SimplyCarol's Profile

啟德AIRSIDE 當時新開幕一排，就同朋友去行下，新餐廳陸續開幕，令人選擇困難，最終為咗食邪惡甜品而去 𝐍𝐚𝐧𝐚'𝐬 𝐆𝐫𝐞𝐞𝐧 𝐓𝐞𝐚 🍵💕🍛 三文魚忌廉蜆肉飯 配味噌湯首先，飯偏乾。忌廉汁雖是稠身，但味道不夠突出，可以再調濃一點。三文魚切粒份量多，蜆肉有驚喜！味道鮮甜，讚！😍飯附了2粒酸梅乾，為creamy嘅忌廉汁作口味平衡。也隨飯配有味噌湯，不馬虎，湯裡還有幾塊肉片呢 😄🍜 柚子胡椒豚肉烏冬今餐諗住叫了甜品，所以主食想來個清淡一點。賣相比我想像中清淡了一些 😆不過湯底係清新嘅淡淡柚子味，胡椒味恕未能感受到有，豚肉及烏冬份量都合格，還有少量炒好嘅洋蔥及蔥粒，食落不覺有負擔，發覺呢個凍食或熱食都可以 😄🍎 蘋果批海綿芭菲 (當時期間限定) 杯底舖咗好多焙茶蒟蒻啫喱，粟米脆脆及忌廉，最頂就放上大大球焦糖味雪糕，再舖炒香咗嘅蘋果粒，以及2塊蘋果批粒，一凍一暖，酸酸甜甜，淋上焦糖醬及玉桂粉，聞到好香嘅Apple Crumble 味，食落口感香濃但不覺膩 🤗🍨 抹茶生朱古力芭菲按照片由上至下介紹：鮮忌廉及抹茶粉、蕨餅、抹茶生朱古力、紅豆蓉、粟米片脆脆、抹茶雪糕及抹茶奶凍適合自私食！😆抹茶味香濃回甘，生朱古力偏硬身有點甜，紅豆蓉細碎軟錦，粟米蓉脆口唔會擺到淋哂👍🏻 奶凍好滑，成杯口感必夠豐富 😋🍼 玉桂焙茶牛奶 (當時期間限定) 飲落順滑，焙茶味道較出。面頭加了厚層忌廉及玉桂粉，建議減些忌廉 😀🍵 玄米茶 (熱)配搭甜品一流，可清掉口腔的甜膩感，消除罪惡感 😬(可以再繼續點甜品食 😂) 整體來講，食物以主打抹茶系甜品比較出色。服務不錯，店員有耐性。會因為甜品而回頭幫襯 😁😋…Read More

抵食扒房推介🔥位於銅鑼灣皇冠假日酒店內嘅 𝘾𝘼𝙍𝙑𝙀𝙍，環境寬敞，座位多，坐得又舒服 👍雖然話係扒房，主打係炭燒扒，但午餐時段亦會提供semi-buffet形式，除咗品嘗主菜之外，仲有沙律吧及甜品任食！😍 非常滿足 🤩食物都好好質素 😀 性價比頗高！❤️🍽️ 𝐒𝐞𝐭 𝐋𝐮𝐧𝐜𝐡Available from 1200 to 1430包括：🍲 是日餐湯🍴 主菜🥗 自助冷盤及沙律吧🥧 自助甜品吧------------------------------🍲 是日餐湯磨菇湯，幾香滑creamy 😀🥗 自助冷盤及沙律吧沙律吧超多菜盤選擇！有幾款嘅cheese🧀 (有 blue cheese!) 同 cold cuts、煙三文魚，仲有好多款特色嘅沙律，推介香草大蝦燒新薯沙律、烤南瓜雞肉沙律，同埋烤地中海雜菜彩椒沙律 👍🥬 用料新鮮 🥔 見到廚師都緊張親自出嚟補添食材架 👀再唔係可以自己DIY蔬菜沙律都得！🤩🍴 主菜🥩 U.S.D.A. Rib EyeBeer Fries, Garden Vegetables & Truffle Gravy呢款係每日限量供應，且非常大塊！😮以 Arabica 咖啡渣秘製醬料醃製，再經乾式熟成、炭烤。叫咗5成熟，牛扒烤得好香，外面有點焦脆，咬落帶有啡香，炭烤能保持肉汁，牛扒肉質亦較嫰口，再搽上松露烤肉醬汁，非常滋味，正啊！🤤伴有扭紋炸粗薯，超香脆，又唔鹹 🍟🐟 Halibut FilletAsparagus, Spinach, Wild Mushroom & Tomato Sauce除咗扒類，呢度嘅比目魚，好鮮好好食！😋碟上先放香濃鮮茄醬汁，蘆筍及野磨菇，放上香煎比目魚扒，再加新鮮菠菜 🍅🥬估唔到鮮茄醬配比目魚係咁夾😀茄汁不會好酸，仲係新鮮煮的 ❤️加埋清甜嘅菠菜一齊食，口感豐富 😋食哂覺得唔夠喉 😂但要留個胃食沙律同甜品 🙈 所以要冷靜d 😂🥧 自助甜品吧甜品種類同沙律吧有得fight，一樣咁多款式，每款都造得精緻 🤩餐廳會不定期換唔同款式🍭 馬卡龍味道選擇多！仲以為唔同顏色都係得一隻味，原來每色都唔同味道嘅 😀 甜度剛好，食幾件都唔漏 👍🥠 瑪德蓮貝殼蛋糕 Madeleine口感綿密，充滿牛油香 😋以下係個人推介🔥🥧 Opera小蛋糕蛋糕軟綿，層次分明，好香濃嘅朱古力味，但食落唔漏不笠喉 😀🍓森林雜莓芝士餅就算係迷你版本，賣相都造得好靚，酸酸甜甜好開胃，食咗好多件 😂😜🌸櫻花水信玄餅以為cafe或者日式甜品舖先會有得叫，點知呢度有喎！幾驚喜 🤩 好滑漏啊 😍 清淡嘅櫻花味，好易食幾件強勁推介‼️🍞麵包布甸剛剛出爐，新鮮熱辣 😍 比我想像中好味！布甸質感造得好好， 蛋味香濃，外面層次酥脆，內裡帶點濕潤而滑漏軟綿 😋 因為以前喺其他地方食過一次，覺得好乾好寡味，所以怕咗唔敢再食，多謝餐廳令我對麵包布甸改觀呢 😀❤️🍫暖朱古力布甸因為剛出爐，口感似係心太軟咁，但口感食落去好軟綿，朱古力好香濃，果陣好想加球雪糕伴住食！😋唔係食到飽哂嘅話，真係想成盤攞嚟食 😂 唔係講笑😆仲有好多款式介紹唔哂 😄服務亦好貼心，一定會有下次，同朋友約埋chill下真心ok 👍…Read More

呢間韓國料理餐廳，係新沙洞澡堂 Coffee & Bar 嘅姊妹店，一開幕果陣我已經bookmark咗想去好耐，上星期終於有friend陪我去食 🤩新沙洞大排檔裝修非常之色彩繽紛 🌈🤩 喺度食嘢都零舍醒神 😁餐廳主打係招牌醬油拼盤及牛肋骨鍋，但因為朋友腸胃敏感，所以冇叫到醬油拼盤嚟食 🙂 但都見到其他檯都會叫嚟食，我諗應該都幾好味 🤔前菜都幾讚！呢度highlight一下有：粟米火腿薯蓉 🤩 暫時唔覺其他韓式餐廳有 (?) 薯蓉打得好綿滑😋仲有泡菜汁茄子 🍆、醃白籮蔔🥕、芽菜🥬、甜泡菜🌶️ 及 酸泡菜🌶️ 🍙 炸蝦芝士紫菜包飯卷 有：蛋絲、炸蝦、紅籮蔔、醃籮蔔、紫蘇葉及千島醬呢個飯卷唔覺漏，幾足料，有千島醬配炸蝦，食落口感覺就唔會乾身👌🥙 海鮮蔥煎餅煎得好香脆 🤩 配料比例多，魷魚粒非常彈牙，所以食落口唔覺粉👍🐂 宮廷燉牛肋骨鍋 (2-3人份)韓式菜我個人最鍾意就係牛肋骨鍋 😙個鍋嘅份量真係多，最好3個女仔share 😆4大件牛肋骨... 因為有其他嘢食嘛，我食咗一件已經ko咗 😂🙈牛肋骨煲到夠淋身，肉味好香濃 😋個鍋有好多大大舊紅白籮蔔，而湯底仲加咗紅棗同冬菇就非常清甜，真係好想撈飯食 😙 (我本身係飯桶😬) 🍼 草莓牛奶 配原粒蜂巢特飲 (2人份)🍓 凍飲＆一樽裝咁上，附2隻杯，杯裏放咗一串士多啤梨粒＋蜂巢粒，當倒咗草莓奶後，蜂巢粒會慢慢溶掉 😄草莓味同牛奶嘅比例剛好，唔會話草莓味濃過頭 😍韓國牛奶香濃滑！ 亦唔會好甜 👍🐝 第一次食蜂巢粒，口感幾得意 😆 佢唔係硬嘅，口感似甘蔗質地咁，一放落口，頭一下食咗蜂蜜味之後就淨返粒蜂巢，就冇乜味，可食可唔食都得。(溫馨提示：最好咀嚼耐d先吞，易消化d 😉)草莓奶伴埋蜂蜜一齊飲更加香甜！🥰🍓 韓式草莓乳酸刨冰建議2個人share 😄 草莓切片份量好多！🤩刨冰浸住士多啤梨乳酸醬，食落口就冇咁寡 😄不過刨冰始終質感比較粗糙d，如果可以加牛奶或煉奶豐富口味同口感會更佳 🙂刨冰就算熱到溶都唔怕，攞支飲筒當草莓乳酸咁飲又得 😂👍🥤 罐裝飲品：🧃 韓國粒粒提子汁🍑 韓國粒粒桃汁兩款味道都好清甜 🧡…Read More

🍣 筲箕灣街坊版日本料理小店超抵午市套餐 及 下午茶餐 ‼️🤩🥳 學生及月光族嘅福音 😄論質素，以呢個價位係真心ok！親民價得嚟，份量亦大方餐廳每檯設有玄米茶包可供享用 🍵------------------------------午市套餐 ➡️ 共有10款新開店都提供成10款俾大家揀套餐主要配搭係：丼飯 / 壽司＋烏冬 / 壽司定食配 中華沙律及味噌湯叫咗：🍣 特上鱻匠壽司定食 (人氣)追加 三文魚手卷 及 罐裝汽水仲可以再追加刺身或甜品添！幾鍾意呢個自由配搭 ❤️😀壽司定食有9件：中拖羅、三文魚腩、油甘魚腩、赤海老、帆立貝、甜蝦、鰻魚、北寄貝、榮螺刺身厚切亦都新鮮，味道鮮甜！基本上都不錯。連手卷俾嘅三文魚都係厚切架喂！😮🔥------------------------------下午茶餐 ➡️ 有5款配搭係：精選壽司/刺身＋烏冬＋炸物同午餐一樣，可以追加手卷 / 刺身或 汽水 / 甜品 😄🍣 我揀咗下午茶餐B三文魚刺身3片＋吞拿魚壽司＋白鳥貝壽司＋帆立貝壽司配 木魚湯稻庭烏冬 (但我加咗錢轉 蜆稻庭烏冬) 配 炸魷魚圈點解話要介紹，70蚊嘅價錢... 見到店員捧住成個定食一盤咁拎嚟，個感覺好開心，因為好豐富啊！🤩特別推介🔥蜆稻庭烏冬 🍜蜆份量都唔少！洗得好乾淨！蜆肉都厚身夠甜架！👍烏冬煮得彈牙，唔係淋bat bat！份量比我想像中大碗 😀 湯都清甜幾好飲呢 😋壽司叫標準吧，係吞拿魚肉質有待改善，有少許筋位 🙂炸物感覺有點乾身過咗頭，但烏冬真心唔差！😃同埋刺身冇因為下午茶關係而薄切咗！💯所以不過不失啦！算係咁呢 👌🙂------------------------------🍡 火山小丸子其實即係章魚小丸子 🐙大大粒！食落口唔覺得好厚粉漿，章魚粒幾彈牙，幾好 👍🔥 店長推介‼️🍱 鱻匠大佬丼定食配 (前菜) 螺肉一樣可加錢配罐裝汽水或其他 😀呢個相信係鱻匠Signature 丼飯 🤩 點都要試下！擺盤真係冇得輸，好有心機，成個碗擺滿哂！🥰連醃薑片都整到朵花咁，廚師好有心！😄刺身有：三文魚、油甘魚、吞拿魚、赤海蝦、帆立貝、北寄貝同埋玉子及青瓜 🥒每塊刺身都係厚切鮮甜！比起其他丼飯專門店，個人覺得呢度性價比高！赤海蝦都俾4大隻！🦐😮 啖啖肉又彈牙 😍又配埋前菜，加多5蚊有罐汽水，真係算係咁啊 😃🍓 練乳草莓芝士蛋糕賣相比較簡單不花巧，但質感都做得唔錯，幾綿滑，似自家製，芝士味唔算話濃，但肯定嘅係，一個人叫2件食，都唔會覺得漏！😂 幾滋味 👍…Read More

呢間cafe 地點雖然唔算話好就腳，但竟然長期都好多人幫襯！果日係平日12點正去，已經見到有人排緊隊等開門 😦環境具原創風格，走工業風路線，牆上有玩味塗鴉，仲擺放咗d得意嘅玩具仔或擺設 😆個人覺得cafe 最打卡able嘅位置係近門口嘅高檯位，張高檯似國際象棋盤 ⚫⚪ 日間影相仲可以借自然光添 😁👍🏻可能大家都以為我會叫熱門item『二世祖招牌朱古力』，sorry 反而對佢嘅沙冰好有興趣！😬呢排天氣熱，都係想飲d比較爽口嘅飲品 😙🍹 檸檬茶沙冰必推‼️ 大大杯，成個獎座咁😂 抵飲！味道偏向似飲泰式檸檬茶，或類似雀x檸檬茶咁，唔會死甜，飲落比較清新，一定唔會似飲糖水咁嘅！我極怕白糖水死甜味，因為飲兩啖我會放棄，但呢杯都唔駛特登叫少甜 👍🏻賣相好靚，連茶色都好靚啊 😍沙冰打得超幼細 (亦所以比較快就溶，打卡要快！😆) 仲有好多超幼細檸檬果肉同皮粒，面頭加片薄荷葉🌿飲落勁fresh 同有咬口 🍋 十分讚啊‼️ 💯🥑 牛油果香蕉奶昔水果用料新鮮，質感幼滑，但朋友話香蕉味略為蓋過咗牛油果味 😆🍗 二世祖雞翼 配 芥末洋蔥醬初初睇落冇咩特別，覺得佢係用靚雞翼，唔係平時街市見果d勁大隻又鞋口果d 👍 雞皮冇乜肥膏，煎炸得金黃色又香脆，雞肉嫰滑，芥末洋蔥醬甜甜地帶微微香辣，好醒神又滋味 😋🍔 原隻軟殼蟹燒菠蘿漢堡 配薯條雖然漢堡包喺視覺上，愈大個＆料勁厚就感覺夠邪惡，但各位係咪真係咁諗呢？呢度個漢堡包size 個人就覺得適中剛好，至少，唔駛怕食唔哂先，2個人share又得，1個人自己剛剛好食哂又得 👍🏻 (因平時d漢堡包太大個搞到食唔哂...)個漢堡包好cute cute架，有一對精靈嘅眼睛 👀😂成隻香脆嘅炸軟殼蟹切成一半，下面係燒香嘅菠蘿，非常甜＆多汁！😍 仲有番茄及生菜，再加泰式香辣雞醬喺軟殼蟹上面 🤩 口感同味道都豐富 😋❤️🧇 二世祖招牌窩夫 配雪糕呢個都要讚！去咗咁多間餐廳或cafe，覺得呢間俾嘅份量夠大方！😃窩夫四大件，咁有d餐廳都會俾咁多嘅，但我想講EASY JOE呢度嘅配料及醬俾得夠多！💯一個甜品佢俾夠3款配搭😮：抹茶蛋黃醬配藍莓、士多啤梨忌廉芝士醬＋玄米茶味/豆腐味雪糕 (我地揀咗豆腐味)擺盤好吸睛又豐富，雪糕球上加咗眼仔 👀 令人見到就開心 😄窩夫熱辣辣夠鬆軟，食落質感唔係好厚實果種 👍 就唔會好heavy 😄 2款醬同雪糕嘅配搭都一樣非常夾！Perfect 😍🥰 私心最鍾意係士多啤梨忌廉芝士醬！😁…Read More

🤩 Wingman 雞翼放題 😋Wingman 提供19種不同雞翼口味 🤩雞翼味道主要分為三類：濕身、乾身、特製單點又得，套餐或放題形式食都得 👌除咗雞翼，都有其他小食叫 👍🏻我地第一次嚟食，所以揀咗10款口味試下先 😄10隻口味任食‼️🔸蒙古燒烤味🔸紐奧良香粉🔸死神醬 🌶️🌶️🌶️🔸咖啡香味🔸泰式甜辣醬 🌶️🔸黑椒檸檬🔸黑芝麻海鮮蜂蜜🔸水牛城醬 🌶️🌶️🔸巴馬臣芝士蒜蓉味🔸田園風味➕ Free flow 罐裝汽水 / 或加錢轉🥤Iced Lemon Tea首先上面所列嘅頭4款，因為唔太食得辣或個人口味喜好關係，我地就冇叫到嚟食，費事浪費食物啦。採用法國無激素走地雞，肉質較健康，同脂肪冇咁多，肉質亦較嫰滑 😊泰式甜辣醬🌶️：即泰式甜辣雞醬，Wingman 呢度就加咗好多炸蒜蓉 🧄 食落更加香口又juicy 😋黑椒檸檬🍋：雞翼額外加塊鮮檸檬俾你自己唧汁，想幾酸就自己揀 😄 黑椒味幾濃，帶點微辣但不嗆鼻，仲好入味，加咗d檸檬汁比較開胃醒神d 😉黑芝麻海鮮蜂蜜 🐝：個人推介呢款口味！🔥醬汁香濃又甜甜地，加咗黑芝麻仲香口 😍水牛城醬 🌶️🌶️：傳統美國醬汁調製法。我打兩隻🌶️ 因覺得佢比泰式甜辣醬辣d，醬汁比出面食開嘅酸dd，感覺醬汁也較稠身濃厚，香辣味好快直入味蕾 😀巴馬臣芝士蒜蓉味 🧀：蒜蓉＋香芹＋Parmesan 芝士滋味推介🔥 芝士落勁多！😍 全部醃料入哂味！芝士蒜蓉香味好濃郁 🤤 田園風味 🧅：即係酸忌廉＋香蔥，十分香口，似食品客薯片咁 😆 令人想encore 🥰🍗 一round 可以叫6款雞翼口味，每款口味4隻🕒 用餐限時90分鐘🪑 同檯優惠需要一致🍷加錢可以free flow 紅酒、白酒、生啤、烈酒 🍺…Read More

最近呢個月去多咗日式居酒屋 😁✌️好似搞緊個居酒屋battle 咁 😆間間都各有主打同特色又唔錯，不過講到比較得我心嘅會係呢間 ❤️ 漁正居酒屋 💜價錢喺居酒屋嚟講係抵食 😀👍🏻平日晚7點左右d人就殺入嚟開餐架喇 😂雖然居酒屋唔算話叫好大間，但都分到好多卡位喎 😃私隱度幾高下架 👍🏻👍🏻👍🏻食物選擇好多，飯、烏冬、刺身、海鮮、壽司、炸物、天婦羅、小食、沙律.... 等等都有，當然靚酒sake不可少啦，仲要有時推d限定優惠添呀 🤩🐟 店長精選時令刺身拼盤 (上)有8款刺身：甜蝦、帆立貝、三文魚、八爪魚、油甘魚、左口魚邊、吞拿魚及縞鰺池魚勁厚切！😍 超級新鮮，刺身好肥美！冇得彈！食得到嘅... 都唔希望同人share 😂 想獨食成盤 😂🦪 兵庫縣室津生蠔我唔食生蠔，朋友叫咗2隻，大大隻！雖然我唔食，但肉眼見到生蠔肉質真係好靚！朋友話食到海水味，好鮮甜 ❤️ 睇落係見到有調味汁＋少少明太子，夾埋食應該滋味d 😃🐍 柚子鹽燒白鱔白鱔肉質肥美冇腥味、咬落彈牙爽口，亦唔覺有骨，加咗柚子鹽調味，同魚鮮甜味好夾，口感清新，燒得魚皮帶點焦香又脆口 😋👍🏻🐚 清酒煮蜆蜆洗得好乾淨，蜆肉鮮甜，酒味入肉又香 ❤️ 🥗 慢煮牛舌柚子汁沙律牛舌薄切均勻，肉質嫰滑，柚子汁清爽，雜菜新鮮非常爽口，配埋車厘茄，酸酸地，非常開胃 😋🍢 田樂豆腐初初我以為就咁燒豆腐，賣相好似好普通，食落就驚喜喎！😃豆腐面頭搽咗味噌醬去燒，燒到外皮香脆，因為加咗味噌醬，甜甜地咁嘅，一咬落去覺得豆腐比平時較香濃入味！十分香口，推介 🔥🍛 無骨鮮雞腿扒飯個人覺得份量可2人share，雞腿扒燒得外脆而內裡肉嫰，都幾juicy ❤️🥃 萬肯樂加賀熟成梅酒🍹 司牡丹柚子酒當晚去見到居酒屋做緊限時優惠‼️ 買一送一 🤩 正呀 🍻…Read More

❤️ 超打卡able嘅日式居酒屋 📸令和居酒屋有2間店舖，今次我去咗尖沙嘴店 😊地方好大，座位都多，有卡位同梳化位，多人嘅話仲可以訂廂房添 😊 佈置又靚，充滿濃厚嘅日式風情 🤩🇯🇵可能店員知我鍾意打卡，所以安排咗個打卡位俾我坐 😁👍好正呀！成幅好可愛嘅卡通牆喺正我隔離，我冇理由唔影架嘛？😆🥗 霜降和牛洋蔥沙律真心推介🔥霜降和牛油花細密均勻，肉質嫰口多汁 😋偏向薄切，以及半生熟，夾埋新鮮爽口沙律菜一齊放入口，令你咀嚼嘅時候，一邊嚐到清新，同時嚐到鮮和牛肉味 ❤️車厘茄好清甜，再加埋醃洋蔥 😃 想講呢度嘅洋蔥冇我想像中咁嗆鼻喉，仲帶點甜添！因為平時食沙律都幾怕食太多生洋蔥，因為食完個口係成陣味 😵 但呢度冇啊！配埋車厘茄同黑醋食，酸酸甜甜好開胃呢 🥳🦪 燒廣島生蠔 (2本)自己本身唔食生蠔，好怕佢嘅味同生食嘅質感 😅呢度係用千島醬汁去燒蠔 😮 對於我有點驚喜，因為用千島醬，一來可以蓋咗少少我怕嘅蠔味，二來千島醬同蠔都幾夾喎！蠔肉肥美，夾埋千島醬汁去燒好香，食落多汁滋味！不錯 🤩🐐 鹽燒羊鞍 (2本)聞同食落口完全唔覺有羶味 😃👍燒得好香，鹽都冇落過多，鹹度剛好，羊鞍好juicy啊 🤩🤤 肉好嫰腍，唔駛大力咬 😂🍢 明太子厚揚串好好味 🤩 除咗和牛沙律外，呢款都推介！😍豆腐炸到金黃色，外皮好脆口，內裡好鬆軟 😋 豆腐面頭舖滿好多明太子再燒一燒，所以勁香！一份會覺得唔夠喉 🤤🦑 汁燒16寸日本大魷魚筒魷魚真係有16寸咁長架唔係講笑 😮燒得好香，上菜時已經一早切好件 👍魷魚肉質新鮮彈牙，加咗燒汁夠惹味 😋🍜 日本黑毛和牛鍋燒烏冬湯底清甜，烏冬偏幼身，彈牙又滑 😋送上檯時個鍋仲係熱辣辣嘅，和牛係半生熟，等熱湯去浸到剛熟，食落口好滑 😋除咗和牛同烏冬，仲有海帶、蟹柳、鳴門卷同半熟蛋，份量幾足 🥰原本想叫呢度人氣飲品「鮮檸檬燒酎梳打」，不過太受歡迎喇，賣哂 😭😞叫咗呢2款含有日本燒酎成份嘅cocktails：🥛 Imo Shochu Iced Tea荔枝＋綠茶＋芋燒酎因為太多冰，荔枝綠茶味道唔出，所以令成杯嘢味道淡哂 🙈🍹 Around Japan乳酸＋炭酸水＋米燒酎米燒酎味道比較中性，大部分人都可輕鬆入口。但乳酸味不算突出，味道淡了點 😅建議叫cocktails 要求少冰 😬整體嚟講，服務不錯，店員都好友善，價錢對比食物質素係值，都幾抵食！ 😄 會有下次 👍…Read More

自己動手煎漢堡扒，即煎即食 🤩😋👍見到咁多人去呢間餐廳食得咁happy，冇理由唔去湊下熱鬧架嘛 😆福岡漢堡扒有2間店，我就去咗尖沙咀店，都好多座位，夜晚好多人食，平日晚市都差不多滿座 😀餐廳不設卡位，座位係長檯，打對面坐嘅排列形式。每個座位設有迷你抽油煙喉，咁就唔怕煎漢堡扒搞到成身油煙啦 😄餐牌主打提供不同嘅2人份量漢堡扒套餐選擇，亦可以單點漢堡扒，飯或沙律都得 👌我同friend 揀咗呢個 ⬇️🍳 兩人套餐 (Ver. 3)包括：芝士蛋蒜和牛漢堡扒 (中) x 2月見味噌牛丼飯 x 1飲品 x 2附 沙律椰菜絲、泡菜及麵豉湯(可加$18 轉特飲)(漢堡扒size 中轉大 +$8)想講2人套餐有5款，份量一定夠飽，我同朋友2個都食剩少少個飯 😅店員服務好好，都幾真誠，因為本身佢推介version 1，套餐個飯變做沙律，冇咁滯，但我又唔聽，係都揀Ver. 3，所以最後係食唔哂 😅🙈同埋落單時店員會問你係咪第一次食，見係第一次食，就會講解一下漢堡扒嘅煎法 😊煎法十分簡單：切一小份生漢扒放在迷你熱石上，然後用鐵鏟仔將漢堡扒壓扁，每2至3秒把漢堡扒翻另一面煎，至全熟及金黃色便可食用。漢堡扒採用和牛，所以比較嫰滑又juicy，即使煎到燶咗d都唔會"鞋"口 👍 仲食落外層脆脆地添，正！😋 和牛本身有一定嘅脂肪量，加上鐵板煎扒冇可能冇油架喎。所以坦白講，煎完食落係有dd油嘅，不過嚟到食就預咗啦！個人覺得可以接受 👌😊芝士＋蛋＋蒜片配搭真係好香口！😍💯備註：鐵板上嘅熱石溫度如果不夠熱力去煎漢堡扒，可以通知店員更換 🤓想講佢個沙律菜係好好味 😆 菜絲切得好幼細！ 如果可以添就好喇 😁牛丼飯係巨型size！😱我地如果唔食個漢堡扒，食呢個飯都飽大半喇 😂有勁多野菌 (金菇及鮮冬菇片)，所以好香，同埋肥牛都多，用味噌汁炒香過，唔多筋又唔算多肥膏，食落唔覺油膩 👍丼飯面頭仲有隻蛋黃，俾你可以篤開再拌飯食，十分邪惡 😈🤤🍇 巨蜂提子特飲🍊 金橘檸檬特飲本身冇期望呢度有咩特色嘅飲品，離不開都係汽水，同估計d特飲梳打好普通咁。最後叫咗呢兩款特飲試下，發覺要推介！🤩汽水成日都有得飲啦... 特飲係超大杯！同啤酒杯差不多size 😦 我諗大家唔係飲到咁多嘅話，建議2個人share一杯都得呀！😂其實特飲都係果味梳打，果味夠，又唔會太甜，梳打好夠氣，飲咗好耐都仲有氣，仲覺得幾解渴解膩喎 👍整體嚟講，呢餐又可以玩又食得飽又好味，回頭率極高！下次帶阿仔去食先 🥳…Read More

之前消費劵一出咗，個腦只係諗到食好嘢 😆所以就同friend子食餐豪d嘅 😁去咗尖沙咀一間回頭率極高嘅人氣日式居酒屋 🥳平日夜晚7點後就不停有人入座 😮南瀛水產每日都會由日本空運直送不同嘅海鮮食材返嚟 🛬居酒屋主打日本地道浜燒海鮮料理，即捕即燒，非常新鮮！🐟 真鯛刺身刺身薄切均勻，夠鮮甜 ❤️會想食多碟 🤣🍸 海膽杯海膽杯分上下兩層：上層有海膽、鮭魚籽、帆立貝及吞拿魚蓉，下層有澤蟹同金粟粒 🌰由上層食到下層，味道由清新去到濃郁 😋唔好睇少呢個海膽杯，一個人食好快飽咗半個肚，建議share食，少吃多滋味都ok 😁上層刺身類全部都好鮮甜又滑漏 💕下層嘅金粟粒軟綿又甜 ☺️ 澤蟹脆口咸香 🦀成個海膽杯睇得又食得 😀🦪 活貝盛合燒海鮮本身設有兩款套餐選擇 (為2人份量)。因為另外嘅南瀛海鮮盛合份量再多d，我地怕食唔哂，所以揀咗活貝盛合。有鮮活鮑魚、蛤蜊、扇貝和生蠔。一端上檯，見到都心心眼😍 因為隻隻海鮮都好大隻又肥美啊！🤩 鮑魚仲係郁緊架！😆店員會幫手燒海鮮，燒得勁靚！仲加咗少少清酒和鹽去調味，更加滋味！店員處理海鮮亦非常企理又快 😀 仲細心會切開細件方便我地食添 🥰🦀 蟹味噌甲羅燒嚟到居酒屋，必叫佢嘅招牌item啦 🔥有蟹肉、蟹膏和蟹籽，配搭味噌、鵪鶉蛋和香蔥，一邊燒一邊拌勻，香氣撲鼻 🥰 食落口感綿密，蟹味濃郁 😋🍱 黑松露鰻魚釜飯釜飯有dd類似香港嘅煲仔飯 🍚 不過釜飯係用慢細火煮，所以食材同飯會比較鮮味！平時食開醬汁燒嘅鰻魚都悶喇，呢度有得揀黑松露配鰻魚 😍 聽到都已經覺得正，鰻魚本身都香啦，仲加埋黑松露 🤤 太過份 😆端上檯時已蓋住木蓋需要用慢火燜煮十零分鐘，關火後再以餘溫燜數分鐘就食得 🤩當晚靚女服務員有少少空檔時間，就主動走嚟幫我撈勻個釜飯 🥰 一打開個飯香噴噴！😌 見到個鍋底嘅飯焦勁靚啊！😍 服務員撈緊個飯我地已經流哂口水喇 🤤黑松露都俾算多，固然香，鰻魚因為冇用醬汁，反而更能食到佢嘅原汁原味，肉質厚滑 ❤️ 飯夾雜住焦脆感，吸收哂鰻魚同黑松露嘅香味 🥰🍏 青蘋果乳酸當日個人冇乜精神，所以唔想飲酒。見到乳酸同梳打系列都好吸引 😃未試過青蘋果味喎，就一於試下！賣相又靚，大大杯 🍺 杯乳酸面頭舖咗好多大大粒嘅青蘋果粒添呀 🤩 果肉粒勁fresh！乳酸清新又爽口，冇死甜，真係好正 💚…Read More

天氣咁熱，嚟食下甜品先啦 🤗😋❤️星期六同細仔去咗二人世界 🥰行行下街佢話口渴又話想食少少嘢，啱啱路過見到呢間糖水舖好多人 😳心諗，應該唔差啦下話 🤔唔諗lu，即刻入去坐低叫嘢食 🥳🍓 韓式特級香滑醉人草莓雪奶諗都唔駛諗！我同阿仔第一眼就揀呢個 😆因為鍾意士多啤梨嘛 😁❤️先唔好講話佢擺盤靚唔靚先，就算亂擺都ok架！落咗好多！好多！好多！又甜嘅士多啤梨粒 😍牛奶雪花冰好幼綿，一擺入口全溶 😋雪花冰面頭唧咗一大舊奶油忌廉，但又唔會蓋咗雪奶嘅味道 😀最頂又插咗細細塊嘅朱古力，同埋迷你芝士蛋糕！面頭同底部都有草莓果醬汁添 🤩建議食果陣倒埋煉奶，真係仲滋味 🤤我真係冇嘢投訴啊 💯 $75 抵食啦！👏🧇 韓式鮮香蕉奶油雪糕吐司送到嚟我同阿仔愕咗然 😳原來好大份 🤣🙈成塊面咁大個吐司呀！你地唔好信個 menu 縮到咁細，就以為好細份 😂😂😂厚厚嘅吐司，勁多香蕉，又勁多朱古力醬，面頭有奶油忌廉，仲伴多個雪糕 😮 夠哂邪惡啦 🤤阿仔一路食一路開心笑 😆❤️🍹 韓式櫻花沙冰 (荔枝味)🥭 韓式鮮芒果沙冰嘢飲方面，整體嚟講都係好足料，沙冰打得夠幼碎👍 但味道甜咗d，個人覺得加咗奶油忌廉係滑，不過會變得有d漏。可能我又叫咗2樣甜品啦，所以夾埋就變相甜咗d 😆唔怪之得咁多人嚟呢度食啦，咁多款式，又足料，好抵食，我大仔睇到d相話下次要帶埋佢食啊 😂…Read More

🤸 主打健康、款式多樣化嘅西日fusion 餐廳 🍽️PEKO PEKO 現時共有3間店：何文田、荃灣、太古三間店舖木系裝潢都帶不同嘅感覺，荃灣海之戀店有海景露台位，啱哂情侶去，何文田店就給人溫馨小角落嘅感覺，至於我去太古呢間就感覺適合家庭或朋友一大班人聚餐咁樣 😊平日夜晚去都滿場咁滯，好開心可以坐到比較特別嘅洞穴梳化座位 😃 私隱度up 🔝 我同朋友測試過，講嘢大聲係會自己圍內收返哂d音，隔離檯聽唔到嘅 😆 不過大聲講，就會嘈返自己囉 😂🙉嘢食方面有飯、意粉、沙律/小食、扒、海鮮、甜品都有！飲品都有茶/啡、奶昔、果汁，甚至酒類都有 😀🍓 LOVE STRAWBERRY 呢個沙律真心勁！有草莓、無花果、藍莓、車厘茄、沙律菜加咗少少醋汁 🥗好大碟，賣相又吸引！全部食材都好新鮮又健康，酸酸甜甜食哂零負擔 🥰🐙 慢煮和風醬油八爪魚呢碟我個人都幾推介，亦係PEKO PEKO 嘅 signature嚟架 🌟除咗蔬果沙律以外，呢個係唔錯嘅選擇 😀唔鍾意食酸尾尾沙律嘅朋友，可以試下呢款，係一碟開胃嘅海鮮拼沙律菜嘅頭盤 🥗有藍青口、海蜆、車厘茄、沙律菜，當然仲有主角八爪魚啦 😆青口同海蜆不過不失，如果份量多少少就好d 😝八爪魚係大切件一件上，有點霸氣，需要食客自己切，鍾意食大件細件都得 😁 八爪魚因為慢煮，保持到佢嘅原味，好juicy ❤️ 記得試下點埋佢嘅自家製青醬嚟食啊！真係好夾好好味 😋😙 連沙律菜都好味，車厘茄係爽甜架！😍🍛 香蒜和牛粒炒飯有和牛粒、泡菜、醃漬籮蔔粒、蛋及蒜片。和牛粒用蒜片炒過當然香口，肉質嫰腍 😋加咗泡菜同醃漬籮蔔粒加點點酸味，令人食得開胃感覺不會膩，再加蛋及蒜片為炒飯增添濃厚香味 🤤🥧 焦糖肉桂蘋果慕絲蛋糕蛋糕喺造型上模仿一個🍎嘅樣，但個人覺得個賣相比較一般 🙈 點知！朋友一切落去，佢話好軟綿！蛋糕外邊就係焦糖慕絲，唔怪之得個造型係咁嘅顏色啦 😀 內裡係滿滿蘋果粒及蘋果蓉 😍 肉桂蘋果好香甜，加埋軟綿嘅mousse，雖然細細件但好滋味 👍🍑 洛神白桃乳酸梳打杯嘢飲嘅顏色好靚帶點浪漫咁，因為有洛神花加持 😁🌺平時我好怕飲好甜，或一飲有dd糖水味，我就會唔想再飲，但呢杯對於我嚟講有d例外 😀 白桃係甜，但加埋乳酸梳打，仲有片檸檬，味道酸酸甜甜，飲落口唔會覺得口渴又或者好甜！最驚喜杯梳打入面仲有爆珠波波咬呢 😆❤️ 🥑 Avocado Smoothie完全健康之選！聞落去好新鮮嘅牛油果香味，飲落唔會係好甜冇糖水味，但質地好綿滑，飲哂有飽肚感 😙面頭仲舖咗d 開心果碎粒同奇亞籽 😃 豐富個口感👍…Read More

因為餐廳唔係大間，只得6至7張檯，當晚我同朋友去係平日夜晚，已經係過咗一般嘅繁忙時段，但都係滿座嘅！😦佈置方面不花巧但吸睛，牆上有幾款大大個又搞鬼嘅霓虹燈字及圖案 😆呢餐都幾豐富架 😁🥗 凱撒沙律呢兜沙律係勁量級！雜菜新鮮嘅，同埋炸麵包嘅份量比起出面食嘅落得多d 😀 所以好滿意 ❤️🦑 原條燒吊筒呢個推介🔥 開胃小食 👍魷魚筒size 適中，適合兩個人食嘅份量 😊燒得幾香，魷魚夠鮮甜又彈牙 😋 面頭淋咗醬汁同木魚絲，味道更濃厚d，鹹鹹香香咁 👍🐂 A5和牛個菜式名比較簡單咗d 😂 初初會諗緊廚師係會點樣烹煮出嚟俾我地呢 🤔😆原來係燒和牛大切粒配薯蓉及雜菜 😀👍和牛口感一流！肉質好嫰口又juicy，近乎入口即溶 🤤和牛面淋咗類似燒肉醬汁，味道更濃💕配埋軟綿綿嘅薯蓉一齊食，口感豐富好滋味 🥰🥘 醬油風海鮮意大利飯聽到「醬油風」係咪會以係類似豉油撈飯咁嘅感覺呢？😂😂😂呢間餐廳有d菜名都幾搞鬼，俾食客一d幻想嘅空間 😂碟飯送到嚟係類似芝士白汁底咁，好香好creamy！意大利飯煮到個口感好好味，軟硬適中 😀👍至於海鮮俾料都多架！同埋新鮮嘅，有蜆、蝦、青口🦪🦐特別一提，佢個飯真係超入味，係見得到佢唔係將d海鮮就咁放喺碟上面，唔係分開煮架，佢係醬汁＋飯＋海鮮一齊兜煮，所以味道好均勻💯 不過可能煮得太肉緊，有隻蜆兜到爛咗殼，比較碎 😂 食果陣有少少牙煙咗d，希望注意一下 🙈🍵 玫瑰花茶呢個都推介！好~~大~~壺 😆🏺2個人share唔錯架 😄👍應該落咗少少蜜糖，所以飲落口感覺清甜，玫瑰花茶好香💕 又暖暖地，飲完個人好舒服 🥰整體嚟講，食物同服務方面都不錯，都可以再回頭 👌😀…Read More

最近都去多咗佐敦果頭食嘢。呢間位於佐敦文英街嘅日式居酒屋，睇落門面低調，但一入到店內感覺十分溫暖，仿如置身於日本咁，周圍都佈置好多畫、彩旗同擺設，燈光柔和💡好有日系氣氛 ❤️最吸睛係其中一幅牆身，係大大幅冬天嘅富士山風景畫 🗻🌸 好打卡able 📸😁🍢 串燒：🥬 秋葵串夠爽口，鍾意食秋葵嘅，一定覺得叫一份係唔夠喉 😂🐖 黑豚露筍黑豚肉比我想像中嫰口 😀 唔錯，露筍夠爽脆 👍如果再juicy d就更正 😙🐔 德島雞腎雞腎燒得幾香口，肉質彈牙，有嚼勁 😋🥗 什菜天婦羅 (5件)有南瓜、番薯、鮮冬菇、杏鮑菇等熱辣辣上檯 😋 炸得唔係好油 👍 外皮好脆口 🤩🍙 晴卷 (帆立貝鵝肝卷)居酒屋嘅招牌item，必叫！🤩每件都舖咗主角：鵝肝同帆立貝，再加點卜卜脆口嘅三文魚籽、仲有香口嘅芝麻 😍鵝肝同帆立貝入口即溶！🤤 呢款卷物口感好豐富呢🤗❤️🦐 燒大花虎蝦呢個推介🔥燒得好靚，拎嚟果陣係好香！啖啖蝦肉，幾甜仲好彈牙，仲有蝦膏 😋🍛 松葉鰻魚丼大大塊鰻魚，鰻魚厚身肥美，又唔會過多汁搞到鹹得滯，鰻魚索哂醬汁好入味 👍😋…Read More

《週末放鬆二人餐》包括指定刺身、指定卷物、定食 (任選兩個)、甜品兩份當日有個老友見工成功咗，就即興約佢去食lunch，當賀下佢 🥳黑木亭居酒屋真係好多選擇呢！星期一至日都好，午市都好多套餐俾大家選擇 😮難怪連平日午市都滿哂座啦 🤩好似我今次去咁，見二人餐做特價，每人都係2百零鬆d埋單，已經食到飽飽lu 😋❤️套餐包括如下：🐟 指定刺身：三點刺身盛(三文魚二切、油甘魚二切、八爪魚二切)味道鮮甜，刺身厚切嘅 👍🍘 指定卷物：鰻魚牛蒡炸蝦卷先讚一下，第一眼望到呢碟，覺得師傅手勢做得好，因為睇落好足料 👀 第二係一睇就知佢卷得夠實淨，唔係鬆散！👏😀卷物面頭係燒鰻魚切，卷住厚肉嘅炸蝦卷、勁量肉鬆及牛蒡！鰻魚薄切又滑同幾香，炸蝦卷佢係落2大條去卷，所以咁厚身😃👍 要趁熱食啊！咬落去脆口，蝦肉好鮮又彈牙呢！配埋肉鬆幾特別，成個卷物食落咸香，口感層次豐富 ❤️定食方面有成十幾款，真係睇到有選擇困難症架 😆🍱 角切刺身丼俾勁多魚生！😍 擺盤又靚同足料！八爪魚、吞拿魚、蟹籽、魚籽、三文魚、油甘魚、蛋絲，仲有大大隻嘅牡丹蝦 🦐唔係求其俾兩三款刺身就算架喎 😮👍飯都多，但都唔及刺身多！所以同個friend輪流添果陣，每啖都食到刺身 😃刺身真係好鮮甜 😋❤️ 讚！🍜 黑松露忌廉石鍋烏冬 配 吉列豬扒其實同朋友食咗個飯同卷物都飽咗一半有多 🤭嚟呢個烏冬果陣我都O咗咀 😮都好大碗啊！因為係用石鍋，送嚟果陣個湯係滾住，十分吸引 🤤黑松露忌廉湯底好濃郁！烏冬索哂忌廉湯汁好滋味 😋吉列豬扒冇落好多粉漿去炸，外皮炸得夠脆，豬扒幾嫰冇乜油膩感覺 👍😀🍨 甜品：雪球2客 (曲奇味 / 芒果味)兩客都係曲奇味。味道一般吧，比我想像中淡味一些。下次嚟，想再去試下其他嘅午市定食套餐，凡惠顧任何午市套餐，可以免費自助沙律吧、小食及麵豉湯，即係日式 semi-buffet lunch喎 😍見勁多人食囉，好吸引呀 🔥…Read More