花田和食屋

下午一點, 一家五口拜完山, 就去山下既屋村食野, 但行黎行去都冇乜地方坐得舒服, 就只有呢間有位坐下, 休息下

有啲飯餐星期日係冇得叫, 都算, 叫左另外一啲好食既

我就叫左個壽司拼盤, 可以加汽水

幾多件, 好夠食, 不過味道好差下, 啲飯又處理得差, 一啲都食唔出鮮味, 食爭鮮好過

唔太好食, 因為一啲都唔鮮甜, 想話加啲芥末, 但啲芥末係太嗆, 嗆到完全食唔出食物既原味, 失敗

父母都唔太鍾意食日式, 生野既, 叫左個豬扒飯, 兩人分再食下我啲壽司, 都飽
細佬食雞扒拉面, 我試過件雞扒, 啲醬冇乜味
大佬都係食壽司拼盤, 都係食唔哂, 太多飯

啲職員都唔太醒目, 唔會主動加茶, 都唔會問下要唔要加碗仔, 可以五人分四人餐
不過一人四十食到日式野, 都算係咁
但同女朋友食, 我一定畀佢鬧死...