嫲嫲辣辣

之前一直以來都好鍾意食佢哋下午茶嘅自選乾鍋，抵食又好食，但係最近兩次去唔知係咪換咗廚師定係點，我同我男朋友嗰一碟乾鍋都係炒到濕笠笠，平時肥腸嗰啲係會變到脆口，亦都會香好多，但係最近所有料都係炒到濕粒粒，個碟嘅底仲會有一堆汁水，冇咗以前果種香口嘅感覺，上一次食以為係個別事件，今日第二次食都係有同樣嘅事情發生有向左服務員反應，佢話午市就比較忙所以會有呢個情況發生，但係以前食咁多次都唔會煮到咁，希望店舖人員見到呢一個評價之後留意番午市乾鍋嘅情況啦
圖一為之前食香口乾身嘅肥腸
圖二為今日食濕到全部發脹晒嘅肥腸