iambubble's Profile

試問世間有邊個可以抵擋住海膽嘅朋友話食海膽識食一定食中環S2 Kitchen!佢喺中環石板街好易搵~一打開Menu已經見到個升級版十層海膽杯~S2 Kitchen海膽迷必食！進化版十層海膽杯海膽迷首選，半杯海膽逐層有吞拿魚、三文魚、白蝦、蟹肉同海帶酸汁日本水母~口感爽脆！三文魚夾餅壽司脆脆夾餅夾壽司~好有創意！牛油果帆立貝洋風海膽沙律唔食過都唔知原來柚子汁同帶子海膽係咁夾！清酒鮑魚仔壤雞翼鮑魚仔好香清酒味，鮑魚仔壤雞翼鮮味無得頂！ 芝士年糕芝士味好濃外邊燒到好脆！S2特式海膽火焰卷侍應上枱點火嗰真係「嘩」一聲，成粒海膽同帶子，超靚超好食！ 海膽黃金火鍋海膽火鍋湯底真係好creamy!大大隻龍蝦、長腳蟹、和牛同蒟蒻麵，海膽做嘅湯底濃郁！可以當海膽廉湯飲咁滯!海膽雪糕好香陣陣海膽味~食海膽一定食S2 Kitchen!…Read More

係香港想搵間主打串燒而又有驚喜嘅居酒屋可以話都幾難，有啲唔係太貴就係太隔涉，今次有朋友介紹去筲箕灣東大街試咗間叫桻之燒嘅居酒屋，真係喜出望外～～呢度鋪面唔算大不過出其地坐得好舒服～我哋4個人老闆推薦咗一啲招牌菜，好快啲食就續樣到，賣相真係好靚～忍唔住要續個講下～先嚟雞泡魚干，燒得夠透又唔乾身好滋味～再嚟松葉蟹多士，未食已經聞到超濃蟹味，真係有啖啖蟹肉勁鮮味，醬汁好開胃～漬物～有秋葵、牛展粒同牛蒡，好入味開胃～手打墨魚餅彈牙好大塊~醉香雞翼外皮脆囗多汁，食落陣陣酒香牛舌厚身夠淋，燒得幾香口呢個芝士焗雙花(西蘭花同椰菜花)唔講得笑～芝士味又濃又滑有拉絲～蠔燒飯團同鰻魚飯團好少地方有得食～雞皮蝦膠卷～雞皮燒到脆卜卜～正呀～清酒大蜆～啲蜆堅大隻～鮮甜呀～嚟居酒屋點都要有條燒魚～揀咗泥鯭，好鬼大條又多肉，一啲都唔腥仲好香好好味成個雪櫃都係佳釀～今次朋友楂車冇飲～下次一定再去食～～飲翻餐！…Read More

話說有日約咗班好耐冇見嘅朋友出嚟聚舊，咁啱放工時間，梗係去找間bar happy hour 啦！朋友真心推介灣仔一間叫Times嘅樓上酒吧，地點都幾方便，就喺謝斐道同馬師道交界～我哋上到去都算早，仲未好多人，超開心可以坐到卡位，方便一大班人吹水唔抹嘴～成個場環境都幾大，又幾好mood~有得篤波之餘，仲有得掟下飛標咁，當然唔少得大電視睇波啦～最特別係佢有埋私家Karaoke房，可以畀人book嚟開party，真係幾唔錯！我哋每人叫咗啲啤酒同cocktail ~呢度個happy hour都幾抵，大部分嘢飲都係$40-$50杯，灣仔地區有呢個價錢真係好難搵～我哋仲叫咗啲送酒嘅小食拼盤同燒肉眼扒，個拼盤認真唔錯，有齊炸芝士條、雞冀同春卷，送酒真係一流！芝士條好重芝士味，唔似坊間有啲冇味嘅芝士條，呢度嗰啲你未咬已經聞到好香，果然足料！跟住要講下塊燒肉眼扒喇，好大塊同好香牛味，一面飲一面同friend吹水重有好嘢食，呢間樓上吧真係冇得頂！…Read More

朋友係漢堡包控，上網見到好多人推薦呢間Burger Joys，仲要係灣仔咁方便，所以就去試下。地方勁易搵，就係酒吧街嗰頭，入到去地方雖然唔大，但迫迫地都好有氣氛，一坐低就已經有人過嚟介紹冇乜好食，我哋去日嗰係星期四，個staff話原來逢星期四佢哋都做每隻雞翼$3任叫promo~~聽到我心心眼～我哋最後叫咗招牌漢堡、蒜香雞翼同一啲小食，唔洗一陣啲嘢就嚟齊晒！個漢堡包堅足料！塊牛肉勁厚多汁，配菜又夠多，雞翼大大隻好濃味，佢有水牛雞翼不過朋友唔食辣所以冇叫～仲有薯條、洋蔥圈同炸雞塊，樣樣都好滋味～酒吧有咁高質嘅嘢食，仲要唔貴，去邊度搵，真係呢度有齊晒！Burger Joys入面仲有部大電視可以睇波，以後又多個地方可以同朋友聚聚！…Read More

話說最近買了部任天堂既switch, 一心諗住返屋企就博落電視玩，點知玩唔到仲hang哂機，唯有打去任天堂整啦。原來佢地整機係紅磡，數下手指都成n咁多年冇係紅磡食過飯，難得今日有個機會，梗係食下好耐冇食既加太賀。由於太耐冇去既關係，搵到都搵左一段時間。搵到條行仔，就知終於來到了。成仔行仔都係佢地既，裝潢好日本。但服務就並不是這樣。一入到去d呀姐又唔帶位expect你自己識行去邊張枱，同我回憶中既service差好遠。我叫了個lunch menu, 滑蛋豬扒飯，朋友叫了sushi. 滑蛋豬扒飯，都ok, 豬扒肉質唔鞋，滑蛋口感適中，有洋蔥配搭更顯野味。sushi總括唔算太新鮮但可接受，而份量亦算大件。但我地叫了中toro，算係比較貴，但同menu相中有明顯出入，不夠油脂，而且色澤都唔太新鮮。最後總括應該下次唔會再黎，有時回憶還是留在心理較好。…Read More

一直好鐘意食炸雞脾，但要食到好味既炸雞脾都要講緣份。話說而家三多開到成行成市，佢既炸脾都好味既，不過佢用吉列既方式略嫌唔夠懷舊，我都係鐘意舊色個種炸法多d.食口福係朋友介紹我去既，佢住係葵涌，成日同我講佢屋企附近有間食炸脾好好味，成日都聽列我流哂口水。今日機會終於黎喇飛雲。一入到去係非常舊式既快餐店，order 左隻炸脾，一拎到不得了，真係外脆內嫩，油而不膩。咬落去啖啖肉，一d都唔鞋。真心好味。下次一定會再幫襯。…Read More

尋日係灣仔開完會，一個人唔知食乜好，行到去修頓嗰頭聞到好香拉麵味，原來別天神就喺隔離～咁梗係入去開餐啦～入到去menu 有得揀豬骨同櫻花蝦湯底，仲有小龍蝦沙律同餃子小食～叫咗碗豬骨湯底拉麵同小龍蝦沙律小食套餐醫肚，order勁快到，沙律不得不讚，啖啖小龍蝦肉勁鮮味！拉麵湯底濃而不膩，啲麵夠爽滑，配菜又夠多，如果唔夠喉原來仲可以加麵底，都係加多10蚊！最後大滿足飽飽返屋企～～…Read More

一向更喜歡在私房菜用餐, 因為感覺更舒服. 今次有朋友選址到觀塘駱駝漆大廈裡的新蒸武門, 聽落去名未很特別, 更是私房菜, 就一口答應. 新蒸武門這名字有點像戲名, 但原來是吃家鄉菜的~ 這裡的menu以套餐為主, 我們選的是4人餐. 前菜:上海弄堂素脆膳, 有機艼拌台酸芥辣醬, 川味麻辣木耳上海弄堂素脆膳, 酸酸甜甜的~ 很開胃的前菜有機艼拌台酸芥辣醬, 很爽口, 酸酸辣辣~川味麻辣木耳, 比較辣, 爽口清新這個冷盤很漂亮~冷盤: 冰鎮雪影鮑魚配獅城梅香元蹄, 時令菜苗配日本長崎小南瓜側邊放著冰鎮的鮑魚, 下面放著一塊獅城梅香元蹄. 鮑魚一口一隻, 很彈牙, 很滿足.  元蹄比較有咬口, 我還是喜歡鮑魚多一點. 湯有兩款, 我選了金銀菜雙陳燉鴨腎. 朋友說另外一款味道很淡, 我的味道OK, 相對地比較濃. 原條無骨鯪魚, 甜酸倔燒帶子菌, 古法黑芝麻糯米香燒腸頭, 蜀川大將鴨配鹽香雪原條無骨鯪魚, 因是起了肉再釀再煎, 所以不怕有骨. 煎得很香脆, 也不會很油甜酸倔燒帶子菌, 喜歡菌類的不要錯過, 配以甜酸醬. 古法黑芝麻糯米香燒腸頭, 黑芝麻很香口, 燒腸頭也很野味香酥鴨, 椒鹽豆腐和椒鹽菇3樣炸物都很香口, 炸得火喉剛好, 也不會很油, 大愛! 另外一個相機食先的菜色就是這個~~ 海鮮蒸~~ 內有花蟹, 帶子皇, 大海蝦, 石膏豆腐配粉絲娃娃菜底海鮮最重要是新鮮, 因海鮮不新鮮就點煮都唔會好味, 這次的海鮮很鮮, 而且中型size, 蝦和蟹都很多肉. 肉質亦算彈牙. 再配埋豆腐和菜, 很滿足. …Read More

雖然我唔係潮州人, 但非常中意食潮州野, 食潮州野就梗係唔少得鹵水鵝片. 當然鹵水汁先係個精髓~ 百樂潮州個鹵水膽已經有幾十年歷史! 今日去開元朗, 發現百樂開到黎元朗, 真係有D驚喜. 首先裝修格局同其他分店一樣高貴舒服! 而且店員都好有禮貌, 值得一讚!鹵水鵝片我最中意食既唔係塊鵝片, 係佢低下個D豆腐, 因為D豆腐索哂D汁, 勁入味! 而鵝片都好入味~ 而且肉質好嫩, 係我食潮州野既首選!…Read More

係銅鑼灣食完晏, 同個朋友行左陣, 又少少肚餓. 走左去位於悕慎的何洪記食蝦腸先~ 因為其實之前已經食過, 一直念念不忙, 見係呢頭又肚餓就拉個frd陪我再食啦~鮮玻璃明蝦腸粉 - 腸粉呢家野真係不得了~ 雖然唔係咩名貴野, 但整得好味又唔係話咁容易~ 個人認為好味既腸粉皮薄就梗架喇~ 蝦要大隻爽啦~ 咁何洪記既腸粉就做到喇~ 真係正到不得之了.…Read More

今日朋友約左食德國餐, 話時話其實香港既德國餐真係唔係好多~ 今次朋友帶我黎呢間叫schnee, 係銅鑼灣既駱克道, 上面就係越華會. 我地叫左個麵包併盤, 一個薯餅同埋豬手. 呢個麵包併盤好好味~ 聽店員講係自家製, 我最中意個蝴蝶包, 因為好化表到德國, 仲有長形個個細包仔, 好煙un, 好好味~ 配埋佢地自家製既cheese醬, 真係食包都食飽呀~另外豬手又真係堅正囉~ D豬皮脆到呢, 又唔硬, D肉質又唔會好咸, 又嫩D肉, 配啤酒一流呀~仲有個薯餅都勁好味呀~ 一絲絲既口感, 又香脆, 加埋佢地個磨菇白汁, 飽一飽都要食呀~…Read More

正斗除左雲吞麵出名外, 唔講唔知佢地既點心都好出名架~ 今次我食左個快閃lunch~ 叫了一樣好耐冇食過既野就係炸兩! 炸兩係將腸粉皮包住油炸鬼, 呢個咁極端既組合又出奇地夾喎~ 口感上, 油炸鬼炸得香脆非常, 包住非常滑既腸粉皮, 再配埋個soy sauce, 真係一啖一滿足呀~ 好味!…Read More

今日去銅鑼灣做野, 行開世貿就去左牛禪食個一人LUNCH~  叫左個非常邪惡既蟹膏炒飯. 炒飯一黎到就勁想食, 一黎真係好肚餓, 二黎個飯賣相唔錯, 好乾身, 首先當然係撈左D蟹膏先啦~ 不過食既時候好似唔係撈得好均衡, 所以有少少咸, 所以又再撈過~ 味道真係唔錯~ 不過如果多些蟹膏會更好啦...哈哈.…Read More

今晚同朋友黎銅鑼灣食飯, 佢話食泰菜, 講講下先知原本佢book左呢間18巷~ 18巷, 我lunch的時候來試過~ 佢個香葉肉碎飯真係好令人回味! 今次黎晚飯真係幾期待~今日朋友介紹左幾個菜式, 有燒牛肉木瓜沙律, Niamg豬頸肉同黑椒蟹~燒牛肉木瓜沙律用上和牛, 一D都唔UN, D汁配埋味道好夾, 好正呀~ 加埋木瓜沙律, 又唔會好油膩~Niamg豬頸肉- 炸到好香口, 又野味~ 配埋生菜包住黎食, 仲有花生碎呀, 青檸, 辣椒個D一齊食~ 正呀喂~秘製黑椒蟹- 通常蟹會叫咖哩, 但今次就試下新野, 黑椒味濃, 少少辣~ 肉蟹又多肉~ 點少少汁真係勁滿足~…Read More

今日來到不熟悉的V City, 友人住在這附近, 想來個catch up lunch, 就特地來找他. 他選了在灑家吃, 灑家我好像有吃過呢~ 觀塘也有的. 看到Menu, 見到有很多款食物, 但我們最绯都是叫了點心~ 黃沙流沙包, 豉汁蒸排骨, 蝦餃和叉燒包.  怕別不完, 所以就叫了這些. 黃沙流沙包- 可以話係必叫的~ 熱辣辣食最好~ 搣開一半, D流沙即刻想流出來啊~ 好味~ 雖然好流沙個D會有少少油, 但我還是喜歡流沙的感覺. 豉汁蒸排骨- 這也是我食點心必點的~ 排骨沒有很多肉, 都是在食它的味, 味道很好, 不會很油. 蝦餃- 晶瑩既蝦餃皮, 同大大隻既蝦, 蝦十分爽口, 好味!叉燒包- 熱辣辣既叉燒包真係好正~ 入面既叉燒加埋D汁, 包也很鬆軟.…Read More