為食女司機's Profile

韓大叔大排檔是年青貪吃界朋友近期常吃的韓國餐廳, 主打韓國的食物, 例如韓式醬油醃漬海鮮、炸雞、芝士煎餅、部隊鍋、馬格利酒等等, 對我而言, 很少吃, 全部食物很有新鮮感, 今晚便相約朋友在這家裝修走年青人型格的韓風餐廳………韓大叔大排檔來個開年飯。馬格利生米酒 ($98/份量約4碗)馬格利是韓國一種用大米發酵而製成的米酒, 帶有米的香及甜味, 亦有少許發酵過程產生的乳酸的酸味, 韓大叔的馬格利米酒雪凍再用茶壺承載上枱, 入口微微的酸清及微微的米香甜, 冰涼爽口, 配濃味的韓國食物很夾。 韓式泡菜 (送)以大白菜最好味, 辣度、鹹味及酸度適中, 很有韓國人的原味道。醬油海鮮拼盤 ($398)韓式醬油醃漬蟹在韓國菜是很有代表性的食物, 怎能不吃吃？顏色很美排設~ 醬油鮑魚口感彈牙~ 醬油蟹的黃膏及紅膏兼備, 黃膏幼滑, 紅膏濃郁甘香, 蟹肉十分滑口鮮味, 還散發著淡淡的醬油豉香及鹹香, 醃漬醬油汁除了醬油外, 還有酒香、蒜香及辣椒的微辣味道, 味道有層次感及豐富。用附送的紫菜米飯放在蟹蓋膏上撈飯來吃, 煙韌的米飯遇上甘香的蟹膏, 十分鮮味, 初嚐韓國醬油蟹的體驗, 感覺十分良好~ 醬油蝦咸鮮柔滑芝士泡菜煎餅 ($88)簡單的佐酒小食, 煎餅薄身, 煎得香脆, 清酸微辣的泡菜放中間層, 上層放了較濃味的拉絲芝士, 再在芝士上面火灸, 令芝士味道更香濃, 十分香口惹味的, 如果你想再濃味啲, 可以加幾滴附上的魚露汁, 伴冰涼酸爽的馬格利酒, 非常正。韓式猪串鍋 (268)這個猪串鍋是餐廳的新品推介, 連爐上, 很大堆頭的感覺, 豬髀肉也有六隻, 足夠3~4人份量, 主要材料有腍滑的鹵豬髀肉、煙韌年糕、香辣泡菜、添香味的京蔥、爽脆脆肉瓜及大量鹹香芝士, 還有主食韓國泡麵, 湯頭有點像變微辣了及帶點泡菜湯的濃香芝士辛辣湯味道, 是香辣及濃香的新式部隊鍋, 好食又抵食。…Read More

Cooley Oysters ® The Fine Restaurant位於銅鑼灣地鐵站出口重新裝修完的希慎廣場URBANHOOD, 開放式設計, 設有蠔吧枱及正常餐廳座位, 再看看Lunchtime Experience Set 的餐牌食物, 百多元的食物相當吸引, 便坐下了。Cooley Oysters 主打愛爾蘭生蠔, 佢哋嘅自家品牌生蠔 Cooley Gold® 價錢按養植年份上升 , 最年長的Cooley Gold®60個月, 養足五年的生蠔。Lunchtime Experience Set 價錢由$88-158不等, 加$58可轉SET LUNCH, 可選擇一款頭盤及湯/飲品, 每人叫了1個套餐.Set 1 ~ Cooley Gold® 生蠔一隻+ 意大利卡邦尼意粉 + 青檸梳打 + 是日甜品(另+38） Cooley Gold® 生蠔一隻 跟套餐的是36個月的生蠔, 蠔仔細細上枱也十分得體, 獨立雪藏上枱, 蠔肉口感爽脆, 咸鮮度足。青檸梳打意大利卡邦尼意 相當豪爽的芝士碎, 鋪滿整碟意粉, 混合後, 嚐一口, 濃郁的芝士鹹香及火腿肉的油香充斥著每一個味蕾, 意粉軟硬度正宗, 最愛有點嚼口的意粉。是日甜品 ~ 朱古力蛋糕蛋糕鬆軟, 有著濃厚的朱古力味, 甜度也適中。Set 2 ~ 沙律菜 + 是日例湯 + 招牌菜烤香草三皇雞半隻 沙律菜果然是The Fine Restaurant, 食材真是比其他餐廳講究些, 他們的沙律汁是用上意大利陳醋的, 陳醋濃杰味厚, 酸甜度中和, 配上爽脆的沙律菜, 真是健康又美味。是日例湯 ~ 南瓜栗子忌廉湯湯是幼滑的, 滿滿的南瓜香甜湯內的栗子粒又香又粉棉, 甜味跟南瓜真的很匹配。招牌菜烤香草三皇雞半隻伴牛油新薯牛肝菌汁餐廳食物全部即叫即做, 烤雞上枱真的是熱辣辣香噴噴。牛肝菌汁反而用來拈翠綠的蘆筍及烤薯卻非常不錯。雞肉烤得剛剛熟, 肉質嫩滑雞皮烤得焦黃香脆, 薄薄一片, 入口比薯片更脆口, 但又多了一層雞油的香味, 雞肉肉質嫩滑, 有雞的肉香, 用海鹽及香草醃製後才烤, 鹹香惹味, 不用拈那個牛肝菌汁已非常好食, 之後也有用牛肝菌汁伴雞肉吃, 個人覺得牛肝菌汁的菇菌味太濃, 跟烤雞不太相配, 就咁單獨食烤雞更好味Cooley Gold®60個月跟餐的36個月生蠔很新鮮, 意猶未盡, 多叫了4隻最年長的Cooley Gold®60個月。60個月的Cooley Gold 明顯大隻好多, 蠔肉肥厚, 隻隻脹卜卜的, 很肥美, 入口鮮甜度極高, 很有質感的爽脆, 蠔味細膩, 海水咸鮮度也超班, 鍾意食蠔的朋友必試很新鮮餐廳注重細節, 生蠔新鮮及其他食物也美味, 銅鑼灣心臟地帶有蠔、有主食、有沙律、有湯、有飲品及甜品, 這樣高水準的一個2人午餐, 結賬免加一, 不用 $400, 下次一定再來。…Read More

好耐冇出深水埗食飯, 深水埗素來有平民美食天堂之美譽, 今晚揀咗間有生啤飲、有串燒食, 也可以食雞煲、打邊爐及食烤魚的食店 ~  烤吧31。窒外開放座位今天收5：00, 早食早享受, 食店裝修上復古的紅磚牆, 很RAW很舒服的視野。至於食品方面, 數十款即叫即燒串燒, 雞、魚、牛、豬、海鮮齊備, 多款烤魚可自由配湯底, 有辣有唔辣, 也有雞煲及打邊爐湯底, 藥膳牛骨湯底好吸引呢。烤吧當然少不了酒精, 除咗呢幾款啤酒, 還有好多其他牌子, 黑啤都有供應。鎖匙生啤 ($26)食串燒又怎能少了這杯生啤呢？ beck's 品牌的生啤還是第一次飲, 麥味較濃厚, 幸好是生啤, 夠凍冰之餘, 口感清爽, 配濃味的串燒食物剛剛好。川味無骨鳳爪 ($38)香香辣辣, 佐酒一流。串燒推介 ;1. 燒白鱔 ~  白鱔出名油脂豐富, 燒得皮脆肉爽, 油香四溢。2. 雞泡魚乾 ~ 有點嚼口, 甜甜地烤汁, 日本居酒屋佐酒名物。3. 雞全翼 ~ 大大隻, 雞皮燒脆口, 雞肉香滑, 鹹香惹味。4. 燒新鮮天梯 ~ 天梯即猪的上颚, 出名爽口,  撒上椒鹽辣椒粉, 惹味非常。5. 臺灣腸 ~ 很久沒吃台灣香腸了, 烤香腸雖然唔健康, 卻是最無敵美味食品, 燒得脆皮肉汁香, 欲罷不能。6. 燒日本蕃薯仔 ~ 微甜, 軟糯, 美味又健康。7. 燒墨魚咀 ~  墨魚咀濕潤爽口, 撒上辣味粉才上檯, 香香辣辣, 飲酒良伴。8. 燒牛脷 ~  有啲似食緊牛肉乾感覺, 但就帶點爽, 略略燒過火咗少少, 如果改用厚切牛脷或燒烤時間短返啲, 牛脷應該帶點肉汁才是最好吃。墨魚咀濕潤爽口沙巴魚剁椒豆豉味 ($368) 另加配鮮腐竹、豆卜、萵筍、云耳 ($68)食店供應六款烤魚及五款湯底味道, 有辣有唔辣, 剁椒豆豉味坊間少有, 當然試這款新窩底。大量剁椒、豆豉及香芹, 沙巴魚原條煎香放烤爐, 好大條, 食極都仲有, 魚肉尚算嫩滑, 湯底滾久也不算辣, 辣味平和, 魚肉索汁後, 入口香辣鹹香, 有豆豉的鹹香, 豆卜實口, 鮮腐竹滑口, 索汁一流, 口感覺各有優點。如果食得落....其實都有啲想叫埋佢哋碟牛肉......用剁椒湯底打邊爐…Read More

行完昂坪360, 落東涌不妨系纜車站隔離近期新開的食肆~花椒八角食埋個四川菜才走人, 反正也要吃晚飯, 就來試試新食店吧。食店裝修光猛企理, 富特色, 樓底高, 空間感十足。機乎大路四川菜菜式, 花椒八角都有提供。最正係全日生啤happy hour, $48/500ml, 超級低飲, 惠顧小食兼送1664支裝啤酒, 真識做生意, 食川菜就係要冰凍的啤酒解辣, 咁優惠嘅價錢, 飲多兩杯都不覺心痛日本札幌生啤 ($48/500ml)夠曬冰凍, 行完街來一杯, 真爽, cheer香油海蜇頭 ($118)除咗麻油, 還加了芫茜、芝麻及脆口青瓜粒提香增口感, 海蜇頭就係食佢嘅爽脆, 真係索索聲, 送酒一流, 如果再重少少口味會更正。涼拌海帶 ($35)海帶是營養豐富的海藻類健康食品, 海帶絲用蒜片、麻油、芫茜及麻辣油撈起, 鹹鹹香香, 麻麻辣辣。水煮鮮牛肉 ($198)嘩! 顏色艷麗, 睇見到食指大動, 望落好辣, 我地叫左小辣, 食落其實辣味很溫純, 一啲都唔搶喉, 麻辣湯底惹味得嚟唔會太重味精, 辣得嚟味道幾有層次感, 誠意之作。材料豐富, 新鮮牛肉肉質嫩滑微彈、 芽菜及青瓜脆口、鮮筍片嫩口, 還有嫩滑豬紅, 最正當然是底下吸盡精華的透明狀軟滑彈牙薯粉吧四川煙燻樟茶鴨 ($158/半隻)今晚我地一致認為這個四川煙燻醬茶鴨最好食, 煙燻香味入曬鴨肉, 鴨肉鹹香結實得黎還能保存到其肉汁, 有嚼口, 卻不會柴硬, 那層薄薄的鴨皮超鬆化香口, 推介!鴨皮薄薄一片, 又香又脆口, 比乳豬皮更薄更鬆化食店晚市免加一、免茶價之餘, 食滿$100 仲有印花儲, 指定日期前儲夠印花可免費賞你一款自選四選一食品, 今時今日香港咁嘅環境仲咁有心思做食肆, 自強策略值得支持! 更何況餸菜的食味很不錯, 下次行完山再嚟幫襯…Read More

Colour Brown 位於香港舊城區~深水埗, 深水埗的街道、店舖及建築物都給人時光倒流七十年的感覺, 今日同朋友嚟到深水埗的特色舊建築咖啡店飲咖啡, 感受一下綠色轉樓梯的魅力。Cafe 頗文青的氣氛, 客人大部分都係後生仔女及來打卡的遊客, Cafe 主打咖啡飲品, 供應少量食品及花茶。就是這條迴旋樓梯的吸引力就今次同朋友到訪, 從迴旋樓梯向下看, 很特別的效果。玫瑰花茶我見是茶包一個, 不是其他Cafe 可見得到有什麼材料那種花茶, 朋友話一般, 冇乜玫瑰香。鮮奶咖啡咖啡滑溜得黎尚算香濃, 沒有苦澀的餘韻, 置身於這座復古的建築物呷一口咖啡, 跟身邊的朋友談天說地, 咖啡的味道另有一番風味。…Read More

今晚做隻早食鳥, 來到位於上環地鐵站出出口的 Friday Cafe & Wine Bar 吃早飯, 目標明確.....飲 3D 可愛小寵咖啡, 3D立體咖啡出了很久, out 精係時候出動了。很有型格及復古 Cafe, 環境寧靜, 皮椅坐得舒服, 一天辛勞工作過後, 坐在窗邊飲酒、嘆啡, 很舒泰。Friday Cafe & Wine Bar 飲品除了提供多款立體可愛動物立體咖啡外, 是酒吧當然有無數美酒, 還有非酒精飲品, 食物方面以西式為主; 前菜、all day breakfast、西式湯、多款小食、pizza, 意粉、扒類、德國豬手、甜品.......等等。3D 可愛小狗 Cappuccino ($70)十多款立體動物供選擇, 我杯小狗很立體, 真係可愛到唔捨得飲, 狗狗頭、身及小腳仔都很立體精緻, 咖啡師的心血結晶, $70值得, 雖則志不在咖啡, 也要報告一下杯咖啡的味道, 咖啡香濃不苦澀, 有回甘的餘韻。小狗非常立體, 有小腿, 還有pat pat的, 可愛到呢夏威夷薄餅 ($148)以前食Pizza 鍾意食厚批, 而家就鍾意食薄批, 貪佢脆邊及份量細啲, Friday Cafe薄批餡料多; 火腿、洋蔥、菠蘿、及彩椒, pizza面再鋪一層厚厚的蕃茄醬及Mozzarella Cheese, 即叫即焗, 上枱芝士味道香氣撲鼻。薄餅底薄薄的, 喊香火腿配果酸香甜既菠蘿; 清新蕃茄醬配搭濃香的Mozzarella Cheese 很美味, 同配料的豐富配搭, 相信這是pizza力久不衰的原因之一吧。薄底脆脆的, 跟焗到金黃胞口的芝士一口吃, 喊香脆口是日蛋糕 ~ 藍莓芝士蛋糕 ($38)一件平平無奇的藍莓芝士蛋糕, 只要肯花點心思, 就可以變成讓人心花怒放的打卡甜品, 很美的配搭。芝士蛋糕鬆軟, 芝士夠濃, 跟清甜的藍莓醬一齊食, 多吃一件也不覺膩。…Read More

銅鑼灣近期又開咗一間裝修搞鬼、 餐牌極富創意的新食店 ~ WISH YOU A MAMADAY, 今日同小鮮肉嚟朝聖, 大家覺得門前這頭像旺角卡門張學友的角色嗎？食店裝飾好有創意, 顏色配搭繽紛, 令人心情愉快開懷。餐牌食物名字都好搞鬼, "是但求其乜都炸啲啦 $103"  又長又會令人回心微笑的。凍水蜜桃花茶 ($56)大大杯, 入口好清涼, 好清新的水蜜果香, 還有淡淡果肉乾吃, 蜜桃茶甜度偏輕, 正!唔好抱咁大期望蒲燒鰻魚蛋包飯 ($128, 加$28升级原條鰻魚)原條蒲燒鰻魚份量十足, 賣相吸引, 鰻魚很肥美, 甘香嫩滑, 粒粒圓潤煙韌的珍珠米飯配上香甜美味的鰻魚汁伴食, 有香滑的滑蛋、清香的鰹魚片及鰻魚的魚油香, 美味肥美嫩滑古法烤黑毛豬(西班牙豪華豚) ($268)烤黑毛豬色澤焦香, 肉香撲鼻, 香噴噴上枱呢個烤黑毛豬比起其他餐廳的慢煮黑毛豬扒更嫩口, 肉汁非常juicy, 烤得好香口, 肉扒邊帶些肥肉好正, 那個烤肉汁很出色, 香口程度有啲似食緊港式半肥瘦叉燒的感覺肉汁豐富New York Cheesecake ($68)芝士蛋糕入口軟滑, 夠香濃, 喜歡他們的飲品及甜品不太甜膩,  甜度比較啱香港人口味, 讚…Read More

而家每逢節日聚會諗唔到去食乜, 就會諗起一鍋堂, 地點勝在就腳,  所有分店都近地鐵站, 再加上佢哋火鍋食材質素真係很不錯, 特別係不同國家種類的牛肉、猪及羊,  冇得輸。先選湯底再掃熟食, 十多款湯底; 有辣有唔辣, 有清有濃,  好多湯底都食過, 今次揀咗未試過嘅藥膳湯底, 清骨湯內加了紅棗、京蔥、當歸、桂圓、杞子.......等等, 藥材味唔算太強勁。熟食地帶;藥膳雞腳、凍蝦、雞腎、脆口炸魚皮、韓式泡菜皆是每次必吃之熟食, 凍蝦新鮮爽口,  藥膳雞腳很腍滑，響鈴可以夾一條最正自選飲品及蔬菜櫃;大量蔬菜供選擇; 冰菜、娃娃菜、菜芯、羽衣甘藍、西洋菜、大白菜、生菜等等。飲品方面； 有自家制飲品; 烏龍茶‚ 檸檬茶, 洛神花茶、蝶豆花茶、薄荷烏龍茶、玫瑰花黑枸杞茶及大量罐裝汽水、果汁,  加$25 還可任飲啤酒。藥膳湯底120分鐘C餐日本黑毛和牛放題 ($268/19：00前離座)日本黑毛和牛放題必食回本食物；日本產黑毛和牛 ~ 油又花分配平均, 香得黎好爽彈, 又不失牛肉香, 勁encore西班牙伊比利亞黑毛豬 ~ 肉質爽口彈牙澳洲和牛 ~  油份唔算多,  都好食嘅,  和牛都係食日本黑毛和牛正啲。牛板腱 /封門柳 ~ 肉質比較有嚼口,  牛肉味較濃郁。牛舌 ~ 牛舌我只係鍾意食燒的, 火鍋唔係咁鍾意嗰種味道,  朋友就勁like。美國安格斯牛肉 ~ 唔怕貨比貨，有得揀都係澳洲及日本和牛更合個人口味。還有多款手切牛肉 ~ 牛肉普遍質素很好，食到你唔食為止。羊肉 ~ 朋友勁推介, 也是一叫再叫之選, 羊嘅羶香很平均,  吸收了藥膳湯嘅味道顯得更好食。海鮮 ~ 我都係主力食滑溜魚雲、咸鮮沙白、爽脆鱔片, 夠新鮮, 條特長蟹柳都唔錯。墨魚/滑蝦/滑鯪魚/滑爆汁牛丸 ~ 爆汁牛丸幾得意,  牛丸爽彈, 丸內包住了肉質豐富的豬肉蝦肉, 都幾香口。蔬菜 ~ 勁食竹笙及鮮淮山ENCOURE好多轉的日本黑毛和牛都係咁靚甜品 : 唯一甜品, 好一般的紅豆麻薯雪糕， 可以不吃。次次大家都好滿意， 團年會再來…Read More

今晚同朋友食聖誕大餐, 找來位於銅鑼灣地鐵站出口行幾步就到的~信, 新店開張, 經Openrice 訂位即享全單八折早訂鳥優惠。信屬於小型日式餐廳, 只有一張吧檯, 目測大概坐到10人左右, 今晚由2位師父負責我地8人食物, 晚餐以廚師發板為主, 我問師今晚有咩食？佢話你食完咪知囉, 搞到我心癢癢, 又萬分期待。Made in HK 自家人浸制梅酒謝謝服務姐姐請我哋飲咗小杯梅味出眾的香港人家浸制梅酒。先附小品 (4品)烤白花菜 ~ 烘乾乾身, 加山葵麻油汁添香及剔走啲草青味。蕃茄 ~師傅用特製醬汁浸泡, 味道酸甜, 一有少許紫蘇葉嘅香味, 蕃茄本身也又甜又多汁。白子 ~ 白是魚的精子, 好膏既感覺, 口感十分幼滑, 以魚子醬的咸鮮提鮮。南非和牛他他 ~ 以南非和牛牛肋肉制作, 質感較有彈性, 不油膩, 用黑松露黑醋汁提味, 味道酸香清優, 又唔會搶咗和牛嘅鮮味。醋酸墨魚水雲沖繩出產的水雲, 屬於海藻類一種, 對皮膚同腸胃都非常好, 水雲入口滑捋捋, 果醋酸香, 墨魚刺身軟滑可口, 紫蘇花味道太霸道, 加一~兩粒便好了。飯fantastic下面是吉列飯糰, 中層是沙沙醬撈魷魚、深海池魚及金目鯛刺身粒, 上層再鋪上來自北海道的海膽, 味道及口感層次感相當豐富, 好鮮味, 海膽勁甜。刺身料理 (2款)白色是深海池魚, 質感結實, 清鮮。紅色是吞拿魚赤身, 肉質軟滑, 魚味濃鮮。過場2小食 : 醬漬牛蒡及柚子蜜子薑BB牛蒡爽口太鹹, 加了柚子蜜的子薑脆脆的, 帶點柚子蜜的蜜果甜, 新鮮清新的配搭。粉紅壽司飯又一次試新嘢, 今次的壽司飯是粉紅色的, 師傅唔肯透露粉紅色是用什麼天然食材染色, 效果真的很美, 粉紅壽司飯煙韌圓潤, 微微的醋香, 仲有點似櫻花般清香, 但師傅話唔係用櫻花上色, 真係食唔出是什麼赤貝壽司極厚身及新鮮的赤貝, 爽加甜, 配上煙韌醋香的粉紅壽司飯, 很美味。鮫鰈壽司鮫鰈魚入口魚油香到一個點, 肉質油滑嫩口, 火炙功不可抹呢銀鱈魚壽司以銀鱈魚魚苗制作, 魚肉潤澤柔光, 鬆軟嫩滑。老翁壽司老翁掃上魚露豉油, 令白身魚肉鮮味吊晒出黎, 厚身結實, 帶點爽彈的清鮮。黑鯥魚壽司黑鯥魚壽司略為火炙後, 以蘋果木煙燻30-40秒, 入口散發著陣陣煙燻香氣, 黑鯥魚肉質較軟棉, 油香甜美。脆口鱈魚片上是以貼住骨膜肉的Kama Toro (吞拿拖羅片), 油、香、滑、鮮甜集於一身, 上層是我至愛的鮮甜入口即溶的北海道海膽, 師父教落,  整件入口, 絕對是今晚的signature香茅昆布生蠔湯湯底以香矛、昆布、乾蔥、菇菌及魚露淆製, 簡單鮮租甜, 淡淡的香茅清新, 蠔肉爽實鮮爽。烤南非和牛牛腰肉拼和牛治伴燒京蔥南瓜火炙後的南非和牛治以鵪鶉蛋黃伴食, 質感香滑鬆軟又香口, M7級數的牛腰肉烤得剛剛好, 肉色鮮紅色得黎又唔會標血, 牛味極度濃郁, 拈少許烤蒜日本味噌醬伴食, 豉香、蒜香更能突出牛的肉香。花膠北海道海膽卡邦尼意粉日式、意式、中式crossover, 又一新嘗試, 很喜歡信廚師對食物創作的熱情, 軟滑的花膠、鮮甜香滑的海膽, 令creamy 鹹香的卡邦尼意粉更美味, 口感味道相當豐富。豆腐雪糕都幾香嘅豆腐味道, 甜度適中。好耐冇食過一餐價錢實惠, 創意十足又好味嘅fusion 廚師發板, 食物質素高, 服務又好, 值得支持本地消費!…Read More

現在出外食飯要睇對手選擇餐廳, 發育中的小鮮肉/小仙女就傾向任飲任食, 同輩級的就偏向食精品, 重質不重量了, 今晚選擇了旺角的高質火鍋店明記 • 潮鍋晚飯, 好明顯係重質吧。17：00 前埋單8折及免茶芥, 可惜現在18:00點了, 下次可以食早飯, 平好多, 海鮮套餐最抵食, 波士頓龍蝦拼盤共有十款海鮮賣每位$338, 其他火鍋配料全部優惠價套餐供應。生猛遊水海鮮任君選擇大蠔客壓力蠔 (每位一隻)真係好大隻, 用壓力煲以鮮檸檬加薑原隻蒸熟, 服務員打開蠔殼, 蠔肉脹卜卜, 很嫩滑肥美兼爆汁, 可能用了薑闢腥, 入口一啲都唔腥。滋補花膠濃雞湯 (送的)簡直是意外驚喜, 送了這個花膠蟲草花雞湯, 這個雞湯全程由服務員控制火喉, 由落雞到煲好,  一煲每人最少飲了兩碗, 絕不欺場的花膠濃湯, 湯頭奶黃色, 很濃鮮, 入口感覺到有些花膠膠質的漿口, 仲有每人一條手掌長的花膠過口癮, 我地連雞件都食埋呢, 正過阿媽煲的雞湯今晚選了至尊海鮮套餐 B ($338/位)波士頓龍蝦拼盤包十款海鮮 刺身拼盤 (改送大大隻壓力蠔)波士頓龍蝦 (1/2隻)鮮活鮑魚 (1隻)聖子皇 (1隻)大元貝 (1隻)紐西蘭青口 (1隻)生割龍躉片 (1埋2人)生割白鱔片 (1埋2人)生猛基圍蝦 (2隻)貴妃蚌 (1隻)靚花蛤 (3隻)蘋果雪梨湯底秋天有點乾燥, 呢個鍋底夠曬清潤, 加上清清地用嚟灼海鮮更能突出海鮮的鮮味。1.波士頓龍蝦 ~ 超新鮮, 根據餐廳的建議時間灼熟, 龍蝦夠大隻, 蝦肉份量十足, 仲有少少蝦膏, 肉質爽口彈牙, 夠爽甜2.鮮活鮑魚 ~ 鮑魚爽脆鮮美。3.聖子皇 ~ 有海水的鹹鮮, 口感爽脆鮮甜, 完全不用拈醬汁食, 食其鹹鮮也, 勁正。4.大元貝 ~ 超厚肉, 元貝有日本刺身级的爽甜, 但就多了一份新鮮的海鮮鹹鮮。5-6. 生割龍躉片及生割白鱔片 ~ 最愛龍躉片上那層厚厚的魚皮, 油潤軟滑得嚟爽, 鱔片油香鮮美, 仲有龍躉頭腩送, 充滿骨膠原, 好鬼滑口。7.  生猛基圍蝦 ~ 夠新鮮,上枱還是手舞足動扎掘跳的, 肉質爽甜。8-9. 靚花蛤及貴妃蚌  ~ 花蛤係食佢嘅海水鹹及鮮, 明記的花蛤夠大隻, 肉厚, 很鮮甜。10. 青口 ~  個人對青口一般, 無人。我哋還叫咗其他配菜, 鮮腐竹、手打鯪魚滑等, 仲有大大個雜菜盤及新鮮淮山片只賣 $38, 真係抵到冇朋友, 唔叫對唔住自己。個人覺得嚟呢間火鍋店食海鮮套餐比較抵食, 淨係飲兩碗花膠雞濃湯已經覺得值回票價, 食海鮮套餐加配火鍋料真係非常優惠的價錢, 抵過散叫好多。…Read More

今日跟同學葵涌廣場逛街, 再到新都會搵食, 重新裝修後的新都會很陌生呢, 原來又開咗好多新食肆, 大家都好肚餓, 揀咗新都會六樓的一鍋堂食火鍋放题, A、B、C 餐價錢唔差太遠, 好耐都唔攪一次聚會, 梗係食最好的, C餐包日本黑毛和牛及澳洲和牛任食120分鐘。自助蔬菜櫃仲有多款熟食供應; 藥膳雞腳、韓國泡菜、麻辣雞腎、韓式醃菜等。大量自家制茶飲, 香茅檸檬茶、洛神花、玫瑰茶、薄荷烏龍及玫瑰黑枸杞茶等, 當然還有很多包裝及罐裝飲品。新派火鍋店裝修格局, 光猛, 以格仔屋卡位為主, 間隔闊落, 傾偈唔驚嘈到隔離, 私隱度較高。新鮮火鍋材料以QR落單, 方便快捷, 上枱極速, 其他飲品、熟食、丸類、麵食及甜品自動形式。部份熟食蕃茄薯仔牛粒湯底湯底也貫徹了今日的牛主題, 叫了蕃茄薯仔牛粒湯底。今日實在食咗太多嘢, 不能一一介紹, 揀幾個個人必食item比大家参考。今日推介;1. 日本黑毛和牛 ~ 靚仔到不得了, 霜降油花平均的分佈在牛片上, 肉色嫩紅白滑, 閃閃發亮的, 焯幾秒即可, 入口油滑非常, 卻不失黑毛牛的濃郁肉香, 牛肉入口有啲爽彈性質感, 又唔覺好油膩, 個人食左2.5盤, 質素超班!2. 澳洲和牛 ~ 比日本黑毛和牛瘦些, 肉質較結實, 都好食既, 有得揀我會食日本黑毛和牛多些。3. 手切牛肩肉 ~ 肉質好嫩滑, 牛的肉味不錯。4. 花雕牛肉 ~ 手切牛肉用花雕酒撈過, 入口多了花雕的酒香。5. 西班牙伊比利亞黑毛豬 ~ 西班牙伊比利亞黑毛豬是我最鍾意的豬肉品種, 入口爽爽彈彈的, 猪肉味很特出。6. 手打蟹子蝦滑 ~ 爽口彈牙。7. 魚雲 ~ 超新鮮, 滑捋捋, 吸收埋蕃茄湯底的湯汁, 好鮮味。8. 鱔片 ~ 又係新鮮貨, 爽口肥美。9. 大蝦 ~ 夠新鮮, 蝦肉鮮爽, 鮮甜。10. 熟食 : 藥膳雞腳及麻辣雞腎ENCORE 的質素同樣好食得飽飽的, 最後當然食埋雪糕才埋單閃人。呵呵! 喜出望外, 原來五點前入座每人平左$40 , 即$295食到咁高質嘅日本黑毛和牛放題, 牛也吃了八種類以上, 喜歡吃牛的, 這個120分鐘日本黑毛和牛放題抵到冇朋友! …Read More

今晚跟朋友嚟灣仔搵食, 睇openrice的自我介紹, Bifteck 既是扒房, 也是法日fusion菜, 我喜歡佢哋嘅環境, 很高貴舒服的裝修格局。餐廳燈光柔和, 皮梳化坐得舒服, 很適合情侶約會及和朋友想在舒服的環境下傾計的人。House wine $298 一枝, 價錢相當friendly。Lunch、 bruch 及dinner各有餐牌, Set lunch 百多元便可。今晚的餐牌lberico Pork Loin Rack ($308)今晚和朋友各自叫餐, 我選擇了黑毛豬扒, 黑毛豬扒外層煎得金黃焦香, 配上日本麵豉醬汁, 香噴噴厚度十足的登場。配菜也絕不馬虎, 有自家醃製酸香脆口紫椰菜絲、爽口蘑菇及煎得香口的薯仔。酸紫椰菜絲少少甜, 多多酸, 酸到十足, 好爽口, 食完肉類再食少許酸菜, 可以清清喉嚨。黑毛豬扒很厚肉, 肉汁卻異常豐富, 肉味出衆, 肉質好juicy, 帶少許肥肉嘅邊位更加香口, 配香香鹹鹹帶點微辣的日式麵豉醬汁更是絕配, 日本麵豉醬汁有啲似我哋中式嘅辣柱侯, 夠曬惹味。Chessecake ($68)再來個人至愛芝士蛋糕, 今日餐廳只有藍莓芝士蛋糕。Bifteck的芝士蛋糕質感比較鬆化, 入口芝士味香濃軟滑, 甜度適中, 藍莓果香足夠, 有甜品的飯局特別滿足。…Read More

今晚相約朋友出東涌食中秋晚飯, FireBird就係東涌地鐵站出口行三分鐘便到達, 地點極為方便。餐廳應該是新開的, 日式裝修非常新淨和風, 獨立卡位自成一角, 傾偈私隱度高。至於餐牌方便都係走和風系列；日本和牛、燒物、刺身、卷物．．．． 還有餐飲餐牌, 日式米酒、清酒、cocktail、果酒......任君選擇。日本桃梳打 ($58) ＆ Suntory the premium malt's ($68)我就當然飲 至愛的生啤, 泡沫細緻, 冰凍清爽, cheer ＞＞＞＞＞＞＞＞＞溫泉蛋慢煮日本雞肉凱撒沙律 ($98)沙律菜上很多白色日本雞肉片,  在撒上濃香芝士碎提味, 日本雞肉零脂肪, 可能經慢煮處理, 全不嚡口, 還有肉汁, 軟棉棉的口感, 健康的高白質前菜。日本生蠔 ($88/隻)呢隻日本生蠔很新鮮, 蠔肉賬卜卜的, 光澤亮麗, 海水喊味比較淡, 較清甜, 蠔肉肉質爽口。肥嘟嘟牛油果加州卷 ($88)喊鮮爆汁的三文魚籽、滑溜的牛油果配上口感煙韌的珍珠米飯,  再唧上酸酸甜甜的沙律醬, 味道豐富。A4 薩摩牛 ($178/100g)我們今晚中秋飯的重頭戲 >>>≥>>火炙A4 薩摩牛。薩摩黑毛和牛肉色嫩紅, 油花豐富。店員即場火炙, 確保溫度, 較肥的邊位叫店員燒多幾下, 很香口的。薩摩黑毛和牛口感不是入口即溶那款, 肉質比較結實微彈, 牛的味道比較濃郁, 拈少許海鹽伴食, 很肥美。。…Read More

好耐冇偽麻甩聚會, 今晚出旺角打冷、飲啤酒, 明記潮館開左好耐, 印象中好多年前都跟朋友黎食過。傳統潮州打冷店, 除咗鹵水鵝、鹵水食物、蠔仔粥及煎蠔餅外, 還有潮州打冷名物....凍蟹、凍烏頭等等。抵食孖寶系列新口味, cheers 🍻鹵水鵝 ($168/例)鹵水鵝件顏色都幾靚仔, 肥瘦適中, 微微的鹵水香, 又唔會過鹹, 鹵水鵝件還是比鹵水鵝片吸引, 特別係鵝骨附近的嫩肉, 特別香口。鹵水鵝底的豆腐從來都是吸汁能手, 充滿鹵水香的弄豆腐結實有豆香, 炒品。鹵水拼盤 (滿$300 加$8)$8都份量及誠意十足, 材料種類也絕不欺場; 有我至愛的油香入味鹵水大腸、爽口鵝腸、彈牙墨魚片、肥美五花腩肉及脆豬耳, 食味口感各有不同, $8超值抵食價。鵝腸好爽蠔仔粥 ($80)潮州菜不可缺的食物, 鮮甜的蠔仔配柴魚及冬菜煲的潮州粥, 上湯連飯入口, 鹹鮮飽肚。水煮魚片 ($138)紅通通的辣椒香辣油底下, 除了爽滑魚片外, 還有大量吸滿麻辣湯汁的滑溜暑粉、爽口豆芽及雲耳等, 麻香得黎其實佢個水煮汁唔算好辣, 亦冇越食越鹹的弊病。…Read More

話說上個月有為食友食完麒天, 她極之推介麒天的燉湯, 今日就趁消費卷最後一期派發, 食豪啲啲, 麒天位於九龍站, 除了盡享地利之便, 還可坐享101層樓高的270度維港靚海景 fine dinner 中菜館。這個高居臨下的維港美景, 殺食到一個點, 早訂位可要求坐我最的窗位, 有種海闊天空的感覺。餐牌很簡單, 一個tasting menu每位1488, 另一張硬卡餐牌包含了湯品及小菜, 另甜品及飲品各一張餐牌, 我哋點好餐後, 餐廳上食物次序安排以 fine dinner 運作模式進行, 餐廳會按照我哋點食物嘅種類, 分前菜、湯品、主食、甜品先後次序上枱, 食完一樣再上新菜, 確保每道菜都不會著涼, 盡顯對食客的細心。松葉蟹雲丹魚子他他 ($698)以魚子醬小罐盛載出場, 底下鋪滿了爽口鮮甜的原隻松葉蟹拆出來的蟹肉, 吃著啖啖的爽甜蟹肉而不用自己操勞, 幸福滿瀉的感覺松葉蟹肉上是鋪得滿滿, 甜滑細緻、鮮度十足的海膽, 吃著吃著望出維港海景, 視覺、味覺、感覺, 完美演繹松葉蟹肉混少許新鮮的爆汁魚子及咸鮮的魚子醬伴食, 令蟹肉鮮度倍添。松茸螺頭烏雞燉花膠 ($380)燉湯以火爐盛載上枱, 確保湯頭溫度, 這點也是細心位。湯色金黃, 湯頭清澈不混濁, 呷一口, 那種甜鮮度超乎想像; 來自海螺、花膠的海鮮、烏雞的肉鮮、松茸的菇菌香鮮, 味蕾十分震撼, 湯頭調味很輕, 味道幾乎全部來自湯料本身的鹹味及鮮味, 滋補得黎很好喝的燉湯花膠燉到好腍滑, 菇片則爽口。24k 黃金焗蟹蓋 ($388)用純黃金金箔入佐, 用在宴客上比較名貴及大方得體, 但對我哋呢啲衝著食物而來的為食友, 就變得可有可無了這個話梅蟹醋汁, 醋香極濃。色澤金黃的焗蟹蓋, 切開香噴噴、脆卜卜的面層, 蟹蓋內全是爽甜蟹肉及滑溜花膠絲, 白汁有點沙律醬混合上湯的味道。若然再滴兩滴附送那個話梅蟹醋汁伴食, 蟹醋汁嗰醋香極濃, 似是意大利陳醋混合了鎮江香醋, 再加上話梅的梅香、甜味及鹹味, 令蟹蓋食味更相得益彰, 味道的層次感全面提升。川味慢煮羊鞍架 ($198)慢煮羊架上枱前煎得外層焦香, 肉色則十分嫩紅, 入口肉質嫩滑非常, 肉汁也很豐富, 川汁帶點麻、香、辣及鹹, 香香辣辣挺惹味的, 但個人覺得這個醬汁比較霸道, 配羊架搶去了不少羊肉獨有的原始羶香味。三蔥爆沙鹿兒島A4和牛 ($528)期待已久的一味, 京蔥、蒜粒及香蔥爆炒和牛, 這個配搭還是第一次吃, 通常食A4和牛都係用燒嘅烹調方法處理。鹿兒島A4和牛的霜降雪花很平均, 肉質鬆軟細嫩且多汁, 入口油香四溢, 牛肉的鮮香佈滿口腔, 三蔥爆炒令和牛更香口, 夾雜著微微的豉油醬香, 那些京蔥蒜子好好吃XO醬海鮮炒米粉 ($268)今晚的主食, 爽脆蝦仁、豬肉絲、雞蛋及豆芽等, 以XO醬伴炒, 香香辣辣, 還夾雜了豬肉絲出來的豬油香, 惹味非常, 米粉炒得乾身唔油膩, 又爽口楊枝甘露 ($88）大量的芒果肉、西米及柚子肉, 配以新芒果打製的濃杰芒果汁, 雪凍食, 入口香甜及冰涼, 熟透的粒粒芒果肉特別腍甜。今晚食的不單止是靚景, 服務員團隊細心又貼心, 最重要係食物質素很高, 下次再來試商務午市套餐, 包括一個燉湯的, 更抵食。…Read More