mangoman's Profile

到澳門「搵食」找一啲小店往往能享受到性價比高而令人驚喜既食物近年澳門發展迅速而物價飆升能夠抵抗得住及保持水準的小店實在越來越少應該多加發掘傅揚開去大家下次去澳門不妨找機會支持一下小店今次兩日一夜旅程其中一晚揀左呢間位於氹仔葡國菜小店其實位置都離官也街不太遠只不過行到官也街盡頭向左行多五分鐘途程呢間舖真係好細下店內只有五至六張檯晚上七點到達已經滿晒（好在有預先訂位）餐牌內都是較傳統既葡菜煮法較為簡單而正宗既菜式餐廳侍應員工廚師加埋都係四個人每道菜要遂樣煮反而更好唔會一次過拿拿臨上晒啲菜而攤凍先上一小客切成四件的熱辣辣麵包包身有點咬口而脆配埋牛油食一流第一道上既菜係炸馬介休球外層炸得微脆裡面魚肉好幼嫰不鞋身非常高水準因為想試多幾味菜所以揀左較小份量的第二道葉八爪魚沙律八爪魚肉較淋身跟以往別的葡菜店較爽身不同配上青紅椒洋蔥蕃荽橄欖油及醋酸味味作為開胃菜味道唔錯跟住來既係燒沙甸魚魚既外皮燒得香脆魚皮表面沾了小小鹽來燒味道剛好魚肉質地仍保持juicy唔會過乾過往好少食到咁好食既沙甸魚配菜蕃茄片都好新鮮而烚薯食烚到夠淋身本身係薯痴當然全部清晒最後來係燒豬肋骨一碟切開都有八件份量唔小食得出肋骨本身醃過入味趁熱食夠香脆另外點了兩罐SUMOL葡國汽水分別是菠蘿及熱情果味味道較清無平時我地飲開既汽水咁甜的最終食到捧腹而回埋單三百蚊都唔使實在非常抵食店員服務亦好週到下次大家來官也街附近想食葡菜唔一定要幫襯個幾間遊客大店試下小店會有另一番風味的…Read More

旅程第一站揀選左嚟呢間近期澳門熱店作午餐地點都唔算太難搵只要從十月初五街搵到沙欄仔街交界再行兩個街口就到到埗時剛好落大雨而天氣極寒入到舖頭後發現無人原來掛左個牌老細去左送外賣唔夠五分鐘佢就返來咯由於上船前已食左早餐所以兩個人都只係叫左一個招牌菜葱花雞蛋腸下單後老闆開始即製腸粉啦分別下蛋漿 米漿 同配料蒸不消十分鐘便完成起爐見老闆熟手地從布上將腸粉割離再分別將「蛋腸」及腸粉卷在一起再切開成一粒粒便完成由於我地最先到所以都較其餘三檯食客送來麻醬豉油甜醬於檯上自己任落試一口不但腸粉夠滑身而且「蛋腸」部分一樣夠滑完全唔會蒸得過老食到蛋味幾香加埋醬料三扒兩撥已經食晒絕對值得推介另外 提一提呢兩日係澳門都見到有節目介紹呢間舖的片段預計客量一定持續多可能日頭幫襯會被夜晚來等得快…Read More

今次特別選了下午茶時段來朝聖餐廳分開兩部分室內主要係售賣咸甜糕餅/曲奇/朱古力/souvenir等外賣給顧客(糕點也可Order堂食的)室外部分就係位處廣場的餐桌位置大概可容40-50食客吧餐廳本身身處美獅美高梅酒店廉場的Open Area樓底有4-5層樓高空間感充足同時有播放音樂及螢幕動影感覺係悠閒舒服的算是一個不錯的下午茶選擇 餐廳其實有供應麵類及小吃的但大部分光顧的食客都是為了甜品而來我們二人點了兩個甜品加一杯飲品黑加侖誘惑破開圓形淺紫色外殼其實係乳酪味雪糕中間深紫色有點蜂巢狀的是提子味類似雪葩味道酸酸甜甜幾醒胃另外伴碟還有硬身碎糖,脆口米花及稔身像水晶狀西米整體味道幾清新醒胃的焦糖爆谷窩夫窩夫熱辣辣入口夠香雲尼拿正糕加焦糖醬甜度正常但加上半球形的奶滑則有少少偏甜建議大家試清楚甜度才混合窩夫一起食配合埋爆谷一起吃感覺不錯香蕉沙冰香蕉足料味道夠濃似奶昔多一點飲完有少少飽肚…Read More

星期一的下午來到呢間位於較近住宅區的Cafe落巴士後轉入一條小巷就會見到店舖門面唔太起眼戶外有一張小檯裡面有兩層到步時二樓應該有客人包場坐在一樓由於是平日下午時段包括我地只有兩檯食客由於之前已食了兩餐唔算特別餓所以兩個人只點了兩杯咖啡及一個小食18月白毛豬普切塔普切塔（Bruschetta)即係意大利式用麵包整既一道前菜/小食上桌賣相吸引擺放得好靚呢道小食最底的包有點似平時食開的蒜蓉包質感有少許脆身包身本身涂有蒜醬（或蒜蓉牛油之類）及檻欖油上面舖左蕃茄粒酸甜味可以中和油膩感仲有新鮮火箭菜主角當然是18月白毛豬唔好以為小店用料就一定普通呢個白毛豬入口甘香而咸度適中絕對不比酒店吃到貨色遜色極度推薦榛子咖啡榛子味濃郁咖啡味道持久而另一杯愛爾蘭咖啡同樣出色現在想於澳門渡過一個休閒下午必須遠離遊客區此小店是一個好選擇今次光顧整體感覺良好一定會再幫襯試下其他食物 …Read More

今次特別搵咗呢間以抹茶/焙茶食品既小店作為早餐與下午茶之間的一餐店舖位於水坑尾一個叫百老滙中心既商場裡面（留意要搭lift按三字先到到，電梯只可去到二樓）Lift門一開原來呢層都有唔少小店食店的來到店舖前有兩場小檯可以坐到二至三人堂食既我地兩個人叫左一個杯飲品兩個甜品冰宇治焙茶茶味都夠濃郁但唔會好甘反而適合我口味抹茶蛋糕面頭有少量甘甜抹茶粉蛋糕夠軟熟而中間既抹茶cream滑且味濃愛好抹茶人仕必試抹茶芝士撻因為到達時應該係剛剛開舖無耐等大約十分鐘就剛好出爐啦抹茶餡傾向流心芝士味唔算好重抹茶味濃D…Read More

今次兩日一夜澳門遊寫既第一篇食評係成個旅程最後一餐因為太精彩所以要先寫店舖位置就係河邊新街葡菜店對面預早一星期Book定位Book位時店員提及其中一道芥末手撕雞要預留見佢咁講預留左半隻作為前菜係香港一般食既芥末菜式都係流於表面呢度既芥末手撕雞真係不得了芥末味夠晒刺激包保有想流淚感覺賣相吸引成座山咁高雞肉夠嫰滑而夠入味海蜇爽口唔韌配合青紅椒芹菜芝麻同埋我覺得最妙絕既炸幼絲芋頭夾埋本身較淋身既雞肉海蜇可提升口感鍋底揀左最想試既卜卜蜆鍋一大鍋佈滿蜆仔大約十分鐘蜆仔開口就可以食得啦鋪面有少量青椒同大量蒜粒蜆身偏細但入口非常鮮甜湯底好清甜所以可以嘗真蜆肉味道食完蜆就可以加湯打邊爐點左三樣火鍋配料墨魚滑拼豬肉滑墨魚夠滑而起膠淥起呈半晶瑩狀豬肉滑有少量肥肉一齊打比例剛好一碟肥牛有超過十塊肥瘦適中而有牛肉味抵過係香港火鍋店多多聲炸腐皮卷（即響鈴）唔算好脆口唔重油炸味但相對其他幾樣食材難免被比下去近年澳門物價飛昇唔容易搵到一間合理價錢而又有質素既食店呢度食物價錢服務都非常滿意真係值得推介鄰舖係同一老闆整甜品及飲品的P.S. 雖然幫襯個日係星期一，但一樣爆滿，見到walkin客都要等到9：30後先會有位，Book定位就穩陣啦…Read More

今次旅程第一站揀選左位於三盞燈附近的茶室食午餐到步時是平安夜中午11時半已經要於店外排隊了幸好只是排第三不消十分鐘便可入座 店內全滿兩人被安排於卡位的一邊餐牌多是單點的有一個『甜餐』及『咸餐』但只是食三文治及公仔面的我哋反而被另一張推介菜式餐單所吸食。。。 點了兩款食物華田脆脆西多士此西多極度邪惡面包厚厚的份量十足夾心塗滿充足花生醬面頭再加上牛油, 煉奶, 同阿華田脆脆極度滿足華田脆脆唔會太甜, 脆脆地添口感但留意由於醬料夾埋頗多建議兩個或三個人Share一份會無咁『漏』 跟住落黎是重點由於見有點餓揀選了睇個名平平無奇的『煎肉餅飯』殊不知驚為天人肉餅表面煎得香脆而不油膩內裡豬肉份量好足, 非常JUICY加埋隻煎蛋足以清掉一大碟白飯實在好難搵得到份量充足而美味的肉餅高度推介 由於不好奶茶樽仔奶茶只飲了一口呼味濃但有少少澀自己一向鍾情咖啡始終不太懂欣賞 鍾意尋訪小店美食既朋友可以來試試 …Read More

旅程第二日起身來個Brunch地點來講坐巴士於鏡湖醫院附近落行3分鐘就到了來到時差不多12:00都已經要等位了尚幸只等左10分鐘就可入座 店內應該係有兩層被安排坐靠近樓梯的二人位由於見BAGEL的份量都幾大我地都係決定叫兩份意粉 蒜香橄欖油辣椒意粉因為唔算太餓特意點了這道簡單意粉簡單的意粉沒太多配料反而試得出水準意粉仍夠硬身不會過淋身加上少許碎辣椒乾辣道足夠醒胃蒜粒加上橄欖油香氣十足 煙三文魚檸檬汁意粉由於加左檸檬汁令整道意粉有少少酸味味提昇新鮮感亦無咁HEAVY煙三文魚份量足而新鮮 呢間小店食物水準不錯值得一試的…Read More

今次澳門之旅最後一站揀左呢間葡式小店一直想來呢度試可惜上次碰巧是星期一此店例休今次終於有機會事先諗住6:00早啲到應該唔使BOOK位點知來到時全場已接近全滿只剩下一張二人檯要在一小時後交檯算是好彩由於時間尚早唔算太餓只點了兩個主食+飲品+湯先送上的餐包熱辣辣而鬆軟當然是整個消滅掉葡式薯蓉青菜湯薯蓉味濃而唔會太杰身青菜係爽身而唔係淋身的湯味道清甜馬介休忌廉焗薯蓉果然係多人推介菜式馬介休唔會煮到太淋太爛保留返應有質感味道唔會太咸剛剛好而薯絲仍保留口感兩者混合一齊食味道好夾好鍾意Creamy既朋友一定好此味菜式燒雞釀飯店員亦推介左呢個燒雞釀飯春雞本身烤得剛好皮薄而脆, 雞肉嫰滑裡面釀的炒飯係有茄汁底少少酸味味令食落去唔會有太膩感覺值得一讚SANGRIA叫左一杯SANGRIA果酒試試紅酒易入口加埋藍梅,士多啤梨等生果消減成餐飯油膩感 呢間葡式小店價錢便宜而食物質素高一定會再來幫襯推介大家渡江食葡菜多支持一下呢類小店實質會帶來更多驚喜…Read More

今次遊澳最期待是呢餐自助餐之前見食評普遍唔錯一早book定位時間由6:00食到10:30旅程第一晚7:00到達在酒店大堂上一層就係啦整體上整個自助餐食物質素,環境,服務都係水準之上食物質素味道基本上每一味放入口都有一定水準款式熱薰冷盤選擇唔少, 反而甜品數量較其他酒店的自助餐略少餐廳環境唔錯, 服務員都招呼週到的宜家重點簡評一下當晚品嚐過的食物** 讚 **燒汁燒羊架 - 味道頂頂級, 羊肉燒得剛剛好, 雖然偏厚身但夠晒淋易入口, 絕無騷味, 有頂級西餐廳水準, 推介飲品 - 鮮榨果汁任飲, 擺放冰粒上面好吸引, 有西柚/檸檬/蘋果/橙汁揀, 當晚飲左四杯西柚汁+一杯蘋果汁, 味道新鮮港式奶茶咖啡都係任飲, 唔似其他自助餐只得一杯, 咖啡係有拉花的Cappuccino, 味道唔錯壽司 - 共有6款選擇, 三文魚, 腐皮, 小蟹柳卷, 炸蝦卷, 熟蝦 同炙燒三文魚, 只試了炙燒三文魚, 即燒即放出來, 肥美而新鮮, 最重點是壽司飯一D都唔hea, 一般自助餐的壽司飯都好求其, 但呢間唔會, 握得夠實淨而黏度醋酸度適中, 呢D細節位都做得夠細緻豬耳沙律 - 豬耳本身微咸, 唔會得個咸字較易入口, 亦唔會韌蕃茄沙律 - 簡單如蕃茄沙律都整得好食, 紫洋蔥+香葉+醋, 酸度合適夠開胃, 蕃茄涼身而新觧南瓜湯 - 南瓜夠濃, 唔會鞋身粗糙, 但因為較飽肚, 所以只淺嘗了小半碗片皮鴨 - 留意片出來的鴨片師傅會包好比客人取(只有燒鴨醬), 如要加京蔥要另外同師傅講, 鴨肉夠嫰不油膩咖哩 - 有3款(羊肉, 薯仔咖哩, 印度扁豆), 做到正宗咖哩味道, 特別係扁豆蓉未必其他地方咁易食到, 入口質感豐富而同咖哩配襯, 咖哩夠香料味, 辛味後勁凌厲** 有改善空間 **生蠔 - 選用Fine de Claire法國生蠔, 大路選擇, 味道夠爽, 蠔身本身唔算大隻, 都食左有一打半, 夠晒回本, 但略嫌只有一款生蠔無其他選擇會單調左啲, 如果至少有兩款會好一點鹽燒三文魚 - 其實味道唔錯, 咸度OK; 見佢應該整好左兩條for整晚兩輪(另一條係原條被鹽封著備好), 但條魚其實開始無耐已經被客人拆到散晒, 而部分散了的魚肉, 當然大家都唔想揀, 變成呢條開封左的魚, 由自助餐開始15分鐘打後已經變成一條散魚, 變成舊魚人人唔想食(有點浪費), 新一條魚又因為舊魚未食晒而未開出嚟...確實要諗諗點樣可以做到美觀之餘, 而方便到食客的享用方法總括而言, 在澳門食自助餐有酒店/賭場為吸引人流之原因價錢始終抵過係香港食多多聲而呢間雖然在澳門算係偏貴但仍然歸納為物有所值值得豪一豪佢!…Read More

碰巧不久之前在Openrice搵到呢度原來係十年八年前青洲劉記鐵皮屋的延續版抵澳第一餐決定嚟試試食店位置在平民區碼頭坐巴士到關閘再行8-10分鐘就到了餐廳格局平民化同一般茶餐廳無異見店內食客應該全部清一色是本地人到步時是平日大約2:00店內都唔算太多人帳單仍保留住以前劉記方式以價錢劃方格方式計數兩個人叫左兩個野食加一杯凍啡1)  咖哩雞絲治來到已經聞到好香咖哩餡係多到滿瀉咁滯咖哩裡面加左洋蔥, 香口而有辣勁非常美味2)  豬扒撈米豬扒夠淋身但唔會過龍仍然保留到質感夠入味而米粉每條都撈到甜豉汁以前在澳門隨意都搵到價廉物美的食店但宜家已經越來越難一係出了名變身連鎖店失去原來風味一係就多人介紹變左遊客店, 服務及食物水準皆下降要搵好野食, 惟有找遠一點點...呢間街坊味濃厚的小店, 值得推介…Read More

今次旅程第一晚揀左呢度晚餐星期日六點多客人都唔多可能係地點關係吧呢間算係少數尚能夠保持住十年八年前去澳門『以合理價錢搵到好野食』的食店餐前會有面包同餅乾條提供面包微暖我揀左橙紅色(應該係紅蘿蔔味)的一個味道唔錯微甜但為免食得太飽只係食左一個呢餐兩個人點左三道菜率先送來的前菜係煙三文魚伴Mozzarella 芝士(大Size)送來先知原來份量都幾大而且特多芝士煙三文魚有少少煙薰味唔算太濃Mozzarella芝士較一般芝士味淡伴埋薄脆餅一齊食減低肥膩感薄脆餅就好似薄餅個底咁薄身而微脆的隨之而來的是雪莉酒煮蜆伴白豆及捲心菜個汁有少少辣味刺激感及微微雪莉酒味唔會喧賓奪主蜆肉算中小型煮得剛剛到位夠嫰白豆已經煮至少許豆蓉狀捲心菜仍保留少少爽身質感唔會過淋配合一齊食層次感提升值得推介最後上檯係簡簡單單的香蒜意粉越簡單既菜式要煮得好食越唔容易意粉硬度適中維持意大利餐廳應有的硬度蒜蓉好入味而唔會過咸伴有少量香草味道滿意最後奉送兩小杯餐後冰白酒外藉服務員話可以幫助消除飽滯感為美滿的一餐作結…Read More

不是第一次幫襯林記每次都嘆到美滿一餐先來一個椰青加桔仔梳打桔仔梳打酸酸地醒胃首先送來係出名嘅葡式凍蝦面頭舖滿酸味味洋蔥碎蝦身夠凍而爽身作為第一道前菜非常合適接住有芥末燒羊架面頭芥末夠刺激得來有甜味羊架燒得剛剛好肉身夠嫰而唔騷連一向唔食羊肉嘅女友都讚唔錯跟住有葡式煮蜆精妙之處蜆肉剛熟入口仲係滑劣劣芫荽味好香湯汁略為偏油整體係好食的薯殼焗扇貝算係平價菜式扇貝唔係新鮮活扇貝但連埋薯榖焗起一齊食絕不失禮香口而飽肚之選最後係全晚重點登場寫菜靚姐介紹嘅燒大眼雞成條原條燒魚身加左薑同蔥格外香魚皮表面撒左少少鹽來燒魚肉燒得好嫰滑鮮甜即使咁大條兩個人都可以幹掉實在太好味最終兩個人都食到捧住個肚走份外美滿敢講只有濠江先可以食到咁美滿嘅一餐…Read More

嚴嚴夏日，到埗午餐第一站揀咗呢間班戟店外面天氣嚴熱，加上從大馬路朝大三巴步行上嚟都有一段距離，份外炎熱由於係Openrice訂咗位所以唔使等就可以入座啦剛巧被安排近門口的梳化位坐低馬上叫嘢食先先送來Mocha夠晒冰凍咖啡唔會太甜唔錯緊隨送來一款甜食「水果百寶盒」其實係鮮果配上細細粒既金錢班戟加上雲呢拿雪糕呢款啱晒夏天食金錢班戟細細粒一啖入口表面微焦而有香味連同士多啤梨醬同鮮果/雪糕一齊食有少少飽肚感而開胃鮮果有奇異果，士多啤梨，桃，香蕉加埋少量提子乾同好脆口花生配襯另一咸食揀左波爾圖「荷蘭薄餅」荷蘭薄餅其實有一塊好薄好薄嘅脆餅放於上面配料有西蘭花車厘茄芝士煙肉粒仲有隻荷包蛋睇落有啲古怪，實際好味到爆薄餅整得夠薄而脆唔會有膩感西蘭花處理過略為軟身，與其他配料口感較相襯，唔會“硬倔倔”車厘茄夠酸甜蓅果加埋芝士剛剛好減少肥膩感包住一齊食夠晒美味整體環境食物都非常滿意值得推介大家來試下…Read More

27/5 到步澳門的第一餐就係來到呢間Cafe Time To Time全因受到呢度抹茶甜品吸引住 剛來到時大約是下午1:30店員話因為無訂位所以要等一等店內有零售蛋糕面包等候期間見到外貌好吸引(雖然價錢都要超過10蚊一個面包在澳門唔算平)見到都有好多客人來買相信味道應該唔錯吧... 大概15分鐘後終於入座其實一早已諗定食咩因為女友鍾意抹茶食物關係所以就叫左呢個『京都宇治抹茶蜜糖吐司』 套餐除左個吐司塔外包兩杯飲品(問過店員,呢個『京都宇治抹茶蜜糖吐司』 較另一個『雪糕抹茶蜜糖吐司』 甘一點,適合正宗抹茶口味既朋友多一點) 來到後原來個吐司塔都幾大份量吐司切食方型一塊塊總共都有十幾塊足夠兩個人當Lunch食飽肚吐司邊外圍全部烘得脆身但我哋覺得略嫌烘得太耐變左食左好幾塊後有點吃力面頭淋有綠茶醬+朱古力醬綠茶醬有少少甘味偏向甜身整體吐司塔味道OK如果幾個人Share一份可能會無咁『漏』 飲品方面揀左Iced Mocha咖啡味適中唔會太偏甜女友揀左Latte佢話味道都唔錯 食店環境幾舒適係一個休閒食tea好去處…Read More