湯底選擇亦非常之多，今次同朋友試咗呢一個，花膠湯底，果然係真材實料。未滾已經聞到好香。滾起咗之後見到啲花膠，非常足料。我哋亦特別叫咗佢嘅肥牛。隻碟好靚，肥牛更加靚，入口即溶，值得推薦，另外我最鍾意最鍾意食嘅就係，手打蝦滑，每一粒，都真係見到有蝦喺入邊嘅。
佢哋嘅海鮮亦都要一陣，因為我同我朋友分別想食，珊瑚蚌同埋象拔蚌，所以我叫左一個拼盤，珊瑚蚌係我嘅最愛，象拔蚌都非常彈牙，冇令我失望。除咗以上兩種之外我仲試左佢哋嘅蜆。完全冇沙非常鮮甜，配合埋個湯底，一絕。
到最後我哋係非常少有地，將湯底都食清光。絕對推薦大家同屋企人或者情人朋友一齊嚟食。
