hahapiggy的个人专页

成日經過巴士站都見到呢間Pizza店啲野食好吸引，今日lunch 想同朋友放鬆一下，食下好西，作為大家辛苦工作左一個星期嘅獎勵🥰佢哋有Lunch Sets, Pizza Sets 同 A le Carte menus~其實好想試Pizza, 但我哋兩個女仔平時都唔係太食得多，佢個Pizza係9寸size，我哋驚食唔晒，所以今次就冇叫到，下次搵多個fd嚟一定要試下我哋order左蟹肉鮮菇意大利飯同慢煮西班牙黑毛豬肋骨兩個sets🐷🦀😋餐湯係洋蔥磨菇湯～好香嘅牛油，洋蔥同磨菇味🧈🧅🍄🥣蟹肉鮮菇意大利飯~好香嘅白汁味，意大利飯煮到軟硬適中，每粒飯粒都比白汁包圍住，每一啖都食到好香嘅磨菇片同一絲絲好鮮甜蟹肉🦀😋😋好足料🥰🥰慢煮西班牙黑毛豬肋骨🐖配上沙律菜同薯條🥗🍟沙律菜個dressing 係honey mustard 味，好少見但又好夾好開胃😋薯條係幼長嗰隻，炸到好脆，攤耐左食都仲係好脆😋😋主菜豬肋骨慢煮到連黏住骨嗰塊膜都好易食到，豬肉好稔，配上燒烤醬，酸酸哋，微微辣，都幾開胃，唔會覺得膩😋 飲品order左格雷伯爵茶同日本靜岡烤姜焙茶～Earl Grey好香，焙茶薑茶飲落香好薑味，好暖胃，焙茶味係喺後調先出現，飲緊嘅時候有個好得意嘅畫面出現左，唔知點解會我諗起冬天嘅時候媽咪炒嘅薑炒飯🤣 好搞笑，可能係因為焙茶經過烘焙後嘅香氣加埋薑味一齊嘅感覺好溫暖，好有冬天嘅感覺☺️自家製香蕉拖肥批係我最期待嘅甜品😋見到咁多cream喺面，就擔心唔知會唔會好甜🙈我點左少少cream試味，食落唔會好甜，但奶味好香，加堆個pie食好夾🥰切開個面，就見到成個pie分左三層～最頂係香蕉本人🍌，感覺佢係大蕉唔係普通香蕉，因為食落有少少煙韌嘅～中間係拖肥醬，好香牛油同焦糖味，但唔會太甜🥰底層就係牛油餅底，好鬆脆，用叉已經切得開個批，唔會太硬😙佢哋互相配合得好好，超好味🥰細心嘅店員見到我哋分嚟食，主動問我哋要唔要刀，但我用叉已經分到，好方便🥰…查看更多

同男朋友喺荃灣行街，行行下佢話入去呢間餐廳食拉麵同串燒，見到門口個師傅喺度燒緊啲串燒，睇落好吸引。一入到餐廳，除左右邊嘅廚房，就淨係見到兩張枱，Xolo招牌同一道門。帶位職員打開左道門，入面別有洞天。原來係一個類似小酒吧嘅地方，好特別，暗暗嘅燈光，令人可以好好放鬆心情，最啱同朋友傾計飲酒，Chill住過Happy Friday😎🥳男朋友order左煎羊卷肉豬骨湯拉麵，佢話第一次見呢個做法，覺得好特別。我見到係羊，都有啲卻步，怕有羶味。但男朋友話冇羶味，叫我試一塊，食落真係冇羶味，好神奇，好嫩，好鮮，仲有少少燒烤味🤩😋拉麵軟硬適中，流心溫泉蛋，燒冬菇，加埋豬骨湯。如果冬天食到呢碗麵，一定好幸福🥰串燒拼盤🐷🐮🐔🍄豬肉、牛肉、雞肉、冬菇、秋葵串燒🤤牛肉係安格斯西冷薄片，切薄片都可以燒到表面熟，入面仲咁嫩，好巧功夫👍🏻食落唔會韌，爽口，好香牛味，侍應上菜嗰陣有講到希望客人食到食材嘅原味，所以唔會落燒汁，用左少少胡椒同鹽去調味😋😋雞肉咬落啖啖肉，雞皮香脆，雞肉嫩滑多汁，加埋甜甜哋嘅燒汁，配啤酒好jeng😋😋😋蘆荀肥牛卷😋😋😋蘆筍好juicy, 肥牛唔會太肥，油脂同牛肉比例啱啱好，配上燒肉醬，好啱宵夜同送酒食😋🤤燒帶子刺身級帶子，輕輕燒過表面，食到燒烤嘅味道，帶子好鮮嫩，大大粒😋男朋友叫左佢哋自製cocktail 梅🍹用sake調出嚟，好易入口，飲落幾清新👍🏻…查看更多

星期一成日都有啲Monday blues，不過就好期待夜晚同best friend 食飯傾計👭🏻今次就揀左近朋友公司附近嘅和氣食堂，希望食餐好嘅🤤個Menu design好吸引，睇住啲野食相樣樣都想食，揀下揀下就叫到成枱都係野食🤤🤣沙律  濃濃嘅黑松露醬熟得啱啱好嘅牛油果🥑爽滑甘香嘅左口魚片爽脆嘅沙律菜🥗爽甜嘅車厘茄🍅食落好清新🤩所有材料配搭得好好😋Refreshing 🤩白咖哩烏冬拼炸雞炸雞外脆內嫩咖喱香濃微微辣🍛烏冬爽口彈牙好creamy 口感好似薯蓉咁 都幾飽肚👍🏻3點刺身盛 (三文魚，甜蝦，鱆紅魚)刺身嘅份量都幾多，兩個人share啱啱好😋配酸汁 清爽開胃三文魚 好厚切 食落好甘香😋甜蝦 鮮甜爽口🦐鱆紅魚 口感爽脆 😙櫻花蝦鯛魚湯泡飯蝦，帶子 爽甜蝦預先爆香左，連蝦頭都好惹味有好多櫻花蝦乾 食落脆脆哋 好香菠菜 補充纖維👍🏻👍🏻泡飯真係一種好療癒嘅食物，加埋飯素同脆米，可以增添香脆嘅口感同風味🥰鹽燒牛舌爽口 牛肉味濃🐮三文魚椎茸燒🍄🍢配搭新鮮 椎茸爽口多汁 😋燒廣島蠔🦪🧀🧄蒜蓉味 濃濃嘅蒜味 好惹味芝士味 滿滿嘅芝士覆蓋成隻蠔加檸汁可以減少膩嘅感覺 蠔好肥美 脹卜卜😙好滿足嘅一餐，飽到食唔到甜品😂Blue Monday食到呢餐真係好治癒🥰下次要嚟食佢個芭菲，睇落好吸引😍🤤…查看更多

今日嚟到深水埗行過見到呢間餃子店，見到門口有個牌寫住「日本師傅精心製作的甜品 喜歡甜品的你不容錯過（每天數量有限）」，中意食甜品嘅我見到即刻心心眼😍😍我同男朋友每人嗌左一個餃子套餐🤤男朋友揀左雲耳椰菜豬肉餃配牛骨湯菠菜麵。我就揀左香菇粟米雞肉餃拼菠菜豬肉餃配是日例湯，原來想揀飯糰嗰個套餐，但原來已經賣晒，所以揀左鹵水雞翼。我哋之後再要左一份鹵水雞腎，仲有兩款甜品😍😍🤤🤤🤤日式焦糖布甸同日式手作芝士蛋糕🤤🤤🤤等緊野食嘅時候，我望到門口個甜品櫃，發現原來芝士蛋糕係有好多唔同口味㗎，除左有原味，仲有冧酒提子、綠茶同開心果味🤤🤤🤤今次試下原味先，下次再試其他🤤🤤🤤有野食啦🤤🤤🤤上菜速度都好快，熱辣辣嘅湯餃好吸引🤤雲耳椰菜豬肉餃咬落好爽口，雲耳好脆口，椰菜鮮甜爽脆，好surprise🤩🤩因為椰菜比我嘅感覺係好易會太厚、咬落會好硬，同會苦。但呢度嘅椰菜餃係好鮮甜，好好味😋😋菠菜麵都係比我預期嘅好食，麵質雖然係薄身，但好爽口，平時喺出面食到嘅菠菜麵都係偏腍，好難得食到咁爽口又唔易夾斷🤩牛骨湯就係充滿濃郁嘅牛肉同牛骨味😋香菇粟米雞肉餃係偏濃味，如果係煎餃就更惹味👍🏻菠菜豬肉餃咬落好juicy，菠菜好鮮甜😋😋配埋是日例湯係粉葛湯，好清甜，無味精，飲落好舒服，唔小心就飲晒成碗😂鹵水雞腎好爽口，鹵水唔會太咸，鹵水雞翼好有屋企媽咪煮嘅感覺😄終於到我最期待嘅甜品環節啦🤤🤤🤤🤤🤤我首先食左日式焦糖布甸先🍮~未食已經望到有啲雲呢拿籽喺布甸入面，樽底有薄薄一層焦糖🤤🤤一食落口係好滑，好creamy，好香蛋味同雲呢拿味，係好治癒嘅甜品🥰最後就要食埋期待左好耐嘅芝士蛋糕🤤🤤咦？😯😲😟當我想食件Cheesecake嘅時候，發覺男朋友已經食左⅔件蛋糕，淨返最邊邊嘅⅓ 🥺明明講好左一人半件🥺當我食左一啖就明白，又難怪佢嘅，因為真係好好食😍😍🥰佢係近排好hit嘅Basque Burnt Cheesecake 外皮焦香，中間好軟滑，好creamy，芝士味好香濃🧀🧀，食落係滿滿嘅幸福感🥰🥰🥰佢哋個Cheesecake 真係好受歡迎，我好好彩食到嗰個時段最後一件原味Cheesecake，之後就要晚市先有😯🤤另外，我都聽到好多人嗌芫荽餃，我自己就好抗拒芫荽味，但中意食芫荽嘅人應該都會中意食😂下次一定要再嚟試埋其他餃子同芝士蛋糕😇😍😍🤤…查看更多

最近去左一間我好中意嘅餐廳，無論環境、裝修、佈置定係食物，我都好滿意😇有日search沙田有咩好食，就喺網上見到呢間餐廳，見到竟然可以喺餐廳食到雪糕雞蛋仔，即刻心心眼😍，就約左best friend 去食野。我哋去到已經係下午茶時間，我本來好想試下佢個雞蛋仔，睇人哋影相勁吸引🤤但我喺餐牌搵唔到有😟我問侍應姐姐，佢話而家唔做雞蛋仔啦😔所以最後我哋就嗌左一個女神麵、一碟油菜同一個沙嗲牛肉滑蛋菠蘿包🤤女神麵嘅材料好豐富，有養顏嘅花膠、同樣充滿骨膠原嘅豬手、口感一層層好得意嘅枝竹球、燜到好腍好入味嘅冬菇、大量紫菜、菜心同充滿咖哩味嘅蘿蔔🤤 我哋揀左蕃茄湯底配河粉，個湯係稠身嘅，甜甜哋，每一條河粉都被湯汁包圍住，好飽肚😋 油菜除左有蠔油，仲有少少麻油，食落好香~沙嗲牛肉滑蛋菠蘿包係好有驚喜嘅，我哋留到最後先食，雖然所有食物我哋都係share左一半，但食晒個粉都飽飽哋，本來怕食埋個包會好濟，但食到咁飽都竟然會好想食晒個包😋個包雖然擺左好耐先食，但我當切開個包嗰陣，個菠蘿皮仲係酥酥脆脆同埋有暖暖嘅白煙冒出，食落口竟然仲係暖暖的，好治癒🤤菠蘿皮酥脆、包體軟熟，沙嗲牛肉好濃味，配上淡淡嘅厚滑蛋，啱啱好可以balance到😇😇成個包咸咸甜甜咁，味道好特別，脆脆嘅花生配上嫩滑嘅沙牛肉，口感豐富😋😋最後歎埋杯茶走~餐廳好細心會將煉奶另上，客人可以按照自己口味調味👍🏻👍🏻我中意呢度嘅茶底唔會太濃，唔會苦澀，有啲似英式奶茶嘅感覺😇食飽飽離開餐廳嗰陣發現，原來餐廳周圍都有好多好代表到香港嘅畫同擺設，仲有啲打卡影相位tim😂好得意呀～希望遲啲有機會出返個雞蛋仔啦，好想食呀😭…查看更多

今日同Friend 嚟到聯和墟，離遠見到有間舖頭嘅門面係木嘅顏色，門口仲放左一張木枱同兩棵聖誕樹，充滿外國聖誕氣氛。睇埋門口嘅餐牌，原來係一間食西餐嘅餐廳🤔我哋去到嘅時候係下午茶時間，我仲未食午餐，所以我哋就order左一個all day breakfast同卡邦尼意粉set 包左一杯熱飲，每個餐再加$12 就會有埋餐湯+黑糖餐包，黑糖餐包聽落好吸引😍🤤等緊野食嘅時間，就好好欣賞下餐廳內嘅佈置😃我哋坐嘅位置比較入，坐大卡位，如果冇限聚嘅話，應該坐到6至8個人，加埋餐廳會播唔同嘅英文歌，燈光有少少暗，個感覺好chill，好啱同friend嚟傾下計。臨近聖誕，餐廳佈置左好多聖誕裝飾，配合埋木牆，都幾有聖誕feel~就喺我欣賞啲聖誕裝飾途中，餐包同餐湯就送到嚟啦，上菜速度好快👍🏻👍🏻黑糖餐包食落好特別，有別於平時食開鬆軟嘅餐包，而係比較硬身嘅，撕開個包放上牛油嘅時候，聞到好香黑糖味。咬落都幾有咬口，係好少食餐包會食到嘅口感，有啲似我平時食開bagel嗰個口感，配埋忌廉湯食都唔會成個包整濕晒，或者稔晒，好特別😋食完個包之後，口腔仍然充滿黑糖味，好香~ All Day Breakfast 好大份，好豐富，一啲都唔似係下午茶份量，啱晒遲食午餐嘅我哋😂 有油醋沙律菜 (個油醋酸酸甜甜好開胃)、粟米、黑松露醬雜菌炒蛋(好香黑松露味，其他菇菇份量都好多)、豬柳漢堡扒、煙肉、仲有塊大雞扒🤤卡邦尼意粉份量都好多，好香，意粉煮得啱啱好😋我睇餐牌見到夜晚個鐵板二人餐好吸引$248可以揀兩款肉或者海鮮，成個set仲有好多野食，睇落好抵食😋…查看更多

同男朋友喺隔離Aeon行街行到攰，就去左宇晴軒搵少少野食~我同男朋友唔算好餓，所以就order左個松+梅+竹自選套餐🤤🤤我哋揀左……松:札幌螃蟹拉麵，鹽味湯底，一般麵質~🦀🦀🦀梅: 凍豆腐竹: 雜錦串燒🍢🍢🍢🍢喺等緊野食嘅期間，我就繼續睇下個餐牌有咩好食~我幾中意呢個餐牌設計👍🏻👍🏻👍🏻畫風好特別~餐牌好多食物圖片，好多野食可以選擇，仲可以自己揀唔同combinations 🤩凍豆腐~好大磚豆腐上面舖左滿滿嘅木魚碎加埋芝麻醬~清涼消暑之選😋超大碗搵返隻蛋上嚟先...蟹柳好甜，半熟蛋啱啱好鹽味湯底唔太咸，啱啱好一般麵質都唔錯~見到枱面個調味架竟然有蒜蓉，就加左啲落去個麵度食，好香😋蒜蓉好有心思，易變壞，要成日換，好少拉麵店嘅調味架會有👍🏻👍🏻👍🏻👍🏻👍🏻最後係串燒🍢🍢🍢🍢有雞翼串燒，冬菇串燒，雞軟骨串，仲有一個好似係雞肉軟骨棒😋一上碟就聞到好香燒烤味，好吸引🤤😍冬菇好香，好多汁~雞翼分開左兩支骨，好易食~雞軟骨好有咬口，好脆~雞肉軟骨棒有唔同嘅口感，加埋燒汁，好得意，又食到肉，又咬到脆脆嘅軟骨😋…查看更多

有日喺大埔等家姐嚟搵我，自己一個周圍行，行到一條橫街發現左嗰度有好多野食，就諗住搵一次同friend 過嚟食下野~其中呢間都幾深印象，因為嗰日見到佢個menu畫得好靚，我好中意睇美食插畫，好想知佢實物係咪都係咁靚🤩今次就約左best friend 嚟食夜晚~夜晚再嚟到呢條街，同我嗰日晏晝行過差好遠，大部分餐廳都係晚市先開，所以晏晝個感覺就有啲冷清，夜晚就變得熱鬧，好大對比😂木製嘅門面、藍白色嘅門廉加埋啲燈光，好有傳統日本餐廳feel~入到餐廳，都會見到好多木嘅元素，我好中意木嘅裝飾同餐具，見到咁多“木”，覺得好舒服~再睇多次餐牌先~一開始就係呢份餐牌嘅食物插圖吸引到我入嚟食野🤩，畫得好靚，好真實，樣樣野食都好似好好食咁🤤🤤丼飯嘅配料都超豐富，好吸引🤤🤤🤤仲有唔同嘅壽司盛~我哋最後揀左胡麻醬豆腐素菜沙律🥗沙律菜同蕃茄好新鮮，做頭盤啱晒~豆腐易夾，但仍然好滑，豆味好濃😋Best friend 話食落好似佢上次去日本食嗰個豆腐料理嘅硬豆腐~炙燒鰻魚壽司&蟹膏甜蝦軍艦😋😋😋個鰻魚燒得好香又唔會太乾，好好味😋😋😋蟹膏好甘香，甜蝦爽甜，紫菜咬落都係新鮮脆口😋😋😋之後就嚟到主食啦～鮭火山丼飯😍😍😍😍😍啲飯幾乎比魚生完全覆蓋🤩仲有拖羅蓉喺上面🤤🤤超豐富~啲材料多到唔知由邊度開始食好😂🤤🤤超足料👍🏻👍🏻👍🏻最後決定分左個拖羅蓉，“筆”起一部分魚生，再好似分pizza咁切開啲飯~個飯係壓實左，所以先放到咁多魚生喺上面🤩🤩🤩唔同其他餐廳一大碗飯得少少魚生，呢度真係好足料🤤甚至有個感覺係魚生多過飯😂😂😂本來以為會剩低啲飯，又見到佢枱面有樽飯素好吸引，諗住有剩飯就可以送飯素食，點知食到最尾都係好多魚生😂真係可以一啖飯，一啖魚生😋😋😋咁多種魚生，樣樣都好新鮮🤤其實我好怕食拖羅，好怕食到唔新鮮嘅味，但呢個拖羅蓉又幾好食，好有魚味，又新鮮👍🏻三文魚同三文魚子都好新鮮，連怕食魚子嘅best friend 都話佢好食，唔覺有腥味😋😋😋食到最後，雖然都仲有魚生送飯，但我都係好想試下佢啲飯素，就加左少少落飯，啲紫菜、木魚碎同芝麻都係脆口嘅，加落飯好好味~再飲啖玄米茶，就好似食左一啖茶漬飯咁~好滿足🤤🤤🤤最後食埋個鹽燒牛柳粒串燒🍢牛柳粒上面仲有炸蒜片，炸得啱啱好，夾埋牛柳粒食，好香好夾🤤🤤🤤牛柳粒咬落好香牛味，仲好juicy😋😋😋呢餐真係好滿足🥰呢度嘅服務都好好，店員行過如果見到我哋個茶杯唔滿就會主動幫我哋加水，超勤力😇同埋我哋喺飯素度都見到佢哋嘅誠意~其實好少食日本野都見到枱面有飯素比客人落，飯素入面有紫菜，好易會潮濕變軟，所以需要成日換，先保持到脆口~我哋食到脆口嘅飯素就感受到呢間餐廳嘅誠意🥰🥰🥰下次一定會再嚟食野😋…查看更多

同朋友食飯好少揀食西餐，一嚟食西餐價錢都比較貴，價錢貴就會對佢有較高期望，但好多時期望都會有落差，所以都少食🙈但今次Best friend 揀嘅呢間餐廳真係令我喜出望外🤩呢間餐廳嘅位置係喺馬鞍山廣場隔離嘅雅濤居購物商場，平時好少會行過去，best friend 都係喺openrice 見到先知道有呢個商場~我哋由餐廳嘅側門入，餐廳嘅側門以黑色為主調，比較低調，但招牌燈會顯示到佢嘅位置，都唔算難搵~我同朋友放工都好肚餓，見到Menu好吸引，有幾樣都好想食🤤🤤🤤最後我哋揀左佢最出名嘅威靈頓牛柳，加多個龍蝦汁海蝦蟹肉意粉🦐🦀🍝🤤🤤跟餐配忌廉龍蝦湯，店員話比我哋聽仲有蕃茄濃湯可以揀，所以我哋就各order左一碗試下😋餐包感覺幾有誠意，麵包入面混入左蕃茄乾，食落似意式嗰隻蕃茄乾麵包，用嚟送湯食好夾😋蕃茄濃湯飲落有好濃郁嘅新鮮蕃茄味，好健康嘅感覺🍅🍅🍅🍅🍅😋😋忌廉龍蝦湯飲落有香濃嘅龍蝦味，仲會食到蟹肉，好足料👍🏻終於輪到主菜啦～首先出場嘅係龍蝦汁海蝦蟹肉意粉~好足料，有好多海蝦同一塊塊嘅蟹肉🦐🦐🦀🦀仲有蟹子、青椒同菇，材料好豐富🤩食落意粉煮得啱啱好，我最怕喺街食意粉太硬/太稔/太乾或者冇味， 但呢碟意粉就冇呢啲問題👍🏻👍🏻加埋鮮甜嘅蟹肉塊同爽甜彈牙嘅海蝦，清脆嘅蟹子，清甜嘅青椒(難得食到冇苦澀味同草青嘅青椒)同爽口嘅菇，成碟意粉嘅口感好豐富😋😋😇龍蝦汁好鮮甜，同龍蝦湯偏咸嘅味道好唔同👍🏻👍🏻👍🏻意粉食到一半，我哋最期待嘅威靈頓牛柳終於嚟啦😍😍酥皮嘅顏色焗得好靚~呢個份量好啱我哋兩個女仔share😋酥皮焗到好酥脆~原諒我切得唔靚🙇🏻‍♀️威靈頓牛柳吸引之處係一次過可以食到唔同層次~外層酥脆嘅酥皮，入面厚厚的牛柳被香濃嘅菇醬覆蓋住，一啖食到晒所有材料，牛柳仍然係嫩嫰的，仲保留到肉汁，食到濃郁嘅牛味~呢間餐廳都做到~好surprise伴碟嘅西蘭花都唔會hea你平時伴碟嘅西蘭花大多都白烚，一係冇味，一係有草青味，但呢度嘅西蘭花係有調味過，食到少少咸味，恰到好處👍🏻👍🏻連有薯蓉都有用心，有齊軟滑同粒粒薯粒兩個口感，我同朋友都好滿意😋😋另外，我哋仲發現用嚟點綴嘅調味都有啲心思，食薯蓉食到少少生果酸嘅感覺，我哋就見到佢撒面嘅碎碎，有啲黃色嘅碎粒，我哋估可能係檸檬鹽或者柚子鹽，食落好特別👍🏻👍🏻😋😋我哋食曬威靈頓牛柳，再食埋剩餘嘅意粉~意粉雖然凍左，但一啲唔新鮮嘅味道都冇，好難得，證明用料新鮮👍🏻👍🏻👍🏻😇最後我仲揀左青蘋果梳打，雖然影得唔清楚，但梳打入面係有新鮮青蘋果絲喺入面，飲落好fresh👍🏻👍🏻呢個價錢有呢個質素，係好難得，下次會帶男朋友再嚟食野😇…查看更多

今日天氣咁熱，我同男朋友行街經過發現左呢間台式茶飲~壺說~壺說八道台灣好茶有8個主題嘅茶飲仲有好多特色口味嘅茶飲例如有普洱、水仙、高山青等，呢啲中式茶嘅茶飲😯好有興趣試下佢哋加左鮮奶同珍珠會係咩味😇呢張poster嘅配色好特別，吸引左我🤩呢排少左去飲茶，平時飲茶都係飲開普洱，中意佢茶味夠香濃但唔會苦，仲可以消滯，唔知用佢嚟整台式飲品會係點嘅呢?🤔🤔🤔一於買一杯蜂蜜普洱珍珠鮮奶茶嚟試下😙我今次就揀左微糖，但飲落就覺得半糖會好飲啲，下次就會揀半糖🤤賣相似朱古力奶嘅顏色，但飲落當然唔會有朱古力味😂係好香濃嘅普洱味，加上淡淡嘅蜂蜜同鮮奶味，個味道都幾得意😜佢啲珍珠好煙韌，好有咬好，啱晒我呢啲煙韌控😇我平時飲開微糖因為通常台式飲品嘅半糖對我嚟講都係太甜，但呢度嘅飲品應該比較少糖，健康啲，所以我今次會建議飲半糖😋男朋友就揀左黑糖珍珠鮮奶😋😋😋因為黑糖珍珠鮮奶係有固定甜度嘅，所以我哋就揀左微冰，唔太凍又唔太甜一入口好香甜嘅炒黑糖味，鮮奶味又好濃郁，珍珠一樣咁有咬口😋😋😋整體嘅口感同味道配合得好好😇下次一定要再嚟飲😇呢度仲有好多唔同嘅特色飲品~仲有學生優惠tim😇仲有深水埗街坊會嘅認證👍🏻👍🏻…查看更多

👫🏻男朋友帶我去食呢間大阪燒😋我哋冇預約，去到先留位侍應姐姐話大概1個鐘之後先有位，我哋就留左電話留位，去附近嘅SOGO行陣再返嚟😄餐廳本來都唔算多位置，近排要保持1.5米餐桌距離，座位就更少，人多就要耐心等候~大家想嚟食可以先預約😊我哋1個鐘後返到去就有位啦~量好體溫同消毒好雙手就可以埋位坐啦~好好彩係坐BAR枱😇可以睇住廚師喺我哋面前煮野食🤤侍應姐姐仲幫我哋每人準備左一條熱毛巾抹手，真係好細心😲我哋叫左好多野食🤤🤤😋😋😋😇 帶子😋😋大大粒，兩邊都煎得好香但煎嘅時間有啲耐，過熟左，同期望有啲落差，仲有啲太咸佢另外比左啲鹽我點嚟食，但我覺得唔點已經好咸😂反而可以用嚟點配菜嘅椰菜食，椰菜好新鮮，清甜又爽口😋但除左帶子，其餘每樣食物都好好食😋😋😋😋😋 關東煮🍢 😋😋😋男朋友揀左厚豆腐同牛筋，我揀左蒟蒻~牛筋爽口，牛肉好稔蒟蒻爽口彈牙😋😋😋關東煮係清淡之選，如果覺得太清淡，可以加少少芥末一齊食~豬肉薄燒🐽😋😋😋😋豬肉薄片加左啲粉漿變成薄薄嘅餅，上面加上大量嘅蔥同卜卜脆嘅粒粒，食落好得意~豬肉大阪燒加麵🐖😋😋😋😋😋好怕食大阪燒加麵會好飽，但呢個大阪燒加麵就唔會，賣相仲好靚😍食落唔會好多粉，啲材料唔會咬開之後跌出嚟，麵唔會發脹變稔👍🏻👍🏻👍🏻豬肉片煎到脆脆哋醬汁比例恰當味道啱啱好😋😋😋😋😋 芝士蛋奄列🧀🍳😋😋😋😋蛋餅包住濃濃嘅芝士，望住佢煮溶啲芝士，畫面好治癒😇男朋友夾起個奄列嘅時候，仲可以拉到長長嘅芝士絲，但食耐唔會好膩😋😋😋😋可惜我對雞蛋敏感，唔可以食太多😔我最中意嘅野食係燒甜薯雪糕🍠🍨😋😋😋😋😋😋我哋見到廚師拎左啲薯仔粒出嚟壓成薯餅，原來係我個燒甜薯🍠熱辣辣嘅甜薯餅配上冰凍嘅雪糕，冰火嘅感覺😇😇個雪糕有好香嘅牛奶味😋😋😋為呢一餐畫上完滿嘅句號🥰呢度個環境好舒服，廚師係日本人，都有啲日本嘅客人，會聽到佢哋用日文傾計，好似去左日本嘅感覺~侍應好細心，會留意我哋未食晒野，唔上甜品住👍🏻👍🏻👍🏻有機會一定會再嚟食🥰😇👍🏻👍🏻👍🏻…查看更多

本來4月會去台灣玩，但因為疫情嘅關係，被逼要取消🙈🙈 去唔到台灣，就食台灣菜補返數啦 (-^〇^-) 芋頭控應該會好中意呢個肉鬆芋泥三文治，我對芋頭敏感都覺得好吸引，可惜敏感唔食得🙈魯肉飯都好吸引🤤呢度係立食嘅~ 亦可以外賣~附近好似冇地方可以坐低慢慢食，所以我哋就決定立食~我哋order左一個涼拌皮蛋豆腐同花雕雞卷做頭盤🤤涼拌皮蛋豆腐個醬汁好開胃，酸酸哋，咸甜咸甜，豆腐好滑，加埋皮蛋同肉鬆一齊食好夾😋😋花雕雞卷好香濃花雕酒味，雞唔會煮得太熟，啱啱好😋😋魯肉飯配雞排食到好香滷水料味，亦有少少藥材味~用呢種紙盒裝載，好有台灣鐵路便當feel😍醬汁肥牛捲餅醬汁偏甜，啱晒我🤤個捲餅係似墨西哥捲嗰種肥牛份量都好多😋下次要試下鹽酥雞🤤🤤支持小店💪🏻💪🏻💪🏻溫馨提示:Menu唔見有飲品賣，可以過隔離買埋台式飲品🤤…查看更多

行街行到攰，行到去駿業街遊樂場坐左陣，坐下坐下就8點啦😂係時候食晚餐lu~見到呢間龍城冰室啲裝修幾靚咁，就行左過去睇下有咩食~呢度都有好多唔同嘅野食，由中式小菜到西餐都有🤤🤤今日有啲想食中式小菜🤤我同男朋友一人揀左一個小菜😋😋跟餐會有兩碗餐湯，我哋揀左中湯、西湯各一😋西湯係羅宋湯，啲配料煲到出晒味，好濃嘅羅宋湯味~中湯係蓮藕煲豬骨湯，男朋友唔中意食湯渣，所以order左淨湯，雖然係淨湯，但都飲到係好濃郁，一啖湯飲到各食材嘅精華😋鳳梨咕嚕肉我最中意食咕嚕肉，呢個咕嚕肉幾好，咬落去係爽口，肉唔會柴，酸甜比例都配合到👍🏻金菇肥牛煲用煲仔上可以保溫，金菇肥牛好入味，好惹味，好啱餸飯食👍🏻最後加配左一杯熱柚子茶，呢度嘅柚子茶會有一片檸檬。如果覺得太甜可以“督”下片檸檬，酸酸甜甜，可以消滯，refresh一下😃…查看更多

喺牛頭角附近做完野，有少少肚餓，行過見到呢間餐廳好似幾吸引🤤一於入去坐下，食少少野😋我見到燕麥多士好似唔錯，就食呢個餐啦～男朋友就中意食香口野，日式雞軟骨餃子就啱晒佢~先嚟左飲品先~之前同男朋友去茶餐廳，佢叫過一次茶走，我試飲左一啖，就愛上左😋茶走冇熱奶茶咁苦澀，但飲落仍然係好香茶味，所以我由嗰時開始就中意飲😋😋呢杯茶走聞落好香茶味，飲落口好滑，我叫左少甜，甜度都好啱我胃口，仲飲到濃濃嘅茶香，一啲苦澀味都冇👍🏻👍🏻👍🏻男朋友飲凍奶茶，佢同我對奶茶嘅評價都係一樣，佢嗰杯雖然係凍飲，但冰、茶、奶嘅比例都配合得好好，唔會因為加左冰而溝淡左個茶味，口感都一樣咁滑，茶香味濃👍🏻鮮牛油果占燕麥多士🤤多士烘得啱啱好，脆卜卜，牛油同jam嘅比例配合得好好，唔會覺得油膩😋😋雞軟骨餃子外皮脆卜卜，雞軟骨都好爽脆，好啱做下午茶小食👍🏻👍🏻啲枱可以攤開，坐多幾個人，同一班朋友都可以坐得舒服鎮店之寶都好吸引，但夜晚要食飯，所以今次冇食到，下次一定要再嚟食過🤤…查看更多

放工見有啲餓，就搵下粉嶺有咩野食~見到呢間越南野好似幾好，咁啱去到又有位，就食越南野啦🤤一入到餐廳就聽到播緊越南嘅歌，見到好有越南感覺嘅裝飾品~我同朋友都好肚餓，叫左好多野食🤤落單之後，店員就拎左兩杯火車頭河嘅配菜比我哋，入面有青檸角、荳芽、辣椒碎、九層塔等。將配料分開裝呢個做法值得一讚，方便好似我呢啲揀飲擇食嘅人😂😂青木瓜大蝦米紙卷材料好豐富，食落好滿足，米紙係帶點煙韌，包住大蝦、青木瓜同蔬菜食落好爽口，好fresh😋😋蘸埋啲檬粉汁，酸酸甜甜好開胃。我第一次飲菠蘿汁，好清甜🍍🍍🍍🍹火車頭湯河大大碗，好足料🤤有生牛肉、牛腩，牛栢葉、牛丸🐮🐮🐮🐮牛丸、牛肉同牛栢葉都好爽口，牛肉味濃，牛腩肥瘦比例適中🐮🐮🐮湯底有好濃郁嘅香料味👍🏻👍🏻串燒揀左豬肉、雞肉、牛柳粒各一串，個沙嗲醬好惹味😋全部野食一齊影張大合照先🤤聽著越南嘅歌食越南野嘅感覺都幾得意…查看更多