AmabelCCy的個人專頁

今日係觀塘附近做完自己野，同男朋友係網上看到這間［The cool cousins］吃burger好有名的餐廳，於是就上駱駝漆三座試一下。由於我是該店剛開門就來到，所以並無人龍，而店員一來就編我們兩個人去坐面壁位，我個人覺得有點奇怪，因為我們是第一位客人，點解會咁樣編排座位。我有諗過可能怕之後人多唔夠位，但到我食完，加埋我地都係得3枱客落單都係主要用QR code落單，食物整好就直接送到牆壁上裝飾講返正題，食物首先係烤大啡菇黑松露芝士牛肉漢堡$112我嘅薯條係另外加錢，加$21，要手撕豬肉薯條手撕豬味道係唔錯，有啲bbq醬味，不過薯條就同普通快餐店差唔多，只係粗少少。沙律菜就無咩特別，有啲羽衣甘藍。漢堡都有一堆係入面，其實坦白講，我唔太食到有黑松露味，然後牛肉漢堡好乾，乾到不得了，如果唔係靠大啡菇少少汁，真係食唔到。下一個係 牛油果法式鴨髀布里漢堡$138沙律菜同薯條就同上一個一樣，只係呢個冇另加$21。牛油果醬係香， Nachos脆，但口感整體有點不對。鴨髀好乾，咬落去就好似食緊有鴨味嘅雞胸肉，我真係有懷疑自己係咪食緊鴨髀，冇油又dry。以非繁忙時間嘅製作黎講，真係唔能夠接受。兩碟薯條都係每碟得呢一少沱茄汁，少到見底，這是剛到就拍下來留個記錄給大家看。可能只是我個人喜好，又或許大部分的人不愛吃，所以店舖只提供這麽少。兩份餐都均有提供免費的熱茶或冷茶，其他飲料一概加錢。服務方面，由於點餐都是用手機自己下單，也沒什麼服務可言。而且只有3桌客，都可以把隔壁的麵送到我那邊，算是很大的失誤。如果是繁忙時間，忙到不可開交，我倒是可接受。價錢以這個素質，我覺得偏貴，真心覺得普通一家快餐店都比它好吃划算。香港現在有很多不同的漢堡快餐店，要吃不一定要選這家，既然要主打漢堡，就要做得有特色，才可以立足。不過沒加一消費兩人總消費：$271總括，個人吃了一次就感覺沒下次，因為沒特別好吃。如果想試試的，盡管去試，但別抱太大期望。…查看更多

前幾日唔想去太遠，就去左筲箕灣地鐵站附近呢幢新樓-形薈入面呢間［星馬茶室］。當日我同朋友兩個人到餐廳之後，原先安排我地坐係廚房出餐附近嘅位，但由於店員要求我朋友坐入啲，因為我地張枱同後面卡位好近，坐係通道嘅話就要推好入張凳，變相坐得好迫，最後我地轉移到店舖右手邊圓枱。雖然圓枱寬闊，但變相冇冷氣，一邊食一邊滴晒汗，特別而家每日都30度左右。講返食物，我地叫左兩個小食同兩個餐，再加個肉骨茶。由好食開始講，#1 加13蚊嘅肉骨茶個人覺得肉骨茶味道好夠，唔淡，不過裡面湯渣好少，得豆卜一舊，一舊肉同一堆杞子。鐘意飲肉骨茶嘅可以一試。#2 D24榴槤炸彈本身當店員放係我面前，我抱住好難食嘅感覺。但冇諗過好重榴槤味，雖然外面炸到好乾好燶，但入面仲係好流質嘅榴槤餡，留意返18蚊兩粒係唔會有榴槤肉係入面。但朋友一咬開已經聞到一陣榴槤味，好香，當然我都有食埋一份由第3位開始，已是不太推薦系列。#3 老鼠粉店員擺低之後第一句就係叫我撈左個蛋黃先，撈完個粉有蛋花咁。我有個貼切形容，呢個粉似茶記嘅乾炒牛河個河底，即係得豉油味嘅老鼠粉。裡面有花生，好咸嘅乾魚仔，少量蝦仁，食落好似冇咩餸配襯。呢個粉只能講正常水準。#4 咖央鮮油多士我係為想食甜嘅咖央而叫，先唔好提賣相一般，裡面牛油多到好似食菠蘿油咁，喧賓奪主。內層麵包只有好薄一層綠色咖央醬，完全冇我想要嘅野，全都是牛油。#5 海南雞飯配海鮮喇沙滲滲呢個飯主要我朋友食，我只試食幾啖，當時冇影低相。味道方面，唔好食，啲雞預左係冰鮮雞，但真係冇味。油飯似香料飯，唔係呈黃色，似淺啡色。個滲滲係我食咁多馬拉野以來最經典，佢係辣椒油湯底，唔係喇沙。個滲滲唔似出面賣嘅，就咁米粉一碗，海鮮兩隻字仲搞笑，俾條蟹柳咁就算，仲有半隻熟蛋同豆卜。飲品方面要左杯凍咖啡同熱美綠，凍咖啡唔甜，美綠就少甜，我地冇要求加減糖。價錢雖然唔算得上貴，但如果為左想食馬拉野，近嘅我會建議去太安樓後面一間食肆，味道好食好多總括而言，此食肆我未必再試。由於有兩款食物為可一試系列，故此我用OK作評價。（全自費）…查看更多

燒味舖周圍都有，但並唔係每一間都好食，而近期呢間「大壹燒鵝」係我試過唔錯。當日我純粹食個晏晝，咁就叫左燒鵝瀬粉加杯杏霜，呢個餐$58，比較大碗少少。其實睇賣相都贏左唔少，食落皮脆，又有些小肉食。我試過食一間嘅燒鵝係大部分都係皮，冇肉食。而呢間恰到好處，旁邊仲有幾條榨菜，食完唔會膩。碗瀨粉都幾多份量，對於我就剛好。另外，朋友就叫左個油雞燒腩下午茶$45，個粉會相對比我個個份量少，不過主角油雞，燒腩都不錯。油雞肉質唔算柴，燒腩仔個皮如果再脆啲就仲正。會附上各種醬汁杏霜愛好者一定會鐘意飲，呢一杯係勁濃杏味，冇咩溝花奶，擺一陣會見到一層衣。已經好耐未飲過足料杏霜，但相對會較甜。凍飲阿華田味道同平時飲嘅差唔多。如果想食個普通下午茶，呢度絕對係唔錯嘅選擇。…查看更多

前排時代廣場做緊購物劵優惠，我都去望下有咩買。夜晚就諗住搵間近近地嘅餐廳食晚飯，因為疫情關係都好耐冇去澳門，所以思前想後揀左澳門菜。裡面環境都算寬敞，燈光光猛，限聚4人一枱，入座前都係用「安心出行」或者填紙仔。因為我5點幾就已經排隊，6點入座，所以編左個卡位俾我。通常我自己去澳門一定食【葡撻】，但香港最易買到葡撻嘅地方一定係K記，其次就係一啲連鎖餐廳兼麵包店。所以，我排隊個陣已經眼甘甘係櫥窗到望住個葡撻。到入座之後，一口氣點晒所有想食嘅菜式之後，就等【葡撻】作為我嘅前菜，但可惜等左好耐都冇，於是係我催促之下先食到。經典葡撻（$14／個）第一點：外貌唔吸引，焦位唔多第二點：常溫至微暖，應該係一早放櫥窗個啲第三點：咬落完全係蛋撻，一啲葡撻味道都冇第四點：價錢唔平綜合以上四點，我唔會推薦大家食。繼續落黎又係一失望之作，鴨肝芝士牛肝菌焗鴨飯（$148）外表睇落好似幾唔錯，食落先發覺伏。成兜飯，一個字形容：硬我真係未食過啲飯硬到咁，硬過隔夜飯，硬過risotto,完全係媲美到煲仔飯飯焦個種硬。如果夾埋啲鴨肝食，啲飯有返少少油份，先食得落。飯入面有些小鴨碎，芝士可惜唔係一片焗溶，係芝士粉，食唔到芝士味。下一碟係我成餐入面覺得最好食嘅-小食雙拼（$82／碟）兩款唔同嘅丸，一款馬介休球，一款墨魚球。我都幾鐘意食馬介休球，味道唔算鹹，食到啖啖魚肉。墨魚球彈牙，整體兩款都好食，炸粉唔算厚。碟上配有兩種醬汁，視乎個人口味。跟住講左中場出現嘅飲品先，我地叫左一Jar「白教堂」（$208），首先，呢壺一定一定要飲到酒嘅人先好飲。因為入口唔算好大陣酒味，飲得多其實會容易少醉，裡面都有vodka成份。有小小生果係裡頭，但果味唔出。之後出場嘅係，葡式烤乳豬（$228／碟）呢款真係視乎個人口味，有啲人會覺得好食，我個人比較鐘意傳統粵式乳豬。葡式乳豬外皮唔夠脆，肉質較腍，食落口感好奇怪。配菜仲有少少薯條，燒過嘅菠蘿，脆肉瓜，菇等。配菜冇咩特別，中規中矩嘅發揮。最後呢款係好多餐廳都有機會食到-魷魚筒（$98／3舊）坦白講，呢款唔係最好食，茄汁冇燒汁咁惹味。鱿魚唔算厚，入面釀左好多碎肉，整體並唔係差，不過價錢就真係略貴。如果想試下呢種唔係釀飯係筒入面，可以一試。總結下，成餐飯自費用左8百幾蚊，2個人食，CP值唔高，只可以話未試過都可以試，但唔好抱太大期望。成餐飯最令我失望嘅係葡撻，完全感受唔到去到澳門嘅感覺。而服務質素都麻麻，經常都唔夠人手咁，搵人落單都要些小時間。…查看更多

坦白講，呢一間燒肉店地理位置並不是理想，始終筲箕灣對於好多人黎講都算偏遠，而且又冇咩地方逛。當日我同友人先打電話預約，因為聽聞都幾多人食，所以如果想食嘅朋友都記得預約左先。我當時6點左右入去，大概食到7點左右就好多人黎，最後都滿座。裡面座位算幾寬敞，而且抽油煙機比牛角個啲做得更好，食嘅時候油煙唔算多，係有些小熱，始終對住個爐燒。入面裝潢特別於有多幅畫像做裝飾一埋位就已經有齊豉油，蒜蓉等調味料，坐低左就會有職員黎開著個爐預熱。每張枱上面都有一個調味架，食鹽，七味粉，tabasco醬，椒鹽，有埋牙籤同燒野用嘅2支夾加鉸剪。我個人覺得如果叫嘅肉類本身有調味，其實都好夠味，唔需要再加額外調味。我就冇用過。下單方面，都係自己scan QR code下單。講左飲品先，今次友人叫左啤酒飲，如無記錯，$48／2杯（買一送一）啤酒味道一定冇藍妹嘅出色，表現平平另外我就叫左支津輕蘋果汁飲，味道都幾似菓汁先生。$28／支，280ml肉方面，今次叫左個個黎到必叫嘅「九宮格燒牛盛合」（$288）始終都係雪藏肉，牛味係會差少少。不過整體黎講試到唔同牛嘅部位都算唔錯。之前上網睇人介紹呢間野，話會同顧客詳細介紹九格分別係啲咩。可惜當日我黎到，燒肉工房員工並無作出介紹，只係擺低時講左句：「呢個係九宮格燒肉盛合」。另外，我叫左個黑椒鹽味嘅特大薄切牛舌（$68），我個人喜好就幾鐘意食牛舌，平時食開厚切，今次就試薄。表面睇，有啲似pizza上面嘅Salami腸。因為薄嘅關係，燒幾分鐘就食得，牛味都香，但我覺得椒鹽有些小重手左，影響左牛味發揮。跟住，再叫左明太子醬手羽5隻（$40），自信漬雞腎一串（$15），椒鹽雞軟骨兩串（$12／1）明太子醬雞翼嘅味道不重，因為係上面就咁加，唔係醃料。雞軟骨同雞腎都好普通。由於當時友人想食啲飯，所以叫左個紫菜月見飯（$28）呢個飯真係極度不推薦，除非你真係想食飯，因為唔值。我唔能夠話唔好食，只可以話佢完全冇特別，自己係屋企都會做得到。飯入面有嘅材料，相片入面睇晒，紫菜，生蛋黃，豉油，同粒粒珍珠米。個燒盤大概咁大，如果燒得多個網開始黑嘅話 ，可以要求佢更換。最後仲有一道「黑椒鹽味厚燒橡果黑毛豬」（$68）雖然豬肉入口味道唔錯，但我略嫌太肥，咬嘅時候都有好多筋咬唔開。總括黎講，肉類質素同味道平平，我覺得cp值唔高，有其他燒肉店可選擇。服務方面，其實都冇咩服務可言，自助落單，我個網燒到黑晒，我舉手先有人幫我換。我燒嘅過程都見店員只坐係後面bar枱位㩒電話，有食物要拎過黎先會起身。呢間燒肉店，我唔會特別推薦食，但一試無妨。呢一餐兩個人食左$673，全自費。…查看更多

促成這次食評，絕對是長假期的功勞。每一次逛觀塘都是在商場吃飯，這次決定在Openrice找一家沒吃過的，於是找到「Doctor Beans」。這家店的中文名叫做「哈豆」。疫情底下，只能用味覺感受台灣。是次座位於入口附近的轉角位，當天都有不少人。縱使有疫情，座位也是坐得滿滿。顧客也是要先量體溫，填資料或者使用「安心出行」app才可進去。座位正面對收銀處，往上看還有店的招牌。桌上有一個週一到週五的菜單，右手邊有辣椒。落單紙只需要寫食物編號，飲品編號，要注意寫下一些小細節。譬如說少冰少甜。但我個人認為還是乖乖填下自己要的菜名會比較方便，因為有不少編號有兩道菜選擇。首先第一道菜我選的是～逢甲鹹酥雞（＄36我想大部分人吃台灣菜都一定會吃這道吧，當然配酒會更好吃，但我不太喜歡酒就略過。說說這道菜，炸皮部分很薄很脆，真的是即叫即炸，吃下去還感受到油溫，雖熱但仍能入口。雞肉部分都算嫩，吃起來雞肉跟炸皮還連在一起，不分開，不油膩，做得不錯。這家的鹹酥雞算是我個人在香港裡吃過的台灣菜店排行前一兩名。第二道是～芋泥奶凍吐司配甘梅薯條（＄54＋＄16）其實算是甜品？沒想到這麽快就上菜。題外話，在上面曾提到下單最好寫菜名，是因為以這道菜為例，編號3302用於×芋泥奶凍吐司＄54                         ×芋泥奶凍吐司配甘梅薯條＄70基於方便下單我都寫整個菜名。因為我看到它是招牌菜之一，就試試看。外表像是竹炭麵包，裡面塗滿芋泥，再夾著奶凍。老實說，吃起來的感覺沒有很驚豔，單純是口感特別。麵包有硬度，像是剛烘出來，加上涼涼的奶凍。奶凍的牛奶味不重，但芋泥蓉很綿密，有點甜甜的挺好吃。甘梅薯條有驚喜，沒想到弄在一起這麽特別。第三道菜是主食～紅油三彩水餃，麻油雞湯，水餃套餐（＄65＋＄34）這個套餐是包括：水餃4隻＋魚鬆滷肉飯＋ 一人油菜＋三選一湯品先說我整道菜裡面最喜歡的麻油雞湯，濃濃的麻油味，很多雞件在裡頭，但雞味不重。可能我喜歡重口味，覺得這個湯好喝，因為頗鹹。水餃包括玉米餃， 韮菜餃，高麗菜餃。水餃跟菜的表現平平，但那個醬汁是挺好吃。另外，還有一個魚鬆滷肉飯。魚鬆偏濕， 滷肉份量偏少，飯粒雖然口感不錯，但敗在整碗飯的汁不多，僅僅在最上面。當我吃了最頂層的米飯之後，感覺下面沒有味道，就一大碗米飯，料也不多，這個是有失望。飲品方面，我喝熱的黑糖薑母茶。（＄38）這杯是我吃過所有東西裡面最失望的。原因是薑茶雖然一大壺，看起來很划算，但喝起來像水般沒味道。我是薑茶愛好者，先不說沒薑味，甜度也很淡，我下單是寫正常甜度。自己在外面買的一顆顆黑糖薑茶還比這杯濃。不過它的設計是挺可愛，有一隻小杯子，杯子還隔熱，不會燙到手。另外友人就要一杯黑糖芋芋鮮奶，少冰。（＄49）雖然這杯價錢不算很便宜，但素質是有的。黑糖加芋泥一起吃，像甜品一樣。攬拌後喝，除了濃濃的芋泥還有芋粒，有口感。鮮奶味足夠，整杯很香。我坐的位置剛剛看到收銀處跟洗手間。左邊的巷子就有男女洗手間，工廈餐廳來說算方便，不用離開食店到外面。其實店內有不少畫，有些是壁上的畫，有些是我身後一大片草地。收銀處上面都有各套以前看過的電影粉筆畫。全都是自費，兩個人花了＄272。飲品方面，大部分主食都有跟餐價，可以扣減10塊錢。這家餐廳給我的感覺是還好，但未至於想一試再試。如果剛巧在附近走走，可以進去吃點東西，放鬆一下。東西份量算正常，不多不少，最好有個伴一起吃，免得浪費。…查看更多

平時都好少去屯門，但湊巧朋友住附近，是日就搵朋友食下飯傾下偈。經過見到「龍門冰室」裝潢幾新，就入去試下。門面以紋理做，簡簡單單就係冰室俾人嘅感覺。內裡都係以木為主，吊燈，作為冰室有咁嘅裝潢已經好足夠，較為新式的冰室設計。廚房前面的牆上有好多iron man，少少裝飾幾特別。當然我自己係佢粉絲🤣所以都幾鐘意。座位寬敞，冇記錯係6人座位，當然非繁忙時間2個人坐都可以。鮑片火腿湯通粉+3.6北海道牛乳炒蛋配奶占脆豬（$30+$5改脆豬）鮑片火腿湯通粉，用素鮑片，加上火腿，少許雞湯做湯底，配合通粉而成。味道偏淡，通粉較軟身，我個人較喜歡有咬口多啲。整體就不過不失。奶占脆豬，好味果占夠多，煉奶剛好，脆豬真係熱熱地脆的。眾所周知，有啲茶記脆豬係普通麵包冇再焗過，一食就知廚房有冇用心去煮。呢間係有再焗過個包，煉奶同果占味道好出。至於3.6北海道牛乳炒蛋就蛋味唔算重，食到牛奶味，入面應該係蘑菇汁。味道偏淡，我覺得可以多啲蛋味同鹽，有進步空間。咸牛肉玉子燒配炸帶子，意粉（組合係自己揀）$55炸帶子好食，唔算好鮮味，但炸得剛好，外面炸粉脆又唔多。咸牛肉玉子燒，跟外面食的玉子燒唔同，佢係炒蛋入面有咸牛肉，唔係外面個種長方形玉子燒。咸牛肉好食，唔會過鹹，加上外面炒蛋味較淡。整碟較為遜色係意粉，意粉冇咩味道，應該要多啲鹽或者用一啲蒜蓉汁提升味道。帶子，玉子燒的醬汁似日式甜醬油，幾好食。黑松露芝士焗雜菌西蘭花$48簡單講，呢道菜係正嘅唯一小暇疵係西蘭花太多水，唔夠入味，唔夠鹹。芝士足夠，有拉絲效果，菇有黑椒調味，夠味。飲品冇咩太特別，叫左杯凍鮮奶同熱柚子蜜。柚子蜜味道略淡，凍鮮奶味道都唔錯。以冰室黎講 ，水準算中上至中，環境都舒適，唔算好嘈。座位闊，乾淨。食物略淡，但如果你追求健康就不錯嘅選擇。價錢就同外面嘅餐廳差唔多價，正正常常。因為擺唔到咁多張相，所以餐牌冇放上黎，重點應該放係食物嘛🙂…查看更多

係呢段極繁忙嘅時間裡面，我都不忘有尋找美食推薦比大家。呢間「味口福」離筲箕灣地鐵站都要5至10分鐘（視乎個人步速同識唔識去），係港島東區，真係對好多人黎講唔近。但如果有時間去或者經開，不妨可以試試。我都試過食閉門羹😂😂由於我點餐個陣直接係收銀點，都唔記得影餐牌。以我食過幾次經驗，呢間必食漢堡同熱狗！芝士薯條，好似係跟餐價$18芝士味唔算好濃，但薯條比連鎖快餐店好食，當然價錢都貴少少。我個人幾偏好呢種粗薯條，有口感，而且食完呢個薯條都唔會話喉嚨痛、好熱氣同死鹹。我唔算重口味人士，所以覺得味道剛好。魚柳漢堡配水牛城蜂蜜醬+沙律（套餐價$45），我另加$6煙肉，由於叫餐，我飲凍奶茶少冰都係加$2講講漢堡包，麵包焗得剛好，唔會脆到一捏就碎，保持到外乾內軟?麵包一早就搽左牛油，然後魚柳炸得勁鬆化，咬個炸粉係卜卜脆，食薯片咁，炸粉又唔厚。煙肉煎香，🤔但煙肉就冇咩太特別嘅地方，反正本身煎一煎煙肉已經係好正嘅一件事。醬料方面，有啲似芥辣醬味，但唔辣嘅，主要係香。味道難以用文字形容，去食一定要試呢個水牛城蜂蜜醬或者好辣人士會鐘意的墨西哥辣醬。沙律-唔太特別，有普通啲雜果同薯仔，沙律醬味道偏甜真係一定一定要推介俾大家飲，呢杯凍奶茶好正味道我可以好準確咁講你知，佢似珍珠奶茶嘅奶茶底。所以呢，係偏甜但好滑好飲。我第一次飲完全係以驚訝形容。*是次飲呢杯冇咁甜，重茶味因為我今次自己黎食，冇叫好多野，食左咁多我已經好飽😥食唔到熱狗喇自己一個人食，坐門口高枱係唔錯選擇🙂若然想搵一啲有質素，又唔介意價錢比連鎖快餐店貴，呢間絕對值得試試。我發現有好多人都會食焗飯，但我自己食過就覺得最正一定係熱狗同漢堡包。…查看更多

【小王牛肉麵】，我依稀記得自己好耐以前食過一次。今次係第二次，主打台灣菜，一開始掙扎左好耐要單叫定食二人餐，最後選擇左二人餐。叫左香辣牛肚粉皮，鹽酥拼盤，鳳梨黑醋骨，蒜子魚湯娃娃菜（漏影相），飲洛神花山渣茶。兩個白飯😂唔記得係咪附送定另計，因為我都食左一兩個星期先有空閒時間寫下。鹽酥拼盤有雞粒，有豆腐，調味唔錯，唔會過鹹 ，但雞粒比豆腐粒稍遜。雞粒炸粉較多，肉質較韌。鳳梨黑醋骨味道係似咕嚕肉個種，酸酸地，青椒依舊只係裝飾，冇咩味道可言。黑醋骨好食，但每一舊都會有骨，有時啲骨都有啲尖，要慢慢食。我都唔小心整損左😑。菠蘿甜味較酸味重，係幾好食。香辣牛肚粉皮辣味可接受，主要係香，唔係辣。牛肚腍入味，比街邊牛雜好食。粉皮有通透感，食落係有咬口的腸粉，但唔似腸粉個種質感，可能加入左薯粉🤔?粉皮感覺幾新鮮。魚湯娃娃菜，係灼菜，較健康，娃娃菜比較吸水，充滿魚湯味，算唔錯。洛神花山渣飲品要另外加錢，視乎叫邊種飲品加幾多，店員會講。我認為如果少冰會更好飲，洛神花配山渣，味道上有層次感，幾特別，一開始飲到洛神花，之後係山渣味。當你飲到中段，因為冰融化，味道好淡，似飲無味冰水。晚飯二人餐價錢🤔加一，大約220，如果冇記錯。（根據男朋友記憶）因為要出去外面俾錢，所以冇另外一張單附價錢。晚飯時間，經常要搭枱坐…查看更多

久違的【煮打菜打冷小菜館】，考試期間都算係最唔虧待自己的一餐。😆我平日好少會叫小菜食飯，通常都係食碟頭飯，但約人個陣就會希望食多啲唔同嘅餸。位置上，由筲箕灣地鐵站行，大概10分鐘左右，唔算難搵，係天悅廣場對面m記再向上行，轉個彎就到。再簡單啲，就係耀東邨牌坊對面，咁樣一定唔會搜尋唔到。【煮打菜】內的裝潢其實很普通，同普通食肆唔大分別。座位算闊落，唔會好迫。入面有好多雜誌訪問，亦有各式各樣的菜式推介，坦白講，對於選擇困難嚴重的我，當然係由友人選擇。平時經過食的，都是食午飯，所以第一次見原來晚飯係有一壺茶同杯碟枱面。**留意:茶係預先已沖好放枱面，冇自選茶葉口味。呢次我地食左沙薑雞半隻（$108），蜜椒薯仔牛柳粒（$98）與及西芹炒鮮魷（$88）。**可能由於友中人叫菜時漏左講xo醬，餐廳以為我地走辣，故此菜式同餐牌名有少少出入。沙薑雞半隻兩個人食一隻會太多，而且我一向對雞一般喜愛，所以叫半隻試試。沙薑味唔算濃，底下多水。我覺得係🤔因為而家到處都是冰鮮雞，有時未必關餐廳的調味烹調，冰鮮雞出水，令原先調味減半。自問自己家中煮食，都經常發生呢種事。講下肉質，肉質都算滑，唔太油，大部分都是肉，比其他食肆算少骨。外表望落金黃，賣相唔錯。有一點個人比較想提，就係我好怕碎雞骨，但【煮打菜】的都冇呢個情況。蜜椒薯仔牛柳粒我好鐘意食呢道菜，查實平時午飯都偶爾會出現係餐牌上。因為蜜糖個種甜甜地，係幾好味。呢道菜我係會推介比人食，因為確好味首先，薯仔封邊煎，呢樣已經好正。咬落有咬口，但又冇平時街邊個啲粗薯條咁熱氣。之後，牛柳粒夠黑椒味，但牛柳粒份量偏少，薯仔為多。紅青椒就單純作裝飾，味道上唔太特別。呢道菜唔會有好多剩餘汁，大部分已經吸收晒係食物裡面。☺西芹炒鮮魷拿拿拿☝️真係唔好問我點解我會比佢三道菜入面最高分。牛柳粒個味係比佢香就一定，始終牛柳粒係香口野，呢碟看似普通家常菜，個芡係最好食。西芹同紅蘿蔔唔會炒到好老，剛剛好。鮮魷數量多，又大舊，咬落唔韌。菇就🙄薄切，碟小菜入面只屬配角。整體黎講，水準一直都保持到，特別炒小菜。其實【煮打菜】有好多唔同的小菜，好適合一家人甚至親朋戚友聚一聚。小菜類型都偏向家常菜，有濃味有清淡。最後要補充，晚飯係加一收費，而叫白飯同飲品係另收費。 …查看更多

由於學業繁忙，自己都唔知有幾多個星期冇睇過戲，真正輕鬆咁食一餐飯。難得今個星期六有時間行下街，當然要搵間好食兼坐得舒服的餐廳享受下。位於K11 3樓的baby k Bora Seafood,一開始察覺唔到它的存在，畢竟是該樓層最入的一間餐廳。但行過去，見價錢合理又係我喜歡的西餐，無需考慮就與男友決定入去食。門面設計係幾特別，有種好似派對的感覺。同時會覺得入到去會通往另一個地方，係一種巧妙的設計。外面的蛋形櫈，係最吸引我的設計。一坐低，枱面紅色晚霞般的燈球，吸引住我的視線。個種充滿浪漫的感覺，真係好適合情侶食飯。*每一張枱都會有呢種燈，但有方形的，下面其實有個掣可以轉色，大概有紅、綠、藍、白的燈光顏色。場內燈光比較昏暗，並唔係個種燈火通明，好光猛的西餐廳。個人較喜歡燈光稍微調暗的餐廳，無論同朋友還是男友食飯聊天，感覺較為自在。氣氛對食飯黎講，係一個相當重要的因素，好放鬆先能享受真正的佳餚。又或者話，想仔細品嚐任何一道菜，一樣食物，都應該要係自己覺得最舒適的狀態下方能作準。😉上菜時間第一道菜-蟹籽凱撒沙律一開始，以為係出面個啲好普通的沙律，有啲菜同麵包糠。其實真係好唔同，除左新鮮材料，最正的地方係沙律醬好均勻。如圖所見，菜、蟹籽、麵包糠、瓜同蕃茄仔組成呢碟沙律。沙律醬雖然味道唔係好特別，但分佈得平均。既唔係啖啖醬，亦唔係每啖都淡而無味。因為沙律醬本身都比較易致肥，個人就唔多鍾意食太多，適量就好，畢竟如果冇醬的沙律又好寡。😂無錯，我係一個好多要求的人。麵包糠都帶點脆口，咬落會有麵包碎。呢道【蟹籽凱撒沙律】，滿足我的個人要求，有點出乎意料之外地好味。第二道- 白酒忌廉煮法國藍青口配法包先講講忌廉青口，酒味唔重，幾乎食唔出，啱對酒精冇敏感但平時又接受唔到有酒味食物的人。青口裡面仲有放左洋蔥粒同火腿片，係好香。白汁較稠，偏鹹，如果配上少少粉絲類吸左白汁，應該錦上添花且調低鹹度。蒜蓉法包愈係覺得簡單的菜式就愈係滋味外脆內軟-四個字形容平時好多人都會話外脆內軟，大把麵包食物都做到。正當我以為自己搵到何謂外脆內軟定義的時候，呢塊法包糾正我對呢四個字的看法同定位。首先，法包的麵包邊係脆到可以有麵包碎。然而，裡面蒜蓉的麵包位置係好軟熟。一塊法包厚度剛好，唔會太大，女士們可以食得優雅。蒜蓉味唔太強，牛油味依然重。第三道-酥皮龍蝦湯酥皮鬆軟，龍蝦湯濃郁，滿口都係龍蝦味，好足料。龍蝦湯呈深啡橙色，基本上濃郁的程度就似飲完會有滿腹感。第四道-法國蝸牛配香草焗薯蓉蝸牛味道不錯，好入味，同樣偏鹹。蝸牛唯一的缺點只係要用牙籤拎蝸牛肉食。薯蓉可以同蝸牛互補不足，薯蓉主要係香味夠，但就冇咩鹹味。另外值得一讚的是，他們家的薯蓉，外表與平日食的無異，實際上大有差別。薯蓉冇點溝麵粉，食得出有薯粒，就算食完大半薯蓉都唔會好飽。相反，加左好多麵粉的話，就會食少少都覺得飽。第五道-卡邦尼意大利粉坦白講，卡邦尼本身好食。可能係因為我藍青口的白汁同呢個醬汁味一模一樣，所以冇咩大驚喜可以講。唯一相差之處係呢道意大利粉醬鹹度剛好。最後一道-岩鹽五色胡椒西班牙黑毛豬梅頭扒配焗薯每個人食扒類都有唔同習慣，我自己就偏愛只落鹽同胡椒調味。最簡單的調味最能食得出原先的味道，我指的係肉味。旁邊有典型的醬汁，好似鐵板個樣的醬汁，但我覺得用醬汁食掩蓋左本身的香味甚至肉質、味道。西班牙黑毛豬會比平時的豬貴，而且size都唔會好大。肉質則較平時食的扎實，多肉汁，好夠豬自身的香味。飲品我點左mojito,如果少啲冰，味道重少少會更佳。mojito好似係由lime,sugar,mint,rum,soda調成。酒味唔重，好啱想試下cocktail類的女士。另一杯，唔太記得係咩，因為收據上面個杯唔係我地飲個杯，係之前落左。餐廳員工推介我地飲的，我忘記左個杯係咩。🙈順帶一提，墊枱張紙其實好靚，仲印左如何食龍蝦的圖，就算唔食龍蝦，睇都覺得靚。概括下，餐廳氣氛，衞生，舒適度都唔錯，值得再光顧。座位方面，我當日坐卡位，如果多人就可以坐長枱。兩個人坐卡位就好寬敞，都好方便聊天。我覺得枱同櫈距離近少少，座椅硬啲會更舒服。至於食物，除左某幾道菜調味稍微重手之外，味道都無可挑剔，掌握得很好。員工態度都好好，好願意解答我問題😶我當日為點cocktail,都問左員工的意見。因為cocktail係由另一邊廂的bartender負責價錢算合理(每一項睇的話)，食物質素同環境都成正比二人同行，總共消費1191。…查看更多

難得星期日下午大概1點左右去中環同男朋友食飯，選擇左佢最愛的炸雞與啤酒☺呢間位於蘭桂芳的Sodam Chicken，我都係第一次食。沿住酒吧一路往上行，就會見到。未入去之前，我地望到店外面已經貼左一幅好引人的芝士農夫包加炸雞。入到裡面，原來主要提供座位就只有1樓，地下呢層由於店面唔大，所以店員都會直接帶上1樓用餐。雖然都係食韓式食物，但裝潢有別於外面那種店裡貼滿很多韓星的海報，店內有各種顏色的座椅。這店裡只有簡單的木調，昏暗的燈光，既有一種典型舊式酒吧風格，又有一種好適合情侶甚至家人聚會的感覺。店內播放韓國歌曲，聲量剛好，係令人很放鬆的一個食飯地方。我第一樣就叫左生招牌-太陽芝士炸雞。基本上枱枱都會有呢道炸雞，除左味道，我肯定係因為佢嘅賣相。一上菜，我都驚訝左陣，點解個農夫包咁大個，入面完全係平時食芝心批裡面的芝士。可想言之，芝士係有幾綿密。農夫包焗得好香脆，但因為我食左薄餅同炸雞之後都夠飽，所以冇特別試個包。講返炸雞先，可以自己選擇有骨定無骨的炸雞。為方便食，當然要無骨啦！雞皮夠脆，夠熱，唔算厚粉。肉質滑嫩，蘸上芝士醬一齊食，滋味無窮。單吃炸雞唔蘸醬，又是另一種食法，更帶出原汁原味的雞。呢份炸雞同芝士醬，我地兩個係完全食晒，除左個農夫包食唔晒🙈之後就到薄餅（pizza）,我叫左熱帶風情薄餅。見menu上另外兩個都係以芝士為主，所以我就把心一橫叫呢個多少少生果的薄餅，感覺上冇咁膩。薄餅一點都唔細，兩人食其實係好飽。薄餅以水牛芝士、菠蘿、火腿同蘑菇組成。憑相入面就知有幾足料，而呢個薄餅係我食過咁耐以黎最特別。特別在於以新鮮材料製成，我並唔係認為外面其他pizza的店唔夠新鮮。只係呢間的蕃茄醬絕對唔似外面的個種蕃茄汁味，係新鮮蕃茄做，難免一開始覺得好奇怪，蕃茄酸左少少。菠蘿食落都唔似罐頭菠蘿，唔會好甜。我地各人先叫左一杯飲品，一杯普通冷的柚子梳打。另一杯係芒果啤酒。芒果啤酒入口有淡淡芒果味，之後有啤酒的苦澀味。而柚子梳打則梳打味過重，影響柚子發揮。最後，我地叫多左一杯提子特飲。飲品本身味道不錯有創意，但稍微多冰，令到最後愈飲愈淡。利賓立味道，加上梳打水以及阿菠蘿雪條的味道。喜歡的話，可以另外食雪條一杯飲品，兩個人飲都夠晒😏超大杯兩人總共消費$507。…查看更多

今次來到牛之鍋食放題、 比想像之中更有驚喜！ 今次同 daddy媽咪三人行一齊食放題、 一行到門口已經見到大量嘅食材放喺中間。入目以來全是蔬菜、 係我媽咪嘅至愛。 雪櫃有任飲啤酒、 啱曬我哋胃口。呢度嘅放題除咗火鍋之外亦有串燒、炸物、刺身、壽司 。種類豐富 ，一啲都唔欺場。除了食物、我必需讚揚呢度既服務態度！侍應生的笑容加上有求必應的態度、是食客們的另一種感動。…查看更多

香港已經有不少做台灣菜的館子，這間的特色絕對值得你一試且會回味。皆因以台灣人廚師做出台灣的口味，較傳統的台灣菜。站立於銅鑼灣貴價地段，在銅鑼灣二期向灣仔方向走，L Square的21樓，一出電梯就已經到【 三星台菜食堂】。一開始到達，未適應到一間店面沒了玄關，但坐了好一會兒，就感到坐的很舒適。我還特地坐在電視前，因為一邊在吃一邊看台灣的新聞，整個人就像置身於台灣的感覺。突然想起我去台灣旅行，每次都會盯著電視看。🤣這裡最貴的都只是$82，相比其他在香港賣台灣菜的未必算是最便宜，但質素或者我們常說的CP值也很高。還有要想想看，在銅鑼灣的地區，這個價錢算合理。🤔吃台灣菜，少不了牛肉麵跟魯肉飯。我先點了三星牛肉麵、阿嬤牛肉飯。三星牛肉麵 $82雖然看起來有油光，色澤很深。牛肉麵可是花了很多功夫才會賣的這麽貴。湯頭是自家熬，未味精（健康主義者一定喜歡），牛肚、牛筋、牛肋骨慢慢熬才會呈軟軟的。喝起來完全不會鹹，喝完不會立刻覺得口渴，很香的牛肉味。麵條中等粗度，容易咬斷又有彈性。小提醒牛筋、牛肚雖軟，如果是長者或者小朋友，不妨問問店員有沒有剪刀剪開，畢竟牛肉本來有筋位，用剪刀倒是會容易吃。配上簡單的蔥花，菜就已經很好吃😙由於這碗牛肉麵有很多牛筋、牛肚那些，所以一碗的份量很夠飽。阿嬤魯肉飯 $42這碗魯肉飯別看份量不多，卻是人間美味。除了有偏瘦的五花肉絲，還有豆孜。其他配菜有滷蛋跟一些吃起來飲日式蘿蔔。這個賣相現在真的很難得見到，真正在台灣長大的人才會知道。（據店員說）香港其他賣魯肉飯跟這個是有很大差別，除了肉會偏多脂肪，配料也不像。不可以斷言別家賣的就不正宗，只是各有各做法，自己有獨家食譜。正如我們常在西餐廳喝的羅宋湯，有的會很辣，有的很酸，每家店味道不同，選自己喜歡的就好。滷蛋一看起來就知道滷得入味，豆孜挺特別。豆孜吃起來味道沒什麽，但口感不錯，就像我們吃齋菜裡面用豆皮做的那些。因魯肉偏瘦，吃起來比較健康沒負擔。之後，就開始講講小食。KTV香腸 $42為什麼名字叫ktv，我不太清楚。可是味道就是我們常在街邊買的台灣腸。這裡的是再加上生蒜蓉和醬汁。醬汁偏鹹，配在一起吃味道很好，有另一番風味。大腸就是狂 $48炸大腸，大腸外皮炸得脆脆的，咬起來裡面還有軟軟感覺。 同樣地，炒了蒜蓉調味。大腸清潔得很乾淨，如果配啤酒一起吃，應該更美味。這道小食很適合當佐酒菜。滷味牛肚 $ 46牛肚很軟很入味，滷味雖然不是很鹹很濃，但有一種滷水的香味。每條的粗幼度剛好，而且一條牛肚長度是外面賣的兩條。未味精的調味格外好吃第一鹽酥雞 $48鹽酥雞一定要剛來到的時候立刻吃，否則放涼後，外皮沒那麽脆。鹽酥雞炸粉不算多，裡面的雞肉跟外表見的size差不遠，一口就能吃掉一顆鹽酥雞。鹹度還好，我個人很怕外面賣的下了很多胡椒粉調味，掩蓋了雞肉香味外，鹹得不行【三星台菜食堂】做的調味精準，既有鹽酥雞固有味道，亦不會掩蓋香味。油味亦不重，看的出來是用新油炸的。肉鬆黑白配 $42皮蛋像是溏心皮蛋，吃的時候會整個口裡面都是😆好吃肉鬆豆腐味道較淡，我之前沒有吃過這款台灣小食，覺得挺有趣。豆腐看起來不易塌，但用筷子夾開卻很鬆軟。再來就說說飲料☺香芋拿鐵 $31（加珍珠 $5）賣相美，珍珠份量剛好，淡淡香芋味，喝起來不會覺得是很假的那種香料味。整杯的cream份量挺多，香滑忌廉口感為這杯有香芋泥的飲料錦上添花。烏梅汁 $31由於飯前已經有吃過東西，所以我特地叫烏梅汁助消化開胃。烏梅汁不會很酸，喝起來有一種我不曉得怎樣形容的味道🤔是好喝的 。不只是梅味，還有一種味道很吸引我總結一下，【三星台菜食堂】堅持著不加添味精概念是我蠻欣賞。大概是想做到給你像家一樣的感覺，很窩心，希望顧客會被食物打動，下次再來。個人覺得，它是做到。不會因為租金，各樣成本，而減少食物份量。在這黃金地段，一碟小食都是滿滿的，絕不敷衍。食物質素亦是中上水平，同樣食材，提供較健康的滷味選擇，亦有香口的炸物。雖然只有簡單的日系色調，燈光的光暗，木色筷子和椅子，卻讓人很放鬆置身其中。座位寬敞，就算放袋子在椅後都還有很多空間。最讓我著迷是不停播著最新台灣新聞的電視機。服務態度很好，每次上菜都會說一下名字，也盡量安排比較寬的進食空間。當人流比較多的時候才會有其他食客坐到旁邊位置。如果一個人來，可以選擇坐窗台位置，看著外面風景又不怕被打擾。是次二人消費 $417。這一間店舖的乾淨，舒適，甚至食物質素都是我會再光顧的。😙😙我很推薦大家來試試看！*這篇食評使用書面語為主，取代以往口語化，配合一下台灣風*…查看更多

上幾篇食評中，其中一篇提到我去紅磡覓食，但一直都忘記當晚的😅飯後環節。翻翻相簿才發現自己忘了介紹這間甜品店。【豬仔糖水】，一開始我到黃埔站地面就見到佢。特別地方在於佢卡通logo,我就諗:如果食完晚飯仲有空位，不如試下🤔畢竟我係食完飯，要有甜品或者生果做飯後果先會感到滿足的人，理所當然光顧左。呢間糖水店有樣頗有趣的地方，每日都有限定幾款20蚊碗糖水供選擇。我並唔係因為呢個價錢而吸引入黎食，係因為我通常食熱甜品，選擇本來就唔算多，剛好有我喜歡的杏仁茶，不妨一試。口感質地柔滑，真係啜一下就自己滑到喉嚨的感覺。蛋白幼細，但唔係爛晒見唔到，而係非大大舊要咬的那種。蛋白呈絲狀或薄片狀。杏仁味足夠，唔會飲完有粉末，是有誠意的。驚喜完全在於蛋白，一般市面上蛋白都係取自熟左的厚切蛋白，好少做得如此幼細。坦白而言，味道確不是最驚喜的部分。藍色星球-凍食甜品呢款甜品由於賣相很美，當晚都有唔少客人指定點呢款，幸好冇限量發售，不然我就買不到🙊呢碗算係集於一身的甜品，有最令我期待的海鹽雪糕、牛奶布甸、益力多爆珠、西米、忌廉等原素。一開始點完，以為一碗甜品太多口感同味道會否有衝突，結果係冇！海鹽雪糕鹹鹹地，融左係底部，配合其他具甜味的西米及爆珠，互補不足。既不會太甜，亦不單單祗有鹹味。牛奶布甸質感柔滑，具淡淡牛奶香味。忌廉加上雪糕😏夢幻組合啦這款新式甜品真係好推薦大家去試試看！當晚一直有好多人光顧，所以我都不便拍咁多環境相。我到的時候都需要搭抬坐，枱櫈唔算好闊落。環境整體唔算好嘈，裝潢走向白藍風格，但進食時間就因為人多的關係，食得比較急（享受時間短），始終人地要《返枱》。價錢相宜合理，係如此有理位置-地鐵站一出就見，算是平的價格，也許是因為有一定人流，先能夠做到呢個價位。【豬仔糖水】我個人挺喜歡，經過的都可以一試。…查看更多