alienion's Profile

峇里堂初頭一聽呢個名，以為會是黑黑暗暗以深色木為主的餐廳，點知一上到去，係勁開陽，光線勁充足，仲有希臘風情feel咁嘅café樣子的餐廳。因為餐廳的地理位置，導致一般在街上走過的路人唔會特別為意呢一間餐廳嘅存在，但係一上到去簡直就係另一個境界，勁chill~~ 餐具都係木嘅。我哋叫咗最有當地特色的巴東沙嗲炒豬肉飯，串燒，峇里醬炒玉豆，蜜糖雞翼。嘢飲方面，叫咗一杯梳打味嘅咖啡，同埋熱情果汁。餐廳老闆係華僑，廚師係印尼人，所以煮出嚟嘅菜色，別有一番風味！佢嘅醬汁簡直就係無與倫比！呢一間餐廳真係帶比人感觀上不同嘅刺激，藍白色歐陸風情嘅裝修，再配上印尼當地風味嘅美食，呢一個反差真係好surprise ！我食每一啖嘅時候，再望返周圍環境，都會懷疑而家究竟自己係Café？定係印尼餐廳？…Read More

安！平！燒！肉！牛大人嘅副線，唔使多講，唔使多介紹，相信大家對佢絕對唔陌生。上次就試咗旺角分店，今次就試試荃灣呢間分店啦！地點方便易搵，一入到去感覺寬敞舒適明亮，抽風亦做得好好 👍🏻 包你食完唔會成身味。2間分店一樣，都係有澳洲M5和牛、SRF極黑牛、安格斯嫩牛、及原住民鹽燒豬肉嘅食到飽套餐，要試就緊係試澳洲M5和牛餐啦！有成120分鐘俾你食，一定夠！仲要每人送返2件牛舌芯㖭啊😱😱 一坐低店員就會耐心介紹枱上見到的幾款醬料，有檸檬汁、特調醬油、玫瑰岩鹽、安平黃金醬同埋辣椒醬，可根據食物種類及個人口味去選擇調味。而飲品方面，同牛大人一樣有各款汽水、梳打類飲品，同埋各式各樣嘅冷泡茶，必飲嘅健康之選，食燒肉飲呢個岩岩好中和返油膩嘅感覺！講返食物先，呢個餐有澳洲M5和牛、霜降牛肉眼、SRF極黑一口牛、安格斯牛小排、牛肋條等嘅牛肉，口感極佳，肉味重，入口即溶😋；也有雪花豬、豬五花，黑豚肉眼等嘅豬肉，燒完配上岩鹽簡直perfect match、雞肉類及海鮮，多款配料。唔鍾意食牛，都有豬肉雞肉，愛肉嘅吃貨門實在難以抗拒。仲有一系列台灣地道主食，正港燒烤同埋夜市小吃，包括有甜不辣、士林小香腸、鹽酥雞等等...有選擇困難嘅你，真係要折騰一番🤭呢度嘅店員款待有禮，識時協助換網，亦有好及時收走枱上吉盤。…Read More

尖沙咀福岡扒，相信好多人都食過。今次趁著第一日開返晚市堂食，就再同大家去食吓啦！位置係邊唔使多講，大家都都知㗎喇，入去前嘟code或寫資料啦，加量體溫。入去後，環境乾淨舒適，唔會有好勁嘅BBQ味，店員亦做足清潔，抽氣喉、枱面，座位，都會仔細拭抺。菜色選擇都好足夠，有小食、沙律、飯，當然仲有主打嘅漢堡扒套餐。今次就揀咗雞蛋和牛漢堡$99（小）130g加煙肉$7同埋芝士蛋和牛漢堡$117（中）160g，套餐包咗麵豉湯、沙津，飯。仲加咗嗰甜辣炸雞$48做小食㖭😋上菜的時候，店員都會特別小心提醒石頭是非常之熱，非常的貼心喔🙂 墊枱紙上都會有如何烹調及進食的指南。只要跟着指南，把適量的漢堡扒平均放在熱石上，然後每3秒反一反，再沾上醬油或者鹽，就即可進食！漢堡扒的肉味較濃，適合喜歡重肉味的朋友，如覺得不夠濃，加上調味就一定滿足到你味蕾👍🏻 最重要係隻蛋去到最尾都唔會黐底。雖然只叫咗一個小一個大，但完全夠哂飽㗎😋😋…Read More

今天跟朋友逛逛這個商場的時候，發覺這家位於角落位置的小店，鋪面小小但好像很有風味。看看了餐牌，發覺是吃三文治跟飲咖啡或茶的。於是便點了牛油果煎蛋三文治及牛油果蟹肉三文治，又點了一杯凍奶茶及熱檸茶。三文治的味道偏淡，但因為即叫即整的，覺得值回票價👍🏻👍🏻…Read More

這一間餐廳在國際上肯定大家都對他不陌生，所以今天就跟朋友來這裏用餐。這間餐廳不嬲都出名嘢食份量非常之大，而今次都不例外，我跟朋友都差點兒吃掉所有的東西。餐廳的格調及裝修到跟國際上其他的分店一樣，二餐廳內大部份的服務生都是需要說英語的。這天，跟朋友點了一份忌廉闊條麵，以及一份香橙雞肉飯。兩樣食物的味道都非常之濃郁，但在這麼有格調的西餐廳吃中式的飯確實有點而特別，香橙雞肉啲味道其實有點兒像咕嚕肉。份量及價格完全是正比，每一次來這裏用餐都要吃到捧着肚子走。…Read More

跟朋友週末去到荃灣逛逛，很多的餐廳都要大排長龍，難得這一間不用排隊可以直接入座，所以就選擇了這一間。麵的種類選擇非常之多，配料的配搭也非常的自由，就連湯也有很多不同的選擇。但最後也只是選擇了非常普通的香茅雞翼豬骨湯河粉。因為是週末，沒有套餐，泰式凍奶茶都需要$19一杯。我只可以說，唯一的好處就是可以只加$8 加配一些指定小食。…Read More

因為好耐都冇食過呢一間，所以今天特意跟朋友來打算重溫一下上海的味道。叫了最經典的七色小籠包、醉雞翼、粉皮，及四季豆。殊不知，七色包的味道跟以前好像有點兒分別，沒有了以前那麼美味。口味亦跟以前有分別。其他的菜式也沒有什麼驚喜。重點是，用餐後不久，我跟我的朋友都發覺喉嚨有點乾，及非常口渴的感覺。很好下午茶的時段打了個六折！…Read More

本身食開都係10少，但今次竟然鼓起勇氣跟朋友首次嘗試重慶三小辣過橋。誰不知竟然比我想像中更加容易接受，並沒有辣到不能接受的感覺。反而還越吃越滋味，湯、麵，餸嘅配合程度依舊，繼續encore.…Read More

自從知道有呢一間分店嘅存在就已經想嚟食，不過之前一路都大排長龍。好在今日行過嘅時候，竟然唔使排隊，可以直接入座，所以就二話不說，即刻入去試試佢。對於去台灣食慣鹵味嘅我，當然唔使睇餐牌，可以直接用點餐紙點餐啦！叫返最鍾意食嘅鴨血，花枝丸，配上王子麵，簡直就可以止一止冇得去台灣嘅癮😜😜…Read More

今日去到荃灣廣場行到攰一攰就同朋友去咗呢一度食Gelato。一開始簡直就係選擇困難因為有成幾十種味任君選擇，連山竹味都有😅。但最後我都係揀咗Oreo同草莓芝士蛋糕😋。雖然無糖無脂肪，但都係有甜味㗎，超正！…Read More

今日同爸爸行完山之後，就去到附近的一個商場去尋找食物，結果來到了這一間，被它門口的食物照片吸引了。我們叫了一碗豬肉船河，一份海南雞飯及一客雞翼作小食，份量雖然並不是非常之大，但當作下午茶的話，其實也尚算是啱啱好的。河粉的湯底味道濃郁，豬扒煮得非常之淋，容易咬。海南雞飯的味道非常之可口，只是略嫌雞的份量有點兒不足夠，但這個餐他是配上碗仔翅的，所以非常之特別。牛油蒜香雞翼的製作時間非常之耐，當有下去的時候簡直就像在吃蒜蓉包。雖然整體來說都非常之不錯，但是略嫌服務員的數量並不是很足夠，我等了非常之長的時間才有服務員看到我。…Read More

已經好耐冇食過，但咁啱同朋友行過見到，就諗住去試吓。叫咗個2人餐，有拉麵2碗，溏心蛋2隻，餃子，同嘢飲2杯。我哋叫咗赤王，同翠王。首先嚟嘅係餃子，不過係微暖嘅⋯⋯，然後啲拉麵嚟到嘅時候，好似唔係幾夠湯咁。最後，呢間嘢都係唔收信用卡嘅⋯…Read More

假日甘啱同朋友去到荃新天地，機緣巧合下就試到呢一間餐廳，初頭俾佢的平價餐單吸引了。點知一坐低嘅時候，就已經發覺到餐廳內充斥着一陣非常之奇怪的味道，如果真的要我去形容，我只可以說是坑渠味，以及有一種濕濕粒粒的感覺。朋友叫了一個卡邦尼意粉，我就叫了蜆肉炒意粉。朋友的卡邦尼意粉，煙肉的部份改用了辣肉腸，個感覺，味道完全是另一回事。感覺整個意粉及辣肉腸是完全分開的兩回事，只可以說，當辣肉腸單獨進食是好味的。我的蜆肉炒意粉，就表現正常，味道偏淡，搞到我要落咗好多鹽同胡椒粉去調味。最搞笑的是，我從來未試過喺餐廳飲過一杯可以咁難飲的凍檸茶，茶味非常之奇怪，完全冇味道，只有顏色。我只可以說水吧的員工刀功必定非常之出色，因為每一片檸檬都比紙更薄。…Read More

華都商場成日都會行，但就比較少去呢一間分店食譚仔。今次行過就試吓，我哋叫咗一碗過橋、細香草雞翼，同埋涼拌茄子。今次最出色嘅竟然係茄子，只需$16，但係個份量好似好多，個醬汁亦都非常之入味，只需將啲茄子輕輕沾幾下，已經好有辣味😋😋…Read More

聽聞呢一間餐廳係新開嘅，但人氣極高，所以好想試，不過位置有啲唔方便，都唔係咁容易搵到，但一入到去個感覺就好似去左外國咁，啲櫈全部都好似designer chair咁，而每一隻碟嘅圖案都係唔一樣，仲有個假鹿頭做裝飾，高級味十足。佢嘅嘢食都非常之特別，我哋叫咗個牛油果配帶子塔、牛封柳、龍蝦麵、蜆配天使麵，仲有個Pizza。個牛油果同帶子係絞碎再砌返成一個塔，食落去口感好清新好開胃嘅一個前菜。牛封柳就非常之矜貴，因為每一隻牛，都只得好細嘅一個部份，肉味非常之重亦絕對唔會有「咋」，但一定要叫5成或以下，先至享受到佢嘅味道。個龍蝦麵真係冇得頂，先唔好講啲麵係自家製，因為佢個汁係用龍蝦頭熬製，所以每一啖都充滿着濃厚嘅龍蝦味，而其餘嘅龍蝦部份就用咗慢煮嘅方法，絕對唔會有「銀」嘅感覺，反而非常之爽口！而蜆係時念嘅，所以每一次嘅蜆都會唔同。而pizza係薄皮嘅，我最愛，再加上意大利嘅水牛芝士，再加埋火箭菜同埋parma ham，又再一次重拾去咗外國嘅感覺。…Read More