jackjackjj's Profile

朗豪坊嘅綠茶餐廳主打新派江浙菜。餐廳環境以「雲栖竹徑」作主題，裝潢帶有江南竹林氣息，感覺清幽淡雅，非常舒服。我哋點咗招牌嘅龍井烤雞，雞皮烤得香脆，肉質嫩滑多汁，帶有淡淡嘅龍井茶香，令雞肉味道層次豐富，好有特色。粉絲裹蝦嘅蝦肉非常鮮甜彈牙，粉絲吸收晒蝦汁同蒜香，惹味得嚟又唔會過肥膩。黑松露牛肉炒飯,粒粒飯炒得夠香夠乾身，牛肉嫩滑入味，松露嘅香氣令成碟炒飯更添層次感。紅寶石琉璃，呢杯飲品真係好吸引眼球，色澤晶瑩剔透，有啲似紅寶石咁鮮艷。飲落去帶有清新嘅果香，甜度適中，唔會太膩，喝一口即時感覺喉嚨爽口。西湖雷峰塔係甜品，外型精緻似古塔，味道清新.…Read More

呢日同朋友去咗中環 IFC 嘅唐述嘆佢哋嘅無限量點心 brunch，從蒸籠點心到煎炸小食，再到甜品收尾，一應俱全，全部可以任叫，慢慢歎。 韭菜蝦餃皮薄透亮，蝦肉爽口彈牙，仲滲出韭菜嘅清香；跟住嘅魚子燒賣上面鋪滿魚子，咬落有脆卜卜口感，豬肉同蝦膠夠鮮甜又入味；玉帶小籠包裏面嘅帶子鮮滑，湯汁濃郁，一啖飲晒好滿足；玉璽翠餃外皮晶瑩，餡料清香，咬落好Q好煙韌。 煎炸小食都好吸引，西班牙黑毛豬酥外層酥皮香脆，入面嘅黑毛豬肉油香濃郁；脆皮蝦春卷炸到金黃香脆，入面蝦肉啖啖肉；香脆蝦多士每啖都好惹味，香口唔膩；椒鹽脆豆腐外脆內嫩，食到豆香同椒鹽嘅香氣。 飽肚啲嘅選擇有珍珠雞，好足料，荷葉香滲晒入糯米；陳皮魚蓉粥清甜暖胃，魚蓉滑溜，加上十幾年嘅陳皮香氣好特別；XO 醬炒腸粉腸粉好滑，吸晒醬汁，好惹味；西紅柿雞絲兩麵皇麵條脆口，雞絲嫩滑，西紅柿酸甜開胃。 即焗蛋撻酥皮鬆化，蛋漿香甜；奶黃千層糕又香又好冧；薑汁糕暖暖嘅薑辣配上甜味好舒服；仲有 貴妃玉露清爽解膩，陳皮紅豆沙好重陳皮香。…Read More

上個禮拜六晚去左食中菜 Fine Dining，有啲小驚喜。餐廳叫做「大宅」，裝修古色古香，燈光柔和，環境舒適好坐。一坐低就上咗個前菜拼盤，椒鹽糖心鮑魚+鴛鴦海蜇絲。外層脆卜卜，中間係好彈牙又唔韌，椒鹽味啱啱好，咬到中間個糖心位成個人都醒晒。鴛鴦海蜇絲有兩隻醬，一隻辣辣地好醒神，另一隻清新，海蜇咬落去好爽口。金腿蟹肉燴冬蓉羹，熱辣辣飲落去成個人都暖晒，蟹肉份量足，啖啖都係肉，冬瓜煲到好溶，連湯都飲清光。廿年陳皮拔絲虎蝦球，蝦炸到金黃色，外脆內Juicy，陳皮味清香唔會太霸道，甜酸平衡啱啱好。文火和牛，入口即化，加上自家汁唔會太鹹，食落咸香中帶少少清甜。亁燒椰菜花龍躉，椰菜花燒到有焦香，龍躉魚厚切得嚟夠嫩滑，冇腥味，仲帶微微椒香。蝦子花膠濃雞湯拉麵，雞湯飲落好濃但好清，完全唔膩。甜品陳皮蓮子紅豆沙，紅豆綿密，仲有好冧嘅蓮子，甜而不膩。…Read More

喺尖沙咀行完街，想搵個地方食個甜品坐吓，就揀中咗近期好有人氣嘅「龍糖坊」。糖水舖環境簡約中式風，木系傢俬，坐落去好舒服，有慢活嘅感覺。叫咗三樣嘢：馥綠開心果露、羽衣甘藍芒果混果汁、榴槤河粉。榴槤河粉好特別，用河粉配榴槤真係冇諗過會咁啱。河粉本身滑滑地，好Q好煙韌。榴槤果肉豐富，榴蓮非常香，甜度啱啱好。開心果露賣相好靚，非常幼滑，磨得好幼細同好香，加上開心果碎，堅果味突出，令到整碗嘅開心果味都好濃，口感層次好豐富，好好味。羽衣甘藍芒果混果汁好清新解渴。飲落清爽充滿芒果香氣，感覺養生但唔失風味，好岩夏天飲用。…Read More

尖沙咀蟹仙海鮮私房·蒸氣石鍋，一入門口就見到成排生猛海鮮，水缸裡面啲蝦蟹魚一條條游嚟游去。餐廳坐位闊落，環境乾淨。我哋叫咗個海鮮套餐，有齊曬店舖主打嘅野生海鮮。第一輪上嚟嘅係斧山鰻魚同琵琶龍蝦，鰻魚肉質好滑，冇骨嘅部分特別Juicy。琵琶龍蝦，一打開已經見到蝦膏流晒出嚟，香氣十足，帶住天然鹹香，非常正。野生膏仔蟹，打開蟹蓋就見到橙紅色嘅蟹膏，好香，食落鮮甜無腥味。釜山蠔超出預期，蠔肉肥大，晶瑩剔透，入口即爆汁，仲帶海水咸香。係現場即蒸，完全無腥味。海虎蝦尺寸夠大，蝦殼一撕開，蝦肉雪白彈牙，就咁食已經好清甜。蒸完海鮮之後，啲海鮮精華會滴落粥底，唔加味已經好濃鮮甜。粥底裡面仲有加入咸菜、蔥花，每啖都好有層次。餐廳送咗甜品，椰汁燕窩燉品，唔太甜，椰汁香濃，燕窩滑滑咁，食完好滿足。…Read More

沙田新城市廣場的天天海南雞，環境寬敞舒適，好多卡位，坐得舒服，啱晒一家大細或者三五朋友聚餐。餐廳菜式選擇超級多。一坐低，各自揀咗杯菊花冰同龍眼冰，清爽解渴，仲帶點天然花香甜味，飲落去透心涼，好啱香港咁悶熱嘅天氣。天天嘅燒雞外皮金黃微脆，切開啖啖肉，嫩滑又juicy，每啖都食得出雞味濃郁，雞皮都有滲出啲鹹香，好好味。配返碗雞油飯，飯粒油潤分明，啲雞油滲曬入每粒米，香噴噴又唔會膩，食唔停口。原條酸菜魚一上枱就聞到好香嘅酸辣味，魚肉好嫩滑又冇腥味，啖啖肉，湯底飲落好開胃，酸菜唔會好咸，配埋魚肉超好味。魚腐炆絲瓜都估唔到咁好味。魚腐好彈牙又滑，加埋鮮甜嘅絲瓜，清新好味。…Read More

荃灣人氣串燒店燒烤堂環境舒適，餐廳以木質日式裝修為主題，環境開揚乾淨，地方夠大。餐牌選擇好多，食物款款精緻，價錢又合理，啱晒一班人坐低吹水食飯。招牌鰻魚炒飯，鰻魚鋪滿炒飯面，有啲厚切口感，鰻魚油香滲入每粒炒飯，炒飯粒粒乾身分明，非常香口，份量又大，一班人Share 啱晒。和牛棒（配松露一口飯），和牛肉質軟滑，非常juicy，好重牛味，配埋松露飯一啖一口，超級Match ，好有層次感。鹽燒露荀清甜脆口，燒烤後加咗少少鹽提味，非常Fresh，啱晒鍾意食蔬菜嘅朋友。川燒蒜蓉茄子又係必試，蒜蓉香味撲鼻，茄子燒到好入味但唔會太油膩，而且帶微辣開胃。食到停唔到口。明太子淮山燒燒到外層微焦，明太子鹹香加埋淮山爽脆，口感好豐富。牛油蜜糖日本蕃薯條，蕃薯本身好甜，外層脆卜卜，帶微微牛油香，送啤酒一流。紅蔥油蒜蓉粉絲燒元貝同麻辣墨魚鬚都好好味。粉絲吸哂元貝嘅鮮味，又有蒜香，元貝厚肉彈牙，麻辣墨魚鬚辣得黎又唔搶味，好有嚼勁.…Read More

海港城「Dan Ryan’s Chicago Grill」呢間美式餐廳，由餐前包到主菜都好好味，環境又好適合慶祝。一坐低就送上熱辣辣嘅麵包籃，估唔到有合桃鬆餅！外脆內軟帶濃郁合桃香，配埋餐廳自家製士多啤梨牛油，酸甜平衡，仲有芝麻包同軟法包，很有誠意。鮮蝦牛油果沙律超新鮮虎蝦彈牙爽甜，牛油果熟到剛好creamy，好味得嚟夠晒健康。份量十足，兩個人share啱啱好。 香烤味噌比目魚，魚扒厚切，外皮煎到金黃脆身，魚肉卻保持雪白嫩滑。味噌醃得入味帶微甜，下面鋪滿薯蓉，好creamy。仲有好多烤南瓜同西蘭花。手撕豬肉漢堡嘅手撕慢煮BBQ豬肋骨肉鋪滿漢堡，豬肉炆到好冧，一叉即散，煙燻味超濃。夾埋芝士、紅洋蔥，生菜，同特製醬汁，口感超豐富。…Read More

Amaroni's New York Italian，餐廳裝修好有美式風情，氣氛好chill！青醬海鮮扁意粉有濃烈嘅羅勒香味！扁意粉煮得彈牙有咬口。海鮮份量十足，有大蝦、青口、蜆肉同帶子，全部都好新鮮。青醬creamy得嚟唔會太膩，仲加咗松子同蒜片增加口感，整體味道好平衡！烤焗三文魚扒厚切大件，外皮烤到脆卜卜，魚肉依然保持嫩滑多汁。配菜嘅水瓜柳同白酒蕃茄汁帶出清新酸味，意大利青瓜同茴香烤得香甜，新薯同番薯蓉口感好綿密，黑醋汁提升左整個菜嘅味道層次。牛油果釀海鮮係原個牛油果挖空，釀入滿滿嘅海鮮沙律，有蝦肉、蟹肉同帶子，混合咗少少檸檬汁同香草，清新開胃。牛油果熟度剛好，creamy得嚟唔會太冧，同海鮮好夾。…Read More

奧海城新開左間甜品店「糖糛」，佢哋除左招牌甜品外，仲有唔同嘅燉湯，價錢都好抵食。 特純榴槤冰一上枱就聞到濃郁榴槤香！用榴槤肉打成綿密冰底 ，面頭鋪滿新鮮榴槤果肉，啖啖都係榴槤味，N種口感，榴槤控必食！花膠烏雞燉椰皇，甜品店竟然有養顏燉湯。原個椰皇燉到好夠火候，花膠厚身又彈牙，烏雞肉燉到超淋甜，湯底超甜帶有椰香。配埋白飯同小甜品，呢個價錢真係好抵食。楊枝甘露雙皮奶好有創意嘅fusion甜品！底層係好滑嘅雙皮奶，奶味好濃，面頭鋪滿楊枝甘露 ，有好多爆汁柚子肉，口感層次超豐富 。芝麻糊配湯圓呢個傳統甜品都非常好味，尤其係越簡單嘅甜品就越睇到師傅嘅功力。芝麻糊磨到超幼滑 ，湯圓皮薄餡多，裡面黑芝麻流心餡一咬就爆晒出黎，好好味。…Read More

三日月「豐 一人前鐵板餐」，$398就食到成個set，仲可以近距離欣賞到日本手師傅嘅精湛手藝。前菜三小點精緻又開胃，有煙燻雞肉、味漬魷魚、味噌茄子。青木瓜絲沙律配上酸甜柚子汁清新醒胃。茶碗蒸滑溜鮮甜，黑木耳絲增加口感。聖子皇肉質鮮甜彈牙，用牛油煎得好香，檸檬汁令到聖子肉更鮮甜。虎蝦嘅蝦肉彈牙，蝦頭煎得好香脆，可以連殼都食埋，好香口好濃味。鹿兒島黑豚卷用鹿兒島直送嘅黑毛豬薄切，捲住蔥蒜香煎，肉質冧得黎帶微微焦香，豬肉油脂好香，肉味好濃，配上特製醬汁，味道層次豐富。鐵板炒飯飯粒分明帶焦香，蔥花同蛋香完美融合。配埋豆乳味噌湯。甜品艾草大福唔算太甜，淡淡艾草香氣好清新，中和鐵板燒嘅油膩。…Read More

今日同朋友去咗沙田嘅Here Thai Market食晚餐，六點半左右到，舖頭已經坐滿七成，好彩我哋早到唔使等位。 Thai Market果然同餐廳名一樣，菜式選擇好豐富，就好似去左泰國街巿咁，咩都好想食。香炸鱸魚配芒果沙律，成條魚炸到金黃色，外皮超級脆，入面魚肉仲好嫩滑。最正係配埋個青芒果沙律，酸酸甜甜咁，中和返炸魚嘅油膩感。可以點埋佢哋特製嘅泰式辣醬，味道即刻提升。 綠咖喱雞腿米線，綠咖喱好香椰奶味，辣度適中，雞腿肉煮得好淋。米線索晒啲咖喱汁。燒原隻魷魚真係原隻上，燒得啱啱好，唔會太韌。飲品叫咗龍眼冰加仙草，龍眼味好濃，仲有好多龍眼肉，加埋仙草嘅口感，清涼又解辣。 …Read More

今日天氣好熱，旺角行街頂唔住買杯凍嘢飲下。見到MORE YOGURT，試咗兩款主打健康嘅乳酪飲品，真係又幾好喎。藍莓香蕉乳酪奶昔一入口就飲到好天然嘅水果甜味！藍莓同香蕉嘅組合出奇地夾，香蕉提供自然甜度，藍莓帶微微酸香，平衡得剛剛好，飲到粒粒藍莓果肉同香蕉蓉，乳酪質地濃稠滑溜。巴旦木牛油果乳酪奶昔牛油果嘅creamy口感加上巴旦木嘅堅果香氣，層次超級豐富，仲食到細細粒牛油果肉，真材實料！健康又可以解口癮。…Read More

今日特登過海去銅鑼灣清原食甜品同朝聖。一踏入清原甜品店，即刻被滿滿嘅姜濤包圍！牆上掛滿Mirror演唱會海報，收銀台旁邊仲有個姜濤打卡IG框，成間店簡直就係「姜糖」聖地。我見到幾個女粉絲排隊同「姜濤」selfie，仲要換晒唔同pose影足十幾分鐘，真係好誇張！佢哋嘅芋頭甜品先係主角。「芋見幸福」，坐低嘅位置正正對住玻璃上巨型姜濤，感覺好似同偶像一齊食甜品咁。大大粒芋頭球，咬落去幾粉糯。底下嘅芋頭冰打得夠綿密，芋圓煙韌有咬口。招牌仙草冰，仙草同芋頭幾夾。份量好滿足。…Read More

今日同同事去咗K11 Musea嘅Chatterbox食晚飯，試咗佢哋幾款招牌菜。呢間來自新加坡嘅過江龍，裝修幾有南洋風情，坐低已經覺得好chill～文華海南雞飯係呢度嘅招牌菜。雞皮金黃透亮，肉質滑到好似食緊豆腐咁，完全冇骨啖啖肉。最正係個油飯，粒粒分明又夠香，仲有啲雞油香滲入飯粒度。配埋三款醬汁（黑豉油、薑蓉、辣椒醬），每啖都有唔同層次！招牌雞肉叻沙個湯底濃到掛匙！椰奶同蝦醬味平衡得啱啱好，先係微甜，跟住慢慢滲出少少辣.雞肉好嫩滑，仲有魚片、豆卜、雞蛋等配料.咸蛋雞中翼超香咸蛋黃味！雞翼炸到外皮超級脆，咬開仲有肉汁流出嚟。咸蛋黃醬多到包住成隻雞翼,十分邪惡！…Read More