太好味's Profile

近近地第一次去呢間酒店食自助餐, 488+10%, 原價用HSBC咭有7折, 折實400蚊以內一位大人, 真係算唔錯. 去到大約晚上7點, 第一時間就攞左OPENRICE既COUPON出黎, 2大1小分別要左2杯紅酒1杯橙汁, 送既都唔失禮, 非常大方, 好大杯, 橙汁近滿.第一輪, 當然係食凍食, 先去排隊攞即開生蠔, 細細隻, 開蠔高手都幾密手, 一邊在濾水器旁邊開一邊沖左啲蠔殼, 3隻開好放碟上再全碟在濾水器下沖多2秒, 碟上就有點濕淋淋, 不過我覺得幾乾淨, 食海產當然衛生為首, 排左幾次, 每次都只係等2-3個人幾分鐘時間, 都好快手.  食落啲蠔海水味比較咸, 不過幾好味.之後食左parma ham, cheese & crackers, 沙律, 壽司唔多款, 細細件, 都好, 唔洗食到咁飽, 掛住食蠔攞漏左刺身, 原來成晚無食過刺身.  之後試熱食, 不過不失, 但唔啱我口味, 有啲肉太硬, 牛肉都硬, 鹽燒烏頭好鞋, 熱食我唔太喜歡. 一中一西湯已經試唔落.甜品, 最正係任食4口味H牌細杯裝雪糕, 豆腐花想食已經比人筆晒, 甜品蛋糕仔細細件, 普通, 有朱古力噴泉仔, 小朋友最啱, 仲有泰式冰棒3款口味, 自動PANCAKE機, 細細件自己配雪糕, 食到飽晒再又凍凍地, 再去車仔麵檔整碗丸丸面, 可惜冬陰公湯底已賣晒仲有啲燶底, 職員即整過碗牛肉湯底比我地, 個牛肉湯底都幾香.即煮意粉, 寬面同意粉已經有啲乾乾地咁樣唔靚, 唯有揀長通粉, 配料已經無咩點添, 無咩可以揀, 撈完個芝士, 老公話唔夠味, 不過好溜.太飽, 包1杯飲品, 叫左檸檬茶消消, 下次可以再來.…Read More

中秋想食個豐富啲既午餐, 又好掛念公司附近的德國餐廳.當天訂枱3位, 好好彩仲有位, 點都係中國節日西餐都叫做可以訂到枱.  上次同2個朋友食, 已經早1日訂, 平日中午爆到不得了.  想食既朋友真係預早訂枱好啲, 記得準時到.食過幾次, 聰明左, 唔叫主菜, 淨係食salad bar buffet已經好足夠, 打工仔95+10%服務費, 點都唔會成日食.今日既湯係我想念很久的磨菇湯, 唔係最滑, 唔會太杰, 好多幼粒菇菇.  好好味, 我食飽之後再添多碗.午餐係好REGULAR既2款香腸, 1款蛋批, 1款PIZZA, COLD CUT2款, salad菜多款, 今日仲有千島汁吞拿魚蝴蝶粉沙律, 好好味, 忍唔住拎左2次, 可惜無左上次個中式既蓮牛雲耳沙律, 真係好好味到不得之了, 下次希望再遇到南瓜香橙湯, 又開胃又美味.…Read More

今日除夕, 灣仔要搵到地方食午餐又好食既都已經滿晒, 唯有訂1點半改遲少少食希望有枱.早到左10分鐘, 所以都係要等一等, 1行7人傾住等又唔係真係等好耐.  終於1點半左右有枱, 入內真係高朋滿座.  因為第一次食呢間一直想試既餐廳, 所以都有留意佢地既UNLIMITED SALAR BAR同餐湯, 7人叫了4個跟主菜既餐HK$175+10%SHARE食, 另3位叫唔跟主菜既HK$125+10%.自助吧實在太好味, 有煙三文魚同另一款白魚不過都係三文正得多, 有2款德國腸, 沙律, 哈密瓜密瓜, PIZZA, COLD CUT2款, 小麵包, 唔多但都好充實, 由侍應送上餐湯(什菜湯), 好味道, 食左2ROUND已經有6-7成飽, 真係後悔叫左4個MAIN COURSES添, 第2輪既粟米CREAM湯要自己落單, 我叫左不過埋單都未到, 所以無試到, 但有飲既同事都話好滑好好飲仲好多粟米添.4個主菜係 : 肉眼扒, 雖然全熟但唔UN, 有肉汁喎 / 豬後頸肉2片薄薄既, 肉質幾滑又彈, 唔錯 / 魚拼2隻炸蝦跟墨魚麵, 魚都OK, 但未至於好好味, 蝦我無份食唔知 / 最後係個春雞, 肉好鞋唔JUICY, 最差都算係佢.  主菜既SIDE DISHES奶油煮薯仔, 炸薯仔, 薯蓉都好好味, 我食到好飽肚.跟住仲有甜品: 芒果布甸杯跟奶凍1件, 不過可能食完布甸就覺得奶凍唔甜, 同埋本身唔鐘意個奶凍下面既椰絲底.  個凍檸茶係最弱, 不過食物太好味或者下次都係叫咖啡比較穏振.  全餐飯大家都食得好開心, 如果唔係NEW YEAR價錢加左價, 平時好似係100樓下SALAR BAR+SOUP一定會ENCORE.…Read More

今晚一家人連細路一共12人去打邊爐, 點知未食就火滾了.上個月係另一間稻香打邊爐, 另外加特價蒸龍蝦拼小菜一碟既98蚊+$1特惠, 又可以打邊爐又可以食小菜, 好正又抵食, 再食多次, 但係今日呢間居然話叫左特價煱就唔可以再叫熟食既特價野, 仲堅持有$1朱骨湯就唔準加蒸班頭腩+煲仔豉油雞半隻$88+$1, 佢話唔準, 我同佢講上2-3個星期真係可以咁叫架喎, 佢好大聲咁回覆公司政策一定無喎, 講左一輪, 無謂再抝, 淨係知道又黎錯呢間, 應該去遠dd去番上次果間, 唔應該偷懶. 點知大家吵完一輪之後, 個部長又帶另一個部長黎話減一個特價湯底$1 or $8就可以加孖寶, 咁即係點先, 頭先又拗到面紅耳熱, 一陣又話得喎. 落左單之後又入錯野, 又飛錯隔離枱order落我地張枱, 個部長唔瞓氣, 去個籃抄番張落單紙出來, 原來我地圈對了, 不過落單既佢就睇錯野, 搞一輪至可以到齊食物, 非常混亂.到比錢, 已經叫定張落單紙出黎對下, 改左2次先可以delete番一碟唔啱既野, 最後用左大約20分鐘至可以完成整個埋單程序, 真係同另一間同集團既服務差遠了, 下次一定唔好偷懶行多兩步路. 因為除左服務, 另一間既食物質素同份量都差一皮, 希望下次去遠d食得開心d唔洗同人爭辯咁多.…Read More

上星期五居然訂座滿左, 今日終於有機會食啦, 好開心.刺身/沙律 : 有專人係度切魚生(三文魚, 立魚, 墨魚), 同埋少量既反卷, 沙律吧也不錯, 有煙三文魚煙吞拿, COLD CUT幾款, 仲有青口, 蝦同埋龍蝦仔, 龍蝦仔唔知用咩來煮, 果種香料味我唔係太鐘意, 所以一隻之後就停左手. 薯仔沙律好好味.熱暈 : 有牛肩肉, 餃子, 魚, 咖哩, 飯, 中湯-粉角湯, 西湯-忌廉磨菇湯 (因為我主要食刺身同沙律, 所以淨係夠位飲一碗中湯)甜品 : 有4款雪糕, 其中一款既焦糖雪糕好好味, 用黎配自製格仔餅好好味, 不過建議個格仔餅唔好一個人食晒成個, 份量太多了. 一小杯木糠布甸同埋焦糖燉旦好好味, 好滑既燉旦似意大利奶凍. 仲食左一件合核BROWNIE同埋芝士餅, 由於個人喜歡合核, 所以覺得個BROWNIE中和左合核味真係唔太甜, 好好味.成個午餐都無停過咀, 超飽. 每位HK$155+10%.…Read More

去到剛好七點, 不過現場真係好靜, 好彩有一枱十幾人同埋有Jade台播緊九姑娘, 另外仲有2枱2人世界, 我諗今日算叫做多客.坦白講, 佢可以set buffet既地方唔係咁多, 有3個熱爐放hot dishes一個係炒飯, 一個係share菜同埋春卷(分開既), 一個係燉蛋面頭有少少燕窩呢個好好味, 我老公都食左2小杯我食左4小杯, 刺身有三文魚赤貝北寄貝非翠螺長蟹腳都幾新鮮, 每樣都唔係放好多, 因為真係唔多客, 反而佢好密咁出黎睇要添d咩, 無就再添咁.佢雖然無咩客, 所以佢既方法就係少少咁放, 細細杯, 經常添, 因為無咩客, 所以反而唔洗爭, 仲添得快啲.食到咁上下, 我地就叫埋個main course, 有成9款可以選擇, 我叫左牛柳, 老公叫左牛肋條, 新鮮熱拉, 即叫即整, 我個牛柳七成熟好好味, 又有牛味有軟熟, 老公個牛肋條就好香好juicy.甜品唔係太多, 但件件都不錯, 右上係燉蛋, 右下係木糠布甸, 左下係朱古力模士, 左上係好清甜既桂花糕, 最頂果件係比較普通既芝士蛋糕.或者香港人真係太鍾意多款式, 呢度係比較少款式, 但係我覺得佢知道自己既缺點, 所以啲食物都做得好精同埋好精緻, 如果二人世界靜靜地, 二百零蚊一位, 都幾好.…Read More

位置好方便, 我由港島區坐過海巴落車行5分鐘就到, 不過個門面真係唔係幾靚, 仲要係無咩指示牌, 但係舖仔已經坐滿晒人, 我打開門好無奈咁是但同一個waitress講我訂左枱, 跟住就要由另一邊商場門入, 原來係走廊邊有一間細舖位置, 如果shopping完至黎會無地方放, 我個手袋要一直攬住咁滯.食物方面都好簡單, 如其他人一樣都係叫左以下東西1. 翡翠螺一碟有6粒 --> 味道一般2. 中蝦沙律 --> 幾好味, 個芒果汁是整個沙律既重點, 八卦問過如果唔要頂頭果幾粒蝦(3隻)都係差6蚊3. 生蠔 --> 每人2隻 x 5款, 都唔錯, 珍寶蠔40/隻幾大隻, 其他都係30/隻, 我地試晒當日4款4. 加拿大蟹 -->$258, 當日我突發四點幾打去留, 果然當晚佢話好彩我留左, 因為供應商當日搞錯單, 成晚加拿大蟹就係送得1隻咁多, d膏好軟好味, 隔離枱食果隻係加菲蟹d膏比較實5. 砵酒鮑魚 --> 1碟有4隻, 好好味, 唔un, 個汁都好香又唔太杰達達, 店方仲好細心, 我地以為佢漏單, 原來佢話我地拆緊加拿大蟹同食凍野, 所以唔比我地住初頭以為會唔夠飽, 但係當清埋碟沙律就夠晒, 好彩無再叫個海鮮焗飯, 隔離枱叫左但無張相個樣咁靚.…Read More

我好鍾意個芒果河粉, 個河粉質質無咩味清清地, 但加埋香甜既芒果汁底都唔錯, 楊枝甘露好味過其他店, 我比較鍾意呢度既出品, 其他都無試過. 不過外賣既碗好細, 果次外賣芒果河粉, 我諗個份量係堂食一半都無, 勁唔抵, 佢用番芝麻糊果d碗仔邊載得晒成碗芒果河粉喎, 起碼都比番個車仔面碗咁大呀, 可以既話我一定唔會再買外賣.…Read More

去地鐵站pick up個朋友之前, 前去攞張飛先。接左朋友再番轉頭諗住食到就食, 食唔到就揀第二樣因為星期六1點鬆d始終都係會多人d, 點知好perfect喎, 行到埋去問叫到幾號原來剛剛就係叫到我地個numbe, 超好彩, 不過因為坐得落4個人但放唔落bb車, 所以要等多3分鐘等佢地安頓多d位出黎.坐落之後, 我地叫左1. 茄汁火腿意粉 (2個細路食晒)2. 什菌意粉 (食唔晒, 因為細路掛住玩)3. 豚肉沙律 (第1次食佢地既salad, 見到上面有d紅色既粉, 以為係辣既, 撈埋d算, 食落又唔係喎, 仲幾好味添)4. 什菌pizza (好好味, 都幾多菌, 2個大人食晒, 自己攞芝士粉同tabasco)5. 粟米牛奶湯 (細路湯, 不過飲完呢個湯都有幾分飽)6. 原味烤包 (點湯好好味)再加2個細路任飲汽水, 佢地不知佢happy, 其實添2次都係每次1/3杯, 唔係咁抵, 不過無所謂啦, 佢地都已經好滿足加埋都係14x蚊就食飽2大2細, 好抵食呀.…Read More

好耐無食過華南, 今日lunch食, 講真我覺得食物一般, 唔係真係咁好味, d坑腩好硬價錢唔平, 如果係既話我buy春園街果間潮x既坑腩好食好多, 仲有乾蒜粒添, 明符其實又平又靚, 起碼派位果個又有系統又好禮貌, 華南果兩個阿姐真係"一流", 有枱都要人係咁迫住坐一個坐唔落170磅肥仔既位, 唔通要背貼背呀. …Read More

佢d set lunch hk$79+10%, 幾抵食, 如果係灣仔唔同人迫又要有位, 咁可以早d訂位, 因為舖仔太細, 唔訂位唔好諗住walk-in有位囉.午餐都有四五款揀, 前菜/湯, 仲有甜品同tea/coffee.但係每人最低消費一個餐, 如果唔係4個人叫3個餐要叫多個湯至得.pizza做得幾好, 牛7成就真係7成, 唔會過龍, 最正都係甜品, 果次係香蕉tart, 我雖然唔多鐘意食香蕉, 但都最後食晒...…Read More

果日唔係好舒服, 叫左碗生滾豬潤粥, d粥幾甜, 豬潤幾脆口, 食完唔口乾. 套餐\1碗粥1碟菜.…Read More