九湯屋

金鐘出名難搵食，難得呢度五六十蚊仲有得坐，如果紅開有位都會去食。拉麵quota一定留返出面，一直以黎都係好safe咁叫飯餐，仲可以加$8配埋菜，喺金鐘黎講算好抵。

試過佢既鰻魚飯同豬軟骨飯，雖然鰻魚唔係大舊，不過收得咁平其實都預左，而且真人同上鏡都分別唔大。鰻魚唔腥有啲肉又有汁撈下，不過不失啦。豬軟骨就有驚喜，甜甜地、入味又稔身，半隻糖心蛋都正常發揮，又有啲粟米撈下，真心覺得幾好食，之後都翻兜咗幾次。

都係嗰句，五六十蚊，有飯有菜有嘢飲有位坐，喺金鐘黎講算係咁，食嗰幾次，覺得間嘢無佢嘅食評講到咁差。或者嘅嘢食同個人期望都唔同啦。