YT Sophia's Profile

散水餅大家都食厭西餅了吧，其實我都諗左好耐，最後都係決定消費响自己人身上，食下特色下午茶啦～橙豬豬牛夫$38 +配蝶豆花玫瑰梳打(餐配半價$11)鹹鹹地既風乾火腿配甜甜地既自家製果醬鹹甜配搭一絕👍🏻😋窩夫底由拎到返公司，再攤開黎影相，再吹左陣水再食都仲好酥脆😍大家都讚好好食😊…Read More

芋香南瓜炆雞翼？炆雞翼？Are u kidding me? 南瓜2粒，芋頭3粒，炸雞翼4隻，放埋一齊淋啲芋蓉上面好意思叫炆雞翼🙄你扮韓式咁叫芋蓉炸雞翼我無咁嬲，另外中湯今次鹹左啲。…Read More

今日外賣了銀芽肉絲脆麵,熱奶茶($54) 1點22分叫，2點先有得拎，啲餸得圖入面既芽菜, 芽菜, 芽菜, 蔥, 紅蘿蔔, 肉碎，只有少量肉碎，大舊少少既肉都無，更唔好講肉絲；一整個羹一啲味都無，要講味道就只有草青味，我諗係來自芽菜。本來個麵要時間製作我明，但我等左8個字先有得拎，重要俾份咁既野我食，真係好嬲。…Read More

入屯門探親戚，話樓下有泰菜食就試試，叫左個4人餐，唔駛諗😜龍眼冰單點，因為餐無包飲品泰式生蝦，唔係餐入面，但係食泰菜點都想食😋蝦餅同魚餅好食，春卷一般，淨低果樣唔記得咩名，印象都唔深刻好juice，唔點汁都好魚味，但點汁更好食😁我地無專登叫大辣小辣，個湯得少少辣，反而覺得好甜，好重椰汁味，一人有半隻蝦連雞胸都好滑，蝦片好好食🤣🤣食咖喱一定要跟手抓餅(右上)，咖喱甜甜☺️，虎蝦由頭到尾有我前臂咁大隻😲蠔仔一啲都唔”仔”，粉漿(?)都好有味，屋企人話加辣椒魚露仲好食⋯變左潮式😆只可以講真係唔係菜季🤷🏻‍♀️但食得辣的話會中意個味粒粒分明，新鮮菠蘿😳是日甜品，仲熱，好煙韌👍🏻👍🏻食到咁上下聽到後面枱話要qr code落單，原來qr code 落單有橙汁送😫Anyway 依個4人餐，細食啲一定都剩好多，我地2男2女，炒菜一人食過一口，炒飯都要打包。…Read More

下晝3點幾黎到都要等15分鐘先有位，不過我唔趕時間🤗同埋無限時，可以真正輕輕鬆鬆咁食下野坐下。Order左全日早餐份量都幾大，腸有啲啲辣，麵包旁邊有啲醬，我只係認得出肉桂，其他唔知咩料😂，不過好好味，如果有埋茄汁豆就好了👉🏻👈🏻😆仲order左 豬肉蘋果楓糖三文治無論豬肉、蘋果定楓糖，都含有甜既元素，令整個菜式都好甜，唔係好甜朱古力或者蛋糕個啲甜⋯嗯⋯總之我中意😋 但肉同蘋果都好濕，令個包濕晒淋晒😞飲品其實諗左好耐，想飲凍野，但cappuccino 得熱，但又覺得應該要飲咖啡，所以最後都係揀左加倍情濃☕️(影前俾我飲左啖) 朋友就飲凍mocha 其實仲想食scone 但真係放唔落啦😩題外話：無錯，餐牌個個都掂係唔太衛生，但我都係不太中意qr code落單，總係感覺會miss左好多菜式…Read More

因為錯過左5日前預訂，唯有等當日睇下有咩原個口味千層出啦。終於等到12點出post但又睇唔啱啲味，同埋一直都心絲想試多幾隻🤤⋯⋯立即whatsapp 留返到8件拼圓個千層蛋糕先～課金先～當日8拼為(純白色順時針)：牛乳-佢算係最唔突出黑糖奶蓋-依款意外好食，唔會好甜，但又有食到黑糖既味道士多啤梨-不過不失，唔會好香士多啤梨味紫薯粒粒-有好細既粒粒食到，但又唔會好多抹茶mix牛乳-抹茶味勁濃，唔中意抹茶既我真係唔啱食🤢香芋-有維記雪米糍既味道🥴伯爵茶-👍🏻唔外意係最好食(食評個個都話好食)🤣，入口有伯爵茶香味，但又唔係好似抹茶咁濃👍🏻曲奇-係預期中既好食，想唔咁普通食牛乳味，曲奇會係好好既選擇。班戟皮唔算厚，但我想可以再多啲cream👉🏻👈🏻😋，每件size同高度偏差有啲大，算係最大敗筆。…Read More

午市茶市所有主食都有跟汽水，普通凍熱飲反而要+$8，同一般餐廳調返轉😆可能要人手沖，無汽水咁慳功夫😛天口熱當然食撈檬啦😋叫左鹽燒牛肉撈檬同烤牛肉撈檬，其中一杯餐飲+$12轉龍眼蜜。叫左份下午茶香茅雞翼(無包飲品)。烤牛肉好濕潤，好似平日時蔬炒牛肉果啲牛肉咁，反而個鹽燒牛肉又似過往食過既烤牛肉🤔撈檬好夠份量👍🏻龍眼蜜一上枱，load左一下，同食開既泰國舖唔同樣，好色彩繽紛😂但友人覺得龍眼味唔夠濃。總括嚟講所有食物偏向淡口，重口味朋友要留意哦！…Read More

以前係SET好晒位先帶你入坐，依家餐具轉為入坐先至俾，仲要已經放左入熱水入面，依樣要讚，因為我老公成日都話唔駛啦，唔抹唔盛就直接用黎食野，依家等於逼佢洗餐具😏 生炸雞脾薯仔沙律大大隻炸脾，上到枱啲皮仲係脆架😂，切落去仲有”喀”一聲😋 吉列蝦拼辣薯條普通野，同埋個薯條唔辣，我係一啲辣都唔食得既人都唔覺得辣… 清湯牛腩河意外驚喜！我食左一啖河粉連湯，河粉夠滑，湯都好味，老公話牛腩好諗，湯底夠味，連辣椒油都唔駛落，蘿白仲要有3舊大大舊(真係平日食開最多2舊)，西餐廳食到佢都咪話唔驚喜。 凍檸茶其實2杯都叫左少冰，唔知點解有一杯少左都咁多冰… 題外話：唔知係咪因為限聚令，餐廳多左間板，舉左幾次手都無人過黎……Read More

以$20手撕雞腸粉，我覺得都夠大份。但無諗過手撕雞係有味，仲要係好有味，咸過頭，同腸粉混埋食都唔掂，食唔夠一半就頂唔順。腸粉亦蒸過龍，有啲頭尾變硬左。手撕雞腸粉只加了豉油、麻醬同芝麻。…Read More

見養心殿居然可以半價食到😱睇睇原來7點前離座有5折，8點半前離座/9點半後入座有7折。打一個電話，3點幾4點完全唔駛等位，即刻飛車出去🙈4點左右到佐敦店，去到門口望下望下，烏燈黑火無人咁，入到去好在都有3枱已經食緊。麻辣鍋有跟多一份鴨血，記得要早啲啲落等佢吸下味，後加果啲同跟鍋入面果啲味道真係有啲出入。辣度男友叫了中辣，平日食譚仔清湯既我，在養心鍋灼熟後放麻辣鍋5秒再食，食到麻辣鍋又唔會太辣養心鍋入面有半個大魚頭同半隻雞，邊爐開始前試啖湯先，好足料魚味，偏重胡椒味，藥材味唔算濃手切牛肉不得了，睇下啲肉同脂肪分佈🤤黑毛豬真係好一般。滑鴨片細嚼都食到鴨味，滑唔滑呢就⋯好驚喜既黑松露蝦丸，唔中意黑松露味既我既然都覺得好好味👍🏻2個人食都好飽，其實5折左都唔算好平，茶芥都要$20位，飲品都唔想叫，所以正價食真心覺得貴，手切牛肉以半價黎食算係值食。5點半走時已經有超過10枱食客。…Read More

小妹同男友都好中意食越式河粉檬粉，成日要去到佐敦/九龍灣先有間好食，所以都好努力响附近搵越式粉麵店。最近搵到APM隔離新開既越式店，星期三晚就黎會一會佢😋撈檬無特別，豬頸肉好有味，係美極既味道，可能本身豬頸肉都幾濃味，佢俾黎點肉既汁唔係好食到咩味😓一人晚餐送2條網紙春卷，我覺得依個可以推，但男友話入面好食，但外面好油🤷🏻‍♀️生牛河湯底唔係清晰既湯（唔知大家明唔明，平日啲湯唔係咁濁，係見到河粉的）所以我相信個湯底應該都幾足料，但未去到好好食。整體價錢唔算貴，唔知食咩好，又唔想駛好多錢，午餐價錢既晚餐都食得過👍🏻…Read More

同事生日lunch唔飲湯既我一定食沙律，有凱薩沙律以外既沙律通常都係我既選擇本身都諗食扒好定食雞胸好，見到雞胸有2種芝士，決定雞胸啦雞胸唔厚，好嫩好多汁，有幾啖好似食雞脾咁明明食過個主菜大家都好飽，但係見到其他人既甜品好正咁，大家又放棄左杯咖啡叫甜品又食到捧住個肚走題外一說，環境有啲嘈，講野要大聲啲。…Read More

返左一個星期工，終於都到星期五，好攰😞唔想去得遠就近近地搵間拉麵店食算啦。店面好細，2張4人檯+10個吧位，吧位啲櫈會偷偷地自己縮矮🌚野食唔多揀，但做得好食真係幾款就夠。仲有一款期間限定，見到海膽係想食既，但一諗到响香港伏過幾次海膽，都係食返啲普通野算喇。自己填order紙，可以揀麵既硬度，要唔要䓤/筍等等。睇之前啲食評話個湯好鹹，原來張order紙都有講口味會比較濃，要淡口可以出聲。店員指示青檸汁唧落麵，湯汁攪勻就食得👍🏻我食麵一向第一啖都係試啖湯先，可能你覺得我廢up ，但魚介真係好有魚味，櫻花蝦真係好有蝦乾味🤣 叉燒夠淋身，麵我地都係食開軟麵，夠煙韌😋整體味道係好味，湯亦的確偏鹹，但美中不足係沾麵既湯汁唔杰身，掛湯方面可以改進一下。埋單時聽到原來可以轉粗麵，不過諗諗下唔係好掛湯情況下，我都係揀返幼麵算。…Read More

年年過年澳牛都放大假，襯佢未放假食多次先～年廿九晚原先無咩人，坐得5-6枱，點知坐坐下突然人群湧現😥牛肉通粉+炒蛋多士可惜一個茶餐已經食到好飽，又食唔落蛋白燉鮮奶豬年見～…Read More

蘇媽蘇媽係馬來西亞版既肉骨茶，較新加坡版既輕啲胡椒，重啲藥材。多年前曾到過馬來西亞，你問我正唔正宗，我唔識答，只可以講，小妹我啱飲我地8點幾到，唔算好多人等位，我諗20～25分鐘就入得座。到你個no.時，門口個姐姐就會俾定個餐牌我地mark定野食先，然後入座。唔知係咪我地有叫肉骨茶，一坐底佢就放底2隻碗，倒茶俾我地。等野食時就調定碟醬油先~ 蒜茸辣椒，少少頭抽，多啲黑醬油🤤基本食物唔係等好耐，係老鼠粉要多少少時間。皇帝骨：淨肉好淋身，好食，但我諗食骨頭可能好食啲，隨皇帝骨上果瓦仔肉骨茶有肉味、鹹味、少少茶味，但藥材味真係好少🤔我覺得無限refill個茶好飲好多椰漿飯：因為想食，又唔食得辣，所以單叫了一碗。相信佢有落斑蘭去煮，可惜椰漿味唔重，唔知係咪其他食物都好濃味所致。咖咉多士：好好食！平日的去維x、土s工房都一定叫咖咉多，但依個有啲唔同，我好中意💕💕💕不停望有無咖咉醬賣，但最後只可以揀下次再黎食🤣老鼠粉：姐係銀針粉，熱辣辣煲仔上，本人覺得喊左少少。銀針粉夠煙韌，有銀魚仔，雞蛋同其他配料，大煲到食唔晒熱拉茶夠滑，凍白咖啡唔知。埋單$193，refill 左3次茶，捧著個肚走😂…Read More