Chloe T.的个人专页

昨晚與師母慶祝生日， 師父提議去甘飯館， 便叫我這個做徒弟的去訂位， 這間食肆會於飯聚前一晚打電話給我confirm booking, 值得一讚。進入店內， 地方不大， 裝潢不奢華(我唔記得影相)，目測只有約十張枱， 我選了在角落的位置坐下， 一來方便看車，另一方面傾計也不太擾民。我們一行四人， 點了4餸1飯1湯， 待應服務一流， 沒水沒茶會自動波幫你添， 見到你個骨碟有骨，又會立刻過黎換，這個也是抵讚的。入戲肉， 講下我地尋晚食左乜餸先：(1) 迷你佛跳牆由於Chloe妹我是小鳥胃， 師母剛大病完唔敢太補，結果只點了兩客， 師父和老公大人一人一盎，我地兩個女人仔就淺嘗一下，個湯足料，無味精，真材實料。(2) 金牌燒鵝這裡的招牌燒鵝，我們又點會錯過， 點了半隻， 皮脆， 肉不"鞋"， 最驚喜是鵝件入口時肉還是暖的，最美中不足的是沒有荔枝柴火香。(3) 陳皮骨由於師父好鍾意陳皮香，小妹亦柯打了這個陳皮骨， 陳皮味好香，但我個人覺得偏甜了些許。(4) 鮑魚雞煲由於小妹是雞精(勁鍾意食雞)，便點了這味菜， 這雞"獲"氣十足， 一上桌，口水便流出來了，鮑魚唔"un"，整體來說是好味的，但不驚艷。(5) 竹笙扒上蔬點了這麼多肉食，當然要點一個蔬菜啦，這個扒上蔬嘅蔬菜是可以自己選的，我地今次選擇咗豆苗，平時出街食呢個餸唔係太鹹就係太淡， 這個卻拿捏得剛剛好。(6) 荷葉飯本來師父想點鵝汁炒飯，但師母一句鵝汁好毒架， 咁我就點了這個荷葉飯， 炒得乾身，好好味，值得一試。以上就係我地尋晚嘅晚餐喇，埋單$17xx。…查看更多

東大街是我同老公成日去開餐的地方，貪嗰度方便泊車，最近開左一間新餐廳，抱住一試無妨的心態入去，點知有驚喜，我身為標準吃貨，又因胃部手術而變咗小鳥胃，呢間餐廳令我地一星期去左兩次，實在有其魅力。第一次去係上星期三，咁啱同朋友兩公婆約好食飯，四個人一坐低，侍應態度親切，拎住4杯用唔同顏色杯裝嘅水俾我地，預防我地飲錯水杯，杯水飲左一半到，就會自動同我地加水，用餐其間收碟都算快，細心留意客人舉動但又唔會令你尷尬或覺得煩擾，值得加分。這次我地3個set dinner，2份西冷3成熟，1份肉眼7成熟，在另外叫咗1份香辣糯米釀雞翼。湯+前菜一放低已跟眼前一亮，用心嘅配搭，湯濃而不稠，配一塊蒜蓉法包，前菜嘅沙律用了紫椰菜、粟米、青瓜和車厘茄，選料新鮮，上菜速度一點也不慢，牛扒熟成度控制得好好，3成熟嘅牛扒，碟上冇血水滲出，非常juicy，7成熟嘅肉眼亦唔鞋口，連拌碟嘅蔬菜都有用心思，有茄子、翠肉瓜、車厘茄和生菜，絕對唔係平民扒房常用嘅三色豆，另外小吃嘅拌碟，是加了黑醋嘅生菜，解決咗糯米雞翼嘅油膩感，值得一讚。咁嘅質素，收費卻異同公道，上述晚餐只係600幾蚊。今晚只有我同老公兩個人幫襯，待應妹妹今日向我地推介了大廚special，牛肩胛扒配岩鹽，這個set亦不過是$148，平民嘅收費，扒房嘅味道，直心推薦一下。…查看更多