入面好闊落，通道都好闊，出去拎野唔使迫。最誇張係佢既醬區有好多種醬汁你揀，樣樣試下都可以，我鐘意黃金醬&五味醬，係甜味既醬汁👍🏻
2
不得不提有個「安平蝦拌飯」區，自己拌飯自己整，有櫻花蝦、海苔、蔥花及滷水汁，因應自己口味自己撈多撈少。櫻花蝦真係好香口，撈埋一齊真係好好食，大家都要試下。
個餐都有唔少款肉肉可以嗌❤️
嫩肩板牛肉、牛仔骨、薑汁味雪花豬、醬燒雞爽肉
九層塔三杯雞、五花腩都係要不停encore , 嗌左好多轉，嫩肩板牛肉同牛仔骨更加係出色，連姨甥女都讚不絕口。
仲有烤豬肉乾，第一次見餐廳有豬肉乾，輕輕烤脆個面真係超香，就好似新鮮熱辣整好嘅豬肉乾咁好食👍🏻
落單嗌仲有唔同小食，較特別既係黃金泡菜，第一次食，聽聞係用豆腐乳整，泡菜好爽脆醬汁濃郁，我姨甥女就唔識食啦，我自己一個人食晒😋
出面仲有好多蔬菜瓜果&腸類可以自己夾，唔少得我最鍾意嘅菠蘿🍍，同埋乳酪雪糕。
1
1
尼個餐其實都滿足到燒肉癮，大家一定食得飽飽，如果大家想慳返啲，又想食燒肉，不妨黎安平燒肉。一人燒肉一份都差唔多要百零蚊喇，黎度做會員百零數可以任食任飲喎，超值之選。
