麺匠八 (Closed)

老公見咁多人比差評，就去試吓究竟有幾差。呢個諗法真係好奇怪，俾錢去試啲唔好食嘅嘢😳 穩穩陣陣挨個30餃子拉麵，因為拉麵唔好食都仲有餃子食落肚 😆 本身唔係咁鍾意食拉麵，覺得佢好鹹，好油，但我都冇用大丸嘅Standard去試呢一碗麵。首先試咗一啖湯，都OK嘅，有蒜味，唔算太鹹，亦都唔油，過關！食一啖面，urrrr…. 佢肯定唔係拉麵，質地似林左嘅公仔麵，未至於要放棄佢，但係就唔可以抱住一個食拉麵嘅心態去食。至於餃子就，穩穩陣陣，不過不失，細細隻，雪藏餃子， OK。$66連+1 ，對得住個價錢我只可以話。