tastytummy's Profile

今次無意中發現銅鑼灣希慎廣場原來下面果層有好多嘢食，今次揀呢間Cooley Oysters係開放式嘅設計。因為見到顧客食嗰啲蠔幾新鮮大隻，再睇埋個餐牌覺得唔係太貴，於是就入咗啦。餐廳有吧枱位置，係坐高凳嘅，圍住一個圈中央。另外仲有啲係正常座位嘅，視梨個人選擇啦。我同朋友今次就坐咗吧枱，都幾舒服，而且都唔係太迫。因為餐廳主打蠔，所以我哋點咗幾隻。真係幾新鮮肥美，職員介紹話係同歐洲嘅農場合作推出。蠔比較高質嘅，再加埋啲檸檬同醬汁。價錢算話好貴。一人點左兩隻。主菜有大概七款，今次我叫咗戰斧烤豬佐意式青醬伴香滑薯泥。因為見到寫住係招牌菜之一，所以就點咗啦。果然有驚喜。豬好有咬感，味道層次有埋意式醬料好豐富，溫度控制適中，賣相唔錯。另外嗰碟係香煎頂級肉眼牛扒配薯角伴紅酒。牛扒份量都唔細，8安士，即係220 gram左右，再加埋啲配菜點綴啲顏色。薯角我嘅最愛，外脆內軟值得一試。可以另加自由選擇頭盤再加餐湯或者嘢飲。頭盤有鴨肝、白酒煮蜆、沙律等等。雖然我哋唔係點好多，但係都好豐富，而且價錢OK。原來坐吧枱有九折，都係買單嗰時先留意到。整體而言係覺得唔錯嘅用餐體驗，下次有機會都可以再幫襯。…Read More

平時都甚少喺工廈食野，今日特登嚟到觀塘嘅火鍋店。先來個九宮格醬料，醬料都款式幾多，有辣椒、沙嗲、蒜蓉、蔥等等。點咗個鴛鴦鍋，有胡椒豬肚湯同埋芫荽皮蛋湯。芫荽皮蛋湯就適合較為喜歡清淡嘅朋友，而我就喜歡豬肚湯多啲，再加埋入邊啲配菜，酸酸甜甜幾醒胃。嗌咗個牛拼盤，牛拼盤有四種牛組成，例如有日本和牛同埋安格斯牛頸脊、牛肩胛同埋牛柳粒，好適合打卡。牛肉嘅種類都幾豐富，牛柳粒就要煮耐少少，一片片嗰啲就好快熟。最鍾意都係日本和牛，切得好薄，食落一啲都唔煙韌。蔬菜方面，我哋點咗金菇，因為覺得要啲菜先為之健康。而比較冇咁健康嘅可能就係響鈴，不過響鈴係我嘅至愛，都唔理得咁多。呢隻響鈴同出邊比又唔算話好油。嗰個手打丸拼盤都幾正，有蝦丸、墨魚丸同埋比較少見嘅黑墨魚丸，各三粒，咬落非常彈牙，好好味，價錢又唔算話好貴。啲生蠔都幾值得推介，都幾肥美新鮮。其實係可以燒嘅，因為火鍋側邊有個燒板，不過我哋都係當火鍋咁食。仲叫咗啲牛柏葉，呢碟相對輕巧。另外我哋都點咗豬肉片，豬同牛一樣都係好薄，豬大概有四塊。最後送埋生果，都幾滿足。…Read More

成日聽人講隱世餐廳，呢間印尼菜館可以話係名副其實，經過都唔覺得有間舖。其實佢係位於一間超市入邊，入完超市再行落樓梯去地庫就到啦。可能唔係太多人知，所以冇咩人，但係其實不失為一個聚腳點。餐廳門口賣啲印尼小食，入到去裝修間隔都幾企理。餐廳食物款式都幾多，印尼人幾鍾意食炸嘢，炸嘢都幾多款，淨係睇菜單都有兩頁，例如有粟米餅、蝦餅等等。重點係加東牛肉雜錦飯，見到OpenRice好多人都食呢個。呢個雜錦飯價錢唔貴，材料非常豐富，有薯仔粒、花生、蝦片再加埋巴東牛肉，同埋啲咖喱。淨睇賣相都贏啊。如果要揀一款嘅話，一定係呢一個。佢啲咖喱汁有椰香味，非常香濃，可能呢啲就係印尼正宗嘅風味。仲有個烤雞都值得推介，份量都唔少。另外我哋叫咗通菜，有馬拉盞通菜、蝦醬通菜等等。因為貪健康，所以叫啲菜，唔算話好鹹，味道都唔錯。我哋亦點咗串燒，由唔同嘅肉串組合而成。啲肉質非常鮮同埋都幾林，點埋汁就一流。出邊比較少印尼餐廳，如果要食嘅話呢度算係鬧市嘅一間唔錯嘅選擇，價錢方面都算幾抵食。…Read More

同朋友喺旺角行完街，因為食嚟食去都係旺角，所以今次想行遠少少去下大角咀。行行吓見到呢間泰式餐廳，門口寫住有三餸飯，價錢幾抵，都係$50，款式算幾多。我哋點咗龍脷柳、西蘭花同埋辣肉碎。當係一餐已經夠晒，見到有啲人外賣，但我哋選擇左堂食。個豬肉碎幾入味，辣辣地都幾開胃，配埋白飯啱晒。龍利柳比出邊食既嘅軟身。店員就話係因為天氣比較凍，所以開大咗過火，所以質地就相對軟身。除咗三餸飯，我哋仲點咗泰式金邊粉。個份量都幾多，佢唔係用碟上嘅，而係用一個好大盤裝，撈起黎都幾方便。金邊粉係出色嘅，口感層次豐富，面質適中，對於金邊粉迷來講係值得一試。另外仲叫咗啲串燒，豬牛雞各兩串，$88，肉質林，多汁，建議沙嗲醬一定要點。餐廳面積唔係好大，簡單嘅間隔但係裝修都有少少泰式嘅風情。如果平日想食輕鬆簡單嘅晚餐整體係幾唔錯。…Read More

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間中菜館，品嚐中國味道。這間榮哥廚房私房菜位於官塘工業中心3期，地鐵站一出不用半分鐘便到，十分方便。從觀塘地鐵站不用十分鐘便到，地點方便就腳。由於餐廳位於工廈，地方較為闊落，枱與枱之間有足夠距離，坐得舒服。餐牌是餐廳預先定好的有不同價錢，選擇按人頭收費，可為全包宴。我們叫了比較經濟實惠的套餐，每人大約四百元。頭盤包括了有機沙律菜拌芝麻醬，涼拌黑木耳和甜酸齋。黑木耳營養價值高，配上麻油，吃起來十分清涼爽口。甜酸齋味道適中，不會太重口味，微微酸，令人開胃。最後的沙律菜配上芝麻醬，吃起來感覺清新，令人食慾大增。車厘茄配上柚子醋也十分特別。流心蛋黃配上茶燻味重的蛋白，蛋黃有一點黏口，配合爽身的蛋白，吃起來有層次感。另外炸茄子不算太油膩，配上黑魚子醬，味道出奇地配合 。真材實料的老火湯飲起來便知是龍與鳳，味道濃郁，沒有味精。平時嘴刁的媽媽也把湯渣吃光。蝦球應該是新鮮海蝦，肉質結實而且鮮味。另外的蛋白蒸得十分嫩滑，像豆腐一般，時間拿捏得十分好 。雖然排骨本身比較油，但是陳皮的微酸中和了。而且排骨本身酥炸得鬆軟香口，一人一件就剛剛好。黑松露醬炒花尾躉斑球份量頗多，每人有兩至三件，吃起來肉質結實，鮮味十足，簡單的配合黑松露醬已經很好吃。一上枱時便聞到陣陣的荷葉香味，雞肉吃起來肉質嫩滑，而且味道不算太重，連伴菜的蟲草，花牛肝菌等等也十分好吃。 魚湯吃起來鮮味可口，配上新鮮蔬菜，感覺較為健康。最後來了一個炒飯，吃點澱粉質才飽肚。炒飯炒得乾身，質感十分不錯。甜品是芝麻湯圓，一碗兩粒，配上暖胃的薑湯，為這天晚餐劃上完美句號。…Read More

呢間的the Grill ，我之前食過銅鑼灣嗰間，今次食尖沙咀，地鐵相隔大概一兩分鐘就行到都幾方便。因為今次係經Sevenroom book嘅，所以有七折，價錢相宜。餐廳環境都幾有格調，見到好多後生仔女都幫襯，平日晚上嚟到都有啲滿，不過好彩book咗位，所以就唔使等。食物種類頗為豐富，有沙律有小菜有頭盤有意粉有肉類等等，不過應該最正都係肉類，主打呢樣嘢。北海道刺身帶子沙律，作為頭盤咁食係唔錯嘅選擇。帶子不嬲係我嘅最愛，鮮甜涼浸浸，加埋沙律，輕輕地，唔會話食完就好飽。燒澳洲大骨豬扒配香茅芥末籽忌廉汁，呢個係今餐嘅重點菜。豬扒係有骨嘅，不過去骨都唔係話太難。個口感幾特別，有芥末又有忌廉汁，層次幾豐富。香煎北海道帶子龍蝦汁扁意粉配三文魚籽，呢個賣相相對吸引，同樣有我嘅最愛帶子。三文魚籽作為點綴，龍蝦汁香濃入味，意粉質感唔錯。黑松露薯條，熱辣辣，黑松露味道好出，非常鬆脆，有啲熱氣唔敢食太多，同朋友share就相對比較好。整體來講覺得今餐都幾滿意，下次有機會想食埋個甜品，可惜今次已經飽了。…Read More

第一次嚟到觀塘海濱匯，原來都幾新，環境幾靚。今次食呢間西餐廳幾開揚，經過見到入邊嘅環境覺得幾靚，於是我哋揀咗呢間。我哋點咗唔少嘅菜式，有薄餅、意粉、沙律、小食、肉類等等。先講個薄餅，我哋點咗辣肉腸pizza，手工薄餅，形狀一睇就知手工整出嚟㗎。溫度好足夠，好好味，個餅底好鬆脆，厚薄程度啱啱好，份量都幾大，滿足。我哋點咗個長通粉，配牛肉。啲牛好林，通粉味道唔錯，比市面普通意粉較為出色，我哋比較喜歡呢一碟。小食有四件由蕃茄製成嘅餅，比較精緻，細細份，由於係冷嘅，作為前菜比較合適，先食呢個會好啲，個口感層次喺oK。最後就有火箭菜沙律，朋友好鍾意食火箭菜，原來火箭菜個味道係會有啲苦嘅，不過整體來講都算新鮮，幾大份賣相都OK。價錢大概$250一個人，平均每人食到兩大份主菜，好滿足，本身想食埋薯條，見到隔籬枱有好正，但係飽飽了。…Read More

黃埔雖然有唔少地舖餐廳，但係好多都係小店，相反環境優美嘅西餐選擇較少。今次食呢間都近地鐵，見到環境幾靚，雖然個位置唔係太起眼，但係都算係方便。同其他西餐廳一樣，選擇都係有Pizza、沙律、肉類、甜品、意粉等等。我同朋友兩個，俾牛扒吸引，點左安格斯牛扒，五成熟，係紐西蘭嘅肉眼扒嚟嘅。另一款係美國嘅西冷扒，但個人鍾意肉眼扒所以揀咗肉眼扒。再配埋薯蓉，豐富。有啲薯條，薯條份量比想像中多，外皮好鬆脆，入邊保留到溫度，趁熱食更加好味。朋友就點咗燒春雞，燒春雞份量都好大，有兩隻，一人一隻啱啱好，滿足。佢有唔同嘅醬汁。個薯條係跟雞嘅。如果唔夠其實可以嗌黑松露薯條，當小食，只不過我哋夠啦。本身想食埋甜品，放左出黎見款式幾多，但趕時間關係最後都冇食到。成餐飯一個主菜加一杯嘢飲，大概$300一個人，價錢算合理…Read More

同朋友兩個嚟到銅鑼灣，今日唔食傳統商場食肆，揀咗呢間樓上食肆，因為上網見到環境比較特別，用梵高做主題，之前未試過即管試吓。佈置別具特色，見到餐廳有個打卡位，都唔少顧客會喺嗰度影相。另外有張桌球枱，不過今次就冇機會玩啦。食物方面，我同朋友兩個餐。我點咗晚市套餐，朋友點左健康晚市套餐。先來個餐湯，一個係俄羅斯野菜湯，係幾開胃嘅。選擇二就係加$38嘅野菌。湯香香嘅味道，比較實在。飲完其實都已經幾飽，另外隨湯附送餐包，熱辣辣要趁熱食。沙律方面，菜都幾新鮮，配橄欖油幾清新。第一款主菜係漢堡再加比目魚，素菜餐，再加大啡菇，再有啲菜同蒜頭，賣相都幾吸引，而且材料幾豐富，再加埋特製嘅白汁沙律醬。另一款主菜就係豬肋骨，個汁好正，份量都唔少，配埋啲沙律菜，都值得一點。呢個餐就大概$300港幣一個人，價錢可以接受。最後仲有甜品，分別係焦糖燉奶同埋另一個小糕點，另外再包飲品，成餐都幾豐富。特別之處係餐廳仲賣埋梵高紀念品，例如口罩同手錶，可以話係貫徹餐廳主題。…Read More

點左pizza 同 黑毛豬砂鍋飯，落單既時話砂鍋飯要整半個鐘，我地ok。點知隔左45分鐘，砂鍋飯未到，連pizza都未到。問問侍應，對方話再要等20分鐘。問佢係咪漏單，佢又話唔係，又係話廚房唔夠人。再俾多次機會佢，同佢講願意等，但唔該20分鐘之內一定係要到至好，對方話ok。結果尼，又失約。雖然對方有say sorry，但感覺唔到有歉意。拜拜啦，冇下次。中晒伏…Read More

係咁多款東南亞美食之中，個人最鍾意都係泰國嘢食。今次食呢間位於尖沙咀嘅泰式餐廳，之前唔係呢間分店。呢間分店係第一次食，係樓上店嚟嘅。同好多泰國餐廳一樣，泰國都係有唔少嘅小食。我地點左泰式拼盤，拼盤有蝦餅同魚餅，每款四件，雖然有啲熱氣，唔敢叫太多，但配左個酸辣醬，味道同溫度都唔錯。小食之餘，我哋點左冬陰功湯。酸辣嘅冬陰功湯主要係用嚟開胃。辣嘅程度係我接受到。飲完之後胃口大增，如果驚辣嘅可以點凍飲。我哋點左豬肉配生菜包。豬肉嘅份量啱啱好同生菜包配合。因為唔想太飽肚，所以都係點左呢啲沙律類嘅主菜。個人都幾鍾意食呢道菜，因為口感豐富。另外我哋點左泰式法包配軟殼蟹，有咖喱作為醬料。軟殼蟹鬆脆，冇因為淋咖喱而林咗。建議都係趁早食。咖喱香濃入味，都值得推介。由於太飽嘅關係，都未有點到甜品，只係點左兩杯泰式特飲。整體來講，都算係豐富嘅一餐，同埋環境都算唔錯。…Read More

疫情時期都唔敢亂去，雖然午餐可以堂食，但我同朋友都決定外賣。尖沙咀呢間K11嘅餐廳，食新派泰國菜。我哋點左兩個lunch set，分別係安格斯牛肉牛丸濃湯船麵，同埋虎蝦金邊粉。先講個牛肉牛丸濃湯船麵，用料豐富，個濃湯係精華所在，充滿泰式風味。牛丸爽口彈牙，比較出色。至於金邊粉，配埋虎蝦大大隻。金邊粉賣相唔錯，同出邊嘅金邊粉比，呢個比較乾身。另外有啲辣粉，但係唔想太辣，我哋都冇將辣粉拌勻。金邊粉係我最愛，食親泰國嘢都幾乎會點。隨餐加咗小食，係紙米卷，一件$28 ，配埋個汁唔錯，個皮唔算太厚。另外叫咗個沙律配香草蒜蓉法包。沙律幾新鮮，正餐前食一流。蒜蓉包啲蒜蓉鋪喺面幾正。單邊雞翼比較方便易食。雞翼外皮香口，下次有機會都想試吓個蛋黃雞翼。配埋兩杯嘢飲，同朋友分別點左一凍一熱嘅茶，整體都頗為滿足。…Read More

見疫情開始嚟啦，於是又買下外賣返屋企。九龍城呢間城中燒味，經過就經過得多，因為喺街市對面，但係就未幫襯過，今日就決定試吓。望落去啲燒味都幾吸引，有唔同嘅燒味滷味等等。上網見到啲人好多都讚黑毛豬叉燒，所以都點左一碟叉燒飯。叉燒嘅份量都幾多，肥瘦嘅程度啱啱好，唔會太乾唔會太濕，都可以話入口即溶，而價錢算幾合理。另外點左桶子雞。因為有幾個人，所以點左一隻全雞，價錢$100。隻雞望落去個色澤都幾光鮮，肉質都幾林。仲點左牛展飯。牛展切得都幾簿，所以切到十塊左右，都係$40，因為係單拼。我哋冇乜要求，單拼就已經滿足。如果第時經過都會再考慮加料，尤其是如果做節時，出面加價，呢度可能價錢比較穩定。…Read More

同朋友兩個喺尖沙咀行街，行到去尖東見肚餓，於是決定喺嗰度搵嘢食。同朋友都唔算太飽，所以揀個比較輕盈啲餐廳，簡單食餐飯。餐廳款式都幾多，我哋點左lunch set 。lunch set包一個湯，可以係雜菜蕃茄湯或者粟米忌廉湯。主菜就例如有沙律、漢堡包、薄餅、飯同埋意粉等等，價錢$45至$60左右，仲包埋餐飲，都算尖沙咀入邊比較抵食嘅餐廳。我點左蛋黃醬煙三文魚薄餅，隨餐附送雜果沙律，可以話非常豐富。個薄餅厚身，一個人份量啱啱好，三文魚再加蛋黃醬呢個配搭都幾特別新鮮，食落味道層次豐富，同埋最好就係啱啱奉上嘅時候保持到溫度。至於個湯，我點左羅宋湯，因為覺得可以幫助開胃。水果就留返食完薄餅之後食，係哈密瓜。朋友就點左松露煙肉燴牛粒飯，同樣配羅宋湯。煙肉嘅份量都幾多，味道都唔錯，平時食煙肉覺得好漏，但今次又冇呢個感覺。如果想食一個碟頭飯嘅話，套餐都飽肚。最後埋單兩個人都係大概$100，如果以套餐價錢來講覺得都幾抵食。…Read More

今日同朋友兩個放工嚟到觀塘嘅工廈區搵隱世美食，之前聽人講呢間野，今次第一次食。上到嚟2樓嘅工廈，餐廳環境都幾隱蔽，但裝修唔輸蝕，有格調，同朋友傾偈係幾合適嘅選擇。餐廳有二人餐，不過我哋為散叫，食物種類有薄餅、意粉、意大利飯、扒同埋小食。我哋點左個香腸拼盤，由唔同嘅腸組成，份量非常大，大概有八條腸，每款有兩條，味道唔算鹹，有沙律配菜，沙律都幾新鮮。主菜方面，我哋有個牛肩胛，賣相唔錯，啲醬汁都幾特別，牛肉嘅肉質鮮美，有啲肉汁。一共有兩塊，唔算好大塊，不過薄薄地幾林。仲有個帶子甜淑意大利飯，飯都幾香口，加埋嗰啲意大利汁。份量唔係好大，但係會覺得係飽肚嘅。最後埋單大概$250一個人，都幾豐富幾滿足，下次都會考慮幫襯。…Read More