尖沙咀呢間K11嘅餐廳，食新派泰國菜。我哋點左兩個lunch set，分別係安格斯牛肉牛丸濃湯船麵，同埋虎蝦金邊粉。
先講個牛肉牛丸濃湯船麵，用料豐富，個濃湯係精華所在，充滿泰式風味。牛丸爽口彈牙，比較出色。
至於金邊粉，配埋虎蝦大大隻。金邊粉賣相唔錯，同出邊嘅金邊粉比，呢個比較乾身。另外有啲辣粉，但係唔想太辣，我哋都冇將辣粉拌勻。金邊粉係我最愛，食親泰國嘢都幾乎會點。
隨餐加咗小食，係紙米卷，一件$28 ，配埋個汁唔錯，個皮唔算太厚。
另外叫咗個沙律配香草蒜蓉法包。沙律幾新鮮，正餐前食一流。蒜蓉包啲蒜蓉鋪喺面幾正。
單邊雞翼比較方便易食。雞翼外皮香口，下次有機會都想試吓個蛋黃雞翼。
配埋兩杯嘢飲，同朋友分別點左一凍一熱嘅茶，整體都頗為滿足。
