MaggieYum's Profile

尖沙咀有間新開不久的點心專門店，見網上評語唔錯，就去試吓。茶有四款可以揀每種茶都註明功效，非常貼心。我揀咗出邊少有的人蔘烏龍,甘甘地飲落幾舒服。功效有助去膩減脂，促進新陳代謝。蟹皇蒸燒賣有蟹籽，蝦好大隻，望落好飽滿四嚿大大粒。香茜牛肉腸牛肉腸加了香茜，冇咁單調，腸粉好滑，鄙薄餡靚，做得唔錯。香煎蘿蔔糕有好多蘿蔔絲，唔會剩係得麵粉。而且煎到外皮好香脆，必叫之選。雪山叉燒包熱辣辣，新鮮出爐，外皮脆脆之餘裏面好軟熟，擠滿叉燒的餡料。鮮蝦腐皮卷賣相好靚，好飽滿，脆脆的腐皮包住滿滿的餡料，有鮮蝦，蔬菜類，值得推介。咖哩土魷咖喱有點東南亞風味，應該加咗椰奶，土魷份量足，而且底部仲有蘿蔔墊底，沾滿醬汁同樣好味。四寶滑雞扎餡料豐富，有整舊冬菇，雞件，火腿，魚肚全部大大舊，好滿足。總括嚟講：點心全部熱辣辣新鮮蒸氣和炸起，食物質素高，價錢合理，坐得舒服，值得推介。…Read More

好耐都冇去過美麗華商場行街了，發覺二期多咗好多餐廳。今日去咗一間又有live Band，又有畫睇的西餐廳。餐廳開業不久，裝修環境舒服，情調氣氛唔錯，最特別就係牆上掛滿好多插畫，為餐廳添上生氣。據店員透露畫作主題會每月換一次。為大家帶嚟新鮮感，同時亦都支持本地創作，非常值得欣賞。下午時段，有午餐set可以揀，包餐湯，餐飽，主菜，餐飲，還可以以優惠價加甜品。是日餐湯有兩款西蘭花忌廉湯蘑菇忌廉湯非預製罐頭湯，人手製造，可見到西蘭花或蘑菇的碎碎滲着香濃的忌廉味。餐飲 + 餐飽娘惹咖哩雞係屬於東南亞娘惹風味，唔會太辣，有椰漿的香，好惹味。咖喱雞炆得好入味，除咗雞還有洋蔥，青椒和薯仔，用料豐富。香煎比目魚意粉蘑菇汁同比目魚都幾夾，比目魚煎得好香有少許燶邊皮煎得脆脆的，而肉質嫩滑。配上意粉軟硬適中，相當唔錯。自家制提拉米蘇賣相超靚，大大的碟子上有花花圖案，打卡一流。提拉米蘇味道相當唔錯，用料上盛，食落去好Creamy軟滑，配方經過改良，大人細路都啱食。總括嚟講，食物質素唔錯，可以睇畫展又有live Band，一次過滿足幾個願望。…Read More

放咗工去佐敦行街搵嘢食，去咗一間日式料理專門店。裝修充滿日本風格，環境寬敞，有好多日式擺設，好精緻，坐得舒服。蟹味噌甲羅燒配魚雪干(4塊)甲羅燒有味噌蟹肉蟹膏混在一起，味道豐富。配上脆卜卜的鱈魚乾薄片，兩樣拼埋一齊層次豐富。芝士天火蠔仔新鮮上枱即叫即焗，芝士厚厚的蓋在生蠔，連殼上。拉絲芝士味香濃，把生蠔的口感提升。燒網燒牛扒成大塊牛扒上枱，份量十足，燒到大約七成熟，能保持牛扒的肉汁。魷魚鬚唔會太韌， keep到肉汁啖啖肉，用料新鮮好鮮味。豆腐風野菜湯清清地健康之選，材料有菇類，豆腐、椰菜，湯呈乳白色，用咗豆乳做湯底，有益健康。西京燒銀雪魚銀鱈魚係高質食材，配上西京燒的煮法，燒到外脆內軟，把魚的味道提升。滑蛋豬扒飯大大碗，滑蛋配上啖啖肉的炸豬扒，豬扒厚切，炸起上嚟唔會太韌，大滿足。紅荳吉士銅鑼燒賣相好精緻打卡一流，銅鑼燒夾住滿滿的吉士醬，而吉士醬並不簡單混了紅豆，口感豐富，好美味。總括嚟講，餐牌好多選擇價錢合理。食物質素唔錯，全部新鮮即製熱辣辣好有誠意，值得推介。…Read More

今日同朋友敘舊食晚飯，搞搞新意思，去觀塘工廈幫襯吓食肆。Search左一輪，搵到一間位於駱駝漆大廈日式小店。餐廳裝修簡單，以簡約為主，冇乜花巧，但空間尚算充足，坐得幾舒服。美國牛板腱冷烏冬整份定食本身跟飯，+$10轉烏冬，有溫泉蛋，少許沙律，跟飲品或加錢配小食。牛板腱薄切，份量足，因為連住筋位有趙口之餘又唔會韌，燒到有少許窿邊，少少焦香，掛上醬汁啱啱好。慢煮雞胸冷烏冬健康減肥人士之選，慢煮雞胸一啲脂肪都冇，好嫩滑，蛋白質豐富，清清地，烏冬彈牙爽口。跟餐小食椒鹽雞翼兩隻新鮮即燒，上枱熱辣辣，味道可以，但係略嫌雞翼size比較細隻。燒三文鱼骨呢個份量比較多，雖然三文魚骨，但係都有啖啖肉，燒起嚟唔會太鹹，我值得推介。總括嚟講，質素唔錯，支持工廈小店，支持本地消費。…Read More

今日在銅鑼灣食lunch，揀咗一間北京飯店，全部客飯$65 ，而且仲可以以半自助的形式任添飯，糖水和前菜。環境好有老北京的風格，牆上掛滿字畫，書卷氣十足。自助位置就在中央部份，好方便。叫了兩份客飯糖醋魚片魚片外脆內軟，外皮好鬆脆，而且配料多，有菠蘿三色椒，蔥蒜等等，醬汁甜甜酸酸好餸飯。誠意推介。紅燒獅子頭手工菜一定要出街食。大大粒獅子頭，材料有豬肉蓮藕粒和馬蹄剁碎，醬汁比較濃。半自助方面，前菜小食方面，有粉絲豆腐，炒芽菜等等土豆絲等等，會不定時添加，而例湯真材實料有誠意。我最欣賞就係麥米綠豆沙，足料有水準，食咗兩碗。總括嚟講，性價比甚高，有誠意，下次會再encore。…Read More

今日去咗一間我之前經過過嘅餐廳，一個不太起眼的地方藏着一間隱世的日式料理店。雖然地方不大但五臟俱全，店員也不多，老闆一人分身幾個角色，為客人們送上溫馨的晚餐。先上兩杯汽水梳打分別係柚子同熱情果味梳打梳打水另上，好襟飲。牛肉寿喜焼配和式定食溫泉蛋非常吸睛，呈金黃色，牛肉份量多，醬汁調得啱啱好。圍住牛肉有滿滿蔬菜伴碟，有豆腐，金菇，洋蔥。真係可以送幾碗飯。黯然銷魚飯有蔥花、煎蛋、鰻魚又係先俾隻太陽蛋先吸引，鰻魚差唔多有大半條，厚肉，肉質嫩滑，鰻魚汁掛在鰻魚上面。加上蔥花除咗增添色彩還提升了層次感，又一送飯之選。總括嚟講，整間店充滿人情味，有家的感覺，大家一齊支持吓香港小店。…Read More

其實K11 Musea 唔係全部都係貴餐廳，在B2層有個坐得舒服升級版的food court，價錢大眾化。見有間燒味店好吸引，就做今晚晚餐。兩個人叫咗兩份餐黯然銷魂燶邊三蛋飯即係叉燒飯，叉燒薄切，真係做到有窿邊，肥瘦適中，靚肉質，送飯食一流。加咗三隻蛋賣相吸引，加分。雙拼三蛋飯跟套餐- 燒腩仔 +燒鵝（+$7）燒腩仔有驚喜，脂肪同肉層層分明，皮脆肉嫩，食得出豬肉新鮮，唔會太鹹。燒鵝充滿油香，皮薄加薄脆，稍為肥咗少少，整體感覺唔錯。呢份跟餐多咗菜， 飲品或例湯揀一。我揀咗湯，熱辣辣，足料，感覺冇味精。唔錯之選。油菜正常中規中矩。總括嚟講，屬於高質燒味店，坐得舒服，下次再幫襯。…Read More

今日同朋友去咗觀塘一間任食牛扒同薯條的餐廳，很期待。餐廳情調唔錯，座位坐得舒服寬敞，有個大電視可以睇波。好啱情侶撐枱腳和三五知己聚會。先叫嘢飲Vigin Moijito沒有酒精成份的Moijito，但又有飲酒的感覺，薄荷加青檸，青青綠綠，感覺好Flash。Monut Fuji富士山造形，打卡一流，用了波子汽水再加手打cream加咗小許花做點綴，好有櫻花意境。餐湯雜菜湯，足料Caesar salad沙律大大碟，有乾煙肉，脆脆麵包糠，灑上芝士粉，味道唔錯。薯條<Free Flow〉任食，一桶桶好豐富，新鮮炸起，熱辣辣。安格斯牛8安士<free flow〉叫咗七成熟，牛肉質地唔錯，中間情粉紅色，肉質嫩滑。可以任添。朱古力慕絲蛋糕好香濃的朱古力味，慕絲滑得來實在，餅底鬆化唔會太硬，整體美味。總括嚟講，餐廳招呼唔錯，食物質數滿意。包食到飽。…Read More

今日同朋友慶祝搬新公司，book咗一間鐵板燒慶祝一下。餐廳格局優雅，充滿和式簡約風，主要有兩張大Bar枱，坐滿客人。店員細心為我哋推介餐牌和了解我哋有乜嘢吾食。我哋叫咗極上和牛套餐柚子蝦沙律沙律酸酸地好醒胃，食材新鮮仲係凍凍的。南非孔雀鮑魚配海苔沙律醬汁鮑魚好爽口, 彈牙。鮑魚煎過，有少許窿邊。沙律配鮑魚第一次嘗試，味道幾夾。肝臟都食得，味道比較濃。澳洲花龍師傅兩下手勢就將龍蝦拆肉了，見住師傅表演，賞心奪目。能做到七成熟保持爽口同甜味。用返龍蝦膏做醬汁唔會嘥。豬肉蔥花卷因為我同朋友都唔係咁鍾意食牛內臟，所以轉咗呢款，蔥花好香口。鹿兒島和牛薄切配牛油炒菜都係捲着蔥花，果然係和牛，帶着點點油脂，入口即溶。昆布白蜆湯用返剛才的龍蝦頭嚟熬製，加上白蜆和昆布，清甜解膩。海膽海鮮炒飯材料有海鮮，海膽，蔥，蛋，飯炒到粒粒分明，炒得好香口夠乾身。豆腐雪糕最後的甜品了。紅豆托底配豆腐好相襯，雪糕軟綿食得出豆腐的豆香。總括嚟講，能品曾到龍蝦，鮑魚，和牛等高檔食材，性價比高，誠意推介。…Read More

今日趁放假同屋企人飲茶，在APM旁的鱷魚恤大廈飲食選擇多，難怪成日等𨋢大排長龍，今日揀咗一間酒樓，有特價下午茶。貴妃雞湯米線（碗）$40有找，非常抵食，叫咗貴妃雞好嫩滑入味，好飽足。香芋鴨腳扎一般茶樓比較少見，有芋頭，豬肉加鴨腳，用腐皮包住，可能手工多，遲早失傳，一定要支持吓。沙窩炒腸粉好惹味又夠鑊氣，足料，用砂鍋上保証熱辣辣，誠意推介。陳皮叉燒酥餡料足，加左陳皮豐富了層次感，而且賣相飽滿，味道唔錯。南乳炆豬手炆得非常入味，豬手冇咁多肉，但有豐富的骨膠原，有花生托底，吸收了醬汁的精華。山竹牛肉球真材實料，不過不失。蜜糖脆麻花認真平靚正，十幾蚊，大大碟，蜜糖滿滿，唔錯。總括嚟講，性價比高，實物質素唔錯，會再encore。…Read More

朋友介紹去咗一間尖沙咀山林道的高層酒吧裏面環境寬敞，情調氣氛唔錯，滲透著點點的中國風，買點是此處可飽覽尖沙咀中部的景色，三五知己暢飲一番，非常寫意。好天的時候，還可以上天台添店員細心為我們簡介一下酒類的選擇，更送上一杯餐前酒，以酸梅為用料。酸酸甜甜，幾醒胃。我叫咗一杯名為閉月羞花，名字好有意境，果味比較濃容易入口，加左山楂和檸檬汁好清新。買相精緻簡潔，係一塊蘋果乾，幾漂亮又食得唔會浪費。我朋友嗰杯咸檸薑莫吉托，有薄荷用料，自家製沙薑糖水，鹹檸七，用心製作。炸蟹鉗而家喺市面上都好難食到，懷念細個去飲嘅時的熱門菜式，真材實料淡淡蟹肉，配上特色醬，飲住酒咁食相當唔錯。炸南乳雞翼好入味，有南乳香，雞翼肥美Juicy啖啖肉，唔會太油膩。炸薯角送酒必點，薯角加咗五香孜然粉，特別惹味，一份份量唔少，可以慢慢一邊傾偈，一邊送走品嚐。醉雞切成薄片，無骨易入口，酒味香醇，雞胸唔會太肥膩，食咗咁多炸嘢中和一下。…Read More

餐廳環境：店內裝修以木系為主，樓底高坐得舒服。主廚親自坐鎮主理。叫咗兩份午市套餐綿绵魚肚黃金雞湯麵一上枱就被金黃色的濃湯吸引。特別強調不加味精，食落安心。用左十多隻鮮雞、金華火腿、豬赤肉等多款材料熬製，真材實料。加上自家手工鮮蝦雲吞、爆砂魚肚大大嚿，好彈牙，充滿滿滿的骨膠原，美顏恩物。雞肉肥瘦適中，特別嫩滑，真心值得推介。加$15配菜心，大大碟，性價比高。跟蜜桃鳥龍冷泡茶慢浸五香無骨清蔥油海南雞飯海南雞幼嫩而且入味，份量都唔少。冇骨更加容易入口。蔥油飯加咗五香葉配料和蔥油份外惹味。素燕冰精雪梨杞子茶（熱）養生之選，材料豐富，賣相吸引。配疏乎厘半熟芝士蛋糕賣相精緻，略嫌份量比較細，如果大件啲就好了。…Read More

放咗工喺旺角行街，順便搵嘢食見到一間喺雅蘭的食意粉專門店，走去試試。餐牌選擇多，而且價錢親民，店內環境都算大，木系風格，坐得舒服。我們二人叫咗意粉狂熱套餐，已包餐湯、沙律、嘢飲同主菜加甜品。香濃南瓜忌廉湯南瓜加左cream，香濃幼滑。凱撒沙律（半份）沙律菜新鮮，唔錯。凍水果茶水果茶有奇異果，檸檬等等。黑松露忌廉魚柳焗飯新鮮熱辣辣上枱，黑松露唔算突出，勝在忌廉夠香濃配上魚柳，唔錯之選。蒜香白酒汁海蜆意粉喺清清地之選，意粉煮得恰到好處，唔會太淋，蜆肉多，加咗車厘茄做陪襯和調味，更鮮味。朱古力窩夫加咗$28跟餐，賣相好吸引，有雲呢拿雪糕和窩夫一起食，窩夫質地比較脆身，仲有焦過的香蕉伴碟，值得推介。另外叫咗個焗薯皮拼盤有四大嚿，新鮮上枱超熱，每一嚿都有唔同的餡料，有咖喱，茄汁雜菜等等，一次過試晒唔同的味道。薯皮脆脆，餡料豐富。總括嚟講，性價比高，食物全部新鮮上枱，熱辣辣即制，會再encore。…Read More

今日同舊同事敘舊，喺公司附近揀咗一間日式居酒屋食吓串燒飲下酒，餐廳環境，以木系為主調，有好多日本擺設，猶如置身日本的居酒屋。有吧枱也有普通餐棹。柚子梅酒檸檬梅酒我哋叫咗兩個唔同嘅水果味的梅酒，水果味比較重，我個杯檸檬味，酸酸地好醒胃。凍蕃茄加了特色日式醬汁酸酸地，配合大大嚿新鮮蕃茄，既酲胃又健康。牛蒡作為前菜，有益健康。刺身盛三拼賣相好靚。有三文魚、帶子同大蝦，整體幾新鮮，大蝦特別爽囗。豬肉串燒拼盤，包括西班牙黑豚肩肉串西班牙黑豚豬頸肉西班牙夾心肉豬顎骨平時豬就食得多，一次過可以食到唔同豬嘅部位，有濃淡味之分，豬內臟拼盤，包括豬小腸豬大腸串豬肝串豬腰子雖然內臟脂肪比較多，但係久唔久食吓，送下酒都幾寫意。豬肉卷併盤，包括露筍豬肉卷蒜芯豬肉卷紫蘇豬肉卷九條蔥豚肉卷用唔同蔬菜夾着豬肉一齊食味道截然不同， 蔥蒜就比較惹味，蘆筍比較爽口而紫蘇葉有著獨特香味。總括嚟講，環境地點也是朋友聚居的好地方。…Read More

今日在大埔廣場附近，見到有間好抵食的放題，入左去試吓。禮拜六日都係198加$20 再加一任食兩個鐘，而且仲包火鍋加燒肉放題。一入到去要上一層，樓梯位有好figure 公仔，感覺好夢幻。餐廳環境大，食物種類款式多，食物區域指示清晰。燒肉區有牛、豬、鷄，魚，醃製種類有燒烤，黑椒，有辣有唔辣。店員亦主動更為我哋換燒烤紙，幾貼心。火鍋區調味醬汁齊全選擇多。有日式清湯，壽喜燒湯，日式豬骨湯可揀。肥牛肉類，腸仔丸類，蔬菜瓜類、麵類也有好多。壽司刺身日式區刺身即叫即切乾淨衛生，有三文魚、吞拿魚、八爪片、響螺片等，壽司種類也豐富，還有中華沙律。熟食區有滋補燉湯，點心，炸物，新鮮熱辣辣，味道唔錯。沙律區食得肉多，可以去沙律區攞啲蔬菜來中和一下。甜品區最特別是可自製台式小丸子涼粉冰。雪糕雪條款式也多，還有小甜點和軟雪糕任食。飲品區有汽水罐裝或紙包飲品，特別推介花茶區，超多選擇，非常養生。而且仲有清酒任飲。總括來講，性價比高，火鍋加燒烤，種類多，大滿足。…Read More