Miss E.'s Profile

今次係專程嚟試一試牛腩麵，因為朋友話呢間牛腩麵好特別。同老公一齊嚟試咗一個坑腩麵同埋一個淨牛丸，不過夜晚已經賣晒坑腩同埋崩沙腩，所以就叫咗切腩。牛肉份量都好多而且牛腩切到好厚，份量十足首先，真係要讚一讚個湯底，係有藥材香味。非常好飲，食之前我已經係咁飲湯，跟住再食佢嘅蘿蔔，無論係牛腩麵定係淨牛丸都會附送蘿蔔，我想講個蘿蔔真係唔係一般配菜嘅貨色，係好好味！好腍好甜 。牛肉嘅份量亦都好多，然後牛丸牛味好重，亦都好多汁，我覺得朋友真係冇介紹錯呢一間牛腩麵真係非常出色，下次一定會再嚟食。…Read More

本身係牛舌嘅忠實擁躉。既然佢係牛舌專門店當然一定要去朝聖一下啦。我哋一共三個人，我哋三個人全部都嗌咗同一款套餐就係極上厚切牛舌定食喇～上網睇到佢嘅牛舌係可以又厚，燒到中間非常粉嫩，所以我都好期待直至到我嗰一份嚟咗先。呢一份係我嘅，好客觀大家都睇到首先有一舊非常之燶同埋全熟，另外可能呢度睇唔清楚，我想講我呢一份入邊，有兩件以上係頭頭尾尾，而且非常之乾。坦白講真係幾唔開心，因為將近$200 一個餐，賣點仲要係牛舌，但係主菜牛舌嘅質素就係咁樣。跟住我一路等，另外兩位朋友嘅餐隔咗起碼20分鐘之後先再到。完全唔明點解第一個同埋第二第三個餐可以爭咁遠。以下呢一份係我朋友嘅。公平地咁樣講佢呢一份嘅質素我比$200我會覺得OK，而呢張相對面嘅另一份係另一位朋友嘅。我想講嗰一份比$200我都唔會嬲，但係我自己嗰份我就真係嬲嬲地。店入邊嘅環境唔係特別寬敞。如果賣點係食物而食物質素當然冇投訴，但係咁嘅價錢咁嘅食物，環境又唔係特別好。就真係唔會再有下次囉。睇埋套餐入邊其他嘢。會有一個和牛漢堡嘅飯。漢堡入邊粉嫩，味道都唔錯。會有一隻溫泉蛋同埋會有一份咖喱俾你撈飯。你張相睇到我啲牛真係有啲嬲。有一小碗牛肉清湯。檸檬梳打係自己新鮮喺自己面前自己😂幾得意，$25出嚟食飯，叫個飲品都預咗，所以呢個就冇乜問題。總結係真係唔會幫襯第二次，點知第二次會唔會又係咁差，希望餐廳可以保持水準統一，牛舌頭尾嘅損耗，我覺得應該係由餐廳自己承擔唔係食客同你承擔。…Read More

筲箕灣名物之一，每逢經過一定大排長龍，今日10點幾經過難得唔使排隊即刻入去試一試先。本身想叫崩沙腩撈粗麵，不過10點幾已經賣晒崩沙腩最後轉左坑腩，加$20既。雖然唔係崩沙腩，但係原來坑腩都好好食喎牛腩好腍，亦都好有味，加$20覺得合理，粗麵質地係好爽嘅比較乾身果種。個湯就冇乜特別。如果覺得麵太乾身可以加少少。另外值得一提係個辣椒油，平時都有食辣，因為未食過呢間㗎辣椒油所以落咗兩滴油落去撈一撈，試吓個辣度先，個辣椒油係夠辣，同埋好香，所以鍾意食辣嘅朋友不妨落少少。最後加埋個凍奶茶$25埋單90幾蚊，我覺得牛腩嘅份量都多，性價比都OK。…Read More

遊船河之前搵少少嘢食，知道呢度好出名，但係時間尚早仲未排隊，即刻坐低咗最出名嘅菠蘿油蛋撻加奶茶淨係奶茶嘅配置，我已經非常開心，咁樣擺埋一齊嘅感覺好豐盛，非常地道嘅感覺，餐枱嘅位置係半戶外，有一個帳篷，簡單幾張摺檯，當然唔係高級餐廳配置，但係就非常之有風味。菠蘿油同蛋撻都好新鮮，菠蘿油嘅牛油好大塊好厚，個「菠蘿」都好脆。蛋撻配奶茶係絕配，奶茶自己可以調節，茶底唔算好濃，就咁飲個味有啲似English Breakfast Tea。有機會可以再嚟。…Read More

認真，呢間雞扒蔥油撈丁係顛覆咗我對蔥油撈丁嘅印象，原來蔥油撈丁可以咁好食。印象中曾經食過兩間蔥油撈丁，真係好鹹，死咸。真係覺得好重口味，所以對我嚟講一早就將蔥油撈丁定位咗係鍾意超級重口味嘅朋友。因為要喺附近打波，所以朋友揀咗呢一間，一行五人見大家都冇意見，咁我都唔反對啦，食一餐冇所謂。本身仲諗住叫入邊嘅咖喱食，但係又見到真係個個都叫蔥油撈丁，咁就試吓啦。我哋五個人都係叫咗蔥油撈丁不過佢最多係可以兩份兩份咁樣出餐，本身諗住等齊人先食，不過老闆話唔好等啦，要趁熱食先最好食所以聽老闆話我食先😂我欣賞老闆對美食嘅堅持個雞扒好脆 個外皮真係煎到好脆同埋唔會好肥，個皮係薄嘅嗰種香脆。不過我最開心嘅係個蔥油，之前食嘅所有蔥油撈丁就係個蔥油真係好鹹，但係呢個係食到蔥油嘅香，撈埋落個出前一丁度 啱啱好個價錢仲要咁優惠，下次打波之前可以再嚟過…Read More

真係好耐好耐冇食burger,朋友介紹呢一間好好食，6:30就嚟到。好彩早左到，因為10分鐘之後已經排長龍喇～叫咗佢哋嘅招牌牛肉漢堡，老公就叫咗雙層招牌牛肉漢堡。唔知睇賣相大家睇唔睇得出，真係好好食，大家要預少少時間等，因為佢係即時煎香個麵包，即時煎漢堡，麵包煎到香脆，漢堡扒好Juicy，入邊有啲炒洋蔥好香。其實佢仲有餐可以跟，有薯條有洋蔥圈，見到佢哋推介嗰個金沙薯條 真係即刻炒香蛋黃再炒薯條。一定會再黎，因為今次唔夠時間仲有下一間餐廳要去。下次我加多塊芝士，再試多啲小食。…Read More

朋友好耐之前介紹過，特別推薦呢度既叻沙。今日剛好經過，終於有機會一試，除左叻沙，再點左一碗生熟牛肉湯河。先講講叻沙，朋友推薦果然值得一試，叻沙湯底非常濃郁，少少辣辣地，非常惹味，而魚片頭都好爽口彈牙，滿意。生熟牛肉湯河食到一半先記得影，湯底唔錯，生牛肉另外一碟上，如果喜歡將牛肉浸得熟啲既朋友要快手啲落～生牛肉浸一浸肉質依然嫩滑，不過熟牛肉相對有啲啲乾。湯河上菜時不會有青檸辣椒跟住上，但有需要可以問侍應攞，侍應態度都親切有禮貌～…Read More

即將要搬離新界，趕快清理掉之前一直想去的店舖，這裏是其中一間。最出名的是蛋鹹牛肉出前一丁。店舖環境滿滿港式情懷，摺檯摺凳筷子筒，這種配套總有一種熟悉的感覺。店員很親切，我和老公也點了蛋鹹牛肉，只不過我老公點了出前一丁，而我就選擇了米粉。特別提醒了出前一丁要煮得硬一點，每個人吃泡麵也有種不一樣的執着😂老公加了豬扒，我加了雞翼一杯熱奶茶，一杯凍奶茶。怪不得蛋鹹牛肉會是招牌菜，我沒有從別的舖頭看到這種蛋鹹牛肉，雖然煎成了一個餅，但是蛋不會過老，很好吃，出前一丁真的達到了先生要求的水準😂豬扒和雞翼也不錯，相較之下，我更喜歡雞翼。奶茶也很對我口味，不會太澀但有茶味，入口順滑。簡簡單單便宜又好吃的美食😉…Read More

偶爾路過的一家咖啡店，被精緻的裝潢吸引到，牆上掛了不少掛畫，以木材為主調，雖然環境不算大但是感覺很舒適。剛巧有時間可以進去喝杯咖啡吃點東西。大蝦柚子沙律和Latte盤子餐具都很漂亮，大蝦是即時香煎的，有誠意。不過柚子只是另外上的一個柚子沙律汁，味道跟質感很像即沖柚子蜜的那種，有點失色。沙律菜很新鮮但是菜的量很少，以價格來說就不太划算了。咖啡很香，屬於nutty 的那種，質感香滑，有水準👍🏻喜歡打卡拍照的話也是個不錯的選擇。…Read More

許久不見的朋友從英國回來，選擇了這間泰式fine dining 🥂實在是明智之選👍🏻整體質素都非常好👍🏻這是菜單，據說他們會定期轉換菜式不知道現在是否已經換了另一張新的菜單。不過餐廳員工會提前諮詢你們是否有食物敏感，或者有不吃的食材，非常貼心。第一道前菜，是剛好一口的份量。一口咬下去，底部那個小盤子香脆就像薯片一樣，上面承載着非常鮮味蟹肉，第一道前菜已經令人非常期待接下來的餐點。第二個前菜，黑松露的香味非常濃厚，伴着的像是柔軟的椰子肉？我不太確定但是這個也非常好吃。這個魚刺身，魚本身的油脂非常豐富，配上清新的調味，做了一個很好的平衡。這是帶子刺身，這一個的調味相對比較刺激一點，味道會重一點，帶子很新鮮，我很喜歡這個味道👅說到這裏，不得不讚他們的擺盤也非常精緻。有一道意大利麵，份量剛好鮑魚青咖喱和麵包鮑魚和青咖喱的配搭，非常新穎但是出奇的合適，那個小麵包滿滿的烘培香，很新鮮。惹味釀雞翼這是魚肉，魚肉很嫩滑，這個調味相對也比較濃。這個龍蝦另外需要再加錢轉的餐點，但值加，龍蝦新鮮，肉質彈牙，伴着的炒飯非常香口。最後這道相對上有點失色，有點靭。不過味道還是很不錯。整體來說，是個非常好的體驗，不管是服務還是餐點都高水準還有餐廳的雞尾酒也非常不錯，建議大家可以試一試。…Read More

其實已經是常客了，分店愈開愈多，港九新界都看到這家店的身影這天來到天后的分店。非常喜歡這裏的餐點，因為健康又美味。這一次點了最常吃的烤雞沙律多種不同的蔬菜滿滿的一碗，配上烤雞和流心蛋❤️沙律汁是酸酸甜甜的非常開胃，特別喜歡加了無花果，味道更清新👍🏻健康又美味👍🏻對於講究健康的人非常友好，難怪分店愈來愈多，另外咖啡也很出色，而且份量也非常足夠🤣裝修簡約舒適，在這邊邊看書邊喝咖啡，過了個寫意的下午。…Read More

今天開車剛好經過，看到有間新咖啡店，剛好要吃點東西，就試試看吧！侍應態度好，有禮貌，都很年輕有活力😆點了all day breakfast and tiramisu, 另外點了一杯Latte👍🏻喜歡這家咖啡的味道，為了咖啡可以再來，哈哈。全日早餐，炒蛋，蕃茄，香腸，煙肉和沙律，還有少見的菠蘿，我喜歡吃菠蘿所以很好😂但炒蛋可以進步一點，可能是想炒出有嫩滑的感覺？但效果很水，不夠creamy。有心思的擺盤，個人建議蛋糕體可以濕潤一點，吃起來有一點乾，或Mascarpone cheese層可以厚點，吃下去會感覺更豐厚。咖啡很不錯，服務也很好，期待餐點可以稍作改進👍🏻…Read More

假期訓到自然醒😆諗唔到去邊，近近地就去又一城啦。適逢公眾假期，到到都爆滿，見到呢間有位即刻入去食。有brunch set，coffee可以續飲，對於我咖啡迷就好合適👍🏻老公叫咗一個all day breakfast 美式餐廳餐點份量一定有保證，牛扒叫咗五成熟，嚟到都啱啱好不過好似每一樣嘢都冇乜調味，除咗個法包好香蒜蓉味👍🏻不過唔係熱既。我就叫咗一個雞胸牛油果沙律同樣地份量好充足，不過都係冇乜調味。枱上面有鹽同黑椒，比客人自己根據自己需要調味嘅，所以都可以接受，成個體驗都係合格範圍。…Read More

非常高質既小店，一定要推薦。店舖唔算大，中午時段去到要稍微等一陣，兩個人叫左一份all day breakfast,一份beef and cheese toast,兩杯latte.Beef and cheese toast一上台聞到一陣焦香味，相信廚師在表面用火燒過芝士，令到餐點更香口，牛肉堆滿整塊多士，超級足料，配上旁邊的青醬，味道更加突出有層次👍🏻份量很大的all day breakfast 士多香脆，其他用料新鮮，都是用心之作👍🏻…Read More

TGIF😆終於約到個好耐有見既朋友食飯，揀左呢間，開到12點，可以慢慢傾慢慢飲😁餐廳有室外，不過今日落下，揀左室內，室內都好靚，燈光浪漫，同另一半黎都好岩。我地兩位女士叫左一份pork belly,一份 rib eyes 同 一份pizza一人一杯stella 已好飽，食淨兩塊pizza,食唔哂Pork belly 肉質柔軟，個醬好惹味，側邊既紫椰菜甜甜地爽口，解油膩。Chicken barbecue pizza 要讚上面，有好多芝士，上菜時熱辣辣，雞肉，加上半溶芝士同埋佢有少少辣辣地 ，好好食。肉眼扒唔記得咗相機食先，已經切咗叫咗五成熟，啱啱好冇筋，肉質好軟熟 有油香叫咗三個餸配啤酒都好夾，超滿意👍🏻…Read More