蔡菜子7691's Profile

尖沙咀山本屋係一間好有歷史嘅名古屋烏冬店，烏冬係手打嘅，好彈牙同滑溜。佢哋用咗獨特嘅砂鍋慢煮方法，令味噌湯底更加入味但又唔會太濃，好啱香港人嘅口味。雞翼炸得夠香脆，肉又嫩又多汁，吉列豬扒都好正，外層金黃酥脆，食落去啲豬扒好juicy。環境舒服，可以坐窗邊睇住維港海景食烏冬，感覺超正，啱晒想嚟一邊食好嘢一邊chill嘅人。整體嚟講，山本屋真係值得一試，係尖沙咀嘅好去處！…Read More

點解呢間嘢冇人講過㗎，作為米線愛好者，我覺得好好食酸辣湯夠晒惹味，豬頸肉冇得輸，好好食，嗌外賣試咗一次之後返唔到轉頭，送到嚟又新鮮，食緊第五次，如果去旺角附近或者住附近，大家可以俾個機會呢間舖頭去試吓佢哋個豬頸肉米線將呢間舖頭發揚光大！！點解呢間嘢冇人講過㗎，作為米線愛好者，我覺得好好食酸辣湯夠晒惹味，豬頸肉冇得輸，好好食，嗌外賣試咗一次之後返唔到轉頭，送到嚟又新鮮，食緊第五次，如果去旺角附近或者住附近，大家可以俾個機會呢間舖頭去試吓佢哋個豬頸肉米線將呢間鋪頭發揚光大！！…Read More

長頭髮扎辮個個男店員負責收錢，一路個態度語氣都勁散漫好似唔想做我生意咁，去到收錢佢要個價錢又勁細聲我聽唔到咪請佢講多次，點知佢好似覺得我好煩咁講翻個價錢xxx蚊！態度咁不如唔好做，我對你又唔係冇禮貌唔需要咁趕客吧，希望店長睇到教導下佢點樣對客人講嘢😅🙏🏼…Read More

21號食左芝士主題下午茶自助餐，乜都有食少少，有食蝦同其他刺身，野食都唔係話特別好食，重點係食完嗰晚淨係食左便利店包裝食品，第二朝肚屙後尾仲發埋燒，屙到今日27號仲有少少唔舒服，翻工都影響埋，前幾日打左翻去酒店講都係話個別事件不會有任何安排，仲話如果對佢哋日仲有信心嘅話我返去食個經理俾個折我喎。咁大個人都未食錯野食到唔舒服得咁嚴重，到今日病情仲係唔舒服聽日考慮睇醫生報翻衞生處，四星級酒店就係咁嘅質素？兩個人食兩個都中，唔相信只有咁樣個別事件…Read More

之前一直以來都好鍾意食佢哋下午茶嘅自選乾鍋，抵食又好食，但係最近兩次去唔知係咪換咗廚師定係點，我同我男朋友嗰一碟乾鍋都係炒到濕笠笠，平時肥腸嗰啲係會變到脆口，亦都會香好多，但係最近所有料都係炒到濕粒粒，個碟嘅底仲會有一堆汁水，冇咗以前果種香口嘅感覺，上一次食以為係個別事件，今日第二次食都係有同樣嘅事情發生有向左服務員反應，佢話午市就比較忙所以會有呢個情況發生，但係以前食咁多次都唔會煮到咁，希望店舖人員見到呢一個評價之後留意番午市乾鍋嘅情況啦:(圖一為之前食香口乾身嘅肥腸圖二為今日食濕到全部發脹晒嘅肥腸…Read More

呢間公司嘅客戶服務非常有問題，短短一餐飯就已經好離譜1.入到去嗰張枱完全冇抹過，就就咁鋪晒啲餐具喺上面，要我哋叫佢先走去抹乾淨張枱2.然後叫同事加購邊爐嘅蝦滑，等咗一陣再發現原來已經冇蝦滑，但係話幫我哋落單嘅時候完全冇講過，亦都冇同我哋講返冇3.我哋問佢餐牌入邊，有個重複一模一樣嘅兩隻瀨尿牛丸，我哋問兩隻有咩分別，個職員竟然同我哋講話呢個係瀨尿牛丸另一個都係瀨尿牛丸，我哋再問一次有咩分別，佢竟然話呢個係$23另一個都係$23😹😹😹完全鬼打牆4.海鮮極度不新鮮全部都雪到冰一樣，但係啲雪條又溶到一嚿嚿，牛肉韌過我條命，全部都有黑邊5.本身有打過去問可以食到幾多點，話last order係10:30可以食到11點，點知我哋食到10:30嘅時候同我哋講話而家要走，話係限時食一個鐘但係完全冇講過，最超之惡劣嘅竟然佢同我哋態度極差咁樣話，佢住好遠要我哋快啲走，佢住得遠又關我哋咩事😓又唔係賴死唔走，話夠鐘咪得如果唔係住酒店想去附近打邊爐都唔會無端端走去食佢地，又難食服務又差又唔係抵食…Read More

首先，一坐底見到格離枱有啲蠟燭，想問佢地啲staff攞一個啦，個哥仔話好，好啦等左五分鐘都冇可能忙啦，我再問，佢就比左人地枱個個我地，過左三分鐘個蠟燭熄左，用完，我打算叫佢比多個我，個深藍色衫哥仔一手就從我手上攞走個蠟蠟。我就冇再問過，怕”煩”到佢啦 等左十五分鐘沙津到，用芒果爆珠配沙津，勁之後食完再過五分鐘，上左四隻生蠔，其中一隻完全白色一pat唔知乜來，燈光又冇，我就搵個電話照下，啲staff見到就搶起個蠔再比翻兩隻我。食完等左三十分鐘，餐湯未上，水果又未有到坐底一個鐘問佢點解未有，佢居然話，要清一清個口喎。一個鐘左右，餐湯上了。主菜，叫左兩個聖誕set，一個牛羊，一個豬腳，坐左一個鐘十五分鐘，上菜，啲野食完全唔熱，仲整左咁耐。到坐左兩個鐘，啲豬腳到，得個皮係熱嘅全場啲人起碼等兩個鐘環境，不斷播啲十分嘈吵嘅音樂，唔會再來完全唔愉快体驗。 唔明好評邊到來…Read More

今日幫男朋友慶祝生日一早已經book定位，tick咗慶祝生日OpenRice book位仲有八八折仲有一早打嚟問甜品上面使唔使寫個名比驚喜比男朋友 好有心啊！環境優美，幾有格調好好味！麵條煮得啱啱好  有口感得來又不會太硬，蘑菇味濃，推介！皮煎得好香口，叫咗七成熟，但嚟咗睇落去似五成熟，不過唔緊要，牛味濃 ，一塊扒加一碟意粉都夠兩個人八成飽，份量都足夠兩杯都好清新  28蚊一杯  個人覺得荔枝茶好飲  菠蘿梳打就冇咁甜係店家精心準備嘅生日的驚喜！免費寫咗生日快樂同送咗蠟燭俾我哋，好有心啊，  蛋糕嘅朱古力慕絲好濃郁，個人應為唔係太甜，香橙同朱古力幾夾！以後會再食，性價比高…Read More