ohlongjohnson's Profile

Café@WM 最近推出以蟹為主題的「金秋蟹香自助晚餐」。我和家人前去用餐，整體吃得很開心，從環境到食物都留下了不錯的印象，算是秋季值得一試的 buffet。餐廳位於 WM 酒店內，空間寬敞，光線明亮，座位之間不會太擠。落地玻璃加上柔和燈光，氣氛舒適放鬆。這次的 buffet 以蟹為主軸，配合不同風味的菜式，從冷盤到熱食再到甜品都能找到蟹的元素。晚餐時段由 6:00 至 9:30，食物分區清晰，補給也算頻密。海鮮與冷盤：– 加拿大松葉蟹腳：份量不少，蟹肉鮮甜，單吃或加點檸檬都可以。– 法國麵包蟹：蟹膏很足，蟹肉細緻，是當晚比較受歡迎的一款。– 牛油果芒果蟹肉沙律：味道清爽，水果的酸甜與蟹肉搭配得不錯。– 即開生蠔：蠔身算飽滿，新鮮度也可以。熱食和現場烹調：– 芝士焗蟹蓋：蟹肉配芝士很濃味，整體偏豐富扎實。– 大閘蟹：份量不大但味道不錯，蟹黃和蟹肉都算新鮮。– 日式手卷（帶子蟹膏、軟殼蟹）：飯量與海鮮比例適中，口感平衡。– 其他蟹料理如流沙天使麵、蟹粉小籠包、蟹肉炒飯等，選擇多樣，其中天使麵的蟹粉香氣比較突出。甜品：甜點區選擇很多，外觀精緻，小份量方便多試幾款。– 茶味甜點如培茶泡芙塔、烏龍茶蛋糕等，甜度偏輕。– 桂花酒釀小丸子的口味也不錯。當晚每枱還有附送一份秋季月餅，餅皮酥脆、內餡帶果香。整體而言，這次 buffet 的蟹類食材種類豐富，料理手法也比較多變，沒有一般自助餐那麼單調。環境舒適，菜式更新頻密，作為季節限定主題，整體體驗算是令人滿意。…Read More

⏰ 下午茶只在星期六、日及公眾假期供應，時段為 3:15pm 至 5:15pm。經網店預訂會有折扣，人均大概二百多元，價錢算是相當吸引。食物方面：🫖 鮑魚盛「燕」下午茶自助餐菜式會因應供應略作調整，大致上都是以鮑魚和燕窩元素為主。🦐 冰鎮海鮮、刺身及壽司下午茶時間居然都有凍海鮮，像蝦、蜆、螺都有供應。刺身和壽司選擇也不少，包括三文魚、吞拿魚和一些常見的雜錦款式。🥢 熱葷、即場烹調熱食多為偏濃味的菜式，例如鮑魚汁炆鴨掌、鮑魚雲吞雞湯、泰式包雞、越式牛油雞等，都會不斷補上。也有即場炒的鮑魚海鮮烏冬、粉麵檔，選擇算是多樣，食量大的人都能應付到。🍮 甜品甜品種類非常多，而且大部分都與燕窩有關，包括蛋撻、啤梨撻、水果凍、蛋糕、酥條、慕絲、窩夫和布甸等等，款式相當豐富。亦有即做的開心果疏乎厘班戟，口感輕盈綿軟，還有 Häagen-Dazs 雪糕和朱古力噴泉，甜品控一定會很開心。🥗 沙律吧、水果也設有水耕菜沙律和水果區，適合素食者或想吃得清爽的人。…Read More

行完觀塘工廈之後本來諗住搵啲簡單嘢食，最後就揀咗金飯館試下佢哋成日被人推介嘅炒飯系列。基本上佢哋好多菜式都係用炒飯做底，選擇多到有少少眼花。原本想叫豬扒飯，不過見到隔離枱堆到成座山咁高，為咗稍為收一收口，我最後揀咗蝦頭油炒飯。炒飯炒得好乾爽，入面有蝦仁、櫻花蝦同少量蠔，但就算淨係食飯本身都已經好夠蝦味，非常惹味。我另外加咗蘭王蛋，價錢唔算平，但食落覺得效果一般，可以唔加都無所謂。飲品方面，凍檸茶係普通茶餐廳版本，勝在茶味夠重、冰唔算多，整體都算穩陣。之後同朋友交換試咗黑松露炒飯，入面混咗少少帶子粒、蝦仁同白菜，但黑松露味唔算突出，相比起其他幾款炒飯會普通啲。再嚟係即炸豬扒燶邊蘭王蛋飯。呢款係少數包埋蛋嘅飯，豬扒炸得好脆又厚身，分量同樣誇張，但椒鹽味太突出，直接搶晒戲。椒鹽豬扒飯都係炒飯底，份量依然澎湃，豬扒係偏向避風塘風格，香口又惹味，如果鍾意重口味會食得好開心。至於脆皮牛腩飯就比較特別，炸皮本身好食，牛腩肥瘦分佈都幾好、炆得軟，但同炸皮一齊配炒飯感覺有啲奇怪，整體味道唔算太夾。最後我哋七個人叫咗七個飯都係清唔晒，分量真係誇張。老闆一路都好熱情同我哋傾計，之後先知原來最低消費唔一定要一人一個飯，聽到都忍唔住笑。…Read More

首次去牛大人觀塘店，環境好大、好新、好企理，未食先讚一個，選擇了日本A4+黑毛和牛吃到飽套餐，可於兩小時內任點任食，附送澳洲M9和牛牛丸、海鮮拼盤及任食多款不同烹調方法的熟食鮑魚。餐廳這陣子正推出「炎夏椰樂祭」限時活動，以椰子為主題，由湯底到甜品都可以看到椰的蹤影，椰子控快訂枱了！湯底選擇了鴛鴦鍋，其中一邊選了木瓜椰皇嫩雞鍋，另一邊選擇了阿嬤養生濃湯鍋，湯底真材實料，少鹽少油。前者木瓜超甜，並散發著椰皇的香氣，超美味！養生鍋有薑味，湯底很清，感覺滋補養生🫶🏻據網上資料，牛大人火鍋的湯底由台灣師傅親自主理，以真材實料熬製，不含味精。每回光顧都必定在湯滾起後先喝一回。另外，椰主題方面還點了特調雞尾酒--冰檸伴椰，朋友大讚。我試了香芋椰漿脆脆，最後還試了movenpick的椰子雪糕，啖啖椰肉，十分讚！肉類選擇多，牛以外，豬、羊、雞都有。當中日本黑毛和牛A4+和伊比利亞黑毛豬梅肉的質素非常高，沒想到任食都不會將貨就價，單就目測的色澤已知新鮮！海鮮拼盤有生蠔、扇貝、鮑魚和鱔，各樣皆新鮮。手機落單的食物選擇非常多，自助區的食物選擇亦多👍🏻飲品方面，多款茶飲可無限量翻點，自助區亦有海量飲品。甜品推介仙花雙圓和自助區的movenpick雪糕，竟然有creme brulee味呢！餐廳還推出不少優惠：設"學生狂歡時段"，憑全日制學生證於星期日至四晚上9時後入座可享：「美國特級安格斯」套餐減$30、「澳洲極上和牛」套餐減$60、「日本黑毛和牛」套餐減$90。所有顧客皆可以參與"知識就是折扣"，通過答題贏取餐飲折扣等優惠，只要答中4題，即送鮑魚小吃拼盤；答中5題，下次惠顧吃到飽套餐可全單打八五折追蹤牛大人社群媒體，包括社交平台，可獲贈「椰奶蓋芒芒爽」 ー杯。…Read More

之前同朋友食過一次旺角分店嘅午市放題後，就已經mark落最愛食肆。今日約定朋友食埋佢嘅晚市放題，比較一吓有無分別。就朋友揀左嚟觀塘分店。先講環境，地方比旺角細，但可能相對無咁方便，人潮沒有旺角咁墟冚，所以比較靜，坐得舒服好多，攞嘢食亦無咁迫，個人其實較喜歡觀塘呢邊。今次晚市放題揀左個中價位嘅"SRF美國極黑和牛片‘’套餐，雖然牛肉無咁頂級，但肥瘦適中，肉質軟腍，慢慢咀嚼亦嚐到淡淡嘅牛香味，都算價錢合理。套餐亦包括封門柳，肉味當然較濃，不過size較細薄，要叫多幾轉才可以滿足到嗜牛嘅友人。上次大推嘅脆口食物如響鈴、炸魚皮、炸饅頭等，一樣值得推介，同樣鬆脆香口；呢度嘅午餐肉都值得一試，厚切午餐肉煎炸得六面金黃，即使火鍋再浸過湯，亦依然挺身香脆。搵唔到上次好食嘅紫菜響鈴卷，不過就有油炸鬼，都一樣好食，胃口好嘅，真係唔可以唔食。胃口細d嘅當然就要揀返d無咁重澱粉質嘅，海鮮絕對唔好錯過。首先大頭蝦同沙白係必點嘅。大頭蝦隻隻漲卜卜勁可愛，肉質勁爽彈；而沙白真如其名-‘鮮甜沙白’，灼熟開口就見到每隻沙白都唔算細隻，入口無沙兼厚肉鮮甜。蘭花蚌上次已介紹過細細隻，但口感脆彈，似食刺身嘅鮮味。熟食類先推介乳鴨、食過有d放題乳鴨會勁鹹，但呢度絕對唔係，而係非常惹味。再嚟係自助區攞到嘅生菜魚肉，生菜鮮甜，唔係街邊小食只食到生菜絲；而魚肉真心好味，魚味濃郁外亦做到彈牙口感。例湯足料，粟子腰果豬骨湯，輕易𢳂到大大舊豬骨同腰果，入口係老火湯嘅味道。邪惡火鍋一定要食蔬菜減輕罪疚感，第一次食紫白菜，揀佢係因為顏色勁靚，估唔到佢入口係勁甜，比大白菜好食好多。當然想再健康d嘅，就要食多幾棵羽衣金藍啦。最後食埋甜品，雪糕控嘅我一定係食Häagen-Dazs啦，呢晚就有雲呢拿、朱古力、藍梅、同埋焦糖脆餅四款口味，真係食多幾杯已感覺輕易回本。此外再食左個軟心芝士布甸，如果個胃仲有quota嘅，呢個都值得一試，因為芝士味幾香濃。總結係晚市食物同樣係性價比極高嘅，選擇多樣化，而質素上乘。同午市比嘅唯一美中不足就係最多只有120分鐘時限…Read More