On Lee Noodle

筲箕灣名物之一，每逢經過一定大排長龍，今日10點幾經過難得唔使排隊即刻入去試一試先。
本身想叫崩沙腩撈粗麵，不過10點幾已經賣晒崩沙腩最後轉左坑腩，加$20既。

雖然唔係崩沙腩，但係原來坑腩都好好食喎
牛腩好腍，亦都好有味，加$20覺得合理，粗麵質地係好爽嘅比較乾身果種。
個湯就冇乜特別。如果覺得麵太乾身可以加少少。
另外值得一提係個辣椒油，平時都有食辣，因為未食過呢間㗎辣椒油所以落咗兩滴油落去撈一撈，試吓個辣度先，個辣椒油係夠辣，同埋好香，所以鍾意食辣嘅朋友不妨落少少。
最後加埋個凍奶茶$25埋單90幾蚊，我覺得牛腩嘅份量都多，性價比都OK。