paragonpo's Profile

大部份嘅價錢都去咗個裝修度 🩷開多陣等，紗煲冷餐都幾靚，打卡可以🤗但態度惡劣，冇禮貌，冇笑容，冇服務可言嘢食好難食，得酸味嘅鳳爪性價比極低同大角咀一間地踎泰國菜完全冇得比喺度食一餐，可以喺嗰度食三餐…Read More

隱世美食！而家香港地仲有$38下午茶餐抵食到震，仲要係公眾假期！我叫咗手打墨魚丸河粉，爽彈鮮味，湯底清甜無味精，河粉滑溜掛湯，絕對係街坊良心出品！餐包一杯熱飲，熱檸水唔孤寒，配埋三片厚切檸檬，誠意十足。奇怪附近餐廳間間排長龍，唯獨呢間唔使等位，可能因隔離裝修有燒焊味略影響食慾，但食物質素完全補晒分。墨魚丸粉絲必試！ 佢加$10有個油菜，但係自助落單嘅我，唔記得咗啊，下次一定會再嚟食。提一提大家，無論食咩都好，記得加腩汁，超好味！…Read More

呢度留言嗰啲肯定係foodie 😆 呢間由韓國老闆主理嘅餐廳，雖然老闆廣東話流利、態度OK，但整體體驗真係麻麻。小菜有12款算多，但refill竟然要加錢，感覺好孤寒！叫咗豆腐泡菜湯，味道偏淡，豆腐又少，食完好空虛。牛肋骨得兩嚿。白飯煮得黐立立，一patpat咁，完全唔似正宗韓式米飯。 環境方面超級嘈，講嘢要嗌交先聽到，想傾計都難。而家仲有限時90分鐘，明明冇人等位，80分鐘就開始催你走，趕頭趕命咁 😆 人均$450但質素同份量都唔達標，性價比低，試過就算，應該唔會再幫襯！…Read More

呢間日本餐廳嘅午餐平均價位為$180，期待可以享受中高品質的日式美食。不過，實際卻令人大失所望，我會用大*樂質素嚟形容。首先，餐廳的座位安排頗為擠迫，除非坐在卡位嘅位置，否則會覺得好迫，用餐氣氛大打折扣。食物方面，雖然午餐套餐包含主食、沙律、蒸蛋、湯及刺身，份量相當充足，超飽，但味道方面卻是一無是處。若餐廳著重於「量多」，卻忽略了「質優」，咁就真是徒勞無功。主食令我極度失望，尤其是牛舌，竟然硬過牛肉乾，咬下去完全沒有豐富的口感，咁樣嘅質量，真係對唔住餐廳的收費。我相信如果餐廳能夠注重食材的烹調和調味，其他配菜其實根本唔需要，淨係做好主食我都可以接受這個價位。…Read More

隨意喺OpenRice碌碌，見到一間冇負評嘅餐廳！就即刻同個同事去食晏晝🤭12:15到，得一枱客，之後走都其實係多2枱，所以都算坐得舒服👍🏿Waiter妹妹就得一個，所以人多起上嚟應該都幾呢Hea 🙈我哋2個都嗌咗個溫泉蛋牛舌飯 $138+哇 🥰 真係好好食 😍😍牛舌每一塊都好薄，仲有好多塊 🤭溫泉蛋都好好味 😋 好香有個沙律仔 酸酸地好食 😋麵豉湯唔會太鹹 細細碗 會好想再飲 😍整個餐嘅份量對普通女仔嚟講係啱啱好 👍🏿下次會試吓佢啲壽司 😊…Read More

老公見咁多人比差評，就去試吓究竟有幾差。呢個諗法真係好奇怪，俾錢去試啲唔好食嘅嘢😳 穩穩陣陣挨個30餃子拉麵，因為拉麵唔好食都仲有餃子食落肚 😆 本身唔係咁鍾意食拉麵，覺得佢好鹹，好油，但我都冇用大丸嘅Standard去試呢一碗麵。首先試咗一啖湯，都OK嘅，有蒜味，唔算太鹹，亦都唔油，過關！食一啖面，urrrr…. 佢肯定唔係拉麵，質地似林左嘅公仔麵，未至於要放棄佢，但係就唔可以抱住一個食拉麵嘅心態去食。至於餃子就，穩穩陣陣，不過不失，細細隻，雪藏餃子， OK。$66連+1 ，對得住個價錢我只可以話。…Read More

真心好食，雖然侍應唔係韓國人，但係裝潢同Menu都好韓國好地道。首先，食物嚟講係唔多選擇嘅，同韓國嗰啲餐廳一樣，對於選擇困難症嘅自己就幾鍾意啦。我哋QR code落單，叫一隻唔辣嘅雞，有234人份揀，點知發雞盲叫錯左個辣嘅，佢都肯換俾我哋，我都唔係幾好意思。好彩佢哋夠多客人，所以一定唔會嘥咗嘅 🙏🏿🙏🏿 份量非常之足夠，有年糕，大蔥同雞。雞唔算好暈，但係好林。提一提，唔食蒜嘅朋友記得走蒜。員工超級好人，我哋真係白癡咁落錯單，佢都肯玩俾我哋，解釋都好清楚，幫我哋淥埋個面，好滿足 好開心。價錢方面就喺香港嚟講算OK啦，$570/3個人，冇叫嘢飲 🥳肯定會再嚟食，清清淡淡唔錯 ☺️…Read More

經OpenRice訂座的，reception好快就搵到，電話確認後，即時入座，講明最低消費$250/人同90分鐘限時。其實我覺得既然俾得呢啲價錢就唔應該限時。雖然最後我哋都食咗120分鐘。湯底基本上得辣同唔辣，啱晒有選揮困難嘅我 😆 揀咗個辣，佢話唔係好辣，香味較多。湯底有少量藥材，豆腐、鴨血，後者都可以不停refill 🥰 我哋都加咗兩次。值得一提係，湯底係人頭收費，鴛鴦鍋成煲要加多$88 🤷🏿‍♀️叫咗好多嘢食，全部都好大碟。黑柏葉$88/8件，初頭以為得咁少，嚟到每一塊都好長，爭啲哽親 🙈 鱔片好食，好爽 👍🏿 封門柳好食，但唔重牛味😄 炸支竹卷必食 浸5分鐘 好好味 😋…Read More

呢度啲姐姐真係要讚!!! 有笑容，有耐性，有禮貌!令我食都食得好開心。皮蛋好好味!心同肉無分開!不過唔食蒜蓉既朋友就千祈唔好叫，好重味架😂我同朋友叫左2杯凍0茶，一杯少甜。少甜個杯先係正常。正常個杯超甜!面就無咩問題，間間差唔多😂👍…Read More

$89 per Chicken (Spicy), cheaper that normal Korean restaurant in HK, but th chicken wasn't tasted good, not like Korean style but more likely HK style,not soft and elastic. In chinese, 雞唔滑的。You may decide try or not.…Read More