wingyi9173的個人專頁

以前尖沙咀返工最鍾意嘅小食店之一，今日去個度聽opera，買埋做中場小點先😗😗以前買到老闆認得個樣，有時會比多幾粒添架☺️☺️燒賣經典魚肉燒賣，估計都係手工燒賣，唔會好粉，有魚味，辣椒醬超香，應該自己溝，我唔食辣都要加返少少，凸顯返燒賣嘅味道👅魚蛋唔知邊度來貨嘅魚蛋，好Q好食，真係軟Q爽彈，魚味好濃，有時太彈牙嘅丸類係會痴牙，呢個完全唔會，不過少貴17蚊得6粒，雖然唔係陳皮魚蛋咁細粒，但都覺得未叫物超所值🙂🙂…查看更多

公司附近開左呢間台式快餐店，外賣平台仲要成日有平，唸唔到食咩，就食下佢啦，落去先5分鐘左右☺️☺️厚切餐肉雙蛋飯雙煎太陽蛋脆邊好香，蛋黃流心固然撈飯用，厚切餐肉厚到傻😅😅😅雖然唔脆啦，但係都有煎過嘅焦香，椰菜有少少汁浸住，我倒晒落去d飯度，一滴不留😂😂甜甜地，ok好食田園三文治叫呢份三文治係為左湊夠數有折😌最近菜食太少，就叫份多多菜架啦😁😁滑嫩炒蛋加稍融嘅芝士，美味無窮，生菜番茄加千島醬，爽脆清新，簡直就係野餐嘅必備食品😆😆咁樣加埋先60蚊咋，平到喊🤓🤓…查看更多

有外賣平台限時pizza買一送一，無理由唔叫架嘛😆😆趁有日無帶飯，就即刻自己叫左，當完午餐，帶返屋企做屋企人晚餐，再當埋屋企人第二日午餐，喵的，都係食唔晒🙃🙃The Pepperoni Supreme經典款嘅辣肉腸，香辣惹味，芝士香濃拉絲，送到公司嘅時候好軟熟，第二塊開始有返少少硬度，有返pizza個型，唔係軟瀨瀨，絕對值得翻叫🍕The BBQ Chicken另一款求其叫嘅pizza，因為唔想食素同夏威夷而叫，第一眼望落吸引唔到我去食，不過點都會試下味嘅，喵的，bbq sauce好鹹🙃🙃🙃個醬發生咩事，原本以為無咩雞肉，食食下先覺得幾多，其實唔難食，真係純太鹹，或者可以調校一下？點左蒜蓉香草醬食批邊，先覺得感覺良好d😅😅…查看更多

第一次飲呢個嘅時候係大陸，飲完覺得驚喜，超飽肚又滿足，通常開分店到香港嘅時候，質素會有參差，點知維持一樣，水準之上。呢間飲品店標榜用新鮮生果做乳酪奶昔，健康好飲。Oreo奧利奧乳酪奶昔妹子落order要嘅肥仔乳酪奶昔，不過呢d長青口味實無死，肯定好飲，無額外加糖都夠甜味，我覺得好飲過我個杯☹️☹️抹茶糍粑乳酪奶昔我以為嘅糍粑係好似米麻糬嘅產物，所以先叫呢杯，原來係迷你嘅棉花糖，但係嚼口版，this is not my type😅😅😅早知叫返我最愛嘅牛油果or 藍莓啦…查看更多

今日突然凍左🥶，當然食返碗粥暖下身最好，呢間係我暫時都keep住好滿意嘅粥舖。及第粥粥軟綿夠熱，入面嘅材料剛剛好熟，豬潤軟滑，豬粉腸洗得乾淨，但唔會完全無晒渣，豬肉粉嫩，豬肚厚爽，真係無得挑剔🤭🤭魚片碎牛粥好多魚片，好稠，成個底都係牛肉，驚你唔夠飽咁，不過食得魚片一定有缺陷，有碎骨，有條魚骨打直插落我牙肉，好彩無流血😅😅😅之前menu明明有牛脷酥，依家無左，唔知係咪唔再整🥲🥲好傷心…查看更多

約個fd子同事食飯，佢竟然係我未到嘅時候，walkin去左間cafe坐低食野，咁我無理由，唔痴野食架嘛😂😂😂芝士黑松露薯條薯條份量好多，黑松露醬都好多，呢個飯前開胃菜會唔會大份左少少，芝士醬比黑松露好食，惹味，好似仲有另一款醬，下次再試🤭黑松露應該有切碎菇粒係入面增加口感，唔係唔好食，只係有對比有傷害菠蘿咖啡湯力（凍）其實我真係好少飲咖啡，但唔計mocha，呢杯我又覺得好特別同幾好飲，菠蘿味重，但同時唔會遮左咖啡香，咖啡都唔苦，少少嘅酸味幾易入口cafe環境好fancy，純白色主調加雲朵裝飾，根本就打卡聖地🤣🤣…查看更多

早排已經知道旺角開左呢間老牌茶餐廳，師傅話要叫外賣，咁我就搭單試下佢地出名嘅蛋牛治🤗🤗麻辣就免了，雖然好似好好食馳名蛋牛治用盒送到黎，三文治份量正常嘅，其實我prefer內餡嘅蛋份量會比肉多，咁先可以做到滑蛋嘅質感，點知牛肉份量比蛋多，仲要唔係鹹牛肉嘅碎牛😅😅😅啖啖肉，我都唔知開心定唔開心好，我想食炒滑蛋多d🥲🥲🥲，應該整完即刻入盒，所以keep住溫度，相對即係個盒keep住焗熟我d蛋🫠🫠🫠未到超級乾，但無咩蛋汁，想喊。味道就好食架啦，唔知落咩調味整，唔係鹹牛肉個d單調鹹雙蛋沙嗲牛米粉份量唔算多，但又未算好貴，沙嗲湯夠味，去到最後覺得稍鹹，牛肉ok唔韌，開頭以為得2舊，撈撈下都仲有，煎蛋流心狀，撈湯食一流😌整體ok嘅，但我會想堂食一次去試真章…查看更多

同fd底子舊同事食個靚晚飯，成日經過呢間舖頭，今次真係去幫襯啦，裝橫好吸睛🤣🤣🤣有120蚊10串套餐，亦有海鮮啊，吐司饅頭其他選擇……-一口雪花牛-爆香肥牛串-牛舌串-五花肉金針菇：因為金針菇份量比較少，反而燒到脆身，有驚喜-五花肉串-雞肉串：唯一認到佢係雞肉，唔鞋身，ok-雞軟骨串-功夫肥腸串-菠蘿：唔酸-翠肉瓜-燒白鱔：唔記得留意個火，燒到變左黑色，但係都冇燶味，都算好食-忘不了牛油粒：最神奇嘅串，每串得4粒比青豆更細嘅東東，但係咬落去爆汁，好重牛味-暴打渣女茉莉檸檬茶：好飲！！唔酸，多帶甜味，茉莉比檸檬更濃-潮汕牛肉丸：脆皮丸，不錯-黑椒腸：fd子鍾意食，佢話辣味出d-台灣腸：我蘸咗啲煉奶嚟食，變左煉奶脆皮腸-魷魚板串-魷魚鬚串：細細條嘅魷魚鬚點樣可以打棟咁串落條木串，係我唯一好奇嘅事-杏鮑菇：菇底韌，菇頂軟，有汁係頂到噴出黎😅😅令人想入非非-蒜蓉豆皮：豆皮包住蒜蓉，好香，但係豆皮有d難咬-豆腐串：幾脆口-韭菜：好黐牙-燒茄子：整得幾好食，但係有啲辣，食到最尾辣到條脷痛，然後我放棄了-包漿豆腐串：脆皮豆腐-超愛燒吐司：毋庸置疑，呢個最好食，吐司鬆化香脆，加埋煉奶一絕，如果可以再加蒜蓉可能仲正😆😆😆😆😍😍p.s.無寫嘅一係分唔出咩黎，一係無咩特別🙂…查看更多

妹子好好人咁話買晚餐比我食，所以我就得到呢個海南雞飯餐啦。其實已經食過好幾次，介紹埋比師傅食，都依然覺得好好食，無因為多客而退步。🤗溫泉雞下庄餐配香飯（無味精靚湯、醬油小黃瓜、三色醬汁、冷泡烏龍茶）妹子幫我買呢個餐d雞係無骨架，啖啖肉，嫩滑又香雞味，另一個意思即係d雞好「肥」美🫣。d雞仲要有2層，份量超多，我妹食左一半先比我食，我仲覺得奇怪點解佢齋食飯，唔食雞😂😂原來已經食左一層，我肉眼望好完整🙂‍↕️青瓜切粒，接觸面大左，就多d汁可以索入去，所以都會濃味d，然後我痱滋痛到大叫😞😞😞佢地附加嘅三色醬都係精髓，一個係蒜蓉，一個係甜醬（唔係食腸粉嘅甜醬），一個辣醬（望落似泰式雞醬，但唔係），各有千秋，全部都好好食，我每次都會倒晒落d飯入面，務求一滴都唔浪費😝😝湯唔記得係咩湯lu，齋記得清甜好飲，我gulu幾下就飲完成杯茶俾人飲左，加料變左酒杯😅😅😅咖央多士其實佢味道係好好食，牛油同咖央醬嘅比例都唔錯，可惜我返到屋企，多士已經淋晒，呢個真係無辦法🥲🥲…查看更多

妹子係深水埗食完飯，問我要唔要食野，我當然唔會放過呢個好機會，直接係openrice望下有咩好食，就揀左呢間burger小店。其實我想食classic款，不過見到有限定，當然試左先🙂蒲燒鰻魚牛堡套餐（薯條、可樂）個包無我想像中嘅大，原本以為會唔夠飽，好彩薯條份量都多。蒲燒鰻魚同牛無話特別夾，咬落去食到鰻魚味之後，牛嘅味道跟住出黎，可以接受嘅程度，但無話令人好驚艷。成個包食落有d乾，但其實明明d肉望落都係令令地，唔知點解食落咁乾😅😅可能醬汁唔夠多掛？？不過乾身d，食嘅時候就會企理d，唔會成面都係醬，算係好事？🤔薯條就真係幾好食，金黃色粗薯條，外脆內軟，真係食到好香嘅薯仔味，我2包茄汁都唔夠食🤗成個餐先50蚊，性價比算高架啦😶‍🌫️…查看更多

好耐無食茶餐，久違咁樣食返一次先。呢間係我食左咁多年黎，質素無差過嘅茶餐，落單仲進化到全qr code，有咩要求都可以完全滿足😌滋味常餐（即烘牛油多士、香腸炒蛋、鮮茄牛肉通粉、凍阿華田）牛油多士厚切，牛油擦得均勻，烘度適中，脆中帶軟，好好食😋腸仔唔會太鹹，但係又唔會腍到飛起，好鍾意食😆炒蛋係我最愛嘅野，唔係fluffy個款嘅炒蛋，係有質感，仲有少少蛋皮狀嘅炒蛋，無落奶煮都煮到軟綿，顏色金黃，完全無退步🥰🥰🥰茄牛通我要左多湯，所以黎到就比較滿，無以前咁稠嘅，不過我覺得都還ok，唔係淡味嘅番茄水，仲有番茄可以撈黎食架，牛肉就好普通嘅軟身牛肉，完全無筋，無咩特別。呢度係我飲過最好飲嘅華田，好老實，佢地有落奶嘅，口感順滑左嘅同時，阿華田都會甜d，味道再出d，仲要佢地嘅少冰，係真少冰，今日d冰少到唔夠令杯野凍，望住d碎冰係霎眼之間就融晒，個日太熱嘅話記住唔好叫少冰🤣🤣🤣…查看更多

返part-time間公司早幾日搞鴨洲吉澳一日遊，最鍾意食玩訓嘅我當然唔會錯過啦😆😆中途黎到呢間酒家食飯，我先發現，原來以前我黎過，要去到食飯個下先認得😅😅白切雞白切雞肉都幾嫩，多肉，又唔會太鹹，唔鍾意食皮嘅我，咬走晒d皮😂😂白灼油菜🙂菜份量都幾多，上面嘅蠔油（？）少鹹，其實係我自己唔太鍾意咁鹹，鍾意食原材料嘅味道，菜都鮮甜白灼蝦呢個出奇地幾好食，佢唔係超級彈牙個隻質感，但係少軟嘅感覺（唔係霉啊），都一樣食得出鮮味😋蒜蓉豉汁蒸黃立䱽🐟正常不過嘅魚，沒有什麼感覺西芹炒雞粒西芹爽脆，但係雞粒先係令到成碟餸好食嘅靈魂，入味嘅雞粒，完全唔硬，軟軟地嘅同時維持形狀，唔係散晒，我用筷子都夾得起，打完字，我自己都繼續流口水🤤益民墨魚丸我以前食過，係好食到覺得驚艷，甚至即刻買左一盒返屋企，自己煮黎食。點知今次去有d唔同，佢都係好彈牙，好有質感，但係味道唔同左，唔知係我回憶太美好，定佢真係差左🥲🥲🥲豉汁蒸排骨好一般的排骨，我仲覺得幾肥膩添🙃🙃蒸魷桶銀魚仔同事話呢個好好食，但我覺得太鹹啦，我頂唔住，因為我無食白飯，可能有白飯伴碟，成件事會唔同講法，魷魚我覺得係幾有鹹香嘅，但係望住佢對眼，我真係食唔落，比左我同事食😅😅😅有同事買左d翻屋企益父母😗…查看更多

太好食嘅關係，我短時間再去光顧一次呢間餐廳，反正係公司隔離，超近🤣🤣今次就食完全唔同嘅野啦，玩埋好幾款board games添😀（蘋果棋我連輸10鋪😞）韓式牛肋條飯一黎到，好得意啊～～A duck is standing over there😍😍.隻鴨🦆望住d餸，好似想跳入去咁😆偏甜嘅醬帶少辣，牛肋條軟腍，但唔會失去本身嘅質感，再加左好多生菜絲，吸晒d汁，連埋飯好好jap😆😆卡邦尼煙三文魚意粉煙三文魚大大塊鋪係面😂😂😂不過我都係鍾意撈埋落d意粉入面，咁就可以啖啖肉啦，意粉掛汁濃味，望落以為會唔夠飽，其實都夠食朱古力奶昔加雪糕老闆推介比較出味，咁我就加多球雪糕啦，實行雙重享受。朱古力奶昔同香滑朱古力一樣咁濃味，texture比較稠，所以融得比較慢，加埋雲呢拿雪糕（我放到半融），啖啖滋味😆😆😆凍薄荷朱古力唸住會唔夠甜，因為朋友食得好甜，點知佢話ok。老闆臨時仲話，如果你想嘅話，可以幫你轉奶昔，雖然menu無，可以客製化，勁surprise😄😄蜜冬杞子紅棗圓肉茶原本想要消脂茶，點知老闆勁貼心，話比較寒涼，推介我飲呢款茶，比較補身，仲可以免費沖3次😍😍飲到飽芝士薯條好大兜嘅芝士薯條，芝士醬夠味嘅同時唔會太鹹，出面餐廳普遍都太鹹，波浪薯條外脆內軟，最好盡快食晒，唔係就會痴埋一舊😅…查看更多

食左好多年嘅甜品店，由土瓜灣食到去太子，menu都轉過，但甜品一樣咁好食。正常價錢，但係好足料，有d貴少少嘅，真係食完飽到上心口😂😂😂大良燉鮮奶🐮朋友叫嘅燉鮮奶，凍熱都有，不過一定係熱最好食。朋友表示好滑，好甜，奶味亦都好濃，不過唔好甜嘅人，會覺得太甜。榴槤冰椰青凍我最近次次都係食佢，夠大個，食完會覺得好飽。成個椰青上檯嘅時候覺得超大個🤣🤣，勁開心😂。榴槤冰濃味嘅，有榴槤絲，唔係hea嘅雪糕。我通常會等榴槤冰稍融，等汁液可以流落下面嘅椰青凍，超好食😋。椰青凍呈果凍狀，用椰青水整，食落清甜滑溜，仲有條狀嘅椰青肉增加口感，成個椰青係滿晒架，無偷工減料，食完果凍啦，仲可以刮埋椰青入面嘅肉食，一樣厚肉，易咬，我食咁多次，無一次有不滿😉…查看更多

公司今年週年晚餐係朗豪坊嘅星願亭舉辦，我係旺角出沒咁多年都無留意原來朗豪坊上面有酒店，我一直以為得辦公大樓😅😅又係傳統嘅圍餐啊🤨錦繡金袍乳豬🐷雖然影得醜，但無辦法，因為已經一早分晒碟，無得原隻影下相，但係乳豬皮薄又脆，少肥，唔會成口油，燒得香，好食🤤我食左4塊😁😁碧綠香檳明蝦球🦐係大蝦整嘅蝦球，要一下放晒落口會有d困難，食到差d留口水🙂🙂咬嘅時候聞到酒味，懷疑烹調過程有落過酒，蝦肉新鮮彈牙，好jap千絲百花炸蟹鉗用米粉當炸衣，鬆化酥脆，蟹鉗竟然唔係彈牙feel，似係故意打成形就停手，等你仲可以食到本身食材嘅口感🦀瑤柱芙蓉扒時蔬🥚炒蛋白燴小棠菜瑤柱，蛋白雖然比較碎，但係都頗滑，芡汁比出面嘅甜少少，反而令到小棠菜更好食紅燒海皇燕窩羹🙂成班友仔都食唔出燕窩，個個以為魚肚花膠😂😂😂，我自己鍾意燕窩做甜品多d，呢個食落就似普通海鮮羹蠔皇翡翠扣原隻鮑魚顧名思義蠔汁生菜燴鮑魚，個芡同之前嗰碟扒時蔬好似，鮑魚煮到剛剛好，一下就可以咬開，最怕咬到牙骹軟😅😅薑蔥頭抽蒸沙巴龍躉魚肉好嫩，魚皮位置有啲膠質嘅位亦都煮到少溶，少少黏，好好食😊蒜香炸子雞🐔炸子雞皮薄，油層亦都炸到融融地，所以d雞油流晒落肉裡面，嫩滑多汁，但係相對地越嫩滑就代表越肥美，所以都唔食得太多鮑汁海皇燴香苗開頭見到個名，以為係d蝦燴豆苗，黎到覺得奇怪點解係飯嘅時候，望下英文先知自己搞錯🙄香苗係絲苗白飯嘅意思🙃🙃無咩特別嘅一碗飯黑豚叉燒絲蝦籽撈麵正因對上碗飯普通，我食得比較慢，俾人skip左我碗麵，之後都無比返我😭😭😭害我要食人口水尾，呢個好食過碗飯，叉燒絲都幾香，蝦籽撈麵惹味紅棗圓肉杞子燉雪耳正常不過嘅中式糖水🙂笑口棗、香芋水晶糕水晶糕好食，我覺得甜度啱啱好，不過唔係咁鍾意食甜嘅人會覺得稍甜，芋頭味都唔係人造味道，椰奶同芋頭嘅味道好夾。笑口棗脆口，正常操作食呢餐重點唔係野食，係廁所窗外嘅風景，一覽無遺，好靚😍…查看更多