上個星期日放假，同屋企人去咗灣仔盛記海鮮酒家食晚飯。呢間酒樓外觀看落樸實，但入面環境乾淨舒服，有啲老派茶樓feel，坐得鬆動，上菜夠快。
第一味上枱係蒜香爆龍躉球，一上枱就香氣四散。魚肉切得厚厚件，肉身滑溜又彈牙，蒜蓉炒到金黃香脆，食落鹹香適中.
蝦醬金沙骨，外層炸得金黃，酥脆唔油膩，啲骨位啲肉仲保持住嫩滑同少少Juicy感。蝦醬咸香味勁，帶住微微甜味，食落香濃惹味。
海皇雜菜煲,入面有蝦、帶子、魷魚同多款蔬菜。海鮮好新鮮，煲底個湯汁濃郁有鮮味，粉絲吸晒湯精華，滑口同入味，撈嚟食真係好滿足。
芝麻雞,雞皮炸得金黃香脆，外皮灑滿白芝麻，陣陣芝麻香飄出嚟。雞肉嫩滑多汁，外脆內軟，食落層次感好豐富。芝麻香同雞香交融，非常香口。
咕嚕蝦球，色澤紅潤亮眼。蝦球炸得外脆內彈牙，蝦肉鮮甜啖啖肉，甜酸比例啱啱好，菠蘿粒添咗少少果香味，食落清新又開胃。
