fujikawaii's Profile

見FB group有人講開呢間店專食拖羅丼今日去開銅鑼灣，就去試下新店門面擺咗吞拿魚display，好有日本feel店内全是木枱木椅，簡約中好有置身日本食堂的感覺而店舖中掛上大電視，不斷播放他們處理原條吞拿魚，及講解吞拿魚不同部位。全店只有一款拖羅set $158，加15有茶碗蒸及飲品/麵豉湯麵豉湯 味道普通偏咸 一般般蟹麵豉茶碗蒸 有蛋味，好滑，蟹麵豉同蛋好夾，味道合格有餘拖羅丼 主角上場真係有点令人失望，有兩大片勁多根而且帶血点。放在頂,包到成粒燒賣咁款的吞拿魚蓉，只是薄簿一層，下層是飯，係方便食。不過似係一早包定，啲飯帶點硬，完全敗筆。 呢三片,我要研究左好一陣，係咪中拖?!🙄之後問店員，係腦天後面的部位切出來，因為中拖的部位有限，所以有時會搭咗其他位。味道算係肥美，但真係好多根囉😥一千零一片嘅大拖，係肥美鮮味，但可惜薄薄的一片也有一條根😑赤身三片係最對辦的，軟滑帶鮮味總括而言，$158食到一碗有吞拿魚不同部位嘅丼飯唔係貴，但好抵又稱不上，始終我食咗一碗不似預期的拖羅丼😶而且飯嘅份量略嫌少，埋單後有向店員反映，佢話下次可以叫佢加多啲飯。但唔知有無下次😆怕再一次食一碗不似預期的拖羅丼…Read More

星期六同屋企人下午茶，兩点幾三点到，唔洗等位已可安排入坐。叫咗幾個点心，一飯，一炒河。甫魚滑燒賣: 蝦夠彈牙，豬肉爽口翠園上湯煎粉果: 叫得翠園應該係招牌菜喇，但食落又唔覺特別好味。雖然係外皮煙韌脆口，但入面啲餡好少。另外浸上湯食，亦不覺怎樣特顯粉果的味道。倒不如食鹹水角更好味又多餡黑金流沙包: 簡直失望滿心期待流沙，少少流沙都無失敗古法牛肉炒河: 雖然係好味🤔但我expect係乾身的，而唔係濕炒河囉一品砂鍋飯: 同樣地😒雖然味道係可以，但呢個砂鍋飯太濕，同埋無飯焦整體而言，性價唔成正比，若不是不用等位，唔會選擇這間食…Read More

睇雜誌介紹多間石磨腸粉，其中一間喺屋企附近，今日放假就近近哋去試吓石磨腸粉，10点鐘去到，見到舖仔細細，舖外有兩張摺枱已坐滿人，唯有外賣返家慢慢嘆order咗平價套餐牛肉腸粉+柴魚排骨花生旺菜(細)，其實都只是比散叫平$1。眼見都有唔少人叫外賣，等咗大約5分鐘就有得攞啦都算快。大約10分鐘路程返到屋企，好肚餓即刻開動。牛肉腸粉仍然熱，腸粉好滑，但就少了一份黏糯口感，食到係用新鮮牛肉剁碎，牛肉有牛肉味豉油用膠盒仔另外盛裝着，免得耐咗腸粉底部過咸豉油應該是自家調較的，不是出面一般的甜豉油但個人喜歡甜豉油多啲。柴魚排骨花生旺菜卻令我喜出望外，可能因為很足料，細細碗的粥有5粒排骨，除了柴魚亦有豉味(旺菜係似豉類的乾貨)，沒有加味精都很好味，有家的味道。總括而言，石磨腸粉味道是可以的，但不是預期的好味。反而旺菜粥有驚喜，會為旺菜粥再來。…Read More

喺大本型行街,行到攰攰哋,喺通往鯉魚門廣場旁,見到有間甜品店,坐位又可坐得舒適,就入去歇一歇。看看Menu,原來係台式甜品,價錢合理,最平$12已可order迷你糖不甩,和風白玉或小丸子。平價歇腳地雞蛋布甸有4款口味香草雞蛋布甸牛奶蛋白布甸可可雞蛋布甸黑糖雞蛋布甸冷熱均可雞蛋形玻璃罌,畫上招積趣怪雞仔,賣相可愛得意,食完仲可以帶返屋企最終揀了牛奶蛋白布甸$16香濃牛奶味,尚算creamy,但如果再滑啲會更好宇治豆花芋圓$24綠茶雪糕涼透心,加上綠茶嘅好朋友紅豆,芋圓煙煙靭靭,很好的配搭。至於豆腐花略嫌不夠滑,整體味道尚算不錯,炎炎夏日解暑之選。…Read More

韓式烏冬$55,其實係微辣嘅番茄湯底肥牛烏冬,再加片芝士就提升了味覺嘅層次感,簡單得來美味。跟烏冬送的大大碟沙律菜加芝麻醬,清爽可口。棒果焦糖拿鐵咖啡$38,拉了一個心形花花,賣相靚,味道OK,但呢杯價錢貴了點。朋友點的紅燒牛便當$48,這個便當跟小食(西蘭花,燈籠椒絲,榨菜絲),我試了口紅燒牛,味道濃而入味,如果肉質再腍身點會更好。紫薯拿鐵$35,鮮奶+紫蕃薯,香滑奶味又有蕃薯味,健康飲品之選。 小時光比我感覺係一間主題餐廳,好有那些年feel,環境裝修佈置,讓我回到中學生年代。雖然食物好味但沒有太大驚喜,不過小時光係以特式懷舊環境取勝,所以下次中學同學gathering時,我會提議呢度 …Read More

工廈食店越開越多,但並不是間間有質數的,今晚同朋友食呢間K2 kitchen,環境同擺設都頗有格調 食物用心製作餐廳門口直入,擺有整隻風乾火腿,細問之下,原來是來自西班牙36months iberico ham, order後會直接人手切,會比機切更有口感 頭盤之一嘅北海道甘蝦伴蘆薈沙律,原隻刺身蝦上碟,size之大如同牡丹蝦,入口鮮甜,再加上嘅蘆薈粒及新鮮沙律菜,清新開謂 另一頭盤"紅菜頭伴羊奶芝士北海道帆立貝",帆立貝很大隻,約有兩寸直徑,伴在底是紅菜頭,倆者配在一起吃,味道算不錯 賣相很特別的黑魚籽鮮蝦忌廉蛋,整隻雞蛋連蛋殼上,黑魚籽配半熟雞蛋,蛋非常滑,内有爽口蝦粒,一個精緻美味的頭盤 因為被門口擺的風乾火腿吸引,所以order了半份iberico ham試試,手切是一少塊一少塊的,剛剛好一口一塊,iberico ham咸味不會像parma ham那麼重,所以不需伴着哈蜜瓜一起吃,反而要分開食,才可細嘗iberico ham的甘香咸味,入口火腿咸味適中,脂肪油甘,齒頰留香 牛肝菌榛子茸湯,香濃的牛肝菌味且creamy,加入了榛子碎,豐富了整個湯的口感 7成熟的澳洲和牛,一口咬下,肉汁四溢,不用沾任何醬汁,只是灑上少許礦物鹽已很美味 用海膽加忌廉煮帶子意粉,帶有微微海膽鮮味,再上蟹子,提升了意粉的層次感 其實餐廳的出品真的用心製作,最後的dessert好像是藝術品一樣,靚得不捨動手把它吃下 為有多影幾張相,才動口吧 菠蘿mousse蛋糕香滑,綠茶紅豆mousse中規中矩,而伴在碟邊的石仔裝飾,原來是朱古力,蛋糕上的蝴蝶也是吃得的紙威化 很滿足的一餐…Read More

一個遲收工嘅星期六下午,3點9仲未食lunch,行去Mikiki商場對面街嘅餐廳醫肚子 餐廳環境開揚,給人簡約舒適的感覺 佢哋brunch嘅選擇都頗多,少份量到大份量嘅set都有,而且都幾吸引,價錢亦合理最終揀咗"三文魚沙律菜班尼廸" 當上枱時,真是喜出望外,除了兩件班尼迪外,還有滿滿的薯條,份量一點也不少 隨餐嘅朱古力奶so far so good,稍勝麥當勞朱古力奶少少至於薯條係新鮮炸的,很脆口,但灑在薯條上的BBQ粉,有點畫蛇添足,BBQ粉的味道實在太濃而有點辣,不是我口味,其實簡簡單單沾上茄汁已很好食主角班尼廸 切一下,蛋黃汁隨即流出,沙律菜爽口新鮮,配上自家調製嘅sauce,有畫龍點睛之效,把整個班尼廸味道提升不少 …Read More

明天兩連休,今晚又無約,收工就喺Express Bar by Lassana,買個Caramel  Mousse Cake,做今晚嘅飯後甜品 同屋企人一齊分享開動 切開蛋糕,望落好有層次感。食落,原來除焦糖味外,還帶有咖啡味。再細味品嘗,第一層係薄薄而且係較甜嘅焦糖Mousse,第二層係燉蛋mousse帶微微焦糖味,第三層係咖啡Mousse,底層係咖啡蛋糕,雖然係焦糖,但整體又不會太甜,焦糖同咖啡本身就係好朋友,味道非常配合,再加上燉蛋味,整個蛋糕味道變得非常特別,而且蛋糕主要成份係mousse,整個質感creamy且滑,食完令人有幸運嘅感覺 其實蛋糕唔一定生日先可食,做飯後甜品,或下午茶,都係一個好好享受 佢個Creme Brulee Cheesecake都好吸引,下次要買做下午茶 tea一tea…Read More

放假無所事事,又突然和牛癮發作,一條友都要獨自食好啲,去咗和牛燒肉·純,有提供日本不同級數和牛,而且lunch set價錢比晚市平一節。一早已鎖定目標 純特上會席午餐set,為食肉眼扒而來 其實佢地仲有其他和牛,日本豚肉,刺身lunch set…等等供選擇。有菜沙律,韓式芽菜,波菜,泡菜作前菜小食,中規中矩;麵豉湯亦不過又失;隨餐附有白飯 及飲品一杯。主角上場 我亦是為他而來 整塊肉眼扒已切一塊塊方便燒烤,還有4片牛舌,粟米嫩紅色加上脂肪分佈平均,一睇已覺得好吸引,忍不住立刻開動 牛舌:燒至九成熟,爽口有牛味肉眼:7成熟,一咬入口,肉汁溢出,油脂甘香帶牛味;再試試燒至九乘熟,一咬下去,仍是肉嫩非常,沾上少許燒肉汁,更特出牛味。真正和牛係燒到十成熟,都唔會韌,而且肉汁溢出。呢餐和牛真係好出色,絕無欺場,唯一不足是.....若能隨餐附送甜品,就完美了 …Read More

朋友飯聚揀咗有蒸氣海鮮石鍋專門店,地点係好旺嘅尖沙咀,但又帶少少隱世feel,因為喺天文臺圍,要行上一少段斜路才到。上到去,原來有房坐 我哋十二人包咗一間房,房內還有獨立toilet,有需要時不用出出入入,好方便,從呢点可看到食店对客人的貼心 友人未到齊,叫啲前菜边食边等最好。酒槽雞腳$58: 雞腳爽口,食得出係新鮮雞腳,微微啲花雕味又不會太咸,啜下一隻,啜下又一隻 秘制花甲$68: 一向食花甲或蜆都是豉椒炒等熱食煮法,今次呢個秘制花甲上枱時,我仍然以為是熱的,到擺入口那刻先知道是冷盤,对我來說係好新奇的菜式,微微辣帶少許咸,加上花甲肉嫩鮮味,再試真啲湯底,原來是胡椒湯,連湯一齊食仲正 連前菜小吃都做得那麼出色 期待主菜上場 朋友終於到齊,可以上菜 上菜前,先要在鍋中舖上米、南爪、雞,跟著蓋上蒸架,即可開始蒸海鮮,一路蒸,海鮮嘅精華又一跟落在鍋底嘅粥咕嚕肉$128: 有別於一般咕嚕肉,呢度係配上蕎頭,非常醒胃。至於咕嚕肉更是無得彈,一層既薄且脆的酸甜糖衣包裹着嫩滑肉質 登登登...有專人設定時間,因為唔同食物唔同份量,所需時間亦不同,以確保海鮮蒸得剛剛好,好細心的服務南非鮑魚(古法雞油/蟲草花): 兩款鮑魚都order咗,我食咗蟲草花鮑魚,蟲草花微甜似金針的爽口,鮑魚剛剛蒸熟,蟲草花加上鮑魚鮮味 真係想食多隻食咗古法雞油嘅朋友話雞油浸入鮑魚一齊食,好食到冇朋友喎 鮮淮山紅棗杞子蒸鮮雞$88: 嫩滑非常而且好有雞味甜梅菜蒸菜芯苗$78: 梅菜蒸菜芯原來可以咁夾,少許梅菜與菜芯一起吃,清得來好好食安格斯牛小排(大)$228: 只需蒸上半分鐘,剛剛好8乘熟,一点也不韌,脂肪甘香加上牛味十足,沾上少許豉油,好食過打邊爐日本大元貝$88（隻）: 辣椒蒜蓉蒸,其實辣椒不是太辣,反而能帶出元貝鮮味,好大隻,好多肉 紐西蘭聖子: 用生熟蒜加粉絲一齊蒸,粉絲吸收哂聖子嘅鮮味,聖子固然好食,連配角粉絲也一樣美味 韓國象拔蚌: 同樣是生熟蒜加粉絲一齊蒸,象拔蚌爽口鮮嫩 原籠蒸燕麥叉燒包4個$38: 叉燒包皮加上燕麥,食落感覺上都好似健康啲   叉燒食落肉質偏軟,與平時酒樓食開的,有点分別,原來這個是素肉 素叉燒包 像真度非常之高南瓜滑雞粥底$128: 期待嘅雞粥,經過咁多款蒸海鮮流下的海鮮精華,終於有得食 打開蓋時,粥面泛有雞油,侍應把粥攪勻後,雞油不見了。沒有加入任何調味或鹽的粥非常綿,帶有南瓜甜味,亦有雞味,而蒸了那麼久的雞仍然很滑 非常滿足的一餐,食海鮮都不用去鯉魚門,這裡的蒸海鮮也很出色…Read More

定食8與爭鮮同屬一集團,來自台灣,有刺生飯,烏冬,天婦羅.....選擇蠻多幾個月前初初開張時,星期六日晚市要輪候成個鐘先有位,而我返工喺附近,食早飯12點前到來,就唔洗等位 今日點咗好邪惡嘅流心芝士吉烈豬排定食,非常豐富除主菜吉豬外,有支豆,蒸蛋,菜絲,味噌湯,還有牛奶布丁夾起件吉豬,芝士從中流出,吉烈香脆,豬排鬆化,沾上酸酸甜甜的sauce(其實配柚子沙律醋都好好食),唔會覺得腻,送飯食真係一流味噌湯鮮甜,有好多三文魚,滑豆腐,海帶,好足料,絕冇欺場,而且可以任refill添 蒸蛋好滑,有雞肉,冬菇,白果.....細細杯內有甘多料,誠意製作 支豆不過不失 牛奶布丁加上少許焦糖,甜甜哋為整個午餐畫上完美句号 設有自助區,麥茶自取;菜絲沙律連柚子醋,味噌湯,海帶,白飯都可在此refill,包你食到飽 …Read More

閒日10点幾去觀塘工廠區換禮品,路過見到Crostini環境幾靚,反正未食早餐,入去食啲嘢,歇一歇都好,這兒環境有如置身中環甲級寫字樓附近的coffee shop,而且時間尚早,冇客,只有我一人即刻好有包全場既感覺Crostini一向賣靚cake同麵包,呢間仲有其他即製麵包最後揀咗煙三文魚牛角包再配杯朱古力奶煙三文魚牛角包$33:淡淡的沙律醬再加少許黑椒配上煙三文魚,還有新鮮爽脆既紫生菜,清新美味,而且牛角包好寬鬆化帶有微微牛油味,好味到追住黎食可能係我餓熱朱古力奶$20:唔會好似M記既朱古力奶咁得個甜字,呢杯有濃濃朱古力味又不會太甜點,始終一份錢一份貨,真係值得坐喺梳化位好寧靜咁嘆個美味早餐真係好爽…Read More

補祝朋友生日，佢揀咗呢間以粥底打邊爐為賣点既私房菜,食之前上openrice睇睇食評,原來呢間係新開嘅分店,總店喺佐敦,book位仲要好難,心諗係咪真係甘堅好食,只不過是打完邊爐多碗粥食下啫,anyway,新店唔難book,用膳時間分三輪,我哋揀咗早段6点至8点半。我哋3個人到齊後,食物好快上哂枱,食材方面以廚師決定,我想大概是當天佢地有甚麼新鮮的便作當天的食材。有雞,倉魚,黑椒牛丸,魚蛋,蠔,蜆,魚滑,肥牛,花蟹,蝦,瀨尿蝦,鮑魚,粟米,蘿蔔,南瓜,油炸鬼則是最後送粥食的,還有一肚氣  醬料只有豉油辣椒蒜頭3種。賣点粥底打邊爐,其實係粥水做湯底,當然唔多唔少都有落味精喇,之後佢教我哋先落蘿蔔粟米雞鮑魚（店員講咁就係鮑魚雞粥喎 咪講笑 滾一陣已夾 上來食,邊豎出到味,又是gimmick而已）鮑魚跟指示5分鐘可食,時間啱啱好,好淋,但沒甚鮮味,可能沾咗豉油吃蓋過了鮮味。雞都好滑,但滾耐咗就好'鞋',所以唔好滾太耐,要快食。倉魚算新鮮,唔好滾太耐,否則唔滑;魚蛋爽口彈牙。粟米甜美;魚滑欠新鮮,唔彈牙。蜆好細粒,而且有幾粒滾極都唔開口, 即係唔新鮮。蠔大隻就大隻,但唔鮮味,好一般。肥牛切得夠薄,唔鞋冇渣,算是全餐亮点之一。花蟹係新鮮,但始終是平價蟹,啲肉比較削(明白一分錢一分貨,呢個價不可要求太多,食好野就唔會選擇呢間)蝦同瀨尿蝦放埋一齊,紮紮跳好生猛,要揾隻碟蓋住免得跳出來;蝦係全餐另一亮点,咁生猛當然鮮甜美味;瀨尿蝦雖然生鮮,但(睇相都睇到)同蝦嘅size一樣,咁細隻實在好難起肉,起到都好少肉食。所以我個friend食完一隻便唔食 食到咁上下(限時關係),店員會黎撈走鍋中剩下之食物,雞油,過多的湯底,之後便加入一pat pat好杰既粥落鍋煮,滾約5分鐘後,賣点嘅粥一碗一碗上枱。呷一口粥,没甚麼鮮味,粥是雖綿綿的,但要加鹽才有啲味。老實說甚麼粥底打邊爐,所有食材海鮮精華落在最後的粥上,全是生意技倆,以此作招徠。食物烚兩烚便可 起食,可有幾多精華,而且限時,個幾鐘已煮粥,鮮味向來 而且此店好趕咁,未夠8点半,食到七七八八,已吹你問呢碟食完未,嗰碟食完未,好有壓迫感,係你面前執枱。 更過份是我把剛放下飲完一口嘅啤酒,杯中還剩兩三啖,他問都冇問就一手拎起杯啤酒倒到鍋中,洗唔洗咁趕客, 都未夠鐘。我見隔離枱仲誇張,啲客未走,喺客面前擺定位比下一輪客 實在令人反感雖然$220有海鮮食,但限時又趕客咁,講真呢個價錢可以有好多其他更多選擇,.....大X口海鮮火鍋店平靚正,反正也是限食兩小時半還有同場加映一肚氣(留待題外話寫),此店絕無下次 -…Read More

迴轉壽司店我一响鍾意去元氣,因為價錢合理,水準中上,而且一個人去食又得,下午茶食少少地幾件過下口癮又得 得咗但不是間間元氣都甘得,我首推APM同滙景分店,大概是人流多,所以刺生壽司去得快,夠新鮮 北寄貝沙律軍艦,粒粒北寄貝夠足料,紫菜夠脆口,証明即叫即做三文魚唔會切到薄薄甘,算厚身帆立貝,油甘魚,赤海蝦都好新鮮 …Read More

與舊同事飯聚，想食中莱,但我哋8人又唔夠12人坐一圍枱,醒起幾年前黎過呢間樓上鋪平靚正,而且位置方便,尖沙咀區,人人都方便搭車來,8人也可坐一大張枱,10個人更可有房坐(雖然房仔細細 )當晚揀咗食$288位既鮑參翅肚招牌套餐，無須加一，有十道菜式較為特出係花雕蛋白蒸海蟹，蟹肉鮮嫩美味,蛋白滑溜帶有蟹味同微微花雕味,蛋白才是精華所在 另外招牌三式蝦也很出色,豉油蝦同黃金蝦雖然是雪藏蝦,但做得入味;至於蝦丸亦炸得彈牙爽口,有蝦味 其他菜式不過不失, 海斑蒸得剛剛好,夠嫩滑;鮑魚食得出係平價貨 但始終是一分錢一分貨,不可要求太多。還記得幾年前食完十道菜後,好滿足甘捧住個肚走,但事隔數年的今天,食完只有8乘飽,唔知係咪我大食咗呢 …Read More