TheMeowMeals's Profile

去完清邁返黎好想食日式野，同朋友兩個人想摸下酒杯底慢慢傾慢慢食，係官塘即刻諗起「一杯」居酒屋，裝修同野食都落足心思，鐵板燒更加係「一杯」出曬名既特色之一。今次兩個人嗌左個二人前套餐，再加左支清酒。刺身三品包括有吞拿魚腹（中）•帶子•旬魚刺身，旬魚係咩呢🤔原來係時令得生魚片的意思。刺身真係夠晒新鮮，味道同質地都好好，本身唔係好鐘意食生帶子既我，都覺得好好味！鐵板燒鮑魚&大蝦即叫即整，仲可以即場睇司傅鐵板上整，上碟熱辣辣香噴噴。調味啱啱好，蝦肉好彈牙，蝦味好濃，大家一定要吮埋個蝦頭，超級香！鮑魚彈牙易咬，煮既時間掌握得好好。鐵板澳洲M4和牛封門柳尼個封門柳有驚喜！！首先煮得啱啱好（大家睇相就知），第二，肉本身唔肥，但咬落口好軟熟好易咬，而且好濃郁嘅牛味，配燒汁醬真係會想追黎食，真係好正架，大家一定要試👍🏻迷你海膽丼叔叔推介揀迷你海膽丼，果然好唔錯！有海膽•吞拿魚•大魚子，海膽味道鮮甜，大魚子咸香，令每一啖也得到鮮咸甜的味道，只係可惜係迷你版，真係好想食多幾啖。鯛魚湯讚岐烏冬湯底係超濃魚湯，魚湯濃到食烏冬都有濃厚既魚湯味，大家記得趁熱食，仲要飲晒啲湯，食完個胃暖笠笠。Sake-善之水尼支Sake 唔難入口，15度酒精，入口有微辛口，食刺身好啱飲，大家小心飲醉❤️其實仲有沙律同埋甜品芒果奶凍，唔好以為會食唔飽，行出門口個下係好飽。…Read More

今日同姨甥女去食肉肉🤤佢唔係好食海鮮，咁啱見到個餐叫「月光族急救吃到飽餐-$208」😂就啱晒喇，幫姨姨慳啲錢！如果你係會員，尼個餐先$169/90分鐘，月光族真係啱曬，又可以吊下燒肉癮。入面好闊落，通道都好闊，出去拎野唔使迫。最誇張係佢既醬區有好多種醬汁你揀，樣樣試下都可以，我鐘意黃金醬&五味醬，係甜味既醬汁👍🏻不得不提有個「安平蝦拌飯」區，自己拌飯自己整，有櫻花蝦、海苔、蔥花及滷水汁，因應自己口味自己撈多撈少。櫻花蝦真係好香口，撈埋一齊真係好好食，大家都要試下。個餐都有唔少款肉肉可以嗌❤️嫩肩板牛肉、牛仔骨、薑汁味雪花豬、醬燒雞爽肉九層塔三杯雞、五花腩都係要不停encore , 嗌左好多轉，嫩肩板牛肉同牛仔骨更加係出色，連姨甥女都讚不絕口。仲有烤豬肉乾，第一次見餐廳有豬肉乾，輕輕烤脆個面真係超香，就好似新鮮熱辣整好嘅豬肉乾咁好食👍🏻落單嗌仲有唔同小食，較特別既係黃金泡菜，第一次食，聽聞係用豆腐乳整，泡菜好爽脆醬汁濃郁，我姨甥女就唔識食啦，我自己一個人食晒😋出面仲有好多蔬菜瓜果&腸類可以自己夾，唔少得我最鍾意嘅菠蘿🍍，同埋乳酪雪糕。尼個餐其實都滿足到燒肉癮，大家一定食得飽飽，如果大家想慳返啲，又想食燒肉，不妨黎安平燒肉。一人燒肉一份都差唔多要百零蚊喇，黎度做會員百零數可以任食任飲喎，超值之選。…Read More

諗緊食乜既時候彈出「小籠包」，即刻諗到樂天皇朝既八式小籠包，8重顏色8種味道，可以話係小籠包界既明星，同事們一致贊成去銅鑼灣樂天皇朝新店拜會外尼位明星。🐉特色皇朝小龍包（八色）真係超靚！有紙字教路點食，由淡味食到濃味：原味、絲瓜、鵝肝、黑松露、芝士、蟹粉、蒜香&川味。不過因為幾個人share , 唔會順到次序食，都係每人揀返最想食既味。上枱熱辣辣，小籠包啲皮唔會一夾就散同埋黐住，肉餡多汁好味，唔同既特色味道都好出，值得食！🐓李白醉雞擺盤圓轆轆好得意，肉超嫩！醉雞汁唔會太鹹而且味道好好，我最怕太咸既碎雞汁。碟雞細細碟原來都有好多舊，舊舊都好多肉，唔會得啲骨。🐟酸菜魚人多嗌左盤酸菜魚，真係無揀錯，好大盤夠曬食，入面仲有水晶粉係底。尼盤酸菜魚啲魚薄得黎係有彈性架，唔係出面好多軟腍腍果種，係食得到既新鮮，而且佢啲酸菜唔會太鹹，可以食到好多。🥬芝麻醬油麥菜尼個真係係出面未食過，係凍食既。將一片青瓜捲着一堆油麥菜點芝麻醬，估唔到勁清新消暑，口感爽脆冰涼，夏天食真係好爽，大家一定要試。🫔蘿蔔絲酥餅尼個不得了！！超好食👍🏻我哋隔籬枱想嗌都已經賣晒。大家唔好以為係周圍有得食嘅普通料，係我食過最好食既蘿蔔絲酥。入面係熱到出煙，蘿蔔絲調味好好，鹹度適中，而且食到好清甜既蘿蔔味架，無得輸。蘿蔔絲酥餅係必食。🫘豆沙窩餅皮薄脆身多豆沙，味道經典，食上海菜必點既經典甜品，可以話係完美作結。📍 樂天皇朝 (利舞臺廣場) (銅鑼灣)銅鑼灣波斯富街99號利舞臺廣場16樓A號舖…Read More

其實難食既泰國野真係好少，竟然俾我搵到🤦🏻‍♀️金坊泰國美食 (邊有美食？）係寶琳新都城二期，都係抱住試下既心態入座，嗌左碗泰式鴨肉湯河。碗野黎到我就心知不妙，湯河上面有一大堆蔥，仲有紅蘿蔔，似台式多過泰式囉。泰式湯河靈魂係個個湯底，一試啖湯，真係「妖」左出聲，完全唔係泰式。啲河粉係粗河粉，痴埋一舊舊，食落唔熱既，啲鴨就大部份係骨，碎濕濕咁。真係超難食！！ 碗河最後食剩半碗，為左止蝕無繼續食落去，尼間野真係要係我meal list 入面black list,無下次！仲有，每杯水原來要收3蚊茶水錢，尼間野真係勁差，勸喻大家試都唔使試。📍金坊泰國美食 (將軍澳)將軍澳寶琳欣景路8號新都城中心二期2樓2016號舖…Read More

行過見包包餃店有開，即刻買左鍋貼&生煎包返去同同事分享。餡料足，味道夠，唔係好多肥膏果啲，但未去啲人話到爆汁咁誇張既。坦白講，最重要係煎得好，最鐘意佢既鍋貼層皮夠挺身，個底煎得好脆，姊最鍾意食呢種鍋貼，唔會食到成口油！真係掂！生煎包和餡係同鍋鍋貼一樣，個包有彈性，唔會吸到成個包都係油，同埋煎得好香，真係好好食。可惜佢唔係成日有開鋪，要行過望下先知今日有冇食神運。📍 包包餃店 (筲箕灣)筲箕灣筲箕灣道341號地舖…Read More

牛丼家一直係我個meal list 入面，難得今日黎到旺角，一定係食屬於香港既牛丼飯！今次同朋友嗌左「雙重芝士牛魔王飯」和「溫泉蛋牛肉飯」，牛丼家寫到明牛肉係用澳洲和牛，睇到都已經有信心保証。「雙重芝士牛魔王飯」 有教學點食，跟飯有配醬汁，醬汁係醋酸味，教學話唔好將d 醬汁淋係漢堡扒上面，淋係芝士飯上面，一口飯一口牛再食酸薑係建議食法。塊和牛漢堡扒真係正野，厚實多汁牛味濃，而且唔細塊，醋酸汁&酸薑令d 芝士無咁漏，仲有開胃效果，整個配搭好好。至於「溫泉蛋牛肉飯」，真係先要讚個牛肉量先，唔似其他連鎖店牛丼飯d 牛肉又少又肥，佢d 牛肉好香濃牛味，以咁低價錢都算靚牛，食得出牛肉係有同d 洋蔥一齊炒過，食得出牛肉有焦香味，炒過既牛肉係香好多，唔同烹調步驟係真係食得出唔同味道架。豐儉由人，可以加錢轉餐或者只食個飯，轉餐多個小食同飲品，小食有青菜、公魚仔（即多春魚） & 炸雞揀，由於朋友唔鐘意食魚，所以今次無試，下次真係要試下。📍 牛丼家 (旺角)旺角通菜街123號盛世酒店1樓及2樓…Read More

約朋友係觀塘食晚飯，又唔想食打邊爐或者燒肉，又想可以坐耐啲傾偈，靈機一觸揀飲夜茶💡試龍點心，環境都坐得舒服，點心既口味都有d 創意，由於第一次食，所以嗌左個「一龍大滿足」可以一次過6款點心。「蟹粉菠菜香蝦餃」、「酸菜魚鳳眼餃」、「荀尖蝦餃皇」 都有有特色，味道好夾，好味！ 不過燒賣就麻麻地。另外，「一口豆腐」、「蘿蔔絲酥」 & 「大澳蝦醬鮮魷卷」 係超推介，熱辣辣上枱，調味足夠，夠晒香口。不過價錢都唔平，我地無join 任何優惠plan 底下，連埋加一3個人食左$670，其實尼個價錢都有好多靚點心餐廳揀。📍龍點心 (Eastcore) (觀塘)觀塘觀塘道398-402號Eastcore 1樓4號舖…Read More

今日兩點喺大角咀搵食，想試一間未食過嘅餐廳，平時少食刀削麵，所以入咗呢間餐廳，係openrice 見到4間分店。嗌咗碗花雕醉雞刀削麵$62，加$3包凍飲。有好多件雞，花雕味都幾濃，雞肉夠滑，就算係雞胸骨果舊肉都唔會鞋，但食多幾嚿之後就覺得有啲鹹。另外嗰粒醉蛋係糖心架，好香蛋味，又唔會太鹹。至於碗刀削麵，啲上湯有啲鹹，麵質就幾好，煮嘅時間啱啱好。整體尼講，調整一下鹹度就會好好。📍銘興山西刀削麵 (大同新邨) (大角咀)大角咀埃華街74號大同新邨大成樓H座地下H1A及H1B號舖…Read More

第一次食EaT 燒肉，肉肉我來了！！鐘意食燒肉既程度多於打邊爐，見到關西風壽喜燒正合我意120g $238 🤤如果你唔知點燒為之正，可以搵職員幫手燒，學識燒法梗係自己落手更過癮。先以牛脂開鍋，再輕輕燙烤牛肉，再加入壽喜燒汁，讓牛香伴隨醬汁甜美燒發出現。8個字：入口即溶，油香爆發！$238 仲要加一服務費，值唔值食過先知。我覺得200幾蚊有4塊和牛都ok 喇。📍 EaT燒肉 (將軍澳)將軍澳坑口重華路8號東港城1樓101號…Read More

約埋朋友一齊係尖沙咀整頭，整頭要坐幾個鐘，梗係食飽飽先去整。尼間西餐廳係尖沙咀A2出口行幾分鐘就到，超就腳。我地嗌左2個lumch set ，價錢係尖沙咀黎講好相宜，坐位闊落服務，最緊要職員好有禮貌，仲會不時留意你有冇需要，值得一讚👍🏻黎到The Grill Room 無理由唔食扒，所以我地嗌左個燒豬梅頭扒，同埋澳洲和牛漢堡，坦白講真係無嗌錯，水準好高！跟餐有蕃茄濃湯，蕃茄湯上面加左橄欖油同埋烤香左藜麥。蕃茄湯好濃，真係濃縮咗好多粒蕃茄，而烤香左既藜麥令個湯冇咁寡，多左一份焦香味。個牛肉漢堡一嚟到我就知道一定好食，塊包已經烤到外脆內軟🤤塊和牛漢堡可以揀幾多成熟，我揀左7成熟，廚師真係拿捏得好好，塊漢堡超juicy 同埋好濃牛味，仲有陣陣烤香味，食完令人覺得好回味。燒豬梅肉扒唔知係咪先用低溫煮，然後再燒香呢？因為舊扒好厚身，咬落去口感超軟腍，整塊扒燒得好平均好juicy，邊位都唔會硬，成塊都好有質素。雖然有BBQ 醬，但亦都蓋唔住陣烤香味，有被驚艷到。跟餐甜品係有3種味道既蛋糕，（如果我無食錯😂）第一層應該係奶凍，第二層係榛子味，第三層係朱古力蛋糕，每層既味道唔會太濃，好好味，食埋蛋糕真係大滿足。除左lunch set ，原來仲有4道菜既Executive Lunch Menu, 湯 + 沙律 + 七選一主菜 +甜品，價錢$298/位 ，下次有興趣試下尼個餐。📍The Grill Room (The Humphreys) (尖沙咀)尖沙咀堪富利士道6-6A號爵寓2樓…Read More

沙嗲王真係可以話係姊青年時代既飯堂，以前觀塘有一間好大間以海盜主題既沙嗲王，成日都去食。去沙嗲王一定要嗌白咖喱豬扒飯，我諗人人都明白，到而家食返都好好食，同以前既味道一樣，豬扒仍然有香茅味。而家沙嗲王多左好多唔同小食，以前就最鐘意食脆蝦棒，今次試牛油雞翼、炸饅頭 & 印度薄餅咖喱， 印度薄餅就唔建議大家嗌啦😂 📍沙嗲王 (新都城中心二期) (將軍澳)將軍澳寶琳欣景路8號新都城中心二期2樓2001-02&2087A號舖…Read More

差唔多有2個月無打邊爐，今次揀質素保持得好好既牛大人，一行4人坐得舒服，卡位闊落放到好多野食。極尚和牛套餐有好多款牛肉揀，價錢$328位。每碟牛肉黎到既油花都好靚，唔係面靚底碎濕濕果種，有好香牛香味，安格斯牛小排&美國SRF 黑牛都超有水準。另外套餐每位送2粒和牛牛丸，唔使講，超彈牙有肉汁，超重牛味。牛大人啲海鮮都無得挑剔，沙白同海蝦都大大隻，新鮮無沙，亦都唔會見你嗌多幾次就縮水。而家牛大人仲做緊夢王祭，夢王祭有啲乜？每位可以揀夢王生蛋或糖心蛋，飲品有以夢王雞蛋製作的布丁珍珠奶茶，甜品仲有夢王布丁，花款都唔少架，值得一試。真係太耐無黎牛大人，原來而家牛大人仲有超勁人氣既鴨屎香檸檬茶，同出面賣廿幾三十蚊杯既味道一樣咁好飲，姊無再出去拎汽水，全部嗌鴨屎香檸檬茶。📍 牛大人台灣火鍋吃到飽 (鱷魚恤中心) (觀塘)觀塘開源道79號鱷魚恤中心5樓…Read More

昨晚去咗間新派韓式餐廳，試咗每港首創嘅芝士熔岩炒飯，果然有被驚艷到！去到已經見到有2班人係度等位，等左20分鐘左右就有位，餐廳入面大部分係年青食客，大大拉低姊嘅年齡層🫢，雖然店鋪唔大，但都唔使坐得好迫。🐙秘製章魚蛋漿熔岩炒飯靚仔哥哥即場將大量芝士同蛋漿炒入飯中，飯粒簡直就好似熔岩咁樣，仲有濃濃嘅「芝」味，簡直就係一次視覺同味覺嘅雙重衝擊！每一口入口都係濃郁芝士配搭蛋香，啲章魚又彈牙，帶黎唔同嘅口感同層次，配合飯底濃郁芝士，真係絕配！堅正！一口接一口咁食哂佢，根本停唔到手！🐔原味mix辣味炸雞佢哋將韓式炸雞炸得好脆口，但雞肉仍然又嫩滑，兩種口味混搭，辣味唔算辣，會偏甜一點。一籃炸雞入面有11-12件雞，算抵食！兩個人去食，淨係嗌炸雞都可以食飽飽。📍 OPPA Coffee Bar Restaurant (尖沙咀)尖沙咀金巴利街1F號地舖…Read More

辛苦得來志在食，返工有時都真係激到成肚氣，圍爐食野申下先唔會屈到病。先以前好鐘意食泰國野「珍意」，自從珍意無做之後，就好似痛失飯堂，每日lunch time 唔知去邊好。之後開左間尼間「蓉玥」，食中菜主打四川，麻辣野係做得幾出色，味道調配得好好，之後再同大家介紹。今次想介紹佢既霸王雞，係姊去度最常嗌，雞嫩而且多蔥多芫茜，雞底下仲有啲青瓜絲，味道濃淡適中。至於咕嚕肉，用咗南乳醃肉，有淡淡的南乳味，但係就炸得太過火，肉有啲硬，所以咕嚕肉就唔係好推介。舖頭位唔多，都越嚟越多人幫襯，就算食12點都有機會冇位。📍 蓉玥 (筲箕灣)筲箕灣筲箕灣東大街14-22號東旺樓地下D號舖…Read More

坑口間意樂裝修最近開返，改左名做UURO，姊見開左幾日排晒隊，雖然都知大家係新屎坑心態，但住附近點都要試下，好食既話就多個飯堂。入到去，都係意樂一貫風格，坐到密密麻麻。姊食晚餐，價錢偏貴，主食轉餐跟湯&野飲要另加23蚊，睇你嗌咩主食，一個餐最少百幾蚊，姊為左試多樣小食就無轉餐。見佢重點推介pizza ，梗係嗌個黎試下，雖然最近食左好多pizza🫢，同埋肉醬千層麵。經典肉醬千層麵 - $75 (無包野飲）首先上枱既係肉醬千層麵，姊見到果下真係原地嚇親，細得誇張，即刻望下餐牌係咪有寫「迷你」 或者「輕食」字眼，只係姊發雞盲睇唔到，又無呀！跟手去openrice 望一望，妖！要怪就怪自己無先去openrice 做下功課先，原來好多人都已經係openrice 有提點唔好嗌肉醬千層麵，哭！個肉醬千層麵既色水係焗得唔錯既，味道真係好經典，無驚喜，只能夠講都算夠芝士，但一定唔會再嗌。松露野菌手工披薩 - $78 (無包野飲）8吋pizza, 細心食先食到淡淡松露味，飯腳直頭問有松露咩！？餅底好薄無乜彈性，pizza 有菇味，所以都唔算好難食。講真，同姊早幾日食果2間pizza真係無得比，果2間只係俾多100蚊有野飲，又足料，又好食，又大大塊，大家識揀喇！食之前都無咩期望，所以失望都唔算好大，但連服務都差真係唔知點解定價可以咁高，憑咩？因為無加錢轉餐，所以飲餐廳提供既開水，飲完嗌左職員3次加水，最後都係無加，隻杯係咪叫empty cup ? 📍 UURO (將軍澳)將軍澳重華路8號東港城1樓188號舖…Read More