vischel_'s Profile

Tsuzuku | #銅鑼灣成日都去銅鑼灣食嘢，竟然咁遲先發現呢間cafe! 位於希雲街街尾，的確唔特登行到街尾都唔會發現，但都係喺平時食開嘅餐廳附近，地點方便👍🏻星期六妟就到訪，但人流尚可，唔洗等位，而且同友人傾咗三個鐘都無趕我地走🥹 要知道鬧市中想揾個傾計之地都唔係咁易🥲✨黑糖金文畢芝士炒蛋竹炭吐司佢地ig張相影得太靚太吸引，忍唔住叫咗麵包有微微烘過，食落帶甜味，配上蛋同金文畢芝士，好食~✨大阪燒薯條份量多，薯條配上大阪燒醬同木魚，好惹味，不知不覺就食哂✨明太子蟹肉温泉蛋忌廉手工貝殼粉勁~多明太子，手工貝殼粉好有咬口，推介! ( ˙༥˙ )嘢食總括幾好，惟覺得熱飲細杯咗小小，同埋甜品窩夫較輕盈空心，個人口味比較喜歡美式厚實的…Read More

𝐑𝐞𝐭𝐫𝐨 | #灣仔顧名思義，走復古風格，但以眾多走復古路線的café來說，這間絕對是榜上的前幾名。一打開門立刻感受到燈光變化，微弱黃光、傢具、裝潢，到處都增添一份復古味，真的有種時間倒流，去了英國小店的感覺。環境寧靜舒服，整個氣氛令人覺得是可以喘息的地方，無人催趕，可以好好享受早餐的早上。比起其他有早餐的café ，這間的食物算是nothing fancy，但雖簡單，仍十分精緻有質素。 今次叫了芝士鹹牛肉的open toast，本來芝士鹹牛肉就是不敗的組合，烤過更香，賣相也更佳。Latte同樣出色，聽說dirty都好飲，下次再去🤍…Read More

Quiero Más | #中環 前排先喺M88食完中菜，原來同一棟就有西班牙地中海菜。環境氣氛好適合慶祝節日，同朋友食嘢飲酒傾計都好唔錯🥂仲有小小景睇下! 食物方面特別鐘意 Dos Dias patatas! 炸到金黃色酥脆嘅薯仔，配上蛋黃醬同辣粉，好有特色嘅tapas✨好適合配酒🥂 另外和牛牛頰肉好好好淋，配埋勁滑身嘅薯蓉，好食~ Paella Barcelona 不過不失，但作為西班牙菜都必叫。甜品叫咗Churros同burnt cheese cake，churros配埋雪糕同朱古力醬，好滿足。burnt cheese cake略嫌唔夠’burnt’，但作為cheesecake嚟睇就不錯。…Read More

𝐆𝐎𝐎𝐃𝐈𝐍’𝐎𝐔𝐓 | 大角咀 大角咀韓式簡約café，門面已經好吸引入去睇。入面每個角落都好好影，但比起打卡café，更似係舒服嘅設計。特別要説，店內自己設計的海報太好看，好喜歡 咖啡好飲，當日叫咗iced oat milk latte，好喜歡個杯!! 另外叫咗burnt cheese cake，好滑好香，配咖啡一流。到訪當天有不少客人都係獨自去睇書、工作、飲啡，係小區入面好舒服嘅一間café。🤍/𝘨𝘰𝘰𝘥 𝘵𝘩𝘪𝘯𝘨𝘴 𝘪𝘯 𝘢𝘯𝘥 𝘰𝘶𝘵/ 覺得個名好有意思，本身應該係解物件出入? 因為店內有寫住有貨出入但其實事情都係出出入入，遇到傷心事唔洗太悲傷，同樣開心事都唔好樂而忘形。 …Read More

Bong樓 | 尖沙咀一入門口已經有韓國人喺前面等緊帶位，令我期待值都上升😆嘢食選擇比一般韓國餐廳少，主要都係食炸醬麵同糖醋肉，基本上每枱都必叫✨糖醋肉份量都多，炸到外脆內軟，配埋個帶酸甜嘅醬汁，好食叫咗2人份炸醬麵，一大碟麵上枱未食先興奮🤣 係帶甜嘅炸醬麵，麵質煙韌彈牙，有豬肉粒同魷魚片，口感up! 個麵凍咗就會變到一pat pat，難啲分返開，2人份share咁食要注意~~ 韓式水餃重麻油味，惹味，適合重口味人士，個人嚟講覺得太重味偏鹹🤣 但細細粒，一啖一隻都幾爽的! 同埋唔知係咪平日去嘅關係，坐勁耐同朋友傾計都無俾人趕，傾飽先走😆…Read More

Soft thunder | 堅尼地城成日係ig見到呢間鋪，今次去開堅尼地城食嘢，咁啱隔離枱拎住一大袋，決定經過入去睇睇~店內選擇唔可以話好多，放哂出嚟一目了然，不過賣相好吸引，真係望下都開心今次買咗2個試下: ⪧櫻花蝦味噌味🦐🥐第一次食呢個配搭，好特別。好~~多櫻花蝦，好香，入面有味噌做餡，好有風味 ⪧開心果味💚🥐店內有兩款開心果牛角包揀，分別係焗過同無焗過。呢款焗過好脆身好香，濃濃開心果味。買外賣返屋企焗返都好脆好脆，好滿足。下次經過會再試下其他味🫶🏻 …Read More

𝘓𝘪𝘵𝘵𝘭𝘦 𝘤𝘰𝘷𝘦 𝘦𝘴𝘱𝘳𝘦𝘴𝘴𝘰 | 堅尼地城 西貢人氣café，依家堅尼地城都有，唔洗去咁遠😆星期六中午時分去都有人龍，但入面地方大位置多，好快就有位了~ 好鐘意成個裝潢設計，開揚，白色簡約風深得我心🤍 要一提因為鋪頭pet friendly，會開哂啲門，所以夏天去都幾熱🥵 ⪧ Beef Benedict on sourdough rye $148 牛好惹味，調味不錯⪧ Hazelnut French toast $112招牌法式西多士名不虛傳✨ 外脆內軟!!! 外面化焦糖，唔會過甜過膩，配上嘅cream都好食~ ⪧ Oat milk latte $48⪧ Matcha latte $48 …Read More

前排父親節揾餐廳揾到呢間，本身餐廳主打川菜，但屋企人唔食得辣，叫咗其他中菜，不過都好好食，有啲菜式仲可以走辣~ 食物叫咗幾款都唔錯，幾有水準！特別鐘意金絲和田玉，造型滿分，冬瓜粒晶瑩通透，味道鮮甜，係濃味嘅一餐嘅一道清泉。🌊另外螞蟻上樹可以走辣! 好惹味，用薯粉再多咗層口感，好食! 🥰 甜品香煎南瓜餅出乎意料好味，外微脆內軟糯，好香南瓜味~ 🎃 環境開揚舒服，坐近窗仲有啲景望下。過時過節同屋企人揾地方食飯慶祝，都係一個好地方~ …Read More

Lúa | #銅鑼灣成日經過見到都未試過，今日經開就入去試下。2層高嘅餐廳，樓上有唔同燈籠作裝飾，色彩繽紛，打卡嘅好位置，其他地方都好有越南風情🇻🇳 ⪧經典越南法包 $98 法包十分香脆，但個人口味略嫌太脆，咬得好困難，但入面嘅醬汁同餡料好食！⪧越式香茅豬肉飯 配特色蛋餅 $128 賣相好靚，薄切豬肉好入味而且唔韌，為個飯提升不少。蛋餅有木耳、粉絲，撈埋太陽蛋同蔥油，配飯一流。唯一係飯略硬~ ⪧自選小食 (春卷、粉包、牛肉) 豬肉春卷香脆，唔會太油膩，不過不失。粉包皮薄餡靚，外層粉皮晶凝通透而且好滑！入口煙韌，加埋入面嘅豬肉、木耳，好爽脆，十分有口感。牛串嘅牛好嫩滑，重香茅味，加埋邪惡鹹蛋黃醬，好滿足，成餐覺得呢個最好食。 ⪧椰子奶蓋咖啡 $62 好似上面有椰子奶蓋咁，好香椰子味，細滑，中和咖啡嘅苦，加埋一齊好夾。 …Read More

The Matcha Tokyo | My go-to place when I need my matcha fix 🍵🫶🏻開咗新鋪係屋企附近真係好大件事(成日心思思路過幫襯下😂)，新開舖已經探過店一次，諗住出下post，拖到二三訪都仲未出到😂😂😂 ⪧ Matcha latte $42+6 (oat milk) 也 太 好 喝 了！🥹 順口，茶同奶嘅比例啱啱好 濃濃嘅茶帶點甘，但又未到會苦。轉咗燕麥奶都無奇怪味，係會日常想念嘅存在🫶🏻 ⪧ Croffle w/ Matcha & Hokkaido milk ice-cream $68最上面抹茶雪糕重奶味，順滑無冰感，面頭有抹茶粉增加口感，食到中間係牛奶味雪糕。雪糕份量有大半杯，其餘係粟米片，所以食到咁上下記得要撈啲粟米片上嚟食。Croffle都係好似其他店內croffle一樣，外脆內軟，香酥皮味。一整個大享受大滿足，建議其實2個人分都可以，係可以拯救bad day的開心樂園餐。💚⪧ Matcha Mochi Croffle $42酥皮好香，焗熱咗好脆，入面有抹茶味麻薯 但似抹茶醬多啲，同埋分佈唔平均，唔係每啖都食到，不過淨計croffle係好好食~ 仲試咗早餐同太古店限定croffle, 都不錯⪧Egg in the cloud, salmon, avocado, salad & plain croffle plate $88 ⪧Egg in the cloud, chicken, avocado, salad & plain croffle plate $88 ⪧ Pizza croffle …Read More

The jungle | #佐敦近排揾食好似無乜運氣… 今次去試喺Instagram風靡一時嘅尼泊爾餐廳~ 環境好似喺鬧市嘅森林一樣🌴⪧ Momo 尼泊爾餃子 (蒸/炸) $88 呢樣好似係必叫，餃子可以揀一半蒸一半炸，一次過試哂兩種。今次揀咗雞肉，都幾大粒，似平時嘅餃子，皮薄多肉汁，仲有個小小辣嘅汁可以點，幾有風味。⪧ Grilled ribeye steak 烤肉眼排 $228 好失望，好韌…完全係牙力挑戰，亦無乜牛味，好努力食咗大部份🥲 有紅酒汁同黃芥末點，另有薯條作伴碟，但都未能為佢加返分。⪧ Calamari 炸魷魚圈 $98 食落入面唔似魷魚，無乜咬口的，有辣辣地嘅醬點嚟食，不過不失。唔知係個日唔好彩定點，明明見到好多好評先去試，最後失望離開🥲 提一提個日店內冷氣好似無乜咁，加上會打開門，所以坐坐下都會熱，遲下再熱啲應該會流哂汗🥲 …Read More

黑布小巷 | #荔枝角餐廳喺D2 place 附近，位置方便，一入去就感覺光猛舒適。入面設有自閉位，自己一個quick meal都好舒服🤝🏻 🥪 慢烤雞腿蛋吐司 $ 49 雞腿厚肉，肉質嫩滑，調味亦入味。配上吸睛的半熟流心蛋，同埋烘過嘅包，好滿足！而且分量都多，我自己食一份都飽，係簡單一餐/唔想食飯嘅好選擇。店員服務不錯，餐廳有提供即棄手套，好貼心，可以食得好方便又乾淨！ 睇其他食評見到其他食物都不錯，有機會會再二訪~…Read More

白日 | #澳門 啊太喜歡呢間日式喫茶店了🥹 環境日式復古，木系傢具，配柔和光線，每一個裝飾，每一個選用嘅餐具，到處都充滿美感，傾計同影相都一流。食物亦精緻，味道都好好，好美好嘅地方🤍同埋可以預先訂位! 假日去澳門到處都要排隊，終於有樣係可以坐定定安心去食(笑 ⪧雞白湯油揚烏冬 𝘑𝘢𝘱𝘢𝘯𝘦𝘴𝘦 𝘧𝘳𝘪𝘦𝘥 𝘵𝘰𝘧𝘶 𝘶𝘥𝘰𝘯 𝘪𝘯 𝘳𝘪𝘤𝘩 𝘤𝘩𝘪𝘤𝘬𝘦𝘯 𝘴𝘵𝘰𝘤𝘬 雞白湯湯底creamy，烏冬十分掛汁，豚肉都入味~ 特別一提佢粒鵪鶉蛋竟然係咖啡浸漬，有驚喜✧⪧唐揚雞月見蛋包飯 𝘧𝘳𝘪𝘦𝘥 𝘤𝘩𝘪𝘤𝘬𝘦𝘯 𝘰𝘮𝘶𝘳𝘪𝘤𝘦 𝘸𝘪𝘵𝘩 𝘑𝘢𝘱𝘢𝘯𝘦𝘴𝘦 𝘦𝘨𝘨 𝘺𝘰𝘭𝘬 蛋包飯係茄汁飯，好開胃，仲可以淋上咖哩汁，好夾~ 蛋煮得剛好嫩滑，雞外脆內軟，可以點生雞蛋配甜醬油，好吃⪧茶寮舒芙蕾 𝘩𝘰𝘫𝘪𝘤𝘩𝘢 𝘴𝘰𝘶𝘧𝘧𝘭é 𝘸/ 𝘮𝘢𝘵𝘤𝘩𝘢 𝘨𝘦𝘭𝘢𝘵𝘰 強推！梳乎厘好fluffy綿密，配上濃的抹茶雪糕同培茶忌廉，大滿足´༥` ⪧清水卷 𝘮𝘢𝘵𝘤𝘩𝘢 𝘳𝘰𝘭𝘭 𝘤𝘢𝘬𝘦忌廉好滑好重抹茶味，蛋糕鬆軟，中間抹茶啫喱抹茶味濃到帶點苦，抹茶控一定喜歡 ⪧ 靜岡八女綠茶 | 藍橙喫茶梳打 | 海鹽柚子喫茶梳打 由裝潢到食物 再到價錢和服務都一百分 同行朋友們都十分滿意 已經講緊下次要試下晚市日式火煱~ 一定會再到訪的 ♡ ˎˊ˗…Read More

𝐅𝐚𝐭𝐭𝐢𝐞𝐬 𝐃𝐢𝐧𝐞𝐫 | #大坑大坑新開美式店，主打pancake同milkshake🥞鋪頭唔大，落單後都講明即叫即整，要等20-25分鐘。當日2點幾去到都要排一陣，由入去坐低到走，出面都係有條人龍，果然係人氣店 ✧ 🥞Ultimate hot chicken pancake $132 🥐🧇Bacon, cheese and scrambled egg croffle $109 🥤Lotus biscoff caramel milkshake $79 🥤Fattie cookie chip milkshake $79個Pancake講到ultimate hot，但無想像中咁辣，外脆內滑。Pancake係美式buttermilk個種，重奶味，配焦糖醬成個辣辣甜甜咁~ Croffle外脆內軟，其他正常發揮。Milkshake造型係隨機，每次唔同。好邪惡但飲落唔係好甜，係較稀身嘅奶昔，lotus個杯仲有餅碎增加口感~ 總括嚟講正常發揮，覺得都係打卡為主，賣相的確係吸引，但價錢略貴，環境都普通，暫時難以有二訪動力…Read More

Ninety’s | #尖沙咀環境好靚，有大量木嘅元素再加樹，好有外國感覺，係同朋友坐低飲杯野嘅好地方🌳食物方面有特色，k11呢間係以澳洲為主題，所以都有幾款澳洲特色食物⪧ Brunch board with bakery 4 sides $148 🥖Bakeries: (可以refill bakeries 所以可以試好多款!) - Dark rye sourdough: 口感較實在，好fudge 同moist 嘅感覺，大鄉里好似第一次食呢個口感嘅包😂 好有飽腹感 - Multi-grain sourdough: 包好香好有口感，好適合配其他配菜食，推介~ - Brioche sourdough: 本身一般brioche 但點知brioche sourdough係另一個世界!! 焗得外脆內軟，好香牛油味，帶微甜，好好食 🤤🥚Sides: Black truffle scrambled eggsBonito & crab fat scrambled eggs Braised wagyu beef cheek (+$40) Herbs roasted purple sweet potato 選擇好多，亦有部分係要加錢，無特別睇啱咩想食所以叫咗2份蛋，點知蛋份量好多，有成碗😂😂😂 蛋好香，有蟹鮮味，黑松露嗰個都重味。牛好腍，好入味，惟份量較少。紫薯亦都好甜，好食。 食物質素不錯，當然咖啡都好ok，惟性價比唔高。…Read More