lubu852's Profile

想食小籠包嘅時候，我通常都會揀去樂天王朝， 特別係東涌呢間分店， 呢間分店保留咗少數開放式廚房嘅格局， 食客可以睇到廚師預備菜式及廚房衛生程度，令我覺得份外有信心👍🌟原味小籠包樂天皇朝主打唔同味道嘅小籠包，但我覺得原味其實做得唔錯， 夠熱，皮薄，湯汁足夠， 配搭新鮮嘅彊絲同醋食，非常好食👏🌟芝麻醬油麥菜第一次食嘅涼菜，非常有驚喜， 油麥菜好爽脆， 配合香濃嘅麻醬，口感有啲似沙律， 呢個配搭非常出色🫶🏻🌟蒜香排骨豬骨湯拉麵個湯好好飲，麵質相當唔錯，兩塊蒜香排骨份量十足， 蒜香味好濃， 我鍾意呢個配搭多過上海排骨😬🌟宮廷驢打滾超好味嘅必點甜品，驢打滾係源自中國清朝宮廷嘅傳統點心，以糯米為皮，內捲紅豆餡，再裹上炒熟嘅黃豆粉，因其外觀神似毛驢係地上打滾後沾滿塵土而得名，故又稱「豆麵糕」！ 口感煙韌但係唔會黏口，紅豆餡比例啱啱好，冇遮蓋到黃豆粉嘅香味， 仲要夠凍👍 呢個甜品一定要試，食咗幾次都保持到水準👏東涌東薈城最近都多咗好多遊客同埋市民食嘢同埋購物， 樂天皇朝都係商場裏面數一數二嘅排長龍店， 絕對有佢嘅原因，大家嚟幫襯嘅話記住早啲攞飛！ 真心推介👍…Read More

平時放假好鍾意去中環荷李活道附近行吓，轉過擺滿古董藝廊嘅街角，發現呢度新開咗一間裝修好有特色嘅泰國餐廳——耀華力。牆上掛咗好多充滿泰國風情嘅畫框及海報，睇得出店家精心營造泰式風情👏 店員都熱情有禮，感覺唔錯😎午市套餐幾抵，$118起包一份主菜及餐湯，喺中環地段，坐得舒服，食物水準同服務又好，呢個價錢都算係咁👍 🌟青木瓜沙律清爽又開胃，木瓜絲夠爽脆，辣度剛剛好，作為開胃前菜合格👍🌟泰北咖喱雞金麵隻雞髀係超級巨型😍 而且煮到好入味，啲肉又夠滑👏 咖喱汁做得夠滑又夠香濃👍 椰奶好香又唔會太搶，整體口味偏甜。金麵有部份炸到脆卜卜，撈埋一齊食雙重口感🫶🏻 🌟泰式香草炒牛肉飯非常有鑊氣，牛肉表面微微焦香，keep到juicy唔會太乾，味道平衡得幾好👍 煎蛋流心效果完美，撈飯食真係好正😎🌟椰汁馬蹄雪葩 呢個甜品非常特別，香港比較少泰國餐廳會提供😍 配料有馬蹄、大樹菠蘿及海底椰肉，食之前記得撈勻，coconut cream香甜又帶點鹹香，好好食👏 食完好滿足，仲可以行去PMQ同大館散下步，消化下，完美😌…Read More

葵芳新都會廣場最近開咗間日本過江龍漢堡排專門店「肉肉大米」，成日見到人排長龍，今次趁未到食飯時間唔使排隊，去試佢個「三件漢堡排套餐」😎一次過試勻原味、芝士、同期間限定青咖喱，$140可以試齊三款口味，仲有白飯、西蘭花、蕃茄麵豉湯任飲任食👍🌟三件漢堡排（自選口味）$140🍚日本「虹煌米」白飯任裝🥚日本生食雞蛋一隻🥦西蘭花任添🍲番茄菜蜆肉麵豉湯任飲🌟原味漢堡排一咬落去肉汁爆發出嚟😍 肉質好鬆化，唔會乾爭爭👍 建議第一啖咩都唔點，就咁食，配埋日本米飯一齊食，超級滿足🥰🧀芝士漢堡排店員會即場刨芝士，滿滿嘅芝士視覺效果滿分💯芝士熱溶後超級拉絲，芝士嘅鹹香同漢堡扒都好夾，重口味之選🫶🏻🌟期間限定：南洋青咖喱（微辣）辣度比較溫和，我諗小朋友都食到👍 除咗漢堡扒仲有菠蘿同紅椒配料，蘸上青咖喱汁味道好有層次，好開胃，真係幾特別👍 🌟枱面有8款醬料，燒肉醬、蒜香辣椒醬、芥末鹽麴等，啱晒咩都想試吓嘅我🤣呢度嘅服務好好，職員非常熱情，時不時主動加西蘭花，又會主動問需唔需要添飯添湯👍 餐廳不時會推出期間限定口味，今次青咖喱口味好有驚喜，唔知下次又有咩新口味呢？😬…Read More

呢間「曾三仙米線」以川渝風味米線聞名，太子分店環境好闊落👍入門口已經聞到陣陣泡椒香氣，期待🤩🌟泡椒三仙米線 ($56) 店員推薦我哋試呢個招牌湯底，佢話辣度係中辣，一上枱試啖湯先，泡椒酸爽帶辣勁，好香😍 配料非常足，有薄切豬潤，非常爽口👍 豬肉絲口感爽滑，而且好入味👍 仲有午餐肉、金針菜、蕃茄，連鵪鶉蛋都有😆 雖然食到流鼻水，但夠爽😆 米線煮到剛剛好，又滑又有口感，唔會煮到腍晒👍 🌟雞湯米線加蝦滑 ($55) 如果唔食得辣，呢個雞湯底就啱晒😎 店員話係堅雞湯，難怪金黃色，飲落咁鮮甜🥰 有好多舊鮮嫩雞肉，加$5蚊嘅蝦滑絕對係正，係手打㗎，非常彈牙🫶🏻 鮮味同雞湯好夾，唔食辣都有好選擇😎🌟重慶現炸小酥肉 ($27)即叫即炸，熱辣辣又脆卜卜，啲肉仲keep 到juicy👍 點唔點辣粉都好食🫶🏻🌟糍粑油條 ($18)呢個配搭我都係第一次食，軟糯嘅糍粑包住脆油條，仲有黑糖，口感層次豐富，甜度啱啱好👍 鍾意食糍粑嘅朋友記得要食😬🌟牛肉餡餅 ($20)都係新鮮熱辣，包住牛肉餡，夠晒酥脆，唔錯👍🌟三仙冰粉涼蝦 （配餐半價$13） 🌟酒釀豆花 （配餐半價$9）甜品半價好抵食😍 碗冰粉好多料，食完辣嘢一啖冰粉，即刻解辣👍 酒釀豆花好滑，酒釀香好特別，甜度適中🫶🏻「曾三仙」嘅湯底夠味，配料夠多，小食有驚喜👍甜品性價比高🫶🏻 今次叫咁多都係百零蚊，抵！…Read More

台式火鍋坊間有唔少選擇，但我都係情有獨鍾＜湊湊火鍋＞，分店又多🫶🏻 k11 Musea分店環境好靚，可以對住個靚景😌 餐廳轉咗中秋節主題裝飾，真係好用心，佈置得好靚好有氣氛😃 而且仲有新推出嘅中秋節套餐（ 月兔雙人套餐），多咗好多中秋海鮮新品，大家可以留意下！🥘金㜢醉月秋蟹煨魚鍋拼招牌麻辣鍋呢個雙拼鍋好特別， 白湯非常好飲，而且仲配咗兩個蟹粉醬， 蟹粉醬配豆腐或者海鮮真係回味無窮😃 招牌麻辣鍋裏面嘅豆腐同鴨血好入味， 個辣味我好鍾意👍🌟鱻味鮮薈必點🫶🏻 三種唔同嘅魚，包括有脆鯇， 龍躉同鱔片， 三樣都好新鮮又厚切，正😍🌟大紅袍奶茶我都鍾意飲珍奶，估唔到火鍋店都做得幾好味喎！🌟茉莉綠茶茶味清香，打邊爐食飲真係解曬辣！🌟企鵝賞月好搞鬼嘅造型， 企鵝係由墨醬漿造成， 有海鮮味又彈牙， 最過癮係個月亮，好大個蟹子魚滑， 小朋友見到實好鍾意😎🌟頂級美國牛板腱份量真係好多切成薄片 都好有肉味，入口好滑！🌟萵筍切成粗條嘅萵筍無論喺麻辣鍋或者魚鍋都好好味！ 爽脆鮮甜！🌟甜品吧呢個超有驚喜，自製绵綿冰， 配料有花生，豆腐布丁，芋圓仙草等等， 配上煉奶或者黑糖，真係超好食！ 呢個DIY甜品區 真係不容錯過！＜湊湊火鍋＞ 質素不嬲都有保證，而且cp值高🫶🏻 全新 [新台式定食] 午市套餐, 幾款新菜品$78起😎 台灣夜市下午茶‧宵夜自助任飲任食$128起😍 …Read More

喺荔枝角呢個工貿區搵食，總有驚喜😃 今日同朋友book咗呢間The Pizza Pig，一睇嗰啲名都知佢嘅Pizza係招牌菜，不過原來除咗Pizza其他食物都好高分🥰 餐廳空間感好大，樓底高感覺特別舒適👍 職員服務亦都好好🥰 🌟蒜蓉辣椒牛油大蝦虎蝦非常大隻，吸盡牛油同蒜蓉辣椒精華，蝦肉彈牙得嚟帶微微辣勁，撈埋勁香牛油汁，用香脆面包嚟「索」盡每一滴😚 記得要趁熱食😬🌟羽衣甘藍藜麥雜菜沙律羽衣甘藍唔會「嚡口」，配蜂蜜芥末醬非常match, 紅菜頭甜軟、鷹嘴豆粉糯，仲有脆口南瓜籽同鹹香巴馬臣芝士碎，口感同味道層次好豐富👏食完牛扒後平衡返罪惡感😆🌟特級安格斯肉眼扒12oz (Medium rare) 牛扒切開粉嫩🫶🏻 肉眼特有嘅油香好正👍 外層烤到微焦脆，內裡肉汁鎖滿，簡單用海鹽同黑椒調味已經足夠突顯安格斯濃郁牛味。12oz份量啱啱好滿足肉慾😚 薯條非常厚切，好香脆，超級邪惡😆呢度酒類嘅選擇都好多，啤酒🍻紅酒🍷白酒🥂Cocktail🍸等等一應俱全, 啱晒一班朋友share食同暢談暢飲😚…Read More

每次去福岡都會食佢嘅名物，牛腸鍋同水炊雞鍋，估唔到銅鑼灣新開咗間主打博多鍋物小店，兩樣都有得食😍 店鋪播住輕快嘅J-Pop，彷彿一秒穿越到福岡嘅小店🫶🏻我地點咗兩款招牌套餐，分別係水炊雞套餐同牛腸鍋套餐，全部套餐都會附上蔬菜豆腐拼盤、甜品🥰 打卡仲送咗一份60g 米豚肉🤗🌟水炊雞鍋 （套餐跟烏冬）水炊雞湯底好清澈，滾沸後服務員建議我們先飲一口原湯。好純粹嘅清雞湯味🥰 冇多餘油脂同調味，清甜雞湯溫潤順喉🫶🏻 飲完之後就可以落配料啦🫶🏻 博多土雞雞滑好好味😍 又彈牙又鮮味，點日式山椒醬就最完美🥰 雞肉肉質緊實嫩滑，雞味香濃👍 之後落白菜、香菇、豆腐等配料一齊煮，味道變得更豐富有層次，最後用匯聚所有精華嘅湯汁煮一碗麵，好味到連湯都飲晒😎 🌟和牛腸鍋 （套餐跟拉麵）相比之下，牛腸鍋就係另一番風味。揀咗味噌為基調嘅湯底，非常濃厚而且鹹香👍 職員會先幫手爆香牛腸，牛腸處理得非常乾淨，毫無異味。煮完之後非常Q彈，內裡脂肪甘香，同味噌嘅鹹鮮非常平衡。韭菜恰到好處地中和咗油膩感，最後湯底嘅精華煮埋個拉麵，重口味得嚟好爽啊😬🌟60g 米豚肉新張限定🌟 打卡有著數😎博多鍋 HAKATA NABE 全新開業期間，推出驚喜打卡優惠！禮物三揀一，包括北海道豚腩肉60g / 手工清酒1杯/ 可爾必思梳打1杯😍 只要做齊以下2 步即享驚喜禮品😬1. 追蹤社交平台2. 係店內影低食物相片，然後上載到你嘅社交平台 Tag 返 今次博多鍋物體驗非常滿足。如果你想係銅鑼灣尋覓福岡嘅味道，呢度一定令你滿意🥰 …Read More

今日去咗銅鑼灣試一間新嘅串燒店＜毫無分寸＞，初頭係俾佢嘅沙爹牛肉麵吸引， 另外維他奶主題都幾有趣，所以一試😬餐廳喺銅鑼灣世貿中心對面嘅地舖，都幾易搵今日都試咗唔少嘅嘢食👍🌟惹味辣雞腎雞腎幾爽口， 餐廳提供咗燒烤鹽、泰式酸辣汁同沙嗲汁， 我覺得點少少鹽已經好好食😋🌟老銅牛叉燒豬叉燒就食得多，牛叉燒真係未試過😆 肉厚又夠香，調味甜甜地👍🌟鹽焼牛舌心份量都唔少，味道都ok👍🌟一次過叫曬佢維他奶芝士醬串燒系列試下先😬維他奶芝土免治雞肉串，賣相都 震撼， 維他奶醬覆蓋曬成串雞肉串😬 維他奶醬幾特別， 滿滿嘅豆奶味加芝士嘅味道， 我諗鍾意食芝士嘅朋友都鍾意嘅😆🌟維他奶芝士翠王瓜翠玉瓜嘅爽脆同水分配呢個醬汁幾好👍 🌟維他奶芝士年糕個年糕炸到外脆內軟，本身裏面都有芝士㗎喇，配埋呢個維他奶醬，好邪惡呀😆🌟維他奶芝士獅子狗🌟維他奶芝士小甜薯🌟蒜蓉燒蠔上枱好香， 啲蠔都唔算細隻， 我覺得點個泰式辣醬就幾好味🤤🌟和牛炒飯用醬油同和牛肉碎炒出嚟嘅飯，味道都唔錯仲好大碗添， 如果熱啲就perfect😊🌟唔L同沙嗲牛麵呢個沙嗲牛麵嘅賣相同味道都相當唔錯👍同出面食到嘅味道唔同，好濃嘅沙嗲汁佢嘅味道係偏甜少少，我就好鍾意🤩 🌟維他奶奶紅豆冰飲維他奶嘅回憶返曬嚟，仲有紅豆冰嘅感覺，呢個配搭真係唔錯😊🌟維他奶奶黑芝麻冰維他奶中有滿滿嘅黑芝麻醬， 飲到兩種唔同嘅口感🫶🏻我最鍾意嘅係個沙嗲牛肉麵， 我覺得啲關注組就係可以去試下， 俾下意見， 用餐感覺唔錯😌🌟著數優惠：午市加五毫子可以轉加加大勁量凍飲(1L)😎…Read More

平時想食任食燒肉都會諗起安平燒肉，估唔到佢呢期upgrade咗咁多😍😍 由食材到燒肉方式都全方位提升，簡直有「職人級」燒肉體驗😃 🌟日本A4+和牛饗宴 今次揀呢個最高級別嘅餐，真係覺得物超所值🫶🏻 🥩日本A4+和牛超高質，每片經手工精修，搭配薄切技術，口感勁正，入口即溶，和牛獨特嘅油脂香瞬間口中大爆發，encore咗好多次😂 仲有和牛壽喜燒，肉質入口即溶，同日本蛋一齊食，簡直係高級享受🥰🫖安平慢熬清雞湯，估唔到食燒肉都有雞湯飲😆 慢煮雞湯香甜濃郁，好好味😌🥩手工安格斯牛小排又係正，雪花好均勻，非常有口感，而且牛味濃郁🫶🏻🥩極厚切檸檬牛舌一定要食呀😃 真心有驚喜，聽聞每條牛舌都經過六小時慢煮👍 仲會提供牛舌板，刀叉同沙漏計時，好有儀式感😃 每邊燒2分鐘啱啱好，keep到軟嫩質感，實在太好食😬 🦐炙烤霸王蝦(鹽蔥·黑蒜油）大蝦質素好高，非常新鮮，燒完之後肉質爽口彈牙，配搭特製醃料，記得食多幾隻😃🐟安平赤魚一夜干選用新鮮赤魚，非常抌本，難怪魚肉細嫩又多汁👍🐟炙烤白鱔配海苔又係必食，白鱔肉厚，燒完之後皮脆肉嫩🫶🏻🍚安平櫻花蝦飯呢個係安平嘅招牌必食菜式，每次我都會整一大兜㗎😂 最鍾意配搭勁多櫻花蝦紫菜同埋蒜片，再撈埋秘製醬汁，配燒肉一齊食，好邪惡啊😆😆🧉十二味醬專區呢度連醬料都勁多選擇，我最鍾意招牌黃金醬同埋蒜片鹽醬，配搭任何食物都好好食🤤仲有好多創新嘅醬料，例如薑味可樂醬、香水檸檬汁、海鮮五味醬、香辣烤肉辣椒粉等等👍其實除咗以上餐點之外，仲有勁多款燒烤嘢食同埋台式小食。今次嘅新餐牌真係upgrade咗好多，我覺得呢個價錢可以任食咁高質嘅肉類同海鮮，真係好佛心😌 真心推介俾大家🫶🏻…Read More

上年開始， 港島南區嘅市民除咗有港鐵搭之外，仲有個大商場 Southside， 除咗滿足到日常生活需要外， 仲有好多特色餐廳進駐，就好似今日我去食嘅＜山洞食堂＞， 隨時食到好味嘅燒肉，真係唔錯😎 餐廳裝修都有特色 以木系裝修再加特色牆嘅設計，空間感都幾好👍🌟前菜餐廳提供咗五款前菜， 款式都足夠，味道唔錯，加錢仲可以無限添加👏🌟日本和牛肩肉盛$268.0一上枱就見到啲肉嘅雪花好靚， 呢種質素嘅和牛最緊要就係控制火候，唔可以燒得太熟， 點少少鹽已經好好食🤤🌟烤鵝肝多士$195.0鵝肝同菇放係錫紙盤裡面， 原盤放喺燒烤爐上面， 呢種食法都係第一次，有驚喜，鵝肝都會有少少煎香嘅效果， 另外，鵝油都會令到啲菇好香， 麵包要小心處理，好易烘燶， 每面十秒就可以😬 多士加上鵝肝同埋無花果醬， 味道一絕😍🌟蔥燒厚切牛舌$178.0厚切牛舌裡面裝滿咗鹽蔥醬， 兩邊煎香之後， 已經好吸引，但我建議一開二，口感會更好， 真係幾好味🤤🌟醬油蝦 $188.0一碟有四隻大蝦，性價比都唔錯， 佢嘅醬油俾一般餐廳嘅濃少少， 但係都食到蝦嘅鮮味同埋彈牙嘅口感， 唔錯唔錯👍🌟嚴選牛骨髓石頭鍋飯 $225.0牛骨髓嘅香味同油脂同飯混合，諗都諗到好好食🤤🌟韓式泡菜煎餅$132.0份量好大，做到外皮脆嘅口感， 個醬都唔錯，其實幾好食😋🌟西柚乳酸梳打$42.0🌟青瓜青檸梳打$42.0味道清新，配烤肉好夾！…Read More

燒烤堂不嬲都係我最愛嘅串燒店，中環分店環境好好，仲有卡位勁正😆 好鐘意佢嘅創意配搭，而且款式又夠多，每次嚟都有新嘢，唔怕食到悶😎 🌟肉類串燒厚切牛舌拖羅好好食啊😍😍 質感柔嫩🫶🏻 鹽燒牛小排肉香濃郁，簡單鹽燒帶出牛肉香味💕免治雞肉棒, 蘸蛋黃口感更順滑，軟骨增添口感層次👍 雞皮墨魚滑特別要讚啊😍 香脆嘅雞皮同墨魚滑嘅彈牙完美結合，創意十足👍和牛棒配一口松露飯，好似食緊漢堡扒咁😆 又好味，又有創意😎 🌟海鮮類日式燒白鱔，皮脆肉嫩，鰻魚油脂夠曬香👍 鰻魚玉子燒夠創新，蛋香濃郁，表面香甜焦糖勁加分👍🌟蔬菜類川燒茄子好綿軟，川辣味夠刺激👍 鹽燒露荀好清甜，脆嫩多汁🫶🏻 麻辣翠玉瓜厚身，非常惹味🫶🏻🌟sweet treats 牛油番薯條雖然邪惡，但係真係勁好食😆 厚切番薯條香脆又夠甜，真心正👏黑糖燒菠蘿無疑係必食，香甜菠蘿裹上薄薄一層黑糖，炙燒後形成脆甜焦糖外衣，冷熱交融酸甜感完美中和咗燒烤嘅油膩，做為收尾好完美💕 🌟Sapporo生啤買一送一，每枱必點😉 呢度嘅款式真係多到不能盡錄，相信要嚟幾次先可以試曬佢嘅所有出品🤣 佢嘅品質絕對對得起價格👍 難怪咁受歡迎，用餐高峰時段要耐心等候一下啦😉 …Read More

朋友知我鐘意食雞白湯拉麵，佢話天后有間主打雞白湯拉麵嘅小店，好食到不得了，一定要帶我試吓😎 咁厲害，肯定要試試佢啦😌 小店好有特色，好多電影海報佈置，有feel😌 但係中間又加插仲chiikawa佈置😆 呢種mix and match 又幾得意，冇乜違和感喎😅 🌟 每周限定 - 白松露白湯拉麵🍜每次見到限定兩隻字，必定雙眼發光嘅我，揀咗呢款🥰 一端上碗麵，見到面頭一層濃厚白色泡沫，就知道一定係好嘢😌 同傳統日式雞白湯有啲唔同，呢度嘅湯更有雞湯香味，非常甘香🫶🏻 顏色亦偏金黃色，老實講，相比起日本傳統奶白色雞湯，我更鐘情呢款🥰 白松露味低調得嚟又帶有存在感，唔會搶咗雞湯嘅風頭，又令個湯味道更有層次👍 兩塊厚身雞肉好嫩滑🫶🏻 慢煮叉燒同溏心蛋同樣出色，果然有啲料到😎 🌟 每周限定 - 龍蝦雞白湯拉麵白松露白湯拉麵已經非常出色，估唔到呢款龍蝦雞白湯拉麵仲有驚喜😍😍 啖湯鮮甜到不得了😃😃😃 如果你係鐘意海鮮湯嘅話，呢碗一定要試😍 集鮮、甜、香、濃於一身，仲配兩隻新鮮彈牙大蝦🍤，真係好好食👏👏 🌟 醬油鮑魚（鮮六頭鮮飽）小食都出色😀 鮑魚肉厚爽彈，鮮味十足👍🌟醬油漬蠔 （熟鮮蠔）調味好好，食到有青花椒嘅味道🧐 完全唔腥，好食😎 🌟日本完熱香蕉梳打 & 晴王麝香白葡萄梳打食日式拉麵，硬係覺得配呢啲飲品先夠滿足🤣 呢度嘅嘢食真係幾出色，難怪咁受歡迎，佢用嘅麵條偏彈牙，曲嘅麵更掛湯👍 仲有就係個湯食到最後都係好熱，非常加分🫶🏻 我哋連湯都飲晒就知真係唔錯啦🤣 …Read More

呢一兩年喺香港好興食壽喜燒， 呢間天澗壽喜屋可以一人一個套餐，自己處理， 自己控制肉類生熟程度，非常滿足又好食🤤呢間係尖沙咀堪富利士道嘅壽喜燒店＜天澗 壽喜屋＞， 第一個感覺就係環境好舒適，座位好寬敞，尤其是卡位，非常舒服😌 仲有幾多驚喜位😃 有期間限定嘅套餐，竟然係全日免加一👍 指定時間仲有九折優惠 😃🌟期間限定- 熊本A4和牛肩胛套餐［ 數量有限，售完即止］呢隻期間限定嘅牛來自熊本， 油花其實足夠㗎，而且牛肉味好出， 好香濃👍 以壽喜燒嘅做法去處理真係非常好食🤤 如果大家唔識點樣處理，餐廳已經提供咗一張教學，好容易，零失手👏 用相宜嘅嘅價錢就享用到高級嘅味道， 真係唔錯👍套餐都會跟一個日本雞蛋，飯或者烏冬，野菜盛盒及開胃漬物， 非常豐富， 大滿足😌🌟北海道A4黑毛和牛( 赤身)雖然係赤身，但油花分佈非常平均， 每一口都係好軟腍嘅感覺， 配埋熱辣辣嘅日本米飯， 絕對係高級嘅享受😋食完牛肉類， 餐廳都提供咗兩種煮法 去處理個野菜盛盒， 包括用壽喜燒汁或者昆布鰹魚湯， 我哋兩樣都試過， 鍾意濃味嘅我哋梗係喜歡壽喜燒汁， 唔知大家又會選擇邊一款？😆值得一提嘅就係＜天澗 壽喜屋＞套餐選擇非常豐富，有唔同肉類同部位選擇，另外仲可以選擇肉類嘅份量， 一定揀到你想食嘅組合😬 幾十蚊就可以追加多一碟肉呀， 真係好貼心喎！除咗壽喜燒之外，午市都有好多 丼飯套餐，cp值都好高👍🌟香茅鴨屎香檸檬茶好夠香， 解油膩🫶🏻🌟小青檸梳打冰凍清香又夠氣，配搭壽喜燒一流👏…Read More

喺香港有生猛海鮮又有靚牛肉嘅任食火鍋放題餐廳真係唔多，銅鑼灣牛之鍋無論性價比、食物質素同服務都符合晒我嘅要求😎 仲要晚市無限時任飲任食😱 B餐$298晚市放題今次食牛之鍋B餐（$298/位），可以一人一鍋👍有雞煲、刺身、和牛、海鮮自助吧，仲有超正嘅自己夾生猛活蝦😍 仲有勁多串燒甜品, 性價比超級高🫶🏻 🌟肉類美國極尚牛肉、澳洲羊肩肉、特選豚肉，美國極尚牛肉質素好靚，油花分布均勻，食幾碟已經回本👍 羊肉都唔錯，配搭麻辣鍋底好掂🫶🏻 🌟海鮮呢個真係好有驚喜，真係好正呀，有生猛靚蝦任夾👍 新鮮靚蝦，果然唔同啲，肉質爽口彈牙又鮮甜，必食推介👍 海鮮自助吧有超大隻嘅生蠔、鮑魚、紐西蘭青口等等，滿足晒海鮮控🫶🏻 鮑魚彈牙無腥味，蠔又大又飽滿，必食💪 🌟其他刺身、串燒、連乳鴿都有😱 呢個價錢真係冇得彈😬 🌟飲品啤酒、罐裝飲品、茶飲、咖啡果汁全任飲👍🌟自助區：蔬菜吧乾淨整潔，丸類一應俱全，連響鈴腐皮都有💕 🌟甜品燒榴槤係我嘅首選😎 大大嚿好香甜👍 心太軟都唔錯，即叫即焗😍 仲有焦糖燉蛋、宇治芭菲等等，甜品胃請預留空間🤣🌟環境與服務座位寬敞無壓迫感，如果book到卡位仲正😬 服務方面補菜速度好快，完全冇漏單嘅情況🫶🏻呢個價錢喺銅鑼灣嚟講真係冇得輸，任飲任食仲可以自己夾海鮮，喺香港放題餐廳真係少見😎 真心推介俾大家💕…Read More

今日專程嚟到M+呢間高質中餐廳——璞Agate食飯。全景落地玻璃非常有睇頭😎 餐廳環境闊落，裝修高貴典雅，樓底極高，咁有氣派嘅中餐廳喺香港比較少見🫶🏻 話明係文化區餐廳，連餐具都特別講究，每道菜都似藝術品咁😍 服務亦非常到位，餐廳職員醒目又Nice，加分🫶🏻 🌟蜜餞西班牙黑豚肉叉燒 $268餐廳嘅招牌菜，選用西班牙黑豚梅頭肉，表面掛滿蜜糖漿，咬落微脆，內裡肉汁飽滿又軟嫩，鹹甜平衡得非常好👍 配上一碟紫蘇葉，可以用紫蘇葉包住叉燒食，更加解膩，非常特別🫶🏻 器皿非常講究，keep住保溫，細節位滿分👏 🌟松茸菊花豆腐 $198呢道菜平時睇美食節目就見得多，今次親眼見到真係嘆為觀止😬 豆腐切成菊花形狀，靚到唔捨得食😆 豆腐超滑溜👍 用松茸、杞子等熬嘅清湯鮮甜又帶松茸香。真心佩服呢種傳統粵菜嘅工藝。🌟瑪瑙蝦餃 $78 彩色半透明皮好吸睛😍 非常足料，大蝦爽口彈牙，點少少潮州辣椒醬仲正👏🌟腿茸蘿蔔絲酥 $78千層酥皮勁鬆化😍 金華火腿茸嘅鹹香同蘿蔔清甜融合埋一齊好美味😎 熱辣辣食大滿足🫶🏻🌟生拆龍蝦肉泡飯 $268經理介紹我哋食呢個是日推介，果然冇介紹錯😎 實在太好味啦😍 龍蝦湯底非常鮮甜濃郁，生拆龍蝦肉落得一啲都唔吝嗇，蝦肉新鮮彈牙👍 食時先倒入脆香米，與泡飯形成雙重口感🫶🏻 一煲份量足夠四五人食👍 璞Agate 絕對係西九文化區嘅驚喜餐廳，下次有朋友想睇完展覽覓食，一定會再嚟👍 …Read More