大良燉鮮奶🐮
朋友叫嘅燉鮮奶，凍熱都有，不過一定係熱最好食。朋友表示好滑，好甜，奶味亦都好濃，不過唔好甜嘅人，會覺得太甜。
榴槤冰椰青凍
我最近次次都係食佢，夠大個，食完會覺得好飽。成個椰青上檯嘅時候覺得超大個🤣🤣，勁開心😂。榴槤冰濃味嘅，有榴槤絲，唔係hea嘅雪糕。我通常會等榴槤冰稍融，等汁液可以流落下面嘅椰青凍，超好食😋。椰青凍呈果凍狀，用椰青水整，食落清甜滑溜，仲有條狀嘅椰青肉增加口感，成個椰青係滿晒架，無偷工減料，食完果凍啦，仲可以刮埋椰青入面嘅肉食，一樣厚肉，易咬，我食咁多次，無一次有不滿😉
