夜晚去瓊華食飯真係有排排部Lift~,~
今晚約左朋友去茶木Dinner 加試下佢既奶蓋戚風蛋糕 (心心眼)
食甜品前當然要食左DINNER先，我地點左一麵一飯。
我點左麻辣肥牛乾拌麵~
麻辣半根半肉同乾拌麵係分開既，乾拌麵質感乾身，唔會淋哂，味道都夠濃，麻辣牛肉都好好味，食落麻麻地，又唔會太辣!
然後點左個蓮藕牛仔骨
估唔到蓮藕同牛仔骨咁夾，蓮藕用沙茶醬炒成，入味爽口，牛仔骨略肥，但重牛味，送飯一流！
兩杯飲品都好好味，特別係茶木最出名既水果茶，茶底有果汁mix茶而成，水果都好多好甜。
重點甜品黎啦🥰🥰
抹茶紅豆奶蓋蛋糕
呢個蛋糕真係好有驚喜！除左有甜筒雪糕係面，仲有奶蓋！奶蓋好香濃，配埋紅豆同果仁，一d都唔會好滯！成個蛋糕都好戚風感，好鬆軟！真心好正既飯後甜品，不過兩個人飽左少少，岩哂3-4個人黎食！
