想像中多，而且墨魚餅厚身，不算太熱氣！跟餐是跟「沙律醬」，點墨魚餅比較膩！所以之後問了待應可不可以比「雞醬(甜酸醬)」我地？好彩他們有，個人覺得配甜酸醬比較適合，比較開胃。而我老公就點了「八珍豆腐煲」，十分足料，豆腐口感嫩滑，唯獨是配了有很多內藏(這些我都不吃的)整體來說，不過不失的茶餐廳，而且十分近朗屏西鐵站，十分方便！…Read More

在網上及Facebook見很多介紹這餐廳的影片，就趁假期與老公去試試。我們沒有選下午茶的優惠時段，約1點幾到，等位唔算太耐(約8-10分鐘左右)。店鋪位置比較偏遠，由輕鐵站行過去都花了唔少時間，不過食完試知道咁遠都值得既。來這餐廳就是想試下這個每日限量的「台式鐵板吐司」，選了「肉鬆芋泥吐司」！肉鬆與芋泥配搭很好，唯獨芋泥味道比想像中淡，如果吐司麵包可以做到再脆口會更好，但新奇的組合都值得一試。:)反而，令我喜出望外是這個「2號乾拌麵餐」，刀削撈麵配上芫荽，真心好食，雖然雜錦丸湯份量不多，但真吃到台灣的味道！我選了冷泡無糖高山茶，味道清新！而我老公就點了「鹽酥拼盤魯肉飯(四季豆、甜不辣、一口雞)」，魯肉飯加了豆卜與肉配搭，可以化解油膩感。鹽酥拼盤，我就比較喜歡「甜不辣」，外層香脆，內裡煙煙肕肕。整括來說，小店環境舒適，食物質素有水準，落單後約10-15分鐘，食物就送上(感覺像是即叫即整)！應該會同老公下次再試下其他甜品，但見到店外等下午茶優惠時段真是很多人排隊，真是要早些來才可以。…Read More

朋友在黃竹坑附近返工，相約我們幾個姐妹一起Dinner，Girl Talk Night! 她介紹了我們去鴨脷洲這間小店Bowls Cafe食飯！對於我係新界人來說，人生真是無幾多次會去「鴨脷洲」>.< 不過好朋友聚會幾遠都要去嫁 ！跟餐加了沙律及蒜蓉包，份量幾豐富！蒜蓉包非常脆口，而且十分濃味。我地忍唔住，追加了多一份！點餐時，待應推薦我們點一份《白酒忌廉煮青口》！這個青口真是意料之外好食，比平日在其他餐廳食既略大，醬汁濃味，如果可以配意粉就一流。友人點了《德國脆皮咸豬手》，待應見我地唔知從何入手切，主動幫我地切好。(可能我地幾個女仔太吵了>.<忍唔往出手) 咸豬手不會太油，亦不會太咸，感覺有些相似金華火腿，比較乾身。友人點了《炭燒美國安格斯肉眼扒》，我偷吃了幾口，肉質嫩，牛味重。不過薯角不算多，勁快手比d姐妹食曬。而我就點了《扒大蝦蕃茄海鮮意大利飯》，這個飯都幾足料，飯內還有2隻蝦同其他海鮮，意大飯煮得熟而且入味，全晚菜色之中我既最愛！跟餐加點了《法式焦糖燉蛋》，焦糖厚身而且好脆。唯獨這個只是一人份量，只可以自私食！小店內有很多不少的藝術畫，都幾有浪漫氣色。港島區來說，都算是難得與朋友聚腳的好地方！…Read More

難得老公放平日假，與友人一起到朗屏食Lunch，就到了《夏捌月》。我地12:30左右到，不算太多人，立即有位置。跟餐的餐湯都幾多料，幾開胃！老公點了《日式茄子牛柳粒抄飯》，很快就上菜了。抄飯有鑊起，牛柳都嫩口，唯獨茄子同牛柳的份量太少了。好在，我點了《紐約客蒜泥牛扒》，我切了很多牛加去我老公的抄飯內 >.<補番下。不過，我點了全熟牛，有少少肕，還是上一次點的《板燒鑊仔牛柳》比較嫩口，如果像我要點全熟的都是選牛柳好了。最喜歡是我點了意粉，也會跟幾塊薯角！薯角好脆口！友人點了《紫薯雞髀菇燴飯》，同樣好快就上了菜。我偷吃了幾口，紫薯味道幾清新，好適合食素的朋友，而且應該會幾飽肚。餐廳地方不大，但也算坐得舒適，又可以欣賞一下老闆的電影收藏品！Lunch餐牌：…Read More

外出工作後，想找個坐地方坐得舒服，讓自己可以休息片刻，就突然想起奧海城的MUJI Cafe！工作辛苦想吃點有營養的食物，就點了「四品料理套餐」，可以選冷盤與熱盤各2款。熱盤：我選了鮮茄雜椒燴牛小排和黑醋醬豚肉，兩款味道也很入味，豚肉略為肕了一些，牛小排比較好吃。冷盤：我選了和風厚燒玉子與牛油果番茄蝦沙律，如果沙律份量可以再多些就比較好，玉米用火槍燒過，很精緻，厚燒玉子勝在飽肚。反而，我最欣賞這個十六穀米飯，飯味十分香！附送的湯，配料也算多，樣樣份量量細細，都好適合女士食，而且不會浪費食物。…Read More

朋友生日聚會，雖然青衣城開了第2期，多了很多餐廳選擇，但要訂10人食飯真係唔容易！很多餐廳都會限時，有些又要人齊先可以入坐。最後，有朋友推薦我訂Olbye，我記起有次與友人食過下午茶，就係青衣城旁邊，近泳池旁邊！早一個星期訂位，都訂到位，而且地方寬躺，可以容納BB車，朋友帶BB黎都好適合。我地每人點一款晚餐，然後大家share食，可以試多幾款！這餐廳意粉煮得唔錯，卡邦尼煙肉意粉，芝士味好濃，好多汁。(不過如果一個人食曬成個就會好)全晚最好味，竟然這個是「豬」！睇睇餐牌原來是「西班牙豬鞍」，所以肉質真是比較鬆軟。點了兩份蒜香牛柳粒，$40來說，份量比較多，但肉質比較肕(煮得過熟)。我點了銀鱈魚，每人夾一口，很快就沒有了=.= 味道不算深刻，反而配菜的紫薯蓉做得唔錯！薯角炸得唔夠脆，但份量都算多。炸蠔青口意粉也唔錯，總整來說意粉的菜色水準比較平均，而且多汁！我們還點了「南瓜汁帆立貝雜菌意大利飯」，帆立貝味道唔錯，但意大利飯中心比較生，熟的時間唔夠。(忘了影相)晚餐選擇唔算多，下午茶或午飯比較抵食，但勝在地方大，適合一大班人聚會食飯，而且無限時間，又唔收切餅費用。…Read More

認識咖啡弄是很久以前與友人去台灣旅行，沒想到咖啡弄會在香港開店，而且能支持到現在。可能當初他們選址選得好，作樓上Cafe。因為要照顧家中患病的狗仔，不能夠去旅行，這樣只能到香港的咖啡弄回憶台灣的味道。外出工作過了午飯的時段，不用等位！因為太餓，點了總統三文治，份量十足！三文治包有焗過，乾爽，可以食到有層次！而且有栗米脆片及雞蛋沙律，男士食都一定夠飽。(我咁肚餓，都食唔曬d栗米脆片)飲品點了熱的柚桔茶，內裡有很多果肉，酸酸甜甜！總算令我感到一刻「假期feel」！享受一刻台灣旅行的味道。…Read More

一向都有去荃灣BEANS食飯(不過一向比較多人排隊)，因為與朋友慶祝生日去大埔超級城，就去了BEANS (事前都唔知原來他們開了新分店)，而且大埔分店很大，不會太擠迫。我們被安排坐了在近門口的位置，都具私隱度，同朋友傾計，環境較靜。食飯前，我們去了行山，所以勁肚餓，點了很多嘢食！這個小食拼盤真是唔錯！(唔知是不是我地太餓 > . < )全日飯，只是這個墨魚汁飯麻麻，其他都好有水準！同荃灣BEANS味道一樣。我去了蛋糕櫃那邊同待應讀我地有朋友生日，他們就可以幫手在碟上寫上Happy Birthday或主指字眼！之後我地都點了幾款蛋糕一起食，跟餐只是加$25~ 咁樣計，好像低食過出面買蛋糕，而且我們試了多款口味！待應還寫了生日卡，真是好Sweet! …Read More