一入門口已經有韓國人喺前面等緊帶位，令我期待值都上升😆
嘢食選擇比一般韓國餐廳少，主要都係食炸醬麵同糖醋肉，基本上每枱都必叫✨
糖醋肉份量都多，炸到外脆內軟，配埋個帶酸甜嘅醬汁，好食
叫咗2人份炸醬麵，一大碟麵上枱未食先興奮🤣 係帶甜嘅炸醬麵，麵質煙韌彈牙，有豬肉粒同魷魚片，口感up!
個麵凍咗就會變到一pat pat，難啲分返開，2人份share咁食要注意~~
韓式水餃重麻油味，惹味，適合重口味人士，個人嚟講覺得太重味偏鹹🤣 但細細粒，一啖一隻都幾爽的!
同埋唔知係咪平日去嘅關係，坐勁耐同朋友傾計都無俾人趕，傾飽先走😆
