frenchroast's Profile

每個月都要來一次的愛店所有食物都色香味全且份量十足炸物尤其出色，毫無油膩感，放久了也保持到爽脆炒類也是鑊氣十足晚市送糖水，小小一碗，是完美的句號服務周到是老店，但乾淨衛生價格相宜，晚市人均少於HKD100本身不是素食者但六榕仙館革新了我對素食的認知味道及口感的多變不亞於葷食對比過幾間傳統齋舖這間六十年代開業的出品最穩定出色是少數保留得住傳統味道的老店這裡還有特價外賣飯盒及齋餸素點心也五花八門堂食、外賣，抑或路過找點小吃也能滿足而回 。…Read More

見到晚市套餐加$10有隻炸春雞，所以就入去試下。之前有去開，不過今次係有驚喜，因為服務比之前好好多，好到我忍唔住要sell 下佢。1. QR code 點餐，但因為比較複雜，所以搵咗樓面幫手。雖然樓面得三兩個人，仲要做埋reception，但落單都好有耐性，又好交帶，好有禮貌，加分。2. 請樓面幫手影相，另一人本身拎住湯要上，但都好低調咁企開，等我哋影晒相先上湯，細心。3. 四個人，叫三個晚餐，有牛扒、意粉、海鮮炒飯，加一隻炸春雞。跟餐嘅沙律新鮮，無出水。牛扒俾到五成熟切得開，蝦都彈牙，意粉有半熟蛋撈埋幾creamy。春雞係細細隻，都有肉，炸得ok，好夠食。仲有剩飯要pack走。唔會動地驚天咁好食，但人均百頭晚餐對得住個價。4. 問佢拎兜pack 走剩飯，佢本身只有大膠兜，見我哋唔想要咁大個兜，主動再提出搵下有冇其他。最後幫我哋搵左個小紙兜連膠蓋。呢啲細位就睇得出好細心。見佢哋平日都有八成滿，希望佢哋可以keep到。…Read More

跟隊食羊腩煲同雞煲，估唔到都幾驚喜。羊腩香而不酥，而且完全唔黐牙，夠淋身。食完羊腩，再滾其他邊爐嘢，邊飲酒邊吹水，氣氛幾好。除咗煲之外，個炸韭菜餃同麻辣魚皮極度推薦，韭菜餃超趣，但唔會有琳琳。而且裏面韭菜爆多，我估唔炸，放湯都OK。麻辣魚皮，最勁係個魚皮質地，超爽，而且仲有藤椒，好惹味。同枱有朋友額外叫咗個麻辣薯粉，個薯粉估唔到都吸到好多湯底嘅味道。今次只係偷食咗一條，下次試下叫一碗🤣🤣 另外有個小驚喜就係凍檸茶，個茶底都幾濃，冇揸流攤。…Read More

本身係想試生滾豬膶粥配腸粉但原來只係晚市宵夜供應反正坐低左就叫個豬膶拼牛筯麵試下落完order，老闆就入咗廚房預備等左成十分鐘，碗麵終於上枱即叫即煮呢點令人有些感動口味嘅嘢好個人呢碗豬膶牛筯麵賣相平平但老闆即叫即煮已經覺得好有誠意豬膶厚切啖咪肉唔腥牛筯稔滑最正係個麵底爽口超彈牙極加分咬到最後一啖個質地都冇變本身唔好麵，落完order仲諗不如轉米粉但食完老闆碗麵之後就覺得下次去其他地方都要叫麵了雙拼連嘢飲$42呢個已經係散叫非套餐價小店大家都要好好珍惜…Read More

同媽媽去西灣河 lunch，喺OpenRice 見呢間無論喺服務、環境同食物質素都幾好評分，所以去試下。結果真係無令我哋失望。地方唔太但好cozy，家庭式裝橫，有少少日本喫茶店嘅感覺。服務誠懇真摯，唔會怕問多兩句煩到人。食物都有驚喜。我哋點咗三文魚牛油果飯、牛油果蘑菇酸種多士同豆腐mousse蛋糕，配埋斑蘭菊花茶同蜜糖菊花茶。前者個三文魚牛油果飯，份三文魚係一粒粒煎香咗嘅，牛油果熟透，配埋蛋黃醬同粟米粒，好似沖繩吧塔塔飯，好好撈，好好食。牛油果蘑菇酸種多士亦係正常發揮，加埋沙律菜，好清新，無負擔。兩款花茶都加左少少蜜糖，唔會過甜，好清香。豆腐mousse蛋糕個樣已經好加分，淡淡嘅豆腐味，佢用嘅係甜菊糖，減緊肥都唔怕食。呢間餐廳食嘢，好似去咗朋友屋企咁，好親切，食物份量輕型，食嘅係食物嘅原味道，唔係靠醬汁吊味。好適合啲想出去食，又唔想太重口味 / 份量太多 / 怕肥嘅人。不過追求濃味/啖啖肉嘅就就未必岩喇。…Read More

金鐘出名難搵食，難得呢度五六十蚊仲有得坐，如果紅開有位都會去食。拉麵quota一定留返出面，一直以黎都係好safe咁叫飯餐，仲可以加$8配埋菜，喺金鐘黎講算好抵。試過佢既鰻魚飯同豬軟骨飯，雖然鰻魚唔係大舊，不過收得咁平其實都預左，而且真人同上鏡都分別唔大。鰻魚唔腥有啲肉又有汁撈下，不過不失啦。豬軟骨就有驚喜，甜甜地、入味又稔身，半隻糖心蛋都正常發揮，又有啲粟米撈下，真心覺得幾好食，之後都翻兜咗幾次。都係嗰句，五六十蚊，有飯有菜有嘢飲有位坐，喺金鐘黎講算係咁，食嗰幾次，覺得間嘢無佢嘅食評講到咁差。或者嘅嘢食同個人期望都唔同啦。…Read More

堂食六點即止嘅食肆唔駛掃安心唔駛寫紙仔量一量體溫就入得阿姐安排我坐喺一個安靜嘅角落叫我坐低先慢慢諗食乜電視播住mute咗嘅chill club唔會嘈到人又可以觀賞到曾比特同林欣彤合唱 叫左碗叉燒湯意粉加菜心配茶走送到枱上我「嘩」咗一聲叉燒幾厚肉，份量唔少，仲幾稔身菜心乾淨爽口意粉唔會淋滋滋湯底好清無味（精）雖然杯茶走稍嫌唔夠濃不過$39俾到咁既味道同份量都無乜得挑剔間舖都有番咁上下歷史有歲月痕跡但完全唔dirty 枱凳唔會笠痴痴空氣通爽無怪味我坐正喺水吧/廚房對出坐左半個鐘都聞唔到油煙味論食物嘅味道，新唯一未必令人留下好深刻嘅印象（某程度上都係件好事）但就流露一種失落已久嘅情懷可能來自喺普通家庭可以食到嘅尋常味道又或者源於傳統老店而帶來的親切感覺同時亦因為環境乾淨而俾到客人嘅一種安心唔堆砌、唔造作成件事好「真」如果有機會再去新墟都想入去食返碗麵重溫返呢種咁地嘅茶餐廳文化然後先過隔離飲杯啡扮文青…Read More

有咩促使我夜麻麻點幾唔去瞓喺度寫食評？真係好想俾人知呢度嘅鰻魚飯有幾抵食。晚市$100客鰻飯，已經平絕灣仔，估唔到佢仲咁高質。首先條鰻魚本身已經好有份量，而且燒得剛剛好，魚皮帶少少焦香，食落去有肉地但唔肥膩，仲好嫩滑，無骨，一啲都唔腥。個醬汁唔甜，食完一啲都唔覺得口渴，而無嗰種好假嘅甜味，更加唔會有魚腥味，好滿足。$100竟然食到咁高質嘅鰻魚飯，俾錢嗰陣我仲有少少唔好意思，忍唔住開口讚客鰻魚飯真係好好食，老闆先話啲鰻魚岩岩喺日本返。咁下次要試埋佢地嘅壽司啦。…Read More

好開心太古城開左間非港式既意大利餐廳。裡面用餐環境不俗，枱凳比場內好多餐廳都大，唔駛為左騰出空間放食物而急急食；服務殷勤，幾細心，會留意返客杯水飲到咁上下就黎斟；食物都冇令人失望，配麵包既橄欖油超香，意粉真係 al dente，pizza料好足，grill黑毛豬就稍偏鹹，最欣賞佢pizza 同pasta都有分大細，人少少都可以試多幾樣；當然口味呢啲野其實好主觀，個人認為佢喺太古城黎講，以環境、服務同食物質素而言，性價比算高，又可以訂枱唔駛排餐死，會再去。…Read More

QUICK LUNCH當然要快、靚、正，諗都唔諗就揀左BURGER KING，叫左個小華堡。唔似得有D漢堡包一味得肉，BURGER KING勝在好多菜，仲要超爽脆，食到索索聲； 塊蕃茄大大塊，又多汁，即時覺得自己健康左；至於主角塊漢堡當然GRILL得好香grill，加埋個包即叫即整，熱辣辣，有誠意，十零蚊一個確認好滿意^^…Read More

睇完早場搵食，pokka cafe 無下午茶、ucc得窩夫，本來想去cafe habitu飲杯咖啡，經過冰場見到有新野，過黎試下。先講餐牌，豬仔包、三文治，意粉、炒飯，乜都有，下午茶都係廿零三十蚊，仲有堅咖啡，再加兩蚊仲可以轉款，抵。杯咖啡都唔欺場，幾香，唔係沖粉；至於野食就不過不失啦，我叫左奶油豬，都算香、脆、甜，加上環境唔錯，隔離就係溜冰場，幾好view，坐得舒服。係個可hea之地；而且侍應反應快又有禮貌。茶餐廳價錢cafe質素，值得表揚！…Read More

一直都覺得，呢間牌子既面包都唔平，一個冇肉既包閒閒地都貴過老麥既火腿扒，個樣幾得意，好似樹幹咁，上面一層薄薄既糖霜，仲有陣鮮奶既甜味湧緊埋黎，睇落都幾吸引。返到公司太多野趕，到左十點幾先食到個包，點知隔左個幾鐘個包仲甘脆，而且係外脆內鬆軟，仲有好香既鮮奶味，加埋少少甜既糖霜，而且仲一啲都唔油，very good! 九蚊一個包，好滿意…Read More

見到咁多劣評，本來都幾擔心，不過長輩既集體回憶，當食環境都要黎一次。脆皮乳鴿：其實都唔係好差啫，皮脆、肉入味，係嚡啲同肉實啲，可能出面林林種種做得太好，相比之下有啲輸蝕囉。大良炒鮮奶：夠滑夠香，有蝦GA，good紅燒豆腐煲：豆腐好滑，又夠稔，長輩讚不絕口豆腐花：好滑噃，筒仔載住又得意，桂花糖都好香服務：冇問題丫，叔叔伯伯們好主動，幾位呀？乳鴿駛唔駛切四份？要唔要手套？感覺幾warm，好過連鎖公式既多多聲環境：好有七八十年代風味，又有滑梯同埋孔雀，孔雀喎！好堅如果齋講食物質素，唔會係最好，但計埋環境、風味同回憶，咁就值得好評喇！…Read More

喺上水想舒舒服服嘆個早餐，通常都會揀DELIFRANCE。點解呢？一來座位多，唔駛等；二來雜誌新，唔怕悶；三來選擇多，一定揀到岩口味既。尋晚食得太飽，今次想清清地，於是就揀左蘑菇雞絲炒蛋通粉配熱檸茶。份量岩岩好，唔會食到飽飽滯滯，至於味道呢，估唔到真係幾清淡，係蘑菇有啲汁，其他都係好清，所以食完都唔會內疚。最like佢個熱檸茶，原個壼上，可以沖多個一杯，食完早餐仲可以上下網睇下雜誌，而且又有人serve，廿零三十蚊就可以食飽飽仲坐個幾鐘，算係咁喇。…Read More

講開何洪記，好多人都會提起佢既乾炒牛河同雲吞麵，上次去食，叫埋京都炸醬麵同及第粥，仲驚喜。先講京都炸醬麵， 鍾意佢毎麵夠彈牙同爽口，炸醬唔自好油，肉又夠稔，甜甜地，撈埋麵一流，連佢個湯都無郁過就KO碟麵；至於及第粥呢，粥底夠綿又滑，豬膶大大塊，一啲都唔嚡口，仲好香，係信得過Peter 哥既八成。不過消費都幾高，另外再叫埋乾炒牛河、水餃同芥蘭，咁就兩舊幾水，人均消費拍得住翡翠拉麵差唔多，都唔平。…Read More