aroncmk's Profile

今日去到深水埗區b2出口,去咗一條之前冇乜點去過嘅福榮街尾.同朋友試食呢一間，火鍋主場。因為我哋有訂台，所以唔使點等就可以入去坐啦。入到去第一個感覺係環境非常舒適。應該係新裝修，衛生情況非常之良好。坐低之後，侍應提供多款醬汁選擇。湯底選擇亦非常之多，今次同朋友試咗呢一個，花膠湯底，果然係真材實料。未滾已經聞到好香。滾起咗之後見到啲花膠，非常足料。我哋亦特別叫咗佢嘅肥牛。隻碟好靚，肥牛更加靚，入口即溶，值得推薦，另外我最鍾意最鍾意食嘅就係，手打蝦滑，每一粒，都真係見到有蝦喺入邊嘅。佢哋嘅海鮮亦都要一陣，因為我同我朋友分別想食，珊瑚蚌同埋象拔蚌，所以我叫左一個拼盤，珊瑚蚌係我嘅最愛，象拔蚌都非常彈牙，冇令我失望。除咗以上兩種之外我仲試左佢哋嘅蜆。完全冇沙非常鮮甜，配合埋個湯底，一絕。到最後我哋係非常少有地，將湯底都食清光。絕對推薦大家同屋企人或者情人朋友一齊嚟食。…Read More

同朋友去到呢一間日式火鍋度食飯純粹係咁啱經過 而其他附近嘅餐廳又要等位 。去到餐廳之後好快被安排坐低。 但係個位就比較迫夾， 兩個人坐咗喺一張走廊嘅二人枱度 。野食方面有好多唔同種類嘅湯底同埋雞煲可以選擇。 今次我就揀咗呢個芝士雞煲， 亦都十分推薦畀大家。 味道係超乎我想像地好食 ，芝士味非常之濃郁 ，上面再加上日本嘅柴魚片 。如果一定要搵一個地方去挑剔嘅話，就係雞嘅數量比較少， 可能因為我哋只有兩個人。 入座後選擇咗一個套餐係有一個海鮮拼盤送嘅， 海鮮都超級好食 ，除左有兩片唔知咩魚味道一般。 食完芝士雞煲之後員工會幫你換上一盤湯去打邊爐 ，打邊爐的材料非常新鮮 。特別特別要推介嘅就係牛肉， 蝦滑， 墨魚滑， 響鈴。 總括而言呢間餐廳嘅好 ，就係食物嘅味道質素同埋選擇種類 。但係唔好嘅地方就係 ，座位比較迫夾 ，飲品嘅選擇亦都唔多 ，雪糕就更加唔好睇，超級難食。 十分入面我會畀佢七分…Read More

約咗朋友喺嗰度聚舊 ，餐廳位於一幢翻新過嘅商業大廈 ，未上到去已經見到電梯大堂大排長龍。 呢間餐廳位於嘅樓層係扶手電梯到達唔到嘅樓層 ，所以一定要排隊，排咗大概十分鐘左右就有升降機。 出咗升降機轉咗就係個接待處，接待處位於走廊盡頭。 入咗餐廳之後第一個感覺係好寬敞，位置非常之多 ，枱與枱之間嘅距離亦都非常之足夠 。對正入口嘅就係自助餐區，有好多唔同種類嘅嘢食，包括餐前小食，刺身，湯，糖水，生果 。。。飲品亦都有好多唔同種類，有罐裝飲品，紙包飲品，甚至係啤酒亦都無限量供應 !食物質素不過不失，對於我嚟講 係合格之上 。喺燒緊啲嘢食未熟嘅期間，出面仲有好多款唔同種類嘅熟食。最鍾意嘅就係佢嘅燒雞翼! 亦都有糕點 。因為係自助形式，所以唔係太有機會同員工有交流，但係佢哋收碟同埋執枱嘅速度亦都係非常之有效率。 由於係閒日去到呢間餐廳到食飯，我哋四個人被安排一張可以坐6至八人嘅枱，有兩個爐頭 。十分入面我會畀佢八點五分。 建議大家喺閒日嘅時候去呢間餐廳到食飯。如果你哋有訂枱過話記得預早10至15分鐘 ，因為等電梯都需要一啲時間。 我會再幫襯!…Read More

在沒有訂枱的情況下等了大概20分鐘才可以入座 簡單看了菜單有很多嘢可以選擇 你有兩個冰箱 飲品任飲 叫了第一輪候發現肉類和遠淚味湯底更快上枱令人驚喜嘅係雖然有花膠可以飲食呢一個價位可以食到任食花膠及任飲飲品已經係非常吸引味道方便肉類就一般丸類亦一般，但係手打魚滑和蝦滑令人感到驚喜份量足夠味道亦一流，當魚滑和蝦滑吸收湯底的滋味後令到味道更上一層樓望一望環境一下，除咗冇酒精飲品可以任飲外亦提供多款啤酒可以選擇一個，另外加錢，價錢亦相當合宜總括而言十分方面我會給予九分 相信我會再嚟嘅!…Read More

晚上下班後，已經快11時了。長沙灣區還開放的餐廳剩餘不多，唯獨是經過元州街時見到這個亮燈的黃色大牌“紅火雞煲”，和朋友一於心旭旭試一試，。坐下後發現人流不多，有大量座位， 因為本人唔係好食得辣所以叫了一個微辣鷄煲 等咗大概十五分鐘，雞煲上臺，雖然係微辣，但係對於我嚟講已經係好辣。建議唔食得辣既人最好嗌bb辣。雞煲果汁不過不失 ,味道可以在濃郁少少, 食材方面選擇非常之多 ,蝦滑魚滑值得推介， 另外加多20蚊就可以享用到任食嘅手切肥牛!飲品方面亦係無限暢飲有檸檬茶汽水涼茶甚至連礦泉水都有 仲有埋啤酒任飲, 同朋友一齊嚟, 暢飲就非常之抵啦 !總括嚟講十分方面我會畀呢間七分。味道有待改進，但係價錢同埋食物選擇方面非常之足夠。 營業時間到凌晨三點 ，啱曬我呢啲收工收得夜嘅人 值得推介…Read More

對譚仔不嬲好有信心，米線出名好食，但尼間三哥就差十萬八千里！主打嘅米線煮過龍！一堆糊埋一齊咁，令人非常失望。唯一可讚嘅係個皮蛋，蒜同尖椒份量啱啱好，個調味汁微帶酸，係留住我唔走嘅理由！…Read More