Juliae的個人專頁

係銅鑼灣行完街無咩地方去，行下行下見到個店面都幾平民既印尼菜就諗住試下出面好多小食同班蘭蛋糕可以買返屋企添班蘭葉係印尼好常用既香料，呢間餐廳更係想呈現返印尼既傳統味道餐廳內部都好簡約舒適，唔講真係以為去左印尼同朋友首先叫左印尼小食拼盤$88入面有炸豆腐、炸黃豆餅、炸雞、炸山葵同燒雞翼，中間既係酸辣醬炸豆腐既口感好正，而且入面仲有汁；炸雞既雞肉好嫩；雞翼亦都燒得有外皮脆脆地，好有口感；最特別既係炸黃豆餅，d黃豆有d似納豆/麥皮既感覺，不過有d乾身，但呢款傳統印尼小食真係值得一試。牛肉沙嗲（3串）$56牛肉串有微微既燒焦，牛肉有少少牛筋同脂肪，口感未去到最好，但係牛肉依然好重，沙嗲味同牛肉味都好夾呢度會配上呢種辣椒醬，有辣椒、青檸、洋蔥等等，因為我唔係太食得辣，少少已經對我黎講好刺激黃薑原條炸魚$88呢度食魚真係好抵食，原條上、但係價錢真係唔貴，炸魚外皮好脆，肉依然好鮮甜，食落好新鮮微微既黃薑味做點綴，加埋鋪少少香汁係皮面上，整體真係唔錯炸魚配上左兩款辣椒醬，但朋友講隔離呢個醬仲辣，所以我真係無試過印尼四大天王$78難得食印尼菜，梗係想一次過食哂四大天王入面有巴東牛肉、班蘭雞、辣蕃茄沙甸魚、加多加沙律巴東牛肉既淋又有牛肉味，特別係加上牛肉汁就更多濃味；班蘭雞既雞真係好嫩口；沙甸魚既魚味好濃煙，蕃茄酸酸做吊味；加多加沙律用花生醬、椰汁做醬料，又甜又有後勁，讚！另外因為呢度好出名班蘭飯、椰子飯等，加$15蚊就可以轉架啦 !…查看更多

最近香港真係令人心情越黎越麻麻地，唯有嘆下呢間個個讚既餐廳彌補一下生活既乏味當然唔少得要幫趁黃店人人都知道Mamaday既餐廳裝飾古古怪怪，新奇又帶俾你趣味未入到餐廳都見到佢點帶俾客人樂趣望住街景，落地玻璃既陽光真係好精神！去過咁多間餐廳，呢間無論裝飾同設計都好舒適同朋友各自叫左一杯野飲檸檬果皮烏龍茶冰沙果然係檸茶味既冰沙，夠哂檸茶既味，雖然你寫到明係檸茶，但我都唔會唔期待架！Latte一杯，餐具都夠哂特色～啖啖蟹肉...你就想～青咖哩比薩$106Pizza上面確實係有蟹肉，磨成蟹絲灑係面，加埋Pizza入面都有，其實都比想像中多，而青咖哩既味道唔係太辣，用黎吊味岩岩好薄身Pizza食落脆口，又唔會太膩，讚！果然食家都係佛系減肥高手～有得食手打漢堡仲想點(With Orange Jam) $88老實講手打漢堡呢個價位真係嚇親人，CP值太高了吧近睇一下呢塊手打漢堡，塊肉真係唔細架，而且食落真係成口肉味，好滿足洋蔥圈、手打漢堡扒、生菜、芝士、蕃茄一層疊一層，材料好豐富！Orange Jam其實係千島醬味較濃郁，入口之後有輕輕既橙味，而隔離既薯條真係好豐富，最後我同朋友兩個都食唔哂D薯條，份量真係好足加左$28 叫左魷魚圈同出面食開既魷魚圈好唔同，肉較厚所以炸既皮唔會咁易分離，好多時係出面食都會咬一啖之後，食條魷魚圈既炸皮散哂，反而呢個既整法就可以啖啖食而且炸皮食唔出油既感覺，唔肥膩～最後真係忍唔住+$28叫一個手工蛋糕上左呢個伯爵茶芝士蛋糕食落口感唔似凍餅果種芝士蛋糕，反而係室溫、比較似蛋糕果種口感，而伯爵茶味唔太突出，入口後再慢慢浮出伯爵茶既獨特味道，整體上呢個會係今日美中不足既地方，不過都可一試…查看更多

土瓜灣最近多左好多新店，以前呢區都係多茶餐廳類既食店，但而家越黎越多Cafe，而且評價都唔錯，今次就黎試下呢間Heysonuts就咁睇出面都已經好文青Feel出面都有好多介紹自己食物既相入到入面，餐廳唔係好大，位同位之間既距離岩岩好，唔會太逼介紹下野食先嘻酥甩沙律$88沙律有洋蔥、青瓜、番茄仔、豆卜、蒜蓉、黑橄欖、香草等等既材料醬料有少少辣味（有D似泰式辣醬，但又無佢既甜味），食落易開胃，最特別係豆卜，外脆內軟，吸哂醬料之後食落真係好吸引，唔通個「酥」字就係個豆卜？魷魚圈配自家製咖哩蛋黃醬$88外層鬆脆、內層彈牙，果然魷魚圈係炸物既Top5最特別就係呢個自家製蛋黃牆，咖哩既辣味加埋蛋黃醬既酸，有少少似Mustard，但係酸味同回甘又有另一種風味，點上魷魚圈幾特別海鮮黃薑意大利飯$128入面材料真係十分豐富：蜆、蝦、魷魚等等，每一啖飯都可以食到海鮮咁濟除左海鮮，用黎吊味既仲有洋蔥、香草同番茄仔，清清甜甜，黃薑味亦都好香，同海鮮十分搭配最後梗係唔少得呢到好出名既甜品：自家製髒髒比利士朱古力醬日式梳乎厘鬆餅配蕉糖香蕉$98梳乎厘完全無令我地失望，鬆軟既內在充滿住蛋白香，但最驚喜既梗係呢個比利士朱古力醬，朱古力味唔假，而且唔係特別甜，食落唔會膩Heysonuts絕對係食過會回頭既餐廳之一!…查看更多

而家因為疫情都好少出街，好難得約到朋友嚟旺角MOKO行左幾行就見到呢個區域特別唔同行到最入就見到呢一間好茶養生，行街之餘都不忘要健康一下餐牌呢度既茶分兩類，有養生茶同水果泡茶甜品都有銀耳露、雪糕同西式甜品種類都好豐富呢間鋪頭成個設計都好簡約，而且好適合朋友同朋友傾計添同朋友嗌左兩杯飲品、銀耳露同一個甜筒黑枸杞洛神花茶材料有玫瑰花、洛神花、枸杞，材料真係好豐富，熱飲下茶味特別濃郁，有排毒同美顏功效但玫瑰花味有少少遮左洛神花既酸味，但整體味道平衡另一杯係皇牌氣血茶，一睇就知道點解叫得上皇牌對於女人黎講氣血真係好重要，呢杯茶有桂圓、紅棗、千日紅、康仙花、金盞菊、玫瑰、枸杞大大可以幫助女性補氣血、暖宮，真係唔可以錯過！普偏養生茶既茶底都係一樣，呢款茶既味道比清甜少少紅棗枸杞銀耳羹又係女人好物之一材料有銀耳、紅棗、枸杞、魔芋粉，食落好咬口，亦都唔會太甜，記住要焗下先飲啊！最後都少不免要肥一下呢度既雪糕都係唔同既茶黎，因為個人十分偏好伯爵茶，所以無猶豫之下就揀左茶味濃郁、唔甜，伯爵茶獨有既味道好特出，值得一試！下次會試下佢既西式甜品！…查看更多

話說最近凍凍地好想食肉，朋友見我肉癮起，介紹左我去依間喺長沙灣既牛極。原來係近排好興既石板燒牛嚟～入面主要有六種石燒牛，比一般既石燒牛餐廳既選擇多, 分別係西冷、牛肩、肉眼、牛柳同兩款日本和牛。我地就揀咗牛肩肉（180g)同牛柳（200g) 依度主要係自助形式，自己order完自己拎，有沙律吧，飯同湯都係自助嘅 ～等咗幾分鐘就有得拎喇 所有牛扒上枱時都係一成熟 之後想食幾熟就自己煎 依個就係牛肩排，食落好有牛味，幾有咬口，最吸引既係冇咩肥膏，岩晒我依啲想食肉又怕肥既人另一個就係牛柳，口感淋身啲，易咬啲，而食落就冇牛肩排咁重牛味之前都試過其他石燒牛餐廳，但係環境就一般，而牛極依度除左食物之外，另一個吸引之處就係餐廳夠大，坐得舒服，食都食得舒適啲！…查看更多

二家姐正宗原味麻辣火鍋轉左新工，當然要同朋友聚一聚，分享下現況，今晚揀左大家既中間點佐敦，不過呢間餐廳原來近九龍站多d。一入鋪頭已經聞到濃濃麻辣味，食指大動啊！我哋點左鴛鴦鍋，中間係普通豬骨湯，周邊圍住麻辣湯底。（不過中間果part成日都滾唔起）火鍋除左食材，醬料都好重要，呢度都算多醬料揀，而且有正宗麻辣火鍋要有既麻油同黑醋，不錯不錯。我哋點左生菜、粉皮同埋大盤牛頸脊。生菜正正路路，新鮮翠綠，食麻辣火鍋既必點配料。魚肚我哋超鐘意，吸哂麻辣湯底之餘，又保留到鮮味。粉皮呢個係超飽，建議可以2-3點一份，粉皮好QQ，好有口感，而且吸哂湯底，個人係好鐘意。牛頸脊呢個都係無得輸，亦同價錢成正比。牛肉食落好香口有肉味，而且一d都唔會痴牙，每啖都係享受啊！整體來講，地點雖然唔係最方便，但個麻辣湯底真係做得唔錯、正宗！…查看更多

今晚又黎SSP搵食，朋友介紹左呢間性價比奇高既餐廳，果然無介紹錯！呢度既Dinner Set 由$88去到$168都有，但$168竟然可以食到羊扒同西冷！我地點左兩個Set ，一份係威靈頓焗三文魚，一份係老闆強烈推介既羊扒。兩份set都無令到我失望，真係超有驚喜同好食！首先跟Set 有湯同前菜，兩樣都唔錯，前菜好特別係焗薯飯波波，口感食落又唔錯！然後到主菜威靈頓焗三文魚，份量適中，酥皮好脆，包住厚身三文魚扒，配埋秘製醬汁，好夾好好味！然後到羊扒，老細介紹時話唔會有羊穌味，食落果然真係無，份量有成四件扒，外脆內嫩又多汁，真係對得住$168呢個價位有突，好推薦試！最後想講下服務，一餐飯食得開唔開心服務都好大影響，餐廳所有員工都好有禮貌同介紹食物，感受到佢地用心經營，食得特別有愛同開心啊！…查看更多

話說最近又好想食肉，所以最岩食依間磊犇！以石板燒牛做主打～入面主要有三種石燒牛，分別係西冷、牛肩同佢自家嘅磊牛扒！我地就揀咗牛肩肉（300g)同磊牛扒（400g)依度主要係自助形式，自己order完自己拎，有少少似food court，連飯都嘢飲都係自助!等咗幾分鐘就有得拎喇原來所有牛扒上枱時都係一成熟，之後想食幾熟就自己煎！不過小心d油彈到自己！牛肩肉：食落好有牛味，但就少少un,算係幾有咬口磊牛扒：食落雖然冇咁有牛味，但就淋身啲，易咬啲！依度白飯任裝，而就咁叫300g嘅牛都有兩中塊，可以送幾碗飯，真係好啱食肉獸朋友同埋要增磅嘅人！…查看更多

行過尖沙咀既街頭，見到街頭有一塊好大既招牌寫「十二味」係門口度望下，發現鋪頭下層都幾有趣，有部好大既夾公仔機係度，天花板又掛住紅色既燈籠寫住「十二味」整體感覺好有氣氛，同朋友就決定今日食下中國菜沿途上樓梯見到一個好大既熊貓霓虹燈上到去坐底之後，枱面上有一個小燈箱，好有小酒館風，轉頭一望，見到有個可以唱歌既平台，仲任我地點歌添如果識彈結他既都可以係果度表演一下係叫野食方面，餐廳都用左一個比較新式既方法，就係Scan個QR Code，然後就可以透過QR Code點餐我同朋友因為唔係太肚餓，叫左蒜泥白肉、川式口水雞、黯然銷魂炒飯、紅糖糍粑蒜泥白肉一上到黎，成個裝飾都好靚，豬肉包住青瓜，沾有蒜泥同埋辣油、醬油，食落好多種味道係口入面，十分有層次，有少少美中不足既係唔夠入味之後就上左川式口水雞口水雞既份量都多，我地都好期待食到傳統既四川口水雞麻辣既味道都幾唔錯，辣得幾夠喉而且都幾入味，雞肉嫩，肉既比例都唔會太少黯然銷魂炒飯每次見到呢個名都忍唔住想叫，原本想食酸菜魚，但驚份量太大食唔哂就叫左炒飯，但原來炒飯粉量都幾多，入面有青豆、蘿蔔粒、肉粒、蛋花等，飯粒分明，幾夠火喉最後到左必食既甜品，紅糖糍粑糍粑基本係由糯米整成，外層脆脆地，內面痴痴UN UN，再加上外面鋪滿糖粒，再點上紅糖漿，食過就停唔到！…查看更多

夜晚去瓊華食飯真係有排排部Lift~,~今晚約左朋友去茶木Dinner 加試下佢既奶蓋戚風蛋糕 (心心眼)食甜品前當然要食左DINNER先，我地點左一麵一飯。我點左麻辣肥牛乾拌麵~麻辣半根半肉同乾拌麵係分開既，乾拌麵質感乾身，唔會淋哂，味道都夠濃，麻辣牛肉都好好味，食落麻麻地，又唔會太辣!然後點左個蓮藕牛仔骨估唔到蓮藕同牛仔骨咁夾，蓮藕用沙茶醬炒成，入味爽口，牛仔骨略肥，但重牛味，送飯一流！兩杯飲品都好好味，特別係茶木最出名既水果茶，茶底有果汁mix茶而成，水果都好多好甜。重點甜品黎啦🥰🥰抹茶紅豆奶蓋蛋糕呢個蛋糕真係好有驚喜！除左有甜筒雪糕係面，仲有奶蓋！奶蓋好香濃，配埋紅豆同果仁，一d都唔會好滯！成個蛋糕都好戚風感，好鬆軟！真心好正既飯後甜品，不過兩個人飽左少少，岩哂3-4個人黎食！…查看更多

日本風真擋都擋唔住，先係尖沙咀行完唐吉軻德店，再係附近食個日本燒肉晚餐，十級享受！鹽香牛舌首先當然要點最愛既牛舌，果然無令我失望，好彈牙爽身，如果想香口d可以燒耐少少，配埋檸檬汁，啖啖充滿牛香。雞腿肉雖然鋪頭叫牛繁，但估唔到雞肉都咁出色，呢款係雞脾肉，食落好嫩滑彈身！雞皮仲可以燒到脆卜卜😋厚切牛肋條呢款牛肋骨都係必點，侍應哥哥好貼心幫我地燒埋剪埋，仲可以揀幾多成熟，我地喜歡7成熟，但食落都唔會痴牙，仲keep到肉嫩，重牛味！正！牛繁溫泉蛋飯呢款飯都係好有驚喜，如果鐘意食牛角飯既，呢款都一定鐘意，特式醬汁配埋紫菜同溫泉蛋，成個飯都好好味，要添多一碗！整體服務都好好（可能因為早到無咁多人），美中不足係個抽油氣機擋住對面朋友個樣，要側身傾計。…查看更多

行過佐敦附近，見到呢間餐廳既名真係好古怪　「冚棒唥」？呢間餐廳既名真係令人聯想唔到原來本名係「Gambling」入左去一陣，慢慢睇係周圍先發現，原來如此～～講下餐廳既內部裝修，樓底好高好高，亦都有有少少係舊時香港既茶餐廳果種FEEL特別係佢放滿左好多舊時既野（果D真係未必有用）同埋佢既枱凳餐廳四圍都放滿左畫，我諗應該係店主佢地一齊畫既餐牌餐廳既野食都唔太貴，港式風味加混合其他國家既特式我同朋友叫左以下既菜式黯然銷飯堡$108係香港人既我，聽到呢個名真係忍唔住叫左黎到之後真係無令我失望，用煎好既飯取代漢堡包既位置，外層做成飯焦，脆口非常而中間則有叉燒、燒汁同蛋係叉燒蛋飯既漢堡包啊，老實講，真係十分唔錯無論係口感上既層次，同埋味道上都好有風味另外仲配有粗薯同沙律，中西合壁另一碟就係泰式風味牛油果蕃茄辣沙律$82原本我同朋友想叫第二樣，但係餐廳既野食應該太好賣，最後留返呢個沙律，我地都要啦當然上左菜之後，店員同我地講，麵包記住要點汁食啊！真係不負我所望，呢個沙律都好出色沙律有腰果、牛油果、蕃茄、沙律菜、芝麻、香草等既材料，而醬汁就係泰式甜酸醬，但辣又唔會太辣，加埋甜味酸味，反而食完都幾上癮我地兩個爭住食哂食個沙律同麵包，好快就清哂成碟，淨返D醬汁都用黎點埋薯條添！最後我地跟餐叫左兩杯野飲士多啤梨藍莓乳酪餐廳用左少少時間製造，其實都幾開心，因為咁先夠新鮮飲落水果味重，而且酸酸甜甜幾開胃藍橘荔枝檸檬沙冰呢款飲品更加開胃，而且幫我解左少少泰式醬既辣佢整體既味道都好新鮮好Fresh幾適合呢個夏日去品嘗餐廳對飲品方面都幾有個人特色見到都有好多藍碟花既飲品賣，可惜我朋友大左肚，我都唔方便自己有得飲佢又無得飲所以最後叫左呢兩款飲品…查看更多

今日放工同朋友又去左觀塘吃好西，之前已經食過NON KITCHEN一次,令人回味，所以要再黎多次啊~ 喺地鐵站行去都係8分鐘左右, 入到去環境都唔錯, 夠闊落~值得一讚既係餐廳既麵包，好軟熟，配埋黑松露牛油，真係超好吃! 平日真係唔食黑松露既我，都覺得好好味!除左麵包，我地仲點左個龍蝦湯當前菜，湯既質感比較稠身，龍蝦鮮味好重。 主食點左牛肝菌配蛋闊條麵，呢款麵比我想像中失色，牛肝菌味道煮得唔錯，但蛋汁略嫌有點滑滑既感覺，麵條偏軟身。最後係炭燒美國肉眼扒, 雖然成日食牛扒, 但呢到既炭燒真係好香口，牛扒既質感好好, 雖然我地叫七成熟, 但唔會好硬， 味道一流!…查看更多

今日喺旺角附近收工, 朋友話好耐冇打邊爐, 比佢講一講都真係好似好耐冇烚下烚下, 所以即刻上網搵下附近有邊間HOTPOT好食, 一搵就搵到依間老三火鍋!依度都幾近地鐵站, 好就腳。上到去, 都FULL左一半, 估唔到夏天都咁多人打邊爐揀左一輪, 最後決定要個下火湯底：芫茜皮蛋魚片湯個湯底好足料, 芫茜、皮蛋、魚片樣樣都多, 聞到都香!由於得我地兩個人, 所以都叫唔到太多野食, 簡簡單單叫左幾樣手切肥牛：肥瘦均勻, 食落好有牛味, 好新鮮, 推介大家一試!墨汁魚皮餃：依個係第一次食, 好得意, D皮黑蚊蚊, 但係好彈牙, 入面包住魚肉, 都好新鮮魚卜：平時打邊爐唔係咁易叫到, 難得依度有得ORDER, 真係正! 口感好好, 有咬口, 好好味脆鱔片：片片都好新鮮，D肉真係脆架! 鍾意食鱔既朋友一定要試!淮山麵：依個真係一定要試! 因為真係好好食! 麵質好彈牙, D麵本身冇咩味, 不過個湯底夠晒味, 真係隨時好食過D日本拉麵!總括黎講, 老三都算係價錢公道, 配料新鮮, 鍾意HOTPOT的朋友真係可以一試!…查看更多

工作關係好耐無放假去日本，唯有係香港食住拉麵頂頂癮先！雖然香港食拉麵真係好多選擇，但真係唔係間間ok，今晚試左間朋友推薦，香港都有唔同分店既別天神拉麵。店內可以選擇既款式唔多，得兩款湯底，豬骨同蝦味噌，所以我地各點一款套餐試下。套餐指拉麵+一款小食。我點小食揀左龍蝦沙律同餃子各一。龍蝦沙律本不抱太大期望，但意外地好味，同平日食既「行貨」的確有分別，特別係用料部分，食到啖啖龍蝦肉，配埋蟹籽，好有口感。煎餃子餃子都煎到幾香脆，咬落都有肉汁流出，不過略嫌有點味精感。豬骨湯底拉麵每款拉麵都配兩粒溏沁蛋，煮到細入味同溏沁😋😋而呢間拉麵店選用既拉麵係直麵，朋友大愛，我反而喜歡食曲麵。湯面有唔同配料，例如蔥花、木耳同叉燒。叉燒可以燒得再香口少少，湯底略嫌唔夠濃。龍蝦湯底拉麵同樣地係有兩粒超級好味溏沁蛋，配料同豬骨有少少唔同，照舊有叉燒，無左木耳但多左櫻花蝦米同粟米，湯底味道比豬骨濃，帶鮮味，個人比較喜歡龍蝦湯底。…查看更多