成都老碼頭火鍋 (Closed)

約左朋友食晚飯，本身目標都係食麻辣火鍋，就決定黎呢間試下，之前黎過但冇位，今次可能平日所以有位！坐低左之後要出去拎醬汁，好出奇咁見到佢有呢罐香油，不得了！見到呢樽香油，我知我今餐會食到好野，呢樽香油真正重慶既火鍋每一間火鍋店都會有提供，係比你倒係你既醬油碟度增香而我去過好多間香港的麻辣火鍋係冇提供～可能因為迎合香港人口味啦先講左重要的鍋底先，我地選的係中辣，我個人比較食得辣，如果初初黎食既建議可以先選小辣湯底味道都係好正宗！好香濃的牛油味道！放任何肉類都會超好食再黎就介紹下叫左咩餸比大家睇下！首先推介必點係筷子牛肉，切到長長一條有點厚度，勝在有口感，襯埋麻辣湯底係一流功夫腰片我認為都係食麻辣火鍋必點的！切到超薄超考師傅刀，輕輕淥一淥很快就熟，爽口完全冇蘇味！推介！鮮雞件份量都算多嘅，亦都算新鮮OK！再叫咗碟雪花肥牛，都可以的！不過肥牛都多食成日食，就變得冇特別啦！一行2人叫左幾碟餸，其實都飽到郁唔到㗎，因為每啲份量都唔少！鍾意食麻辣火鍋嘅大家，呢間必食！