兔小姐's Profile

唔經唔覺原來已經幫襯咗佢哋十年!十周年おめでとう!見到IG有十周年限定活動，就同男友預咗日子過嚟食。佢地每一年都會有一款周年限定拉麵(只限2日)，每間分店都有唔同味道。(灣仔台風：香濃黑松露鴨蔥拉麵、荃灣拉麵台風：安格斯烤牛肉野菜味噌拉麵)今次旺角分店嘅限定拉麵係三文魚拉麵。特別感謝價格$50，每天限定400碗。而今年周年活動當日，每日頭200位客人可以參加抽獎。獎品包括有：台風10周年限定拉麵碗、拉麵免費換領券、配料免費換領券另外客人仲可以用15碗拉麵收據免費換領周年限定Tee。今次適逢10周年，我當然換咗件做紀念啦~當日舖頭未開，目測已經有近百人喺隔離巷仔排隊。我同男友一入舖頭，店員就請我哋抽獎。男友一下就抽中咗台風10周年限定拉麵碗!好勁!XD而我就只係抽到配料免費換領券~T^T下次幫襯可以免費加一款配料。坐咗大約10分鐘，三文魚拉麵上枱啦!碗麵一放低，香噴噴嘅三文魚味撲埋嚟，口水都差啲流晒出嚟。拉麵配料有：三文魚扒、三文魚籽、蔥、紫菜、蛋、檸檬湯底係濃郁嘅三文魚湯。如果係熟客嘅話，應該會留意到今次個拉麵轉用咗幼麵。師傅有介紹，係為咗配合返今次濃厚嘅三文魚湯而轉。食落口感依然彈牙，而且麵同麵之間掛到好多三文魚湯，加埋三文魚籽一齊食，口感豐富，好好食。麵入面有一塊被湯煮到半熟嘅三文魚片，鮮甜美味~至於三文魚扒，師傅用咗慢煮烹調，肉質保持到軟滑，入口即融，仲散發住三文魚油香。感覺好幸福~我覺得呢個三文魚拉麵係咁多個限定拉麵之中最好食。如果之後可以列入menu或者再回歸就好了，食一次真係唔夠。最後順便喺呢度祝台風拉麵生意蒸蒸日上！繼續為大家煮出好食嘅拉麵！…Read More

之前喺將軍澳上堂同同學食過一次之後覺得好抵食，所以今次特登帶男友黎食。。佢哋得將軍澳同尖沙咀兩間分店，尖沙咀對我同男友嚟講就比較就腳。去到餐廳，門口嘅接待員會問你係食冒菜定烤魚，等佢安排就入得。尖沙咀店比較大，坐得舒服啲。我同男友叫咗一人一份冒菜(6款配菜)、黑糖珍珠鮮奶、紅糖糍粑、四川傳統酥肉同桂花蜂蜜冰粉。先嚟個【四川傳統酥肉】唔辣，我好鍾意孜然粉嗰種香味~咬落去層炸粉唔會好厚，酥脆香口，好食。跟住就係【紅糖糍粑】呢個係朋友之前推薦我必試嘅，所以今次嚟就叫咗。紅糖糍粑外皮炸到有少少脆，但咬落去好軟綿綿，入面有一層流心紅糖。口感唔錯，好食，不過我自己就麻麻地紅糖陣味。大家都可以試下。【桂花蜂蜜冰粉】配料有：提子乾、花生、桂花蜂蜜冰粉本身無乜味，口感似愛玉、涼粉嗰類。主要味道都係靠配料同桂花蜂蜜。(仲有玫瑰蜂蜜、茉莉蜂蜜同紅糖味可以揀)配埋提子乾同花生，口感好豐富。整體唔算好甜，幾好食。【黑糖珍珠鮮奶】奶味好重好濃厚，加咗黑糖珍珠落去都唔算好甜。好適合解辣~【冒菜(6款配菜)】冒菜分咗四類配菜：豆類製品、蔬菜、肉及內臟、丸及加工食品。跟餐主食有粉、麵、飯，每款+$5。我今次就要咗：風琴豆腐串、蒿筍、肥牛、鴨血、豬大腸、魚皮餃+番薯粉+芫茜、走蒜。加芫茜只係$1，都算多，鍾意食嘅朋友可以加~上次食過有蒜，食完個口嘅蒜味太大，所以今次走咗蒜。由於上次食BB辣都覺得辣嘅關係，今次就揀返清湯。唔辣都好好食~總結：兩個人加埋先二百零蚊就有咁多嘢食，味道又唔差，真係好抵。環境舒適，地方都乾淨企理。服務同一般餐廳差唔多。見好多人叫烤魚，聞到啲味好香，希望下次嚟試。…Read More

上次食完鯛白湯拉麵之後，想試埋呢間雞白湯。之前lunch time經過都好多人排。咁啱今次喺附近上完急救班，搭車可以落返中環，就順路去食。星期日晚市，7點零鐘去到都唔算排得好長龍，大概15分鐘就入得去。店內分咗吧檯同普通枱，我地今次就被安排坐吧檯。因為open kitchen關係，可以見到師傅煮麵同聽到師傅們嘅對話。部分對話內容有機會影響到客人對師傅嘅專業形象同用餐感受，呢點可能要注意下。我同男友都係點咗雞白湯拉麵($148)同座銀炸雞($58)。碗麵等咗大約10分鐘就黎啦~試一啖湯，覺得有少少鹹，雞味亦唔算好濃。個湯唔係好夠熱，我個人就比較鍾意熱焫焫嘅湯。相比之前喺池袋食過嘅一間雞白湯拉麵，個湯真係有D距離。拉麵配料有雞肉、豚肉、炸牛蒡、香蔥、紫洋蔥。麵店選用慢煮雞肉同豚肉，上菜時掛喺碗邊。欣賞佢呢兩塊肉入口嫩滑，而且肉質唔油膩。不過咁掛住，塊肉就會偏凍。(可能師傅唔想D熱湯影響慢煮效果？)食時候浸一浸湯會暖啲，不過個湯本身都唔夠熱，其實無咩分別。超欣賞佢呢個炸牛蒡!炸到好香脆，好好食。鍾意食嘅朋友可以$20單點。麵質同鯛白湯拉麵一樣，軟硬度適中，好食。最後到座銀炸雞上枱啦~呢邊嘅炸雞無鯛白湯嗰邊咁大舊，價錢就貴$10口感一樣外脆內軟好juicy！好食！如果嫌淡，可以點旁邊嘅鹽調味。比較下，我自己就鍾意鯛白湯嗰邊嘅炸雞。總結：味道方面我覺得唔係我想像中咁好食，太鹹又唔夠雞味。比較返食物價錢、質素同環境，我會去返食鯛白湯拉麵。…Read More

最近某國際品牌在港島區有宣傳活動，所以特登過海睇。加上上一次嚟附近已經有留意到呢間拉麵店，就趁今次試吓佢。下午1點半喺PMQ睇完壁畫行落嚟，門口已經好多人排隊。等咗一陣，店員拎個餐牌出嚟俾我哋睇。店員會先幫我哋落單同收錢。注意佢地只係收電子貨幣。餐廳座位唔多，大概得16個左右。所以繁忙時間真係要等耐少少。我同男友都係oder咗鯛白湯。入坐大概5分鐘，麵就上枱啦~魚湯嘅香味令人流晒口水~舖頭用咗天然真鯛、幾種貝類同水熬製8小時而成。先試一啖湯，魚味濃郁而不腥，唔算好咸，仲帶有少少貝類嘅甜味。另外，碗邊上附有柚子醬，客人可以按自己口味加落湯度。我加咗之後再試，個湯多咗柚子香味，變得清新咗~因為本人好鍾意食魚，食完麵之後連個湯都飲晒~好味!拉麵除咗個湯之外，麵質都好重要。拉麵軟硬度適中，無鹼水味~至於湯料方面，有鯛魚肉碎、一塊叉燒、兩塊筍片、蔥絲、同洋蔥粒。鯛魚肉碎係有燒過嘅，所以好香~連湯一齊食，味道更豐富。叉燒係薄切，成塊都係肉，唔係好肥嗰種，我鍾意。食到咁上下，日式炸雞上枱啦~一碟有3大件炸雞，配上咖喱香料粉。平時炸雞主要都係男友鍾意食，而對炸雞無太大興趣嘅我，通常都淨係會食少少。但呢度嘅炸雞唔似出面嗰種，無厚厚嘅炸粉，咬落去外脆內軟，勁Juicy~好好食!加少少咖喱香料粉又有另一種風味。整體嚟講我覺得好食，價錢合理，會再嚟試埋佢另外兩款麵。…Read More

好久也沒有和朋友來這裡吃下午茶了。大家工作都很忙碌。聖誕節去旅行前，朋友便約我去完旅行回來去吃下午茶。回想起，應該有一年多沒來了~店面的主題佈置也換了。今次的下午茶主題是「幸福樂園」。以鹿為主角，寓意吉祥幸福、長壽和美麗。很喜歡下午茶中的小鹿水晶球音樂盒呢~好美^^而今次的主要食材是我喜歡的黑松露。喜歡黑松露的朋友不要錯過哦！一如既往，下午茶會配上一套五張的魔法卡。先介紹今次的茶，是【薰衣草伯爵雨雲茶】兔兔很喜歡伯爵茶的味道，平時也有飲，今次還加入了有助放鬆的薰衣草，讚！喜歡看着綿花糖隨熱茶的蒸汽，像雨般一絲絲的落下，為茶加添了一點甜味~【水果脆片配黑松露粉】建議大家先吃這個。店家利用急速乾燥技術製成的水果脆片，帶有濃郁清甜的水果味，加上黑松露粉點綴，十分特別。部分果乾入口較淋，不太脆口。【黑松露牛肝菌湯】冷冷的天氣，最適合來一碗熱湯。黑松露和牛肝菌的味道很夾。湯的質感很creamy~還有一粒粒的牛肝菌，口感十足。【煙燻三文魚帶子馬鈴薯、法國蝸牛】再來吃咸點。煙燻三文魚的味道濃郁，不會太咸。帶子的尺寸很大，味道鮮甜，幸福~^^配上香噴噴的薯餅和薯蓉，好味。【濃香沙樂美腸及芝士】沙樂美腸的味道與芝士很配合呢~^^有一款芝士比較咸，個人來說不太喜歡。另一款芝士則較淡味。終於吃到甜點了!!XDD很喜歡這擺盤~美美的!很夢幻!【黑松露法式奶凍】奶凍質地幼滑，奶味香濃，帶有少少的黑松露味，不算太甜。Good【星空柚子朱古力甜品杯】有做星空手作飾物的我，一看到這個甜品杯已經愛上了!半球體的星空朱古力下面，還埋藏了藍莓和柚子芝士。只要把旁邊的熱朱古力倒上，所有食材便會融合在一起~過程很有趣，很治癒~^^【馴鹿白朱古力】以鹿為造型的白朱古力十分精美~不捨得吃下肚><朱古力有點硬，和朋友二人很難才把朱古力分開。白朱古力的味道很甜呢~同場加映！店主編寫的書《開心法術》…Read More

我是個對獨角獸毫無抵抗力的人！獨角獸給我的印象是：夢幻、純潔、神聖、稀有的。在小時候看的卡通片，甚至到長大了看的少女動畫或電影，很多時都會見到獨角獸。有時自己都會幻想希望遇見神聖的獨角獸。今次DK Cuppa Tea的下午茶就以獨角獸為主題。朋友約我便二話不說的答應了。當天我先到餐廳等朋友，店員先與我玩魔法卡。我抽到的是依蘭依蘭—代表：愛、感觀、愉快想一想，把願望寫在願望卡上許願。店員把依蘭依蘭的香薰給我聞，並將香薰油滴到香薰機中，讓我一邊聞著香味，一邊享受下午茶。今次的茶是巧克力薰衣草有機茶，有助放鬆、提高睡眠質素、改善消化系統。然後挑選其中一種具有神奇功效的花藥，於瓶底拍四次，再將四滴花藥滴到茶中。之前在「皇家奇想曲」主題下午茶中試過。因為很喜歡，所以記得。淡淡的巧克力味夾著薰衣草的清香~今次，餐廳把粉紅色綿花糖變成了夢幻的雲。利用茶的蒸氣，使綿花糖像下雨般落到茶裡！整個過程很奇妙！茶在口裡增添了一絲絲甜味~^^不朽純真下午茶($298/位，二人起)咸點:煙三文魚餡餅、檸檬香草肉絲餡餅、香辣肉絲餡餅及真純芝士餡餅、香腸濃香芝士卷甜點:紅莓彩幻蛋糕、獨角獸曲奇、獨角獸馬卡龍、獨角獸翻糖蛋白餅杯、松露朱古力我挺喜歡這幾款咸點。餅底十分鬆脆。煙三文魚餡餅咸香的煙三文魚是我愛吃的食物之一。檸檬香草肉絲餡餅味道十分獨特，檸檬香草的味道十分清新！香辣肉絲餡餅這個我覺得有一點點辣，很惹味。辣度還可以接受。真純芝士餡餅濃郁芝士味滿布口腔，好吃。香腸濃香芝士卷用火燒過的芝士卷香氣十足！配上蕃茄汁更美味。甜點方面，每款都很精美。喜歡夢幻溫柔的粉紅色。獨角獸馬卡龍與曲奇馬卡龍和曲奇的造型很可愛。曲奇餅很鬆脆，入口散發出陣陣的牛油味。兩者都不會很甜。Good！紅莓彩幻蛋糕鬆軟的杯子蛋糕配上淡淡的紅莓忌廉。獨角獸翻糖蛋白餅杯獨角獸翻糖造得很精緻。味道我個人覺得有點甜。蛋白餅很脆，甜度適中。杯中還有軟綿綿的綿花糖。拉脫維亞松露朱古力開頭以為這個只是裝飾，店員跟我介紹是朱古力，並把獨角獸蓋子打開！一陣輕輕的白煙從裡面飄出來！很夢幻啊！(因為太突然了，來不及拍照，煙已經全部飄走了。)裡面有兩款朱古力。我和朋友把朱古力切開了分享。一款是味道較濃帶有一點苦澀味的黑朱古力。另一款切開中間有夾心，酸酸甜甜的，不錯。另外，店員告訴我們享用「不朽純真」下午茶還可以體驗高清數碼彩繪美甲一款。（圖案很美啊！）可惜工作關係，指甲不能有彩繪。有興趣的朋友快點來試試吧！最後，完成小任務，可以獲得扭蛋機會一次！扭蛋內有不同的主題小飾物哦！…Read More

中秋節翌日嘅紅色假期，約咗去朋友家聚會。出門時無食早餐，有少少肚餓，所以去華輝小食買手撕雞腸粉食。今次係第一次買，成日聽人講好好食，試吓無壞。客人可以揀適合自己嘅手撕雞辣度同醬汁。我哋揀咗BB辣、麻醬。食店係即叫即整嘅，等咗大約10分鐘左右就攞得。一盒份量適中。我同男友一人一半。手撕雞本身嘅咸香味配上少少辣，好惹味~手撕雞肉質也很嫩滑。(Good)腸粉好似有3條左右，從蒸爐攞出嚟~仲好熱。滑滑的腸粉再配上麻醬，正~幾種醬料混埋一齊食唔錯，好特別。尤其麻醬味道最突出。(喜歡)不過手撕雞同腸粉口感太唔同...所以我選擇分開食~XD整體嚟講都算抵食嘅。可以再食。…Read More

好耐之前bookmark 咗呢間cafe。因為佢哋嘅咖啡上面會有令人驚喜嘅拉花圖案。最近終於有機會同朋友去啦！Cafe位置在小街內，有少少難搵。店面唔算好大，有一張長枱同少量嘅吧檯位。下午茶時間人好多，我同朋友入坐後就Full了。Cafe餐牌內有意粉、飯、長通粉類。另外都有All day breakfast 供應。我哋叫咗黑松露雜菌燴飯、巴馬火腿意大利青瓜檸檬汁牛油意粉。飲品就叫左London fog (Earl grey latte)、Latte Blue食物等候時間都算快，大約15分鐘左右就到。【黑松露雜菌燴飯】好香黑松露味，入口creamy。份量較小，下午茶時段食的話唔會太飽，啱啱好。【巴馬火腿意大利青瓜檸檬汁牛油意粉】我同朋友見個配搭幾特別，所以試一下。有兩大塊巴馬火腿檸檬汁嘅微酸，再加上清甜嘅青瓜，感覺好清新。仲有好香嘅牛油味。整體嚟講唔錯。但個人覺得佢牛油太多，食到底食碟好油...飲品方面，因為有拉花嘅關係，等候時間會耐少少，邊食邊等，再傾下偈好快就到。【Latte Blue】因為朋友見到店內其中一張拉花相片有佢最愛嘅卡通人物─ Hangyodon，所以向店員查詢。店員話呢款Latte餐牌無，但可以照做。(Good)拉花真係好靚！咖啡師畫得好似~味道是波子汽水味，甜甜的，我覺得幾好飲。【London fog (Earl grey latte)】自己本身鍾意Earl grey茶，所以揀都無揀就決定咗! XDDLondon fog嘅小女孩拉花感覺好溫柔。杯上仲放有一小束薰衣草乾花，(美~)店家用咗英國Twinings茶包。Earl grey味不算濃，奶味較重。可能自己成日飲茶，始終鍾意茶味重一啲。(下次可能揀返純茶會較好。)原本食完嘢想坐多陣傾下偈，不過Cafe入面太嘈，好難聽到。所以嘆完杯Latte就埋單了~餐廳有加一服務費。比較同餐廳區價錢還可以接受。為咗佢地嘅Latte拉花~會再去~真係好有心，好靚。(讚!):)…Read More

今天兔兔去了吃DK Cuppa Tea的「優遊饗宴」主題下午茶。沒想過今次竟然玩到上船出海，太強了！就是這艘了！好美啊!>w<當日持續下雨，幸好船上有玻璃窗擋雨~船有兩層的，第二層擺放了梳化和小木箱。(好休閒啊~)船頭的甲板位置。中間位置更用了海洋風格展示了今次「優遊饗宴」的下午茶。每次主題，店內都會放有相關主題的飾物供客人配戴拍照。想不到今次離開了店子，在船上竟然也有放飾物！(很細心呢)真的很欣賞店主的創意和心機！一如既往，每次下午茶也會附送一套魔法卡。而每次兔兔都會同朋友一起抽到一樣的魔法卡。😂今次也不例外。我們抽到的是{Create-胡椒薄荷}，代表：專心、容忍、想象。對於自己接下來的工作，這張卡對我來說很有意思。玩完魔法卡，要開動了！船會停在一個位置，令船不會搖擺得太厲害，讓客人用餐~(很細心呢！)我們先吃咸點，今次的咸點很豐盛呢！配合主題，也會有較多的海鮮！(最愛！😋)而今次的咸點包括有：黑松露牛肝菌湯、美國緬因州龍蝦 、北海道珍寶帶子配薯餅、車打芝士、沙立美腸、珍寶青口黑松露牛肝菌湯一打開就聞到好香的黑松露味。本以為湯中放的是一般的牛肝菌，但原來是用了風乾技術製作成的牛肝菌乾。入口很鬆脆，與香滑的忌廉湯十分配。然後店員會來幫客人用火槍燒一燒龍蝦和帶子。光是聞到香味已經流口水了。美國緬因州龍蝦龍蝦肉還算多，入口肉質彈牙，味道很鮮甜！（扺食）珍寶帶子配薯餅帶子的尺寸很大，味道鮮甜。配上底層的薯餅，口感豐富。車打芝士芝士味濃郁，如果可配餅乾就好了。沙立美腸黑椒味有點重。珍寶青口青口也很大隻，味道鮮甜~甜點方面有：狗狗造型白朱古力、香芒芝士蛋糕、開心果朱古力蛋糕、開心果馬卡龍、蛋白糖餅、蔬菜脆片、粟米脆片配牛油果醬及乳酪醬蔬菜脆片廚師利用了風乾技術製作，口感鬆脆，味道清新，除了蔬菜自己的味道之外，廚師應該在蔬菜上加了少少醬汁，令蔬菜脆片還有點甜甜的。粟米脆片配牛油果醬及乳酪醬店員說粟米脆片用了兩種不同顏色的粟米製作，所以有兩個顏色。雖然乳酪醬的味道不算差，微酸。但我自己會較喜歡牛油果醬的味道。蛋白糖餅紅紅白白的顏色令我想起船上的救生圈呢~^^味道不會太甜。(Good~)開心果馬卡龍馬卡龍有很香甜的開心果味。有人可能會覺得馬卡龍不甜就不是馬卡龍，但我偏偏很喜歡他們馬卡龍不太甜的特點。XD香芒芝士蛋糕蛋糕質地較Creamy，芝士味道像乳酪似的，芒果香甜而不酸~讚！(好怕食到酸酸的芒果><)開心果朱古力蛋糕這個蛋糕味道比較甜，有很濃的朱古力味。所以建議先吃香芒芝士蛋糕再吃這個會較好。蛋糕面上鋪滿開心果仁碎~脆脆的，很香口。(喜歡~)狗狗造型白朱古力狗狗站在用餅乾碎造成的沙堆中，我覺得這個構思很有趣呢~狗狗是用白朱古力造的，裡面是米通。Rosy Paris 有機茶店家很細心呢~杯上還用絲帶穿上客人的名字卡。茶味較淡，有清香的玫瑰花味。吃完下午茶，船家把船開到維多利亞港附近讓我們拍照呢~^^這個時候，客人可以把願望寫在願望紙上，並把它綁到氣球上進行特別的許願儀式！這次能夠一邊吹著海風，一邊享用「優遊饗宴」，感覺真的很休閒！如果時間可以再長一點就好了。謝謝DK Cuppa Tea想到這個創新的下午茶方式！這個週日真的過得很特別呢。😊「優遊饗宴」下午茶在上環店也有供應的，如果想上船感受就要向店員查詢了~…Read More

約咗朋友，朋友問我食咩。於是就記得之前Bookmark 過呢間店，而且又近朋友屋企，所以就過黎試下。接咗朋友們放工，去到太子先醒起今日係星期日。唔記得Book位，擔心去到要排好耐。去到麵店，見店面只得吧檯位，而且數量也不多。(坐底之後見到入面好似仲有房~)我哋一行四人就要等一陣啦。等左5分鐘左右，店員安排我哋到吧檯坐位。店內佈置都係以日式為主。吧檯上掛有餐廳Logo嘅小布簾。客人坐位前會有一組調味料。(有黑胡椒、醋同七味粉)放匙子嘅碗好特別啊~麵店嘅湯底分為鰹魚湯同黑湯(黑松露鰹魚湯)兩種。每種湯分三款唔同配料嘅麵，分別有：「叉燒二枚+腐竹」、「叉燒二枚+腐竹+蛋一個」、「叉燒四枚+腐竹」整體嚟講，麵種類選擇唔多。不過客人仲可以跟據口味追加其他配料。小妹點咗個「豚肉黑の一滴」。落單5分鐘左右，店員就將拉麵送上啦！開頭以為「黑」係指黑蒜，嚟到就發現原來係黑松露。(哈哈！好彩我鍾意黑松露...XD)飲咗第一啖湯，好香嘅黑松露味~(好鍾意)湯還帶點清清的鏗魚湯味~唔錯。呢度嘅麵同出面食開唔同。平時碗麵一定有好多蔥同蒜之類的，呢度係無嘅~所以一定唔會覆蓋鏗魚湯嘅味。麵質地都算彈牙，不過唔係好掛湯。(都係用匙子接住湯一齊食吧~)叉燒方面，店家唔係用一般拉麵店做法嘅叉燒。通常見到都係一塊厚身嘅燒叉燒。而呢間店係用低溫慢煮成嘅，肉色較粉嫩，較軟身。叉燒都唔會有太多脂肪。(喜歡~^^)有好香嘅豬肉味~不過就有啲韌，少少難咬。另外一提，店內有賣不同嘅鰹魚食品，(唔記得影相添...T^T)客人食完飯可以買D返屋企煮整體上還可以，會再嚟。希望下次試淨鰹魚湯。…Read More

DK Cuppa Tea又有新Tea Set啦!!今次竟然係以最近熱爆全城的美女與野獸故事中的玫瑰花為主題─「玫瑰傳說」下午茶~淨係聽個名都覺得好浪漫。更何況我很喜歡這個故事。而且女生對於玫瑰真係好難抗拒~難得假期，所以特意穿了玫瑰花裙去享受這個浪漫的下午茶！去到店門口，已經見到浪漫的佈置。今次的「玫瑰傳說」下午茶一上枱就已經令我同朋友讚嘆！除了食物好靚同吸引之外，還有一個好華麗、會邊閃燈邊播Beauty And The Beast音樂的玫瑰花瓶陪大家一齊食下午茶。如果大家對呢個咁靚嘅「美女與野獸」藍牙喇叭有興趣的話，可以向職員查詢購買。店家細心到還設有香港地區的免費送貨服務。「玫瑰傳說」下午茶-($298)另外，凡惠顧「玫瑰傳說」下午茶嘅客人亦可以加$399製作屬於自己的永生花玻璃瓶~送禮自用也不錯哦！還有很多小動物可以選擇呢~開始食Tea之前，店員會先同你抽Magic Card。每張卡上都寫有一種香味，以及最近要注意的事情。然後，店員就會將你所抽到卡上的味道香薰滴入香薰噴霧機，等我地可以一邊聞住舒服的香薰邊食Tea。今次的茶當然也離不開主題─【 有機玫瑰蘋果茶】用茶前，店員會向你介紹兩種具有不同功效的凝神花藥。只要拍4下瓶子，再把4滴凝神花藥加入茶中即可。我們選了增進人緣的凝神花藥~^^茶的味道不算很濃，可能當中的甘酒味太重。看看Tea Set吧~店員告訴我們，前菜部分都是以故事所發生的地方法國為概念，所以菜式和食材都源自法國。菜式包括有：-魚子珍寶帶子配法式焗薯-法國蝸牛-法國黑松露蘑菇蛋批【魚子珍寶帶子配法式焗薯及法國蝸牛】很喜歡魚子珍寶帶子配法式焗薯。帶子肉真的份量十足!!很彈牙~味道亦很鮮甜。【法國黑松露蘑菇蛋批】蛋批十分足料~好多磨菇~有陣陣的黑松露香味。(Good)不知大家還是否記得故事中的女主角貝兒在與野獸進餐時，用雙手捧著湯碗大口喝湯的一幕。【法式蘆筍薯蓉蕃茄湯配法國橄欖包】大家可以嘗試投入故事裡，模仿貝兒喝湯~XD(放心，店員還是會給你匙子~)我很喜歡這個湯，蕃茄味很濃，打成湯的蕃茄質感粉粉的，再加上蘆筍薯蓉，有點飽肚感。配上的橄欖包很香脆，大家可用來沾湯吃。^^「玫瑰傳說」-甜點整個下午茶都被紅紅的玫瑰花以及華麗的金色包圍著~甜點部分有：-玫瑰榛子朱古力-蛋白糖餅-玫瑰甜品杯-玫瑰草莓Tiramisu【玫瑰榛子朱古力及蛋白糖餅】好美的玫瑰花形的朱古力啊~真的不捨得一口吃掉。(雖然到最後都吃了~XD)朱古力不太甜，剛剛好。小小的蛋白糖餅很鬆脆~甜甜的！【玫瑰甜品杯】甜品杯內主要是燕麥、瓜子及莓乾等。客人可以把波波內的糖漿加到甜品杯內~味道酸酸甜甜的，與香脆的燕麥很匹配！【玫瑰草莓Tiramisu】Tiramisu上的玫瑰花好美啊！！ T^T應該是用糖皮做的~餅師的手藝也太強了吧！不過我們沒有把它吃掉。酸甜的草莓和芝士頗搭的。整個下午茶的主題設計、佈置、食物款式都很貼切。真的滿足了我的視覺、味覺和聽覺。相信看過「美女與野獸」故事之後再來吃「玫瑰傳說」下午茶的話，感受一定更加深。^^…Read More

上半場同朋友去完附近打冷，佢哋話去太安樓食下半場。去到一間叫I Love 戟嘅日式班戟店。9點鐘左右，客人唔算好多，可能因為係平日吧~班戟店提供嘅口味都算多，除咗平時我哋見得多嘅甜班戟外，仲有咸班戟。(忘記拍照了....T^T)以下就係甜班戟嘅餐牌。客人揀完心水嘅口味班戟之後，就可以揀雪糕口味啦!班戟店提供的雪糕口味種類都多。(也有單買雪糕。)最後我揀左香蕉紅豆綠茶雪糕班戟 ($29)落單後，店員即時製作。只係等左5分鐘左右咋~配料滿滿的！份量十足！>w<香甜的紅豆蓉同綠茶(抺茶)嘅味道本身都已經好配。加上新鮮嘅香蕉片同朱古力醬嘅配搭~整體嘅香甜味瞬間提升！班戟仲加入咗又滑又甜嘅忌廉。但一啲都唔溜。食完飯後甜品，剛好填滿了肚子！XD大家下次晌附近食飯的話，不仿都留肚過黎食埋個甜品吧!…Read More

上年情人節來過一次之後，今天上班前在社交網站看見他們的海膽三文魚子沾麵的介紹。十分吸引啊！其實上一次已經想吃了，不過最後試了其他的。所以打算再去。碰巧下班時，男友來了港島區，於是就決定即日去了！XD到達時間約7點。店內已坐了一半客人。今次被安排坐到吧檯位置。(店員哥哥望了鏡頭，碼一下吧！哈哈)除了目標的海膽外，在店內看到另一款十分吸引的沾麵！好邪惡啊~唯有下次再來吃吧！T^T點餐去！店內每個坐位都會有一張點餐紙和鉛筆供客人點餐。我和男友同樣點了海膽沾麵+日式芝士雜炊。坐位前貼有教大家如何品嘗正宗日本沾麵的介紹。餐具及調味架，客人可按個人口味自行選取調味料。上菜速度很快！下了單6分鐘就有了！(讚！)嘩！果然好吸引啊！海膽和三文魚子覆蓋了差不多半碗麵！沾麵汁內都加入了海膽和紫菜呢！要開動了！沾麵汁味道很濃郁，我覺得稍微鹹了一點。大家如果覺得太濃的話，可要求店員加入鰹魚清湯哦！沾麵的麵質十分彈牙，有口感！海膽味道很鮮甜！配上大大粒三文魚子，吃完沾麵後，可請店員幫忙製作日式芝士雜炊。就是吧剩下的沾麵湯加入飯和芝士。看!!芝士量很多!吃時還有拉絲呢!最後提提大家!餐廳只接受現金!大家記得帶備足夠金錢去啊!!(沒有加一服務費)還有，餐廳要求齊人方可入坐。記得要約朋友準時到啊!否則排第一也不能入坐哦~…Read More

同朋友食完飯，朋友話想食甜品。記得之前經過見到餐牌好吸引，於是就嚟左呢度啦。晚上8點半門口都有人排隊等位。我地攞完號碼票等咗大約20分鐘就有位啦。原來店家有提供日式料理同甜品。我地三個人，一人揀左一款一齊分享。上餐速度算快，5分鐘就有了。士多啤梨乳酪芭菲芭菲分左好多層，好吸引。我本身好怕食士多啤梨，因為通常都係酸嘅多。不過，呢度嘅士多啤梨竟然意外的甜！而且仲有好香濃嘅士多啤梨香味。白朱古力外層唔會好甜。下面仲有一層層嘅雪糕、脆脆圈、水果，口感豐富。蘋果酥配綠茶雪糕賣相唔錯，蘋果酥切開有好多蘋果粒！味道酸甜，有陣陣嘅肉桂香味。抹茶雪糕夠凍，唔會溶太快。抹茶味濃！Good!日式精選乳酪芭菲呢個份量都算多!有好多材料~糯米團子、蛋糕、栗子、蕨餅等等......糯米團子好煙韌。沾上濃濃抺茶粉的蕨餅口感很軟綿綿~喜歡!栗子 大大粒，味道甘甜。抺茶雪糕的味道十分濃郁，配著下面一層層的脆脆和抺茶啫喱(?)。口感層次豐富!^^(推薦~)Total埋單先140，無加一。抵食!大家不妨去試試!^^…Read More

下午去荃灣取完貨，有少少肚餓，經過附近發現呢間雞蛋仔。現時嘅雞蛋仔已經發展到有好多種口味。呢度就有我平時比較少見嘅星星雞蛋仔。(我平時返工放工或者去開嘅地方都無~)於是就要左個星星朱古力雞蛋仔~因為即叫做，而且人流唔算好多，所以等左大約6分鐘左右就有啦!!星星朱古力雞蛋仔  $23新鮮出爐~攤左一陣仲熱熱地!每一粒雞蛋仔都有一粒蜜糖星星架!!咬開雞蛋仔，外脆內軟。外屠同埋個雞蛋仔邊都好脆!再加上蜜糖星星本身都係脆卜卜，感覺唔錯。而且咬落除咗有香濃嘅朱古力味之外，仲有陣陣嘅蛋香味。雞蛋仔個心好足料，並唔係空心。口感軟軟的。食食下覺得雞蛋仔嘅朱古力味比一般嘅朱古力雞蛋仔濃。發現原來店家仲加左D朱古力粒去增加雞蛋仔嘅朱古力味。 (好食!)而且朱古力粒熔熔地，入口充滿濃郁嘅朱古力味~~貼一下橫切面~XD真係好足料! (Good!)總結：對我來說有小驚喜。開頭見無乜人排隊，又咁岩肚餓想搵少少野食下。無諗過佢嘅雞蛋仔口感可以咁豐富，味道又唔錯~(讚!)加上小妹食野好慢......行左一段時間，個雞蛋仔都仲可以脆卜卜! (欣賞佢!)因為好多店啲雞蛋仔只係上手果刻好似好脆咁，行左一陣，食幾粒已經軟淋淋。所以我覺得呢個雞蛋仔抵食! 大家經過都不妨可以去試下!…Read More