ivanawmt's Profile

首先午市黎講，其實都偏貴，100蚊一碗用鐵兜裝既拌飯，135蚊好薄既牛脷飯，入座率一半都無。味道黎講正常，無咩特別，但最主要係個女職員態度趕客。- - - - -入座之後要qr code落單，但同事唔多習慣睇手機落單，所以問拎menu睇，已經有說話聽。- - - - -然後坐走廊位個邊，明明就有好闊既位置，不停叫人坐入啲，話驚阻客戶出入，但其實已經無位可以再入。同埋根本無其他人會經過..- - - - -小菜黎到，2個人有6款，因此同事唔食辣，只係多口問句辣既可否轉款，女職員不情願咁亦都無考慮既時間，就話：快啲啦，廚房好忙。但眼見..得我地呢枱客係未上餐，但唔緊要啦，你咁忙，我哋都唔好意思換。- - - - -食完剛放底筷子無耐，成個大灰盆拎過黎話執野，即刻抹枱，亦都彈到啲垃圾落我同事到…- - - - -最後差不多2點，全場淨番兩枱客，有2個新客入黎坐4人位，佢地平排坐，個職員問佢地幾多位，2位麻煩打番對坐，客表示因對面風口位，好大風，堅持要客戶打對坐，話繁忙有機會要坐隔離。我聽到都R晒頭，最繁忙嘅午市都無滿座，何況午市都就嚟完…- - - - -中間有一台外國客黎到，就非常熱情去打招呼，見到都真係有啲反晒白眼，無奈…總之唔會再有下次了。…Read More

同朋友約好買聖誕禮物。就出左沙田。朋友話想食放題～咁我地就去左搵放題。見到呢間好似好多好評。就決定試下佢。好彩早啲到。我地後面話滿曬。冇得再食。早兩步既小確幸！佢啲野都幾齊全，凍盤生果。佢幾特別既係佢有凍海鮮。有埋cocktails sauce 有加分！夠曬惹味！野飲種類都好多。有熱有凍。有果汁有汽水有茶有咖啡。仲有啤酒梅酒同清酒！魚生都新鮮！甜品款唔算多。但係都幾好味！雪條必食！佢好多種唔多既雪糕揀！記得要留肚食甜品！ 美中不足係台太細。唔係好放到野。但係佢地收野都快手既。所以台仔細啲都ok~…Read More

一個晴朗既星期日 ，訓到十點幾起身，出到旺角差唔多成十二點。我地見到有間日本餐廳大排長龍，上網一查原來係日本燒牛丼元祖，之前去日本既記憶翻翻曬黎，原來係日本係食過既，既然係過江龍，我地抱住一試無妨既心態去試下。位於旺角地段既呢間餐廳，服務質素不下於其他連鎖既日式餐廳，食物水準都有翻一定程度。我地一入去已經有兩個位，table 已經set左，上菜速度快，可能人多，有甩單情況，不過服務員都立即跟進，好快就上翻甩單既食物。推薦以牛為主既食物，牛肉抵食！價錢合理！…Read More

土瓜灣愈黎愈多美食，而家連石燒牛都有得食啦～我同朋友比較早食，5點左右，所以餐廳唔多人。座位都算闊落首先要係呢部機落左單俾埋錢先，完成之後店員就安排入座。餐牌主要都係牛肉，係其他一欄仲有雞/豬/鰻魚各一款除左肉同飲品，以上自助區既野食可以任拎，有沙律/飯/湯，水同醬料都係呢個位自己拎～醬汁有燒肉汁/辛味燒肉汁/蒜蓉，推薦大家將蒜蓉放落牛一齊食剛送上黎會有張紙巾蓋住，唔會彈到自己我地叫左牛肩排同牛柳，相比之下，我覺得牛肩排好食啲～兩款都好juicy，唔會乾柴，但要注意唔好燒得太熟啊，燒太熟就會韌。燒既時候可以按自己喜好落黑胡椒/鹽/香料，我就揀左黑胡椒，好香～一陣手忙腳亂之後，開餐啦～總捨黎講，係好食既，性價比都唔錯下次有機會會再黎食…Read More

在等待小朋友上興趣班的時間，見附近新開了茶樓，便與家人一試。聽講如果小炒王唔好食既話，呢間餐廳都好食有限。但呢碟係OK好食既～雞軟骨，沒有特別唔好以為佢係油炸鬼啲fd，其實佢係金沙蝦球😂，雖然賣相好一般，但味道是合格，蝦也算爽口芥蘭啫啫煲，是晚最喜愛既一碟，芥蘭很爽脆，味道亦夠濃炒飯，正常整體黎講，味道係OK的，正正常常～雖然賣相都一般😂只是碗筷既衛生就差咁啲，分別係杯同匙羹都見到飯粒/污漬。員工服務態度，入座後既員工不錯，友善的。…Read More

係網上見到幾吸引，用openrice訂座有65折，大約一個人$130，都幾抵食去到見到餐牌其實有兩款set，原先想各叫一set，但職員話另外個set要經官網訂？ 於是我地兩set都係皇牌芒果下午茶個炸雞🍗好好食，外脆內軟，意料之外呢～芒果甜品當然在水準內，畢竟係皇牌😂芒果拿破崙一流～飲品係自己出去沖，奶茶/咖啡/檸茶檸水整體黎講，會有下次，味道合格，價錢折扣後都好抵。只係員工服務就差咁啲，好hea☠️…Read More

之前晚飯時間經過都見好多人，於是搵日同媽子早小小去試試佢我地5點左右到，即時入座，但就只有下午茶menu員工可能仲新，唔係好熟手，因為我地張枱一坐低係無menu(應該係俾隔離枱拎走左），於是我地問侍應拎menu，只係拎個menu都擾攘左一陣🤦🏻‍♀️，最後叫完之後先發現原來仲有飲品牌無俾到我地，如果唔係就可以叫埋特飲。雞翼不錯，外脆內軟但杯檸茶同檸水就…無下次，佢好似係直接加檸檬汁，但我會中意檸檬片多啲。卡邦尼長通粉，卡邦尼味不夠濃白酒煮蜆，我第一次食，食唔到有咩白酒味，定係無酒味係正常？😂…Read More

食到一肚氣！同家人一行4人去食lunch。先唔講味道，服務真係呢...話說黎左個常餐同擔擔麵之後，雲吞面同小籠包過左半個鐘都未上，懷疑係漏左單，咁就催催啦，同侍應講聲，佢地哦完一句就無回事。再等多10分鐘都仲係未有，加上我地都趕時間要走人，就同侍應講想取消個兩樣野，因為趕時間走。竟然！唔俾你取消，仲同你講小籠包同雲吞要蒸係要啲時間（佢話要廿分鐘），態度係好差！但我等足40分鐘，可能粒小籠包由我落單就要由揀豬肉開始啦。咁我地就有小小燥，加上冷氣十分不足，成餐啲汗無停過咁出，火上加火。同個侍應黑面講我趕時間，個侍應都只係咁話要時間唔取消得。叫我地再等，中途佢行左去廚房。結果5分鐘後就拎左碗面同小籠包出黎，根本就係漏單！（因為中途我見到佢地不停出餐，遲過我地入黎既左右枱野食都黎齊）再講味道，簡直不值一談，小籠包皮厚，擔擔面水流流，雲吞麵個湯底水黎。價錢又貴！真係無下次！！…Read More

放工後約朋友晚飯小聚，想食燒肉好耐，朋友找到這間餐廳便決定一試。套餐以晚市來說，價錢很合理。我們叫了一份More肉盛，一份和牛特選三種盛～前菜有泡菜及中華沙律，都是我喜歡的^和牛特選3種盛我最欣賞是牛舌，爽口，不過都有一半歸功朋友燒的好😂燒肉啲煙唔會散到周圍都係，呢點好好，唔會燒到一身味～^More肉盛五花腩真係五層分明，見到都心心眼燒肉燒到一半想慢慢食，就叫職員幫忙關細個火，職員好貼心，直接幫忙換埋個燒烤板👏🏻^提子梳打&金桔梳打…Read More

本身與家人想飲海港，但由於太多人，而呢間可以即時入座，便轉檔比次機會佢。兩間茶樓對比，這間實在太冷清，仲有好多張吉枱，一入座都擔心會中伏。幸好，味道無中伏，最喜歡蒜香蝦春卷。食物送到時都熱辣辣。可惜環境衛生不太好，碗筷感覺上較舊有漬。食食下聽到客人尖叫聲，原來是有隻老鼠在他們枱底經過。衛生情況有待改善～不過食物味道是不錯的，只是茶很濃但無咩茶味。叫左8樣野，埋單$211。聽聞夜晚打邊爐好抵，有機會會再嘗試。…Read More

星期六與家人行完ikea，ikea餐廳太多人，於是便搵到了這間餐廳。叫了鐵板2人餐。味道非常一般，員工態度亦欠佳。另外明明餐廳算空閒，後面2張枱佈滿黑色一粒粒不明物體，但沒有員工打算清理？💦幸好在背後，唔係都幾影響食慾。最令我在意的是，2人餐有個海鮮豆腐鍋湯。湯品正常不是要先上菜的嗎，竟然到所有餐品都食完仍未上菜，向員工催了幾次，員工仍無上心咁總結，非常失望，浪費左個胃既空間！不過帶番個頭盔，每人口味不同，或者會係你杯茶🌝但食完會明白點解餐廳無咩人🤷🏻‍♀️希望大家不要中伏🤦🏻‍♀️…Read More

天氣轉涼最好去烚吓烚吓，我地選擇左呢排都幾出名既牛大人。12點入到去己經有人排緊隊 ，但就唔係好多人，入到去我地即刻叫左個紅燒牛骨鍋，上鍋速度都算快。佢地take order 有分出面自助型式同用手機落單。我地用手機落左好幾碟牛肩肉同埋麻辣鴨血，牛好有牛味，唔會太韌，鴨血就好滑。仲有其他肉類，牛的五同部分，都不錯。自助野飲好多選擇，我飲左個桂花烏龍，好香既烏龍茶但桂花味就少左啲，不過就完全唔甜，適合一d唔飲甜野嘅人士。最後送左個甜品比我地。整體感覺幾好，適合一大班人一齊黎，放食物既地方又好乾淨，但記得著多啲衫，因為入面都幾大冷氣。…Read More

繼上次食過火焰龍蝦湯大開眼界後，朋友心心念念想再黎食。但黎到見到一埋湯底又心大心細，女人就係女人😂最終揀左冬瓜花膠雞翅湯。十分足料，還有半個冬瓜座底，當煲到咁上下，冬瓜又腍又入味醬料的選擇都很齊全推介 黑毛豬豚肉好吃，與平時食的豬肉片不同，比較有口感及濃味推介 黑松露蟹肉餃放入爐大約1-2分鐘便可以，很香濃的黑松露及菇味，真係人不可貌相😂牛丸吃下去感覺到是手打的，不錯，有筋，有咬口芝心墨魚丸爽口彈牙，略嫌不覺有芝心魚肉爽口，但細骨太多，我懶😂餐廳環境值得一讚，枱與枱之間有屏風相隔，就好似坐廂房咁，有私人空間…Read More

眼見近日香港情況，每天都很灰😔便約朋友出來喝一杯，調整一下心情餐廳門口就是別樹一格的風格，如果有幸坐到樓上的話，很美，很適合把酒言歡。可惜今次只能坐到樓下，就去洗手間的時候路過，沒有拍到照。餐墊很精美，很配合著餐廳環境朋友說是來放鬆心情的，就不要看價錢了😂刺身都很鮮甜，特別欣賞深海池魚，很爽口。金鯛甲爐燒，很特別，是連魚鱗一起炸的，很脆～面豉煮牛脷最讓我驚喜的一道菜，師傅不說的話根本不知道是牛脷，吃下去就跟牛腩口感一樣，很腍很入味酒是必須的，入口很順，值得一提的是那酒壺和酒杯。倒酒和吸酒的時候，會有小鳥的叫聲，就像在大自然當中。為了想多聽，更加令人想添杯～😂😂來了串燒來做配酒菜～秋葵，雞腎，雞翼，雞屁股尾雞屁股尾是第一次吃，好吃，沒有任何臭的味道，食起來的口感有點像啫哩串燒們都很入味，香口魚肉質鮮美多汁，燒得很剛好水玄信餅來個甜點做結束，水玄信餅配上黑糖漿，都捨不得吃完了～最後是吃飽喝滿的離開，替自己大家加油！…Read More

今次係再次前來～只因記掛呢間餐廳既蕃薯條同時因為呢間餐廳既裝潢同氣氛都係營造出一個吹水既好地方～- 黑松露蕃薯條一黎就上左呢個蕃薯條先，正～唔知係咪又肚餓，真係好好食 - 龍蝦汁蒜蓉蝦意粉意粉軟硬度適中- 慢煮溫泉蛋薄餅薄餅邊邊好脆，中間流心溫泉蛋好味～- 芥末豬仔脾豬仔髀一切就骨肉分離，唔會痴牙👍🏻芥末醬既配搭也很好- 鹹蛋雞髀呢個就略嫌沒有鹹蛋味，比較可惜- 紅豆窩夫配雪糕最後我地仲叫左甜品做完美既結束～- 熱情果特飲…Read More