RexWongKW's Profile

晚上九點後跟女友行完尖咀, 諗住傾傾計, 休息下見附近幾間鋪都冇得坐, 就入黎呢坐下, 食件cake發覺都冇乜人, 傾計又唔錯wo~ 點左一人份量既綠茶, 再加件cake, 40蚊, 兩份share (咁我地成日都係咁sweet架啦 haha)可以慢慢坐下, 又冇人打攪, 都幾舒服, 唔錯綠茶幾香, 我女朋友都讚好飲, 但係就細細杯, 飲冇兩啖就飲完, 如果有得加水既話, 我地可以坐多一個鐘, 或者會叫多件cake, haha個CREAM加左白chocolate, 唔太甜, 但一粒粒咁好得意我個人唔食得啲太甜既野, 不過個cake意外地甜得幾吸引我, 幾層既朱古力, 士多啤利醬, cream, cake, 哇, 口感都幾多層次呀不過件cake 就好似唔太新鮮, 口味唔太突出, 不過廿蚊一件, 都唔可以要求太高不妨一試都市之間既浪漫, 休閒中產情調吧~…Read More

話說同女友行完尖咀海旁, 係尖咀又唔知食乜, 但又記得之前openrice過, 呢間快餐好多人食, 而且幾好食, 遠少少都行過黎。排隊: 真係有一排人, 但因為我地得兩個, 可以後來先入席, 等左十分鐘, 如果天氣凍或者落雨, 可能會好麻煩openrice啲食評推牛肉鍋, 咁我地都有點, 另外點左壽司同雞翼點餐員都唔算好好服務, 比老麥少左啲笑容, 又唔會推介食品, 可以改善下食品:埋單一人70 HKD都唔洗, 又OK WO~推介: 個雞翼甜甜地, 脆皮, 三十蚊我覺得好抵食~ 如果可以叫外賣, 一大班人食呢間, 應該會開心到爆炸! 又平又好食~堂食反而會坐得太耐, 因為好似其他食評所講, 職員收野收得都好啱時間, 好似唔太想你坐得耐。anyway, good to have meal there.…Read More

下午一點, 一家五口拜完山, 就去山下既屋村食野, 但行黎行去都冇乜地方坐得舒服, 就只有呢間有位坐下, 休息下有啲飯餐星期日係冇得叫, 都算, 叫左另外一啲好食既我就叫左個壽司拼盤, 可以加汽水唔太好食, 因為一啲都唔鮮甜, 想話加啲芥末, 但啲芥末係太嗆, 嗆到完全食唔出食物既原味, 失敗父母都唔太鍾意食日式, 生野既, 叫左個豬扒飯, 兩人分再食下我啲壽司, 都飽細佬食雞扒拉面, 我試過件雞扒, 啲醬冇乜味大佬都係食壽司拼盤, 都係食唔哂, 太多飯啲職員都唔太醒目, 唔會主動加茶, 都唔會問下要唔要加碗仔, 可以五人分四人餐不過一人四十食到日式野, 都算係咁但同女朋友食, 我一定畀佢鬧死...…Read More

因為有預先訂位, 訂左七點入席, 雖然約到人齊就遲左半個鐘, 咁唔洗等都有得入坐, 唔錯不過有一點我唔明既係, 佢解釋八點半有第二場人客, 一早同我講左夠鐘要埋單明顯伙計們都特別多招呼, 趕住收碗碟, 食得有點唔輕鬆不過都算啦, 啲野好食就ok七個大學生, 組聚由我睇完食評先黎呢度食, 所以都有期望咁黎試我諗想傾下計既, 應該唔會黎呢間不過我地諗住去打牌, 咁食一個鐘都冇太大問題合掌瓜豬骨湯無味精味, 好好飲三杯雞煲幾野味, 又唔太多肥梅菜蒸肉餅啲梅菜係幾靚既, 不過其實都放幾多糖, 淨食梅菜果陣先覺得, 冇食錯就應該係砂糖味, 唔多健康但係好食既, 夾埋啲肉食既話。老人家反而唔啱食...鮮什果咕咾肉用生果入菜, 基本上處理得唔錯, 水果都唔會唔新鮮, 但當然唔係最甜果啲啦清新口味, 唔會膩鮑魚雞粒竹筒飯不過不失, 都唔預期有成隻鮑魚架啦竹筒可能係再用既, 都唔太出奇, 內側有啲發霉, 都好正常鐵板蒜爆牛柳粒好野味呀, 熱啦啦咁上枱, 淨係睇都抵沙拉骨兩年前都食過, 水準有保持, 但唔係塊塊都有沙拉, 我慢左夾, 已經冇沙拉了翠肉瓜炒雜菇啲菇好似冇鮮甜味, 翠瓜只係爽, 不過不失, 但相比其他既菜, 呢菜反而太淡最後仲有紅豆沙西米露一般般啦, 但唔會食到太滯, 但係啲豆唔夠起沙總體黎講, 係有大排檔水準, 但份量就冇咁多, 食多幾碟都得最好食都係碗湯, 可惜飯都唔係靚米, 住家都係住家到一半趕埋單應該都係最大失敗, 影響唔小我既心情可能係因為我以前做神秘顧客食客, 所以服務佔比重較多我同對枱食南瓜排骨盅, 好似好大盤, 好抵食, 下次可以試試…Read More

咁我同女朋友係附近拎團購野, 順便食晏啦中午一點幾, 唔洗等就有得入座, 我同我女朋友兩個人霸左兩張枱坐單邊, 雖然服務員提我地, 如果人多會要求我地坐返一張枱, 但其實一真都有吉位, 坐得都鬆動野食叫左呢啲cream soup好飲啲, 同平時茶餐廳食開果啲唔同, creamy 啲, 好味啲我覺得我叫既餐, 都唔少雞扒, 但肥好多, 肉就好少, 唔多健康我女朋友叫既牛扒, 肉質好林, 林得有啲奇怪, 但唔差既選擇因為坐唔滿, 但都有唔少食客, 傾計都唔錯, 環境舒服, 同女朋友食下野傾下計, 飲下野, 係一個幾好既選擇…Read More

今日同中學同學吹水食飯, 就睇下openrice有乜食啦見一風堂新開, 食評都唔錯, 咁去約去食晚飯啦由六點九開始等, 星期日復活節都唔太多人, 等一等就有得入可能新開, 同埋起碼都要90蚊埋單, 就唔算係同區熱門我果陣都只係等一個人, 佢都唔洗等人齊就有得入, 又唔會趕你落單, 等多十五分鐘先有朋友入黎坐咁等多都半個鐘, 我另外四個朋友先到, 但就坐6人枱, 好舒服我就點左個特製白丸拉面, 普通軟度, 走竹筍個湯幾濃, 好重味, 我就覺得咸左啲, 但都係好食既個蛋凍凍地, 但唐心蛋又真係好正, 個人黎講幾鍾意整體黎講, 係好出色, 份量都足夠, 大食既食得啱啱好, 細食既一定飽男仔朋友B同佢女朋友C就一齊叫個特製赤丸新味拉面, 再附加面底(替玉), 好夠食男仔朋友C就叫一個特製一風堂辣肉味噌, 粗身面條, 但冇得選軟度, 我個朋友仲有啲奇怪點解得佢冇得選, LOL, 但其實佢果種面條真係最好食, 我都試左試, 真係好食過我果啲拉面男仔朋友S就叫個赤丸新味, 都唔差服務員態度唔錯, 好有耐性, 慢慢解釋"特製"有咩特別不過上面既時候, 好似傳菜既員工太忙咁, 永遠聽唔到佢上左咩面...我以做過神秘顧客, 所以對服務員都會特別留意…Read More