y.yinyau's Profile

前幾日去拎傢俬，肚仔餓就去搵嘢食，咁就去咗呢間打算食Lunch，叫咗兩個午市套餐，叫咗一個梅菜蒸魚一個雲耳蒸雞，又估唔到都幾好食，雞蒸得夠滑，同埋都醃得好入味，另外蒸魚鯇魚嚟㗎，冇草青味，蒸得啱啱好係好食嘅！另外再嗌咗兩碟小食，一個係白灼腰潤，一個就係伯爵珍珠蠔白灼腰潤係厚切嘅，冇腥味冇蘇味，灼得啱啱好，唔會老咗柴左，所以都好有口感同埋彈牙，值得一食！講到明珍珠蠔就梗係細粒啦，感覺新鮮整體感覺係良好，初初以為係一間普通茶記或者食雲吞麵嘅舖頭，冇特別期待，但係又冇令我失望喎都幾好食，有機會會再黎！…Read More

約左朋友食晚飯，本身目標都係食麻辣火鍋，就決定黎呢間試下，之前黎過但冇位，今次可能平日所以有位！坐低左之後要出去拎醬汁，好出奇咁見到佢有呢罐香油，不得了！見到呢樽香油，我知我今餐會食到好野，呢樽香油真正重慶既火鍋每一間火鍋店都會有提供，係比你倒係你既醬油碟度增香而我去過好多間香港的麻辣火鍋係冇提供～可能因為迎合香港人口味啦先講左重要的鍋底先，我地選的係中辣，我個人比較食得辣，如果初初黎食既建議可以先選小辣湯底味道都係好正宗！好香濃的牛油味道！放任何肉類都會超好食再黎就介紹下叫左咩餸比大家睇下！首先推介必點係筷子牛肉，切到長長一條有點厚度，勝在有口感，襯埋麻辣湯底係一流功夫腰片我認為都係食麻辣火鍋必點的！切到超薄超考師傅刀，輕輕淥一淥很快就熟，爽口完全冇蘇味！推介！鮮雞件份量都算多嘅，亦都算新鮮OK！再叫咗碟雪花肥牛，都可以的！不過肥牛都多食成日食，就變得冇特別啦！一行2人叫左幾碟餸，其實都飽到郁唔到㗎，因為每啲份量都唔少！鍾意食麻辣火鍋嘅大家，呢間必食！…Read More

難得終於出街食餐好，朋友話想食蒸海鮮，搵到呢間好似唔錯就試一試！❤️打開餐牌就有套餐選擇，唔洗諗就叫餐啦！我地就叫左個$399既餐，都有唔少款既海鮮！叫左先知道原來有專人幫手蒸既😇侍應姐姐都好好服務$399既海鮮蒸鍋套餐，有鮑魚，2種貝殼，青口，竹節蝦，蠔🦪龍蝦，琵琶蝦，羔蟹，菜，甜品！抵到呢～～～你可以話自己買唔洗呢個價，但唔洗自己洗又有專人服侍，又一定唔會比差既野你，真係物有所值！蒸完出黎既蠔，唔會縮到細細粒，食落口感唔錯，鮮嫩多汁，岩晒我呢D鍾意食蠔既人鮑魚都算係幾大隻，新鮮！good唔好意思，問咗侍應姐姐貝殼個名，轉頭唔就得左😂因為一路期待緊一下道菜，分左心😍🫠最期待既龍蝦！見到都心心眼，唔係D冇味波士頓龍蝦，見到龍蝦真係覺啦得今餐好抵食！仲有琵琶蝦！姐姐話升左級比我地tim仲話琵琶蝦比龍蝦甜🥰我未食過都唔知道，食落去就覺得原來真係比龍蝦甜！哇～～～～仲有羔蟹！姐姐話呢個係奄仔蟹係升級左比我地😍好吸引！奄仔蟹既羔係淋身，羔既香味比較清淡，不過咁新鮮點食都係好食最後係會有菜同埋會拎D龍蝦殼去煮粥🥰好味成餐飯都食得好滿足，服務又好！下次會再黎！…Read More

好好食，好好食，好好食！呢3個字係我地今餐講得最多的3個字，是日我們一行4人去釣魚，釣完魚就拎D魚獲去加工，呢間餐廳係朋友介紹，就去試下講事實環境的確唔係好，如果大家喜歡食環境就唔洗考慮，但喜歡食正野既絕對可以黎！打開餐牌已經好岩我口味，4個人叫到成枱都係，勁好食食到一半都諗緊下次幾時黎，未叫菜時已經聽到廚房炒野既聲音，就係好有火喉，大排檔果種聲，轉個頭格離枱有炒菜上枱，不得了好香，區區一碟炒菜都可以咁香，我知道今晚有福啦！先黎的係我地的魚獲（雞魚），幾條用左黎做煎封魚， 皮脆而香，煎得剛剛好，加小許豉油就是神來之筆，非常好味菜鵝腸，幾豐富！！味菜同豆豉配搭加上炒得剛剛好的鵝腸，可以用黎食10碗飯椒鹽鮮魷呢個椒鹽鮮魷一定一定一定要叫！！！食落去第一口已經覺得好正！炸漿夠薄！食到魷魚的鮮，我不嬲唔喜好炸的食物，因為唔鐘意D粉漿，但呢個椒鹽鮮魷唔同！好食到形容唔到！由於太好食的關係，忍唔住同係附近的侍應哥哥講，話佢知覺得好好食，佢話呢種係舊式既漿，同新式既唔同，唔怪得出面食唔到啦！欖菜蒸豬面根應該冇記錯個名，咁普通嘅蒸嘢點解會叫呢？ 因為呢個係豬面根，爽口的部位，係我最喜歡的口感，唔係咁多餐廳有，當然要叫啦！薑蔥滑雞煲叫師傅勁多蔥，一樣好食，好食，好好食，最鍾意呢間D野唔會太濃味，味道岩岩好，唔會有重味精感，個雞係煮得岩岩好， 又滑又嫩，推介！釀尖椒哈哈，私心叫的，因為唔係成日周圍叫到，所以見到菜牌有都會有，簡單的小菜一碟， 沒有任何可以挑剔的地方！一個人食左2/3！哈哈最後壓軸就係蒸魚啦！老師傅係老師傅蒸條魚嘅火喉都可以啱啱好， 因為係新鮮釣所以好有魚味，加上 師父正得啱啱好， 豉油調較得剛剛好唔會搶過魚嘅鮮味！讚！！總括嚟講好滿足，下次一定再黎！…Read More

咁岩黎呢到睇醫生，行過睇到呢間意樂睇到個餐牌幾吸引就入去，環境都幾舒服，早餐都有好多選擇！早餐叫左《雞扒流心蛋煙肉牛角包》，仲有杯凍OT$48，早餐黎講唔係平！但份量同質素黎講好抵！雞扒有一大塊，3小塊煙肉，一隻蛋，小小沙律同埋勁大個牛角包，呢個份量係cafe食起碼$88以上，味道幾好，蛋可以再流心一D，不過以價錢去衡量，絕對係抵食既！而又好食！講埋食物方面，雞扒其實係一大塊再加多一小塊， 醃製味道不錯夠入味，蛋我估係一早煎定的，牛角包味道都ok，好大個食唔晒😅如果要講係唔夠鬆脆的！整體係很好，因為呢個價已經比預期好很多了！一個小小屋苑有間唔錯既餐廳已經好驚喜！值得一去！…Read More

放假黎到西貢行下食下，行過見到呢間食肉骨茶好似都幾吸引，就走入去啦！餐牌唔多選擇，得喇沙同肉骨茶，咁我地2個人都選擇左肉骨茶麵！問過板娘用咩麵，係用日本手打拉麵(其實唔係聽得太清楚）老板婆話好食就叫左肉骨茶麵同埋叫左肉骨茶滷豬腸！有2舊排骨加油條，賣相都唔錯！呢到既肉骨茶係馬來西亞既肉骨茶藥膳味，唔係新加坡有胡椒個種睇個麵就Feel到好食！開心！！麵食落滑同煙韌有口感，很好！飲埋個湯係肉骨茶既味道（癈話🤣）重點係唔會太濃！一碗靚既湯麵唔應該太咸，因為預你要飲埋D湯，如果太咸太濃就唔會飲得埋D湯，所呢碗食落係好舒服既！第一淡你可以覺得淡，慢慢食落先可以欣賞到個湯頭！事實上個湯做得唔錯！而且覺得冇味精！到滷大腸，我覺得呢間小店用既應該係新鮮肉，因為佢既大睇完全冇So臭味，因為急凍大腸係會有臭味就算處理過都會有種味道，但新鮮既就唔會，所以食呢個大腸我就認為係新鮮既🤗以一碗麵7-80蚊真係唔係平，但計反轉頭，呢D都係新鮮用料，唔係一般是是旦旦咁做一D劣食，而絕對是用心制作，小店生存唔易，大家鍾意食肉骨茶都黎支持啦！…Read More

先講一下，我係一個唔太喜歡食粥既人，是日同行的朋友就好鍾意食粥，我之前會覺得好奇怪後生世女咁鐘意食粥！咁是日我地就行過見到呢間粥店，就諗住就下呢個朋友食粥囉🤗咁就入去食啦！咁佢同一般我有限認知入面既粥店好似有D唔同，主打係食魚，Very Good我係食魚的！咁我就叫左魚腩豬心，朋友就魚腩田雞，我地再加左個薑蔥魚卜。黎到勁大碗！仲有D菜感覺良好！入面勁足料，又新鮮！好食！覺得好好食！以我個人黎講！我真係好唔鍾意食粥，但佢實在整的好食！所以其實我係有去再食嫁！佢係我唯一一間會主動話想去食既粥店！再講講個魚卜先！佢係爆炒過，好香！佢係真係爆炒！好有火喉！推介！！Ps. 我之後有再黎食，食左薑蔥魚骨，呢個都勁好食！必點啊…Read More

終於出下街食飯，諗唔到食咩朋友就話不如黎返呢間食，之前我地都食過印象幾好，所以再黎。餐廳主要食廣東菜式，裝修係以前8090年代感覺，都幾得意，未食已經會開心左先！瑤柱雞（半隻）⬅️已經忘記左全名雞好滑，肉質夠嫩，整得岩岩好唔會老， 佢會有2種汁比你，一隻好似泰式醬，一隻就係蔥油，我覺得唔點醬都好食既！必點豉油鵝腸⬅️同樣忘記左全名我認為鵝腸係必需叫既！呢到既鵝腸係夠闊身！爽口！同一陣係街市買返去打邊爐係唔同既！又唔會有D一舊舊肥油痴住，好食！個底用左D肥嘟嘟既銀芽💕加埋佢D汁，好好食呀！杏汁燉豬肺杏汁夠濃，而且岩岩好杏味唔會過多，並有淡淡白果香，處理豬肺相信好多人都知道比較多工序，由洗豬肺再到煎再燉都考師父心機，呢個燉湯必點啊！ 黎到上湯浸莧菜，菜又有咩好講先得嫁！個莧菜用幼嫩既菜，我本身係唔喜愛食莧菜，但呢個菜夠嫩，個菜浸左D上湯，味道非常良好💕為左個菜加左不少分數！再叫左咕嚕肉同龍蝦伊麵反而係龍蝦伊麵係較為遜色的一碟！可能係我食我太飽🤣💖加入收藏的一間餐廳💕…Read More

點解話驚喜呢，事關果時Lunch 唔知食咩好，諗住周圍行下搵下野食，呢個舖位平時未必留意到，不過當日女人街有D檔口冇開，就比我睇到，身為超愛食辣既人，見到個「川」字都會中埋去既，不過睇到個門面怪怪地又有小小茶記feel ，都怕伏伏地，不過立即search 下食評，見到幾好wooo，就入去啦！都係叫我至愛既酸菜魚，$50既套餐有埋飯，魚用左龍脷夠滑，呢個價錢用龍脷合理，魚既分量以1人套餐黎講唔算小，只怪佢做得太好食，唔夠侯，無論個湯酸菜同辣度都係配搭得好好。再黎川菜必食之一既水煮牛，肉質同口感會 較遜色，不過都係果句$50仲想點先？肉質我覺得佢盡左力做到最好，唔似出面有D茶就食個沙牛麵個D肉質咁淋晒，而味道佢同樣係做得好既，食到辣既朋友仔可以叫大辣。蒜蓉炒花菜花菜同椰菜花係唔同既，花菜好食D 😁炒菜冇咩特別評價，同樣好食但有D油呢間當然唔係我食過最好食既川菜，但佢係勝價比比較高既一間💕百令蚊食左3個餸仲要好食既！今時今日買小見小啦！…Read More

之前食過新加坡既天天海南雞，真係覺得超好食！香港開左排，我終於安排到時間去食啦！！！好開心！好期待！！叫左好快就上菜啦！正！賣相都好好！但個汁一睇睇到深色過新加坡個個好多🤔唔緊要！試一試先！...... 食第一啖... 深深傷透我的心😢我好期待再食返個個味道... 一d都唔似... 天... 啊😭，同埋個雞係（梅）咁既.... 算啦... 食其他... 唔記得左個名，好似小炒皇咁，ok wor! 好食既，一上菜就好香！炒得好食！呢個可以食清光啊！！唔錯，加返d分！有d賣相既咕嚕肉，做得夠脆口，唔錯，做得唔會太甜，上菜又夠熱！！係我傷透既心入面... 總數加多2分👍🏻串燒有d乾，冇咩特別，個汁反而好好食wo最後總結，其實唔係個雞太失望，靜係叫小炒的話係ok ！…Read More

去銅鑼灣搵食，唔知食咩都係想搵d辣野食，係金佰利樓下見到佢大大隻招牌，就去試下lo ，環境裝修幾好，用燈較暗，都幾好feel仲有朋友未到就叫碟小食先！脆生腸！正！又爽又脆！雖然一一樣就係我地太自大，叫左中辣太辣了🤣🤣不過都係好好食！之後就黎泡椒田雞啦！夠肉質彈牙❤️，用銅盤加蠟燭上，可以保温💕👍🏻但建議唔好食得太心急，要得佢煮耐d先夠入味！同埋一定要撈一撈等佢底下既汁都佔滿田雞，先最好食！最後酸菜魚，還好啦！個酸湯係好出味既，不過比起田雞都係田雞好食d！呢間可以加入『心水餐廳系列』！😍…Read More

今日晚餐時段經過睇到門面唔錯就入下去，價錢20幾蚊串都正常，但黎到串燒就比平常份量小🤔🤔🤔同埋佢地冇飯之類，即係係日本食宵夜串燒果類咁，😢但我地極餓所以都叫左幾多先夠😣😣😣，都坐低左冇計啦！食物方面咁電話冇電冇影相🙄，味道方面就冇咩特別，唔會覺好食咁，九龍城d串燒好食d，當然味道見人見智啦，最後5個人食左... 4千幾蚊.... 係我人生食得最貴既一餐串燒😅我地有叫清酒既，清酒都係300蚊支叫左2支..... 我諗我肚餓唔會再去😅…Read More

平時去觀塘食野都比較去呢間，因為食住家野既地方唔多，又唔想成日食茶記，所以都會去呢間食！夜晚黎得多，今日經觀塘食lunch又黎先😁😁我叫左大頭菜蒸雞，男友叫左蔥油蒸肉餅太陽蛋飯（睇個名都覺得好豐富）❤️午市套餐$47-大頭菜蒸雞簡簡單單我覺得就已夠好食，仲有淡湯飲，湯係足料既，當然比起自己屋企差dd 既，不過都比出面茶記好飲！不過我好後悔叫呢個餐囉！因為男友個太陽蛋煎餅飯好好食好吸引！賣相好靚大份，男友話下次黎一定再叫！佢話個湯好好飲足料，我覺得ok la都幾好既送既黎講，哈！ 😁😁😁隻蛋都煎得好靚，呢個$5x 唔記得幾錢😅當大家樂都賣緊50幾蚊既時候，我真心認為呢到好抵食！推介！！！…Read More

朋友同我慶祝生日，我超鍾意食辣，所以特別鍾意食川菜，其中一個朋友係附近做野，所以決定就佢黎呢座大廈食野，本身想去同大廈既一間出名川菜食，不過朋友強烈推介呢間，所以就試下一黎到會比你選飲咩茶，有鐵觀音梗係揀鐵觀音啦😁叫左幾款，一個酸菜魚、一個水煮牛、 夫妻肺片，炸子雞同口水雞。先黎炸子雞， 夠脆好食，同埋侍應話係走地雞，應該都係走地雞，因為都瘦同埋肉質彈牙d👍🏻之後夫妻肺片，辣味夠香，麻辣適中，我覺得好正宗，因為同我係四川食既辣係非常相近👍🏻👍🏻👍🏻👍🏻再黎就係酸菜魚，哇！痴線！超好食，係超好食，魚係桂花魚好滑😍係湯係好正，唔會係死酸味，夠濃味同一定冇味精！最值得提既係個薯粉，個薯粉同本時食到果隻唔同，淋身d幼d👍🏻👍🏻👍🏻👍🏻好正，d侍應話d薯粉係自己搓嫁❤️❤️❤️不得了！我係間餐廳到已經狂講超好食🤣同朋友講完再同個侍應哥哥講🤣🤣🤣我諗佢地都記得我，哈哈仲有水煮牛，水煮牛都係好出色既，牛肉好滑， 辣味剛剛好唔會辣到食唔到，不過因為d野全部都好大碟，已經食到好飽，食唔到個牛😅食左小小，所以要打包之後有甜品，就係豬豬既奶黃包（唔知佢地實際係咩名堂，我是但幫佢改個名🤣🤣）我勸大家個包一黎到唔好即刻食，因為會 燙親個嘴， 我攤咗陣先食入面個餡都好熱個餡係浪呀浪下架！😍😍😍😍😍呢餐超滿足，我一定會再黎！😍😍…Read More

為左補祝母親節，一家人去左澳門2日1夜，其中一個節目就係黎呢到食自助餐，呢到專食海鮮，一個字：好正！🤣環境舒適，服務好！讚啊！黎到第一件事緊係食海鮮啦！呢到有好多海鮮可以選， 有蝦有蟹有魚有龍蝦，仲可以比你選煮法， 服務員會建議你食法👍🏻選完之後會送到你枱， 淨係食海鮮都食到好飽好飽好飽😜其中一定要食既就緊係龍蝦啦，回本啊嘛，不過其實一個人既胃都唔係食到好多，大家量力而為唔好浪費呀😉😉😉超級推介龍蝦卷，真係好好食好好食啊！（立即 薛家燕上身🤣🤣）龍蝦包外面先煎香，再有醬汁同龍蝦肉超夾，我一口氣食左2個😅不得了。呢到仲可以叫炒菜，可以自選喜歡既配料食太到飽之後食甜品，呢個椰子布甸又係推介必食， 布甸上面係脆卜卜嘅焦糖， 布甸有微微嘅椰汁香，非常好！我建議大家食呢個自助餐要有攻略，唔好亂食食得太飽食唔到重點既野食！一定一定要食龍蝦包啊！…Read More