Carol Jai's Profile

呢間位於銅鑼灣世貿中心嘅cafe，環境好日系復古昭和feel，裝修好典雅簡約，最近出咗全新【蟹の旬和樂】系列🦀，鍾意食蟹嘅我，當然要試試😆💛 贅沢蟹黃膏蛋包飯 $172一上枱已經香氣撲鼻，職員仲貼心幫劃開蛋同淋醬，儀式感滿分！蛋包飯切開仲係滑嫩狀態，飯底係茄汁炒飯，再淋上滿滿金黃色嘅蟹膏，濃郁到不得了，邪惡到爆🤤🧡 究極！蟹黃醬拌烏冬 $135彈牙烏冬配上滿滿蟹黃醬，醬汁鮮甜濃郁，份量誠意十足，食完好有飽肚感🤰🏻💝喫茶夏祭屋台小吃盛 $128小食城包括有: 唐揚炸雞、章魚燒、青梅漬小番茄、燒粟米同八爪魚香腸，炸雞外脆內嫩、章魚燒有大粒章魚、燒粟米條鹹香惹味，青梅漬小蕃茄酸甜開胃，咬落仲好爆汁！成個小吃盛好豐富👍🏻🥭香熟芒果梳打 $48芒果蓉同梳打水混合，果香好清新，甜度正正好好，超適合夏天☀️🍹 夏祭金魚梳打 $45梳打加入一粒粒金魚軟糖，色彩繽紛，造型可愛又清甜！🍰 桂花烏龍戚風蛋糕蛋糕香氣濃郁，口感輕盈，有陣陣桂花烏龍香，茶香與花香好配合！另外佢哋仲舉辦緊《清涼一夏. 西瓜幸運祭🍉》即日起，當月消費滿$200，即可享有夾西瓜機會！消費滿$400，則有2次機會✨ 驚喜獎賞包括：1.「原個西瓜飲一客」優惠券（即時享用，冰涼暢快！）2. 減壓西瓜 & 自選蛋包飯優惠券3. 西瓜波 & 自選小食優惠券…Read More

呢間位於天后嘅人氣日式爐端燒 -玩具屋！店內以日式復古風裝修，於滿日本懷舊玩具🧸、Figure同日式海報，動漫迷必打卡！食物種類亦都幾多，有多款串燒、燒物、刺身、小食等✨🦞 澳洲龍蝦尾天婦羅配檸檬鹽 $198龍蝦天婦羅外酥內彈，龍蝦頭膏濃郁，配清新檸檬鹽，味道好鮮甜！😍🦀 月見味噌甲羅燒 $168甲羅燒內有蟹膏、蟹肉絲混蛋，可撈勻後塗上脆多士，濃郁又滋味！🐮岩手A4和牛肉眼薄燒$168師傅即場用火槍去燒牛肉眼薄燒，燒好之後加上蔥花同炸蒜一齊食，味道超香口😋🐟左口魚邊 $78/3🐟切劍魚腩 $68/3刺身新鮮，肉質肥美，特別係左口魚邊，微微炙燒後，口感豐富，更爽脆鮮甜！🐮 牛舌 $88肉質粉嫩爽脆，炭火燻香，簡單海鹽調味已超美味！😋🐥 九州香草餵飼雞翼 $38雞翼燒至金黃香脆，炭火香撲鼻，必點呀！🧀芝士年糕 $39點解會嘅芝士年糕好香口，芝味十足，面頭再加上煉奶，更加好味！🍙 明太子燒飯團 $48外層香脆飯焦，內軟糯，配上濃郁明太子，啖啖滋味！🔥🍑白桃雪葩 $58🍊香橙雪葩 $48以原個生果裝住雪葩，試左白桃同香橙 ，特別鍾意白桃味，桃味好香濃🍧…Read More

福建菜，又稱閩菜，係中國八大菜系之一，以清鮮、酸甜與層次豐富聞名，係香港唔太常食。今次朋友帶我去位於港島香格里拉的「茗悅」，一嚐福建菜嘅滋味😋！餐廳環境雅緻，入口綠意盎然，內裏裝修典雅，外面仲有露天泳池，舒適又有度假氛圍！前菜先來一個福建特色拼盤，匯聚五款小食，店員建議按順序品嚐，層次更顯： • 福州老酒醉蟶子：紐西蘭蟶子肉質爽口，以老酒醃浸，酒香清新，搭配青瓜片，胃口大開。 • 永春老醋海蜇凍：以花雕酒與紅酒醋泡製，海蜇凍晶瑩爽脆，口感清爽。 • 蟹粉蟹肉小金杯：以小金杯盛載蟹粉、蟹肉、香菜同柚子，鮮甜中帶點辣味，更惹味！ • 香酥脆蝦棗：外脆內嫩，蝦肉好鮮嫩，炸得金黃酥脆，香噴噴！ • 百香漬金瓜：酸爽金瓜片卷成花型，味道偏酸甜，醒胃又精緻。💛 廈門風味潤餅：薄韌餅皮可包裹九款配料，如五花肉、炒雜菜絲、鮮蝦、豬油渣、花生粉等餡料，另外可塗抹辣椒醬/芥末醬/甜醬油，層次好豐富！ 🦀 飄香紅鱘飯：係餐廳名物，選用菲律賓膏蟹與東北糯米，膏蟹份量十足，加入蟹膏、海味與蟹油蒸煮，蟹汁與飯粒融合，軟糯鮮香，令人回味。 🐮焦糖洋蔥汁燒A4和牛三角：用上A4和牛三角，脂肪量較多，肉質鮮嫩多汁，蘸焦糖洋蔥絲與蔥絲，更惹味！ 🐥 紅糟本地三黃雞：紅酒糟賦予炸雞皮艷麗色澤，外脆內嫩，微酸甜減油膩！ 🦐糟香麥片蝦：鮮蝦裹燕麥片炸至金黃，加入糟香更獨特，香脆可口。 🥬蒸釀豆腐盒拌山蘇菜：豆腐軟滑，釀入牛肝菌，搭配台灣山蘇菜，鮮香爽脆。 🥣青橄欖排骨燉響螺：湯水清熱開胃，加入青橄欖添酸香風味，排骨軟嫩，響螺鮮美，好清新！ 💚閩南桃膠銀耳四果湯配開心果椰蓉卷：四果湯清甜，含桃膠、銀耳、芋泥同馬蹄爆爆珠，口感豐富；椰蓉卷軟糯，開心果內餡香濃，為整餐畫上圓滿句點。…Read More

見到朗豪坊新開左一間台灣過江龍 茶飲店，一於去試試先！佢哋結合傳統窨製茶藝同AI 智能茶飲機，7 秒就可出杯，每杯茶嘅香氣、溫度、濃度都可以保持穩定一致！✨🌸 招牌「三窨十五茉」系列選用新鮮茉莉花三次窨製，搭配 100% 原葉茶底，入口綻放 15 朵茉莉清香，就算無糖都好好飲！可以㨂純茶 /香醇鮮奶/UG奶茶，我就試左配招牌UG奶茶，口感濃郁順滑，茶香加倍！🤎桂花輕烏龍綿密嘅輕雲奶蓋配上香脆胡桃碎，入口鹹香滑順，配上清香嘅桂花輕烏龍，味覺同視覺雙重享受！…Read More

之前就去左呢間位於旺角嘅Homeland提早慶祝生日🎉，佢哋有超精緻畫碟甜品，啱晒生日打卡呀🥰👍🏻！🧡焦糖鹹蛋黃奶蓋巴斯克芝士蛋糕（季節限定）$98如果想要畫碟，可以先揀一個甜品，之後+$35就可以，記得提早預訂先，揀咗呢款季節限定嘅焦糖鹹蛋黃奶蓋巴斯克芝士蛋糕，鹹蛋黃味好香，芝士蛋糕鹹甜又香滑！重點就一定係個畫碟，揀左chiikawa，真係畫得好精緻又神似，用嚟打卡一流呀！🥙牛面頰墨西哥芝士脆餅 $148呢個牛面頰脆餅外脆內軟，牛肉嫩滑，配上濃郁芝士，仲可點埋個sour cream，口感超正！🍲西西里龍蝦汁海鮮鐵鍋燉飯 $198海鮮燉飯好豐富！西西里龍蝦汁香濃，燉飯煮得好入味，配上多款海鮮，包括蝦、蜆肉，青口、墨魚仔等，飯粒吸滿了海鮮嘅鮮味！好滋味，🥗煙三文魚凱撒沙律 $98凱撒沙律好清新，煙三文魚味道濃郁，加上麵包粒，芝士碎同煙肉粒，好清新！🐥 酥脆雞翼拼盤（九隻） $138雞翼拼盤外皮香脆，肉質鮮嫩，一共有三款口味，包括:鹹蛋黃，蜜糖芥末，明太子，每款口味有三隻，一次可以試到多款口味，至鍾意明太子味，微微辣又惹味！🥦香濃芝士焗西蘭花 $78西蘭花加上大量芝士去焗，芝士香濃，西蘭花keep住爽脆，味道配合得好好！…Read More

LAVAZZA x ALMOND ROCA出左全新咖啡！😍 LAVAZZA 芝士奶蓋焦糖咖啡，濃香咖啡配上順滑奶蓋同焦糖甜香，再搭一粒酥脆 ALMOND ROCA 杏仁糖，喝一口咖啡，再食一口杏仁糖，味道超夾，香甜又好飲！✨🤩依家仲有優惠:即日起至2025年6月30日🔸 買一杯 LAVAZZA 芝士奶蓋焦糖咖啡，免費送 ALMOND ROCA 杏仁糖一粒！🔸推廣期內買滿5杯指定飲品，可換 LAVAZZA 精美禮品🎁（咖啡濾杯/電話繩/隨身鏡)，美觀又實用！…Read More

呢間位於位於啟德零售館3內嘅歐陸風cafe-The Pantry Club，Cafe環境舒適，以橙色為主調，對住運動場，食飯時可以睇住人跑步，幾有特色😆💛Banoffee Creme Brulee Pancake $122呢個pancake係cafe嘅招牌，見到附近幾台都有叫pancake，以Ricotta 厚班戟，伴上香蕉、拖肥醬.雲尼拿吉士醬＆脆焦糖，pancake口感鬆軟，呢個配搭味道都好好，但要注意製作需時30分鐘，記得要預時間落單😉！🧡Salmon Tacos $88Tacos好香脆，入面夾住烤一口三文魚、酸椰菜，青瓜、蕃茄莎莎、牛油果醬、酸忌廉、沙律菜＆蜜糖是拉差醬，餡料豐富，味道清新！🐮🍅Beef Cheek Bolognese $158呢個慢煮蕃茄牛面頰肉伴手工闊麵牛頰肉煮得好軟腍又入味加上酸酸甜甜嘅🍅蕃茄醬汁，好開胃，手工闊麵你好彈牙可口！🐷🧇Pork Rib Benedict Waffle $159呢個鹹甜配搭嘅窩夫幾特別，係窩夫上放上煙燻豬仔骨配燒烤醬、賓尼迪雞蛋、甘藍菜＆荷蘭汁，煙燻豬仔骨味道好香濃，另外仲有糖漿可以自由加上，鹹鹹甜甜都幾有特色！…Read More

荷蘭菜喺香港都比較少見，我今次都就約咗朋友，去咗位於尖沙咀嘅The Dutch House Restaurant 齊齊試試正宗荷蘭菜🥳！餐廳由荷蘭藉大廚主理👨🏻‍🍳，堅持每星期由荷蘭直送新鮮食材，還原荷蘭風味，讓大家可體驗地道的荷蘭味道！店內仲有不少荷蘭風車同木屐擺設，仲有梵高風格嘅掛畫，增添不少藝術氣息🎨！🧀 酥皮芝士條手作的酥皮芝士條金黃酥脆，有濃濃嘅荷蘭芝士香，好香脆可口！🧡荷蘭小食拼盤🐮牛尾肉脆炸球，以牛尾肉製成肉丸再炸製，外脆內嫩，牛尾肉味道好濃郁又獨特！ 🤍白巧克力鵝肝好創新嘅配搭，將鵝肝整成甜點，造型仲整到成粒金莎咁，好得意！鹹甜交織，鵝肝濃香配上白巧克力嘅香甜，又幾好味！ 🍅荷蘭羊奶芝士車厘茄珍珠撻羊奶芝士嘅鹹香加上酸甜嘅車厘茄，加埋珍珠脆撻點綴，食落好清新又開胃！🦀皇帝蟹肉他他配紅菜頭蘋果沙律
奢華皇帝蟹肉配搭魚籽，醃製過的鯡魚，紅菜頭同蘋果帶出甜酸平衡，面頭再加上生蠔葉點綴(食落同生蠔味真係好似🤩！)，整體配搭好夾，味道層次好豐富！🫛 傳統荷蘭豆湯用以豬骨、雞肉、青豆同煙肉慢熬，濃郁香辣，暖胃又暖心🥄🐟 龍脷配橡木煙燻鰻魚牛油浸龍脷嫩滑入味，配上8小時橡木煙燻嘅野生鰻魚，油脂香氣令人回味無窮！😍🍗 招牌荷蘭烤雞隻烤雞用左30+種香料醃製3天，皮脆肉嫩，連雞胸都好嫰滑！仲可點埋自家製🍎蘋果醬，酸甜又開胃！記得要早三天前預訂呀！🍖 慢煮安格斯牛胸肉以黑啤慢煮24小時，肉質柔嫩，濃郁牛味配薯菜，超滿足！🥩🍟 荷蘭薯條呢個薯條有驚喜！粗身薯條食落好香脆可口，配上秘製荷蘭咖喱醬汁帶淡淡甜味，仲有洋蔥點綴，食到停唔到口！😳🍰 甜品有自家製幼滑嘅柑mousse，配上外脆內軟嘅餅，幾特別！🧁…Read More

本身都好鍾意椰子味，今次同男友去左呢間位於旺角MOKO嘅四季椰林海南椰子雞，佢哋標榜係四個椰子一鍋湯，不加一滴水，仲用海南文昌雞😍好吸引呀！🌶🐟香辣魚皮魚皮好爽口，香辣又惹味，仲帶點麻香，好開胃🥥🐔原味椰子雞鍋湯底用左四個椰子去煮成，好清甜，仲有不少椰肉，而雞係用海南文昌雞，湯底滾起就可以加埋文昌雞都煮5分鐘，枱面有埋漏斗計時，好貼心❤️，文昌雞肉質好嫩滑，吸收埋椰子湯，食落份外清甜！🌋🐮火山牛肉 牛肉擺盤成火山咁，好啱打卡📸，牛肉肥瘦適中，脂肪分布均勻，肉味香濃！🦐手打黑虎蝦滑黑虎蝦滑一碟有四粒，蝦滑彈牙又鮮甜，手打嘅口感更滋味，面頭仲有啲蟹籽點綴，只需涮煮3分鐘就食得，好鮮味🥰🐂9秒脆牛肚牛肚口感爽脆，原來只要淥9秒就食得，keep住爽脆又彈牙👍🏻💜粉糯大芋頭 呢個芋頭真係好粉糯，吸埋湯底椰子精華，6增添椰子香甜味道，好好味🥰✨鮮萵筍 萵筍切成一片片，色澤翠綠，口感鮮脆，清甜爽口！💚皇帝菜 雖然本身唔算特別鍾意皇帝菜，但見呢度嘅皇帝菜睇落都好新鮮爽脆，份量仲好多，加入椰子湯底，吸晒湯嘅精華，食落好清新🥰…Read More

《小王子》嘅故事家傳戶曉，想同小王子一齊飛進奇妙旅程嗎？✨帝京酒店聯乘小王子推出全新下午茶，有一系列造型精緻嘅鹹甜茶點，我就約埋與好友一同品嚐美食，重拾純真！👑⼩王⼦的奇妙旅程下午茶🫖🍴SAVOURY 鹹點🔸鴨肝醬脆餅配紅桑子啫喱 鴨肝濃郁，脆餅香酥，加上紅桑子啫喱酸甜解膩 🔸蟹肉牛油果蓉配脆米餅蟹肉鮮甜搭配牛油果 creamy 口感，脆米餅輕盈，入口清新又可口！🔸脆炸巴馬火腿芝士薯仔球配鮮香草茄蓉醬薯仔球外脆內軟，加入火腿同芝士，伴上茄蓉醬更清新提味。🔸 煙三文魚慕絲撻配黑魚籽煙三文魚慕絲好有煙燻風味，配上黑魚籽，同酥脆嘅撻皮，好惹味！💖DESSERT 甜品🔹藍莓芝士白朱古力慕絲蛋糕 淺藍色星球造型加上小王子圖案嘅朱古力牌，賣相幾靚，藍莓酸甜與芝士濃郁交融，層次豐富！🔹紅桑子歌劇院蛋糕蛋糕整成🩷粉紅色行李喼造型🧳，精緻又可愛，紅桑子果香濃郁！🔹檸檬瑪德蓮蛋糕瑪德蓮鬆軟濕潤，🍋檸檬清新，酸甜平衡！外層仲鋪上黃色脆漿，同加上狐狸圖案！🔹雲呢拿香橙慕絲蛋糕雲朵☁️加上書本造型，賣相好得意，雲呢拿配上橙香清爽，慕絲輕盈，甜而不膩！🔹櫻桃開心果慕絲蛋糕玫瑰造型🌹嘅慕絲蛋糕，配上玻璃罩，打開仙氣滿滿🥰啱晒打卡！🍹Special Drink 特飲🌹玫瑰乳酸梳打 粉紅色嘅玫瑰乳酸梳打，加入玫瑰造型冰塊，有陣陣玫瑰花香🌹！🩵甜橙茉莉梳打藍色既甜橙茉莉梳打，加上幼滑嘅cream同小王子朱古力牌🤴🏻賣相好夢幻！味道亦好清新！另外亦可以選配多款☕️咖啡/ 🍵經典泡茶 /🫖風味泡茶…Read More

之前經過D2 Place，都想試試呢間西班牙餐廳，室內懷舊嘅紅磚牆同木系嘅開放式廚房，充滿西班牙風情💞，最近仲有來自西班牙新總廚Javier Pérez Freire帶來一系列揉合地中海及加利西亞地區色彩的全新菜式！💛西班牙小青椒蛋餅蛋餅切開蛋香軟嫩，仲有不少薯仔粒，伴碟小青椒清新唔辣，加埋海鹽更提升味道，簡單又滿足！🥗西班牙蕃茄水牛芝士沙律西班牙蕃茄好爽口，新鮮又酸甜開胃，水牛芝士濃香幼滑，兩者一齊入口，清新又滋味！❤️ 西班牙鱈魚釀紅椒香嫩鱈魚同蒜香慕絲釀入西班牙Piquillo紅椒，再加上香濃嘅蕃茄醬加持，魚味濃郁又多層次，充滿西班牙風味！🦐 特式地中海紅蝦薄切紅蝦薄片鮮甜彈牙，加上橄欖油，洋蔥香草提味，鮮上加鮮！🐮 招牌西班牙牛尾飯牛尾燉成12小時，超入味，湯汁濃香滲入米飯，軟稔無骨，啖啖牛尾膠質，好好味！🥧 自家製杏仁蛋糕杏仁香氣撲鼻，蛋糕鬆軟濕潤，甜度剛好，咬落有淡淡堅果味，簡單自家製風味！…Read More

呢間位於尖沙咀嘅酒吧餐廳-Starò以星空為主題，佈置好浪漫，仲有多個打卡位，最近仲全新推出悠閑時光下午茶🫖全新下午茶可自選組合，有多款鮮味鹹點/手工甜點可以選擇，套餐附送飲品🍹，可揀無限暢飲蔬果「 排毒水」及咖啡或茶一杯💕🌋自家製草莓芝麻熔岩蛋糕 $128呢個甜品好啱打卡，在芝麻熔岩蛋糕中間放左支粉紅色嘅草莓醬，食之前拎起支管，草莓醬就會好似吧火山爆發咁流出，伴碟仲有不少個餅碎同開心果碎，加埋一齊食口感咁豐富！🧡⁠鮮雜果牛角多士配希臘乳酪$78牛角多士好香脆，伴上多粒雜莓，而希臘乳酪好creamy又香濃，上面亦加上不少穀物脆脆呢💓！🧀 ⁠⁠火焰熔岩黑松露芝士雙管粉$88彈牙嘅雙管粉加上滿滿嘅芝士去焗，味道好香濃，食之前店員仲會用火槍燒香表面芝士，芝士微微燒焦，更加香口😋！💛魚子醬水波蛋鮮牛油果煙三文魚配自家製酸種麵包$108酸種麵包係餐廳自家製，酸度適中，麥香豐富，上面放上整成玫瑰花形嘅牛油果同煙三文魚，好有心思，仲有流心嘅水波蛋，再加上鹹香嘅魚子醬，好豐富！Starò仲首次聯乘Glamdy，食完下午茶餐點，仲有Glamdy保濕面膜送，好正呀🥰！…Read More

呢間位於灣仔嘅in:joi，cafe以藍白色為主，環境悠閒又舒適，門口仲有大大隻可愛嘅熊啤啤🧸同氣球🎈裝飾，好啱打卡📸！主打輕食同甜品，仲有多款自家製天然酸種麵包，打卡影相同消磨吓時間都幾好！🍓🥛🧇士多啤梨牛奶麻糬牛角包窩夫牛角包窩夫香脆，中間呢包住口感煙韌嘅牛奶餡，甜而不膩。加上幾大大粒嘅士多啤梨，香甜又可口！伴上雪糕一齊食更滋味！🦆🍍🍞 鵝肝酸種菠蘿油 好有創意嘅配搭，外層菠蘿包香脆，微微帶甜，中間夾住厚厚嘅鵝肝加牛油，油香四溢，入口即化，咬落去層次豐富，口感同味道都好正！☕🔥🍮 港式奶茶 Crème Brûlée 呢個港式奶茶Crème Brûlée以經典嘅奶茶杯裝住，將傳統港式奶茶同法式焦糖燉蛋結合，創新得來又好食。外層焦糖面香脆，內裏嘅奶茶味燉蛋好香濃，配合滑溜嘅燉蛋口感，仲伴上一球雪糕😆🫐🍓🍯🥣 雜莓蜜糖穀麥乳酪 呢款乳酪擺盤好靚，色彩繽紛，仲充滿層次感，雜莓酸酸甜甜，蜜糖則增添咗溫潤嘅甜味，加入穀麥增添微脆口感。乳酪亦夠滑，酸甜適中，健康又好味！…Read More

呢間位於荔枝角D2 Place二期嘅夜明け，主打席前壽喜燒同天婦羅，餐廳環境簡約舒適，有師傅席前為烹調天婦羅同壽喜燒！💙前菜🦀北海道松葉蟹肉生湯葉賣相精緻，北海道松葉蟹肉好鮮甜，下面放上傳統的京都食品「生湯葉」，即係豆漿煮沸時形成嘅薄膜舀起製成的，類似腐皮咁，豆味濃厚, 口感獨特又柔滑！💛天婦羅🦐花竹蝦分開咗蝦頭同蝦身去炸，蝦頭讚得香脆，可以配上岩鹽去食，而花竹蝦身好彈牙，可配咖喱鹽去食，別有一番風味！💚北海道白蘆筍 口感鮮嫩，食落好清甜爽脆！🐟北海道公魚北海道公魚肉質細膩，好啱用嚟整天婦羅，炸得外脆內嫩，鮮甜又酥脆😍！🍆熊本縣赤茄子熊本縣赤茄子係日本第二多水的茄子，茄子炸到外皮酥脆，內裡綿密多汁☺️！🧡北海道馬糞海膽 紫菜天婦羅配淡雪鹽北海道馬糞海膽非常鮮甜，加上酥脆嘅紫菜天婦羅味道超夾！師傅喺海膽面頭再灑上以米與鹽結合而成嘅淡雪鹽，更提升了整體味道層次😆！🍄山形縣舞茸菇山形縣舞茸菇天婦羅外皮酥脆，內裏鮮嫩，獨特的舞茸菇香氣彌漫！🍠鹿兒島安納芋配威士忌同糖鹿兒島安納芋外酥內軟，安納芋甜味濃郁，可以先點少許威士忌 再點糖，糖用嚟中和威士忌嘅味道，增添了獨特的風味，香甜中帶點微微酒香，好有創意嘅組合👍🏻！🧡醋橘啫喱 食完天婦羅，來一件醋橘啫喱來refresh口腔，酸酸甜甜好開胃！💚鵝肝茶碗蒸茶碗蒸上面放上大大件香煎咗嘅鵝肝，鵝肝細膩滑順，同茶碗蒸嘅蛋香好配合！🐮和牛壽喜燒壽喜燒用上宮崎A4和牛嘅肉眼位同西冷位，頭兩片肉眼和牛肉先以關西風去烹調， 先以牛肪起鑊再落糖整至焦糖化，令和牛煎香後帶點焦糖嘅甜味，之後西冷和牛會則用上關東風去烹調，即加入壽喜燒湯汁後再加入和牛去煮，食嘅時候可以沾上夢王蛋黃，令和牛口感更提升，亦可以點上wasabi/ 柚子皮法式芥末，更增添風味！🥣麵豉湯麵豉湯湯底鮮香，淡淡的鹹香🍳日式炸蛋飯先將蛋黃炸成天婦羅，放上白飯上，再淋上秘製醬汁，看似簡單，但味道一流！蛋味超香濃的甜品🍈靜岡蜜瓜甜度高，多汁又爽口…Read More

呢間位於大圍嘅小清新日系cafe - E for egg，樓高兩層，上層仲有榻榻米座位，氣氛悠閒舒適，仲擺放咗幾隻mofusand公仔同咕𠱸可以打卡，好可愛呢🥰！🦀金沙軟殼蟹三文魚籽海鮮沙律盒子吐司 $108軟殼蟹大大隻，炸到好香脆，吐司外脆內軟，加上滑蛋同三文魚籽，口感好豐富！💛黑松露雜菌拉絲芝士盒子吐司 $65炒蛋好嫩滑，加上黑松露、雜菌同芝士，更加香口惹味，而且份量都好足！🧡E For Egg鹹蛋黃薯條$68薯條炸得好香脆，每一條都沾滿鹹蛋黃粉，好啱做小食！🐥和風烤雞扒定食 $72烤雞扒烤得不錯，肉質嫩滑，醬汁都好好味，配菜仲有泡菜、蛋絲同沙律，我哋另外+$15糖心蛋，蛋味好香濃！🧇E FOR EGG芝士奶蓋招牌窩夫 $88窩夫賣相好打卡，窩夫鋪上一層芝士奶蓋同可可粉，上面仲有一隻可愛嘅煎蛋造型裝飾，切開後內裏仲有兩粒麻糬雪糕，好軟糯，窩夫亦整得外脆內軟，幾好食呀！🧀春日限定-焙茶巴斯克芝士蛋糕$62蛋糕香濃滑順，焙茶味好香濃，甜而不膩！💚開心果特調（ICE）$56開心果味好香濃，杯邊沾滿開心果碎，入面仲加入豆腐，更添口感！🤎（熱)招牌奶蓋咖啡$45咖啡帶有少少酒香，面頭加上可可粉同奶蓋，加埋感覺有啲似Tiramisu味，咖啡都好香濃！🌼桂花香梨茶（熱）$56桂花加上香梨，清甜又滋潤！…Read More