DaiDing's Profile

星期六想喺尖沙咀飲茶食點心。諗起K11有間開咗一輪既鏞記副線。一於去試吓。佢係K11頂層，裝修光鮮，又有個大露台望中環。可惜打風，座唔到露台。枱同枱之間空間充足。侍應都俾一般中式酒樓勤快有禮。不過注意-限時90分鐘。燒鵝脾-要三百三，本身有啲期望。不過感覺一般啦。唔算太脆皮，唔算太juice。只可以話佢冇其他地方既燒鵝咁死咸。蝦餃-正常發揮。鮮甜，仲要加啲貴氣喺面😅蝦腸-算係飽滿，鮮甜叉燒酥-好一般，唔夠酥脆荷葉飯-黎嗰陣時覺得嗰size只係一隻糯米雞。三個人食都每人有兩小碗既。睇個人囗味，我鐘意佢乾身，味道唔錯。童年大白兔糖奶凍是日highlight,呢個最好食。$58唔算太貴。做得幾精緻，有陣白兔糖味又唔會太甜。總結 - 環境好，坐得舒服。不過有限時所以唔適合一班人慢慢食慢慢傾。食物質素少少中間偏上，但係三個人食咗千二蚊既午餐，值唔值得就見仁見智啦⋯⋯…Read More

平日要食似樣的船麵要去別區. 知道最近在黃埔花園新開的泰國菜,所以午餐時間來試試. 可能新開吧, 幾多人等位. 大概二十分鐘有位. 午餐選擇都算多元化, 十幾種choice有飯有麵. 當然這次目的是船麵. $55包飲品價位算可以.上枱賣相算唔錯. Size唔細,有肉有丸有豬皮. 但是,一喝湯就知伏...似味精湯嗎?跟好湯底完全沾不上邊. 豬肉不好吃, 豬潤又乾又鞋又帶點苦,肉丸也沒特別. 唯一正常是豬皮,脆脆的冇下次啦...…Read More

以前要食華嫂,要山長水遠入屏山. 最近尖沙咀終於開了. 上個weekend終於有機試一試.十二點左右去到,發現成條街都係人,出晒馬路.好在裏面size唔細,turnover又快,等了半小時多d終於有得入.可能佢地想d客快食快走, 佢哋將d客pack得好緊, 一張小圓枱都可以放十個人. 食物大部分五分鐘內上抬.蛋沙律三文治-寫到好似必食咁,但我覺得一般. 有d club sandwich feel.蛋牛包-夠熱,外脆內軟. 正!番茄豬扒麵 - 豬扒好入味又夠諗. 番茄湯都ok, 但感覺比不上中環有名的那一間咁甜.芫茜湯面 - 表面上的確多芫茜, 但覺得湯的芫茜味不算濃.其它 - 正如之前有食評講過, 感覺似去左強國! 大部分等既人都拖行李, 講刨東瓜, 仲有, 收銀機收支付寶但唔收八達通! 各位如果想遠離遊客的,請考慮有去其它分店.…Read More

自從舊時新結業後,非常懷念從前又平又好味的本地漢堡. 幾個月前在黃埔花園開了一間,試完之後發覺味道差了(見另一食評). 但原來是一些家庭問題另兩兄弟各自開舖. 那一間是二哥的. 今天終於有幾會試大哥開的這一間.舖內裝修比較時尚, 不似快餐店. 到收銀處點餐, 原來要看Pad 或用QR code 去掃餐單. 其實,好似以前咁貼出黎咪幾好...我們點了芝士蛋漢堡,薯條及雞翼加氣水. 其實叫下叫下都唔平, 要一百一十幾蚊.薯條好快就上, 但它是非常熱的. 吃落外脆內軟. 有以前的水準.漢堡大約五分鐘後到. 它的包裝比以前整齊. 包在紙袋內方便攞. 漢堡非常鬆軟, 加上它的秘制沙律汁,看似十分Juicy.咬下去發現肉汁真的非常多, 肉味十足. 雞翼再過五分鐘也到了。炸得金黃酥脆, 肉汁爆晒出來, 咬開後還在出煙.整體來說, 食到以前的味道, 依舊出色！…Read More

時新搬左新舖之後一直都太難等位未有機會。今日下午再去，熱潮睇黎依然未過，但终於有位啦！叫左雙層芝蛋堡，雞翼，薯條，紅豆冰及凍檸茶。首先，等野食時間太耐了。兩點落單要兩點半才有得食。眼見大部分坐著的人都未有得食。估計它order多到做唔切.先講薯條.只是小小暖. 食落唔脆. 應該是炸了一段時間. 實在奇怪,等了半個鐘仲以為會好新鮮熱辣.雞翼-如圖,由它的色水可知它炸得唔夠香脆. 味道也是很一般. 冇乜肉汁.漢堡 - 覺得比以前細個左. 最奇怪的是它的包也好像唔夠熱,但牛扒卻非常熱. 應該是logistic問題. 可能薯條同包放得太耐但煎牛扒是bottleneck. 整個包來講是退步了. 但牛扒alone保特到以前一樣好味！呢餐食左$150。諗一諗,其實老麥那premium漢堡餐加大加雞翼會唔會比呢道平呢...那間三個O可能都差唔多...…Read More

星期六午餐時段等位的人好多。條隊有二十幾人。可能喺灣仔區既關係，老外比例算多。等左大半個鐘終於有位。百幾蚊碗麵，加上咁多人排隊，自然有高期望......Menu 選擇其實唔多. 只有一張紙。船河，炒飯，炒河等有五個choice。加一杯drink 大概百三蚊。坐低點菜後大概五分鐘就上菜。效率幾高似快餐...Drink先上,青檸tea。太甜,冇乜青檸refresh既感覺。船河都跟著來。當然 ，船河得唔得最重要是湯，所以先喝一口。一喝...就覺得唔係我喜歡的船河。湯底太農太辣，蓋過一切。愛濃味的人會喜歡，但我喝不出一個足料湯底要有的甜味。一路食一路出汗，也分不清楚是辣還是味精。好的方面，食得出牛是above average 的。肉丸質素都可以。魚皮-炸得唔錯。因為味道實在太濃，最後忍不住點了椰子雪糕。買相好掂，用椰殼上,加上一片片椰肉同栗米。但係，重點既雪糕就食味出椰子味。味道太甜太creamy了...埋單三百幾。總括而言，性價比唔高，太長龍，還有，唔係我喜歡的味道⋯⋯…Read More

食飽飯後在尖東散步,突然之間有啲想食糖水的衝動.見到聰少裝修得美輪美奐,決定入去試一試.之前在將軍澳聰嫂食過,覺得非常一般,所以今晚在聰少同樣不抱有太高的期望.店舖裝修幾trendy. 看看餐牌大部份都是比較新式的甜品.但係我今晚想吃傳統的, 所以點了芝麻糊合桃露,同埋杏仁茶,兩個都有加湯丸.終於上菜了, 賣相非常精緻. 每碗甜品都有一個木製托盤上.但是吃了第一啖之後就發現只係得個樣⋯⋯它的甜味一點都唔自然. 沒有應有的香味.杏仁茶有點像粉開的一樣. 食完之後覺得口渴......可能傳統野唔係它的強項吧⋯⋯…Read More

中環利源東街一向都有很多驚喜小店. 最近開了一間賣餃子的。這間店看來幾專注. 賣的只有數款餃子(可蒸或煎),可加米綫或綠豆沙. That’s all. 每天有幾款精選會平d.今天㸃了白菜豬肉餃. 想試試是不是原汁原味.所以點了蒸餃. 三十元有六隻. 看似不多,但不要忘記這裏是中環呀，食乜都貴過人. 一咬就發現隻隻飽滿足料又多汁. 非常新鮮.有多款醬汁可選. 㸃左豉油辣椒,味道剛剛好.見其他人點煎餃好似煎得唔錯. 下次試一試.已後食餃,除了”四條龍”外又多一個選擇啦!…Read More

見到佢裝修，嗰名咁似某居屋名稱，才驚覺它是由屯門來的。看食評，見總店好好，分店好差。人總是有好奇心的，終於等到開幕試一試。食左兩次，寫埋一個食評內。先說晚餐。點左焗🐷飯同哩腩飯。先睇價錢。 46蚊焗🐷/哩腩加飲品唔算太貴。比地道茶記及”大”連所高少少，但平過”外賣仔”. 再睇質素。哩腩數量唔少，夠腍夠香又夠入味。配幾塊沙冿菜又清新（把格調提高？）。OK。 焗🐷呢？一上檯即聞到超香，賣相一流，茄芝味都好足。 扒夠入味。但是。。。請細看，這是下午荼餐的份量嗎？個blow超淺，三四啖就食晒。食完好似未食！塊扒的厚度只及”大”連所三分之一。埋單98。唔貴，但只夠飽要去食糖水。個夾好有趣呵！幾天後。試早餐。星期六早上要等位。唔通大家都新屎坑？不過安排要改善。啊姐派飛，但號碼亂來。到我的時候同時有兩張同號出現。點了沙嗲牛面。一個正常，一個黒蒜丁。牛肉麵唔差。正常的都好夠味。肉都有好多塊。沙嗲是帶辣招的那種style. 比較喜歡正宗沙爹味，但這個都可以。3.6炒蛋overcook 啦，好”鞋”，太陽蛋都一樣。浪費了好牛乳。多士唔得掂，一d都唔香脆。食食下見到有食客發脾氣走,好似等左好耐都冇野黎. 好在我們只等了5-10分鐘.總括來說。一般啦。可更好。不如屯門店食評般讚到上天。但也不至於不會再來。 裝修同食物質素比一般茶記好d。28蚊個早餐咁既質素算有交代。但如果加一丁加凍飲加到三十幾蚊的話，”外賣仔”會坐得舒服d...…Read More

放工在銅鑼灣食晚餐,想起仲未試個OpenRice 排得好前既The Grill Room. 決定去試一試. 好在Weekday 唔洗點等位, 只有一半滿. 立即有位. 是日胃口不大, 兩人只是點了兩樣野. Pork Belly - 半肥瘦,超邪惡. 皮脆肉嫩. 柑桔加蘋果超配合. 中和返d肥膏!Squid Ink Linguine - 蜆仔比較細細隻,但食得出係新鮮貨,好新鮮. Linguine 都好味下次要食牛扒,因為見到差不多每一枱都叫!…Read More

有一天坐小巴,看到車身上的廣告,才發現SAV酒店內有一家酒樓叫做紫荊閣. 經常經過但都沒有發現. 決定去試一試他的點心.酒樓非常隱蔽. 大廈外牆及街上都不見明顯的招牌. 進入酒店搭電梯到一樓.酒樓跟酒店的大堂在同一層.星期六下午12點到達. 但是只有四枱人在飲茶.心想,是不是中伏了呢?但既然已經來到,不如試一試吧.酒樓員工非常有禮,迅速安排我倆坐在近窗邊的一枱. 落地玻璃彩光非常好,可以看到整條蕪湖街. 細看餐牌,點心選擇不算太多,大部份是傳統蒸點.但都非常足夠. 點心價錢再同區算是中上. 也沒有太多如早茶特價時段的優惠. 難怪坐不滿. 首先點了一壺普洱茶. 看來不是普通茶葉. 茶壺上註明是天福茶行的. 飲落都幾香,而且唔會好似其他茶樓的普洱茶,飲到最尾變成黑色. 侍應亦都好有禮貌地間中幫我們添茶.跟住點了五樣點心,分別是古法馬拉糕,水晶鮮蝦餃,鮑魚🐔燒賣,XO醬腸粉及上湯鮮竹卷.先講XO醬腸粉,炒得乾身,唔會有油浸浸的感覺,辣到適中,再配上🐔絲非常好味.之後,四樣蒸點一齊上. 先講馬拉糕.這個馬拉糕質感十足,不像普通酒樓的"空氣"馬拉糕那樣. 有質感之餘亦十分鬆軟,聞到一陣陣的蛋香.至於水晶鮮蝦餃,外皮不夠溥,內裏的🦐十分鮮甜新鮮.至於鮮竹卷,肉和菜的平衡做得十分好,沒有肥膩的感覺,而且個湯鮮味,仲見到有幾粒杞子,夠晒足料.兩位埋單＄240,在紅磡區午市不算便宜.但食物質素交足貨,環境幽靜,加上服務有禮,下次要來試吓它的晚飯了.…Read More

酷熱天氣警告,當然係躲在商場涼冷氣😎😎😎.選了附近既又一城午餐. 星期六差不多每間都要排隊. 安南/皇后邊間快d就食邊間啦。安南人龍雖然長，但餐廳坐位多。人龍keep住入,等左十五分鐘就入得啦.定一次食安南是它剛在銅鑼灣開的時候,多年前的事了. 記得那餐美味非常,環境一流,服務週到.可惜多年來未有機會再試. 又一城店裝潢差不多,但是在大商場內加上溜冰埸旁邊,人多嘈吵,缺少了銅鑼灣店的清靜高雅. 落單的waiter哥哥比較fresh, 有待改善. 不過好在食物質素保持到.先上飲味,越式清保涼,咖啡沙冰. 賣相精美,份量夠大,味道ok.米紙卷, 一般番茄牛腩煲加法包-超級推薦. 牛腩入味,肥廋適中, 炆得夠淋. 茄汁點法包係絶配. 法包夠香脆…Read More

這一間黃埔的九號水產，開業前已經買咗一輪廣告。等了多個月，終於開始局部營業了。今天午飯時候經過決定試一試壽司。其實九號水產是集合了幾家不同店舖及已日式海鮮為主題的地方，有壽司，有蟹宴，有超市，有手信，有甜品等等。今日我哋試咗一間叫做頤之味的壽司。首先點了北海道魚生丼。有三片帶子，三片三文魚，少量海膽及魚籽。價錢好似係＄138。魚生唔係唔新鮮，只是鮮味亦不算突出。跟坊間一般壽司店差不多。份量少。之後點了一個＄108的壽司set。份量可以，但係同魚生飯一樣，不覺得有什麼突出的地方。在這裏喝茶是要收錢的，＄8一杯。裝修都係一般。通常最近的新店的枱下或椅子下都有放手袋的地方，但這裡是沒有的。要求不高，當是普通一餐午餐的還是可以。但紅磡舊區應該有更多價錢平又好食的選擇。見到他們晚餐的餐牌是屬於高檔的，可能要食貴野才test到他們的真功夫吧⋯⋯…Read More

聽說這餐廳在泰國很有名氣，今晚經過海港城決定一試。先叫兩個椰青。外表跟一般冇分別，但係一謁之下發現椰香味比坊間的椰青水香濃得多！再來咖喱蟹肉。如圖，你可以見到他的份量不算大。但係食落去啖啖都是蟹肉，肉質都好似幾新鮮，唔似係罐頭雪藏貨，咖喱味亦都10分香，只是味道偏辣。青木瓜柚子沙律，跟咖喱蟹一樣味道偏辣了，蓋過了柚子應有的清新鮮味。泰式蒸魚，條魚感覺都夠新鮮，但跟上邊一樣，辣味好像蓋過了鮮味跟酸味。加埋兩碗白飯，這一餐盛為900大圓。食物新鮮，服務有禮，環境舒適，但感覺比較貴了一點...…Read More

相信中環人都知，要食一餐好食又抵食,又唔使點等位的午飯簡直是一個奢望，連去買個外賣飯盒都要排一餐，價錢也不便宜。呢一間餐廳開咗之後，我已經食咗好多次，差不多每星期有一天，總是會掛住他的叉燒要來幫襯。試過好多樣，包括慢煮叉燒，普通叉燒，燒腩仔，燒鴨，油雞，貴妃雞，還有加配溫泉蛋，＄15一杯的湯，等等等等.....普通雙拼飯＄46，同區來講是正常價錢。每一樣燒味質素都是中上。但是最值得推介是他的慢煮叉燒。比普通貴幾蚊。做得非常入味，肉質夠淋，肥瘦適中。可惜很早賣晒。要食的話就要12點前WhatsApp落單。食唔到慢煮叉燒的話通常會吃他的叉鴨飯。普通叉燒都燒得好好味，而且份量都算不少。＋1隻溫泉蛋撈飯就最正！另外飯盒非常精美，有一隻可愛小豬的紙盒。🐽🐽🐽…Read More