Evelynwyy's Profile

尋日同朋友去食呢間喺中環嘅黎黎巴嫩菜，食完之後我同朋友都覺得好值得推薦！Shahrazad Mix Grill Meat(Small)黎巴嫩菜嘅烤肉好出名，我哋就揀咗呢一個招牌嘅烤肉拼盤，雖然我哋揀嘅係細size，但係其實都好多，裏面包含咗各種各樣嘅烤肉，包括烤雞肉烤牛肉烤羊架同埋羊腸，旁邊仲會配埋個sour cream! 每種肉都燒到剛剛好，肉味好香濃！配上酸酸甜甜嘅酸忌廉醬一齊食，好味！Lamb Mandi另外我哋都揀咗呢一個羊推翻，一上菜嘅時候我哋都嚇親，份量好大，而且有一整隻大嘅羊腿，羊腿亦都燒到好軟腍，食落好鬆軟！最重要完全沒有羊臊味！佢哋嘅飯係用中東香米，比平時我哋食嘅米更長更幼，粒粒分明好好食！Lemon Garlic Shrimp呢個檸檬洋蔥汁蝦球都好好食！檸檬洋蔥汁，酸酸甜甜好開胃！蝦肉都好新鮮彈牙！不錯！Traditional Roz Bil Laban我哋仲特登嗌咗佢哋嘅傳統米布甸，呢個真係好有驚喜！我同朋友都好鍾意！個布甸有好濃郁嘅奶同芝士味，有啲似大白兔奶糖嗰隻味，另外亦都會有一粒粒米飯，好特別！值得一提嘅係，佢哋每逢星期六日都會有一個無限暢飲嘅優惠，只要揀一道主菜加$150就可以兩小時無限暢飲普羅賽克起泡酒！若想三五知己嚟呢度一邊食飯一邊飲酒感受吓異國風情真係幾正！…Read More

呢間喺木球會附近嘅人氣韓式料理已經book mark咗好耐，今日我終於嚟試咗！我哋揀咗一個二人套餐，佢需要揀三樣食物！花多眼亂樣樣都好想食，最後我同朋友決定揀咗一個貽貝湯，一份烤鰻魚同埋醬油蟹！等咗一陣就見到店員推住架車仔過嚟，嗰下真係嚇親因為超級多嘢食，而且佢係直接將木板上面嘅食物移接到我哋嗰張枱上面！淨係小菜就已經有足足12碟！另外加上我哋嗌嘅三款食物，成張枱真係full晒！本身真係擔心我哋兩個女仔食唔晒，後來發現我哋嘅擔心係多餘嘅，因為啲嘢食好味到我哋停唔到口，最後全部清晒！先嚟講吓燒鰻魚，餐廳為咗保持鰻魚嘅溫度，會喺下邊點火，好貼心！鰻魚肉質鮮嫩，口感彈牙，就算唔點任何嘅醬料都好好味！另一種食法就係點佢提供嘅Wasabi同埋海鹽，脆脆哋嘅鰻魚皮，加上海鹽嘅鹹香，成件事好夾！另外佢嘅海鮮湯都好唔錯，裏面真係好足料有好多隻青口，每隻青口都肥美鮮甜，個湯又有好清新嘅海鮮味！落去好舒服！不得不提嘅係佢哋嘅醬油蟹，本身第一次食醬油蟹其實有少少驚，而呢間餐廳消除咗我對最有蟹嘅恐懼，反而瞬間愛上咗呢一種特別嘅美味！佢嘅蟹肉超級新鮮，完全唔腥，一啲怪味都冇！個豉油亦都唔會死鹹，有少少甜甜辣辣嘅味道！咬落去啲蟹肉軟糯鮮甜！停唔到口！另外佢仲配咗飯，用佢哋啲蟹膏嚟撈飯成件事真係升華咗！除咗三樣主食外，都唔可以忽略佢哋啲小菜喎！每一碟嘅調味都好好，係傳統嘅韓國味道！個人最喜歡佢哋嗰個卷蛋，一啖咬落去彈香喺口中迸發出嚟！真係好正！呢間韓國菜我真係強烈推薦俾大家！我哋係星期三去食，但係都全場爆滿就知道呢間嘢真係有料到！而佢亦都成為咗我嘅飯堂之一！…Read More

最近屋企人壓力大想買d甜品tum下佢，咁啱去開上環做野，朋友佢推薦呢間上環既cake比我，話好好食！所以我就買來比屋企人試下。呢間cake shop可以係網上落單然後再去拎，好方便而且可以ensure你想食既cake可以買得到！當日放工之後趕過去幾乎要關門，好彩店員還好人等買我先收工！超級讚！另外我拎完之後仲要去睇musical，所以店員好貼心咁幫我用冰袋，而且仲擺左好多冰係裡面保持溫度！超感動我買左幾個cake，首推coconut cake！超級refreshing！好適合夏天～其次綠茶芝麻都好食，抹茶粉好多，好濃郁，芝麻好香！總之呢間cake 是真係不錯！會再幫襯！…Read More

呢間餐廳定期都會有唔同嘅show，一邊食飯一邊睇show呢個感覺都幾得意，而且佢哋每晚都有唔同嘅主題，我同朋友就揀咗6月31號呢一晚，當晚嘅主題係Desire City，喺網頁上見到個個都話呢個show好正，原來係女士福音嘅猛男show!完全估唔到喺香港銅鑼灣竟然可以睇到咁正嘅猛男show，個場好大，而且個裝修好Fancy，場內亦都噴灑咗一啲好有氣氛嘅白色煙霧，最重要係觀眾席同個台好近！可以近距離咁樣同dancer互動！成晚氣氛都好high ！佢哋嘅節目編排都好好，女主持人係著名嘅KOL Miss Hunny，好帶動到場內觀眾嘅情緒，令大家投入到表演中！而且佢仲露兩手，令我哋除咗睇猛男之餘，仲可以睇埋魔術表演！舞蹈方面，每位dancer嘅舞姿都好有力量，而且全部都有八舊腹肌，期間仲會行到觀眾席同各位女觀眾貼心互動，真係熱血澎湃！餐廳亦都貼身咁準備咗Cocktail同埋小食，等大家一邊睇show一邊飲酒食嘢！大家睇到現場座無虛席就知道呢個show有幾正！尤其是係女士，快啲叫埋你嘅閨蜜一齊去大飽眼福啦！…Read More

作為土瓜灣街坊，知道呢間中東菜開咗好耐，可以喺美食林立嘅土瓜灣屹立不倒咁多年，一定有佢嘅原因！我同朋友今日特登過嚟試吓，果然不失所望！Tahini前在我哋揀咗呢個沙律，滿滿一盤新鮮蔬菜，配上低脂嘅雞胸，表面在淋上白芝麻汁！健康又好味！Lamb Tenders Shokaf呢個係佢哋其中一個招牌菜，幾乎每一台客人都嗌呢一個菜，我哋梗係唔執輸，點都要試吓啦！佢個賣相已經超級靚仔，一上菜就聞到超級濃郁嘅羊肉香味！未食已經流晒口水哈哈！每串都好大件！而且咬落去啲肉汁喺口腔裏面爆出嚟，超滿足！伴碟嘅薯仔同麵包都唔馬虎，薯仔燒到外焦內軟，個麵包好香脆！Mankeesh Flat Bread主食方面我哋叫咗佢哋嘅傳統麵包：Mankeesh flat bread，而我哋今次揀嘅係黑松露野菌味!黑松露同惹菌呢個搭配都揀得幾好，兩隻味道好夾～下面嘅麵包係比較薄身嘅，咬落去好似食緊餅乾咁鬆脆，個人幾鍾意呢種口感～cake El tamir甜品我哋就揀咗呢一個蜜棗蛋糕伴雲呢嗱雪糕和脆餅，蜜棗蛋糕真係第一次見，味道係甜甜地帶有少少棗香味！口感比較鬆軟！個人覺得佢用雲呢拿嚟搭配呢個蛋糕好聰明，可以更加突出蛋糕嘅棗香！呢間餐廳我哋好早就去到，過咗一陣已經全場爆滿！而我哋今次食完之後都好認同佢火爆嘅原因係因為啲食物嘅質素真係不錯！個人認為算係食過數一數二好味嘅中東菜！下次會再幫襯！！…Read More

成日都知大埔好多好嘢食，今日咁啱入大埔幫朋友攞嘢，梗係要趁機嚟尋覓下一大步嘅美食啦！講真真係花多眼亂，完全唔知揀咩好！行吓行吓見到間茶餐廳門口排晒長龍，就知道呢一間一定唔會差！咁就一定要試吓啦！一打開餐牌，最吸睛嘅就係呢一個黯然銷魂飯，但係佢隔籬嗰冰燒鳳凰雞飯都好吸引，選擇困難症一事唔知道點揀！最後決定你個雙拼揀咗黯然銷魂鴛鴦飯呢個飯一上嚟就嚇一嚇，好大碗！而且叉燒同鳳凰雞都好多，真係好實惠！佢哋嘅叉燒肥瘦適中，唔會太乾，食落好軟腍，肉味好香！如果叉燒汁都配得好好，鹹香鹹香用嚟送飯一流！鳳凰雞肉質都好嫩，食落有一股淡淡嘅豉油香味，用嚟點一點個鳳凰辣汁之後就更惹味！仲有叉燒同鳳凰雞之外，佢仲有好醒目嘅兩隻太陽蛋，睇過蛋黃，就知道佢哋用嘅係靚蛋，蛋香味勁濃郁，用嚟撈埋啲飯一齊食，簡直係停唔到口餐廳做開街坊生意，啲夥計都係好熱情咁同啲客人打招呼，等我呢一個外鄉人都體驗到大埔龍龍嘅人情味！總括而言，我覺得呢間餐廳啲出品都真係唔錯，怪唔之得成日都大排長龍，如果大家鍾意食燒味飯嘅話我覺得值得推薦！…Read More

返咗一個星期工，終於嚟到星期五，一定要同朋友食飯飲酒放鬆吓！呢間位於上環嘅Bar，環境裝修好靚，好有fine dine嘅感覺！而且分室內同室外，如果夏天涼涼哋想起室內一邊睇風景，一邊同朋友飲酒傾偈都好適合！雖然佢一間Bar，但係佢啲食物都好有心思！AKAGAI呢個頭盤擺設得好靚，佢係用象拔蚌捲着蔥段，象拔蚌好新鮮！蔥有微微嘅辛辣感覺，食落好特別！SHREDDED CELTUCE SALAD呢個萵筍絲沙律好特別，好清爽！萵筍絲切到好幼，咬落都索索聲！用嚟做開胃小菜呢個搭配幾好！聽CARAMELIZED PUMPKIN呢個南瓜粒超級impression ！南瓜切到正方形，一啖咬落去南瓜嘅香味，好濃郁！口感好軟腍腍！南瓜上面亦都有少少焦糖，甜甜脆脆好特別！A4 WAGYU CUTLET CHARCOAL SANDO最後呢個A四和牛三文治都好正！外面係酥脆嘅三文治，和牛亦都係炸過嘅，所以有一層炸皮！裏面就超級Juice一咬落去超重牛味！！如果大家想喺中環搵個可以食飯又飲酒嘅地方，我哋強烈建議呢度！…Read More

呢間係尖沙嘴美麗華嘅泰國菜真係好唔錯！真係值得大推！前菜可以喺以下幾種食物裏面揀四種：香茅雞翼| 泰式蝦餅|紅磚豆腐|炭燒豬頸肉|酸辣無骨鳳爪|香辣脆蝦片我哋揀咗紅磚豆腐，豬頸肉無骨鳳爪同埋蝦餅！紅磚豆腐，外皮炸到好酥脆，裏面嘅豆腐軟綿綿好滑！蝦餅超級彈牙，真係可以用嚟打乒乓波哈哈！無骨鳳爪，酸酸甜甜解製一流！炭燒沙嗲佢哋嘅沙嗲串可以揀牛或者係雞，我哋揀咗雞肉！雖然得三條，但係每條啲肉都超大嚿！炭燒味好香，淋上沙嗲汁之後好惹味！摩登海鮮冬陰功呢個係我哋每次嚟必點嘅！因為佢嘅冬陰功湯真係好好味！飲落唔會太鹹，有少少辣味！個湯裏便都有大蝦，蘑菇同埋香葉咁所以都好鮮味！泰式黃咖喱雞咖喱味好香濃，用嚟送飯一流！個雞翼都好大件，啖啖肉！泰胡椒和牛炒糯米河呢個河粉同出邊食嘅好唔同，佢嘅口感更加煙靭軟糯，有啲似雞絲粉皮嗰種口感，而且炒得好夠鑊氣！不錯！黑糖椰子雪糕呢個自家製嘅甜品都好有驚喜！椰子絲係微微烤過嘅，所以好香！雪糕裏面亦都有大大粒桃膠，同個雪糕好夾！總括而言，呢間餐廳除咗裝修靚之外，佢哋嘅食物質素亦都好有水準！我同朋友都覺得好滿意！會繼續幫襯！…Read More

呢間係我食過最好食既芋圓，就算食過無數人氣既芋圓店，都覺得比不上呢間！最特色係佢有大大個既芋泥球！芋泥球口感綿密！芋圓全部好大粒，好煙韌！仲有特色奶茶凍，其他地方係食唔到架！食過呢間之後真係返唔到轉頭！比其他芋圓好食太多！…Read More

去大圍探朋友，玩完之後突然想食甜品，突然見到呢一間新開嘅甜品舖裝修好靚，而且啲甜品都好有特色，就一於去試吓！點知真係有驚喜！開心果奶蓋占醬麻糬配開心果碎脆呢個係我哋最想食嘅，因為外面完全冇見過呢一種搭配！食落都果然冇令我哋失望，麻糬軟綿綿，外面果醬薄薄的一層黃豆粉，用佢嚟沾上開心果醬，最後外層再上一層開心果碎，口感超級豐富！大讚佢個開心果醬，真係超級濃郁，又唔會太甜，強烈推薦！焦糖脆脆忌廉芝士布甸呢個忌廉芝士布甸打卡好靚，但味道都不俗！佢個布甸係相對厚實嘅質感，裏面有農鄉嘅芝士味，上面嘅黑糖脆脆點綴得啱啱好，令到成個布甸食落有層次感！斑斕椰汁千層糕配海鹽奶蓋椰青水椰汁千層糕層層分明，椰汁味好濃，相對斑斕味就冇椰汁咁重！糕身咬落軟綿綿，都不錯！同呢一個海鹽奶蓋椰青水好夾！個椰青水超級清甜，上面嘅奶蓋都好Creamy!呢間小店嘅老闆同埋店員都好後生，佢哋嘅創意好好，做出嚟嘅甜品好有誠意！尤其是係開心果麻糬，真係好令人眼前一亮！推薦大家嚟試吓！…Read More

呢間貓之眼食左無數次，味道一如既往好味！不過今日去食，咁啱坐近廚房位置，就聞到陣陣廚餘臭味，真係好影響，一邊食一邊反胃,之前坐呢個位置都冇呢陣味，希望店家可以改善衛生狀況！…Read More

同幾個朋友去大埔踩咗一日單車，還車之後大家都好肚餓，見到周邊大部份都係燒烤檔，但係我呢排熱氣想食啲清淡啲嘅嘢，突然發現呢間裝修好有庭院feel嘅私房菜，二話不說就同朋友入咗去食！聽店員講佢哋呢一度嘅大廚係前福臨門嘅大廚，相信質素都有保證，食完之後真覺得師傅好有經驗，無論係刀工同埋食物嘅味道都好出色！我哋揀咗呢一個$660一位嘅套餐，每人有大概七道菜，感覺都幾抵！佢個前菜係一個大碟裏面有三個小碟，分別裝住三種唔同嘅前菜：泰式凉拌蟶子王，香煎蓮藕餅，黑松露翡翠豆腐！呢個黑松露豆腐真係好impression，黑松露好香，下便嘅豆腐豆味好濃，兩者夾得好好！豆腐質地滑捋捋軟腍腍，好好味！套餐包括兩款燉湯：鮮肉蓯蓉首烏燉豬腱湯同埋桑黃靈芝石斛燉雞湯，作為女士我就揀咗比較滋補嘅靈芝湯，裏便啲料都擺得好足，除咗有靈芝之外，仲有好多桂圓，石斛，枸杞，紅棗，雞肉等等！飲落個湯甘甘地，個桂圓又好甜！整體來說都好舒服！潮式酸菜煎煮鷹倉魚以往食開酸菜魚都係用切好嘅魚片，但係呢一度就係一整條䱽魚落去煮，個酸菜醃到剛剛好，酸鹹味足夠，但係個酸菜唔會腍啤啤，而係爽口嘅，好評！雜橿蕃茄盅個蕃茄中一上到嚟都覺得好驚喜，好啱用嚟打卡！最重要係咪度都唔錯，個蕃茄好新鮮，裏便嘅穀物都好多好健康，飽腹感強！鮑汁鱆魚雞粒炒飯呢個炒飯都好有鑊氣，鮑汁果滿每一粒飯，所以咬落好香！竹蔗茅根燉菊花豆腐又係一個必須打卡嘅精緻菜品，味道係甘蔗嘅清甜，超級解製！為呢一餐飯畫上完美！呢間餐廳用餐環境都係一個好值得稱讚嘅地方，因為佢會安排包廂俾你，個包廂好闊落，入邊嘅裝修都好舒服，同朋友做完運動之後喺個咁靚嘅環境裏邊品嚐美味嘅菜餚都係一個好不錯嘅體驗！另外順帶一提，佢哋仲有2樓同3樓，3樓係VIP房，可以容納幾十人，裏面亦都有梳化同埋唱K嘅設施，如果一班同事過嚟做完Team Building之後食飯，我覺得呢度都係一個好選擇！…Read More

呢間餐廳嘅pancake，我認為係全港最好食嘅幾間之一！最近進駐左啟德嘅新商場，住喺九龍城，我梗係第一時間衝過去回味下啦！ Banoffee Crème Brûlée Pancake🥞第一個梗係要介紹佢哋嘅招牌pancake啦！一上枱就聞到勁香勁濃嘅香蕉味，上面亦都鋪住一片薄薄嘅焦糖，如果pancake真係超級軟綿綿，好香蛋味！雖然咁樣，但係佢食落又唔會好Heavy，超抵讚！Salmon Taco🌮呢個Tacos都好正，佢個餅皮好薄好脆，就好似食緊薯片咁！裏面嘅三文魚都好大粒，同埋係微微堅果，所以更加香口！不錯！Buttermilk Chicken Salad🥗我哋都叫咗一個沙律，呢個沙律睇落就已經好有食慾！因為佢食物嘅搭配好多，色彩鮮艷！羽衣甘藍好新鮮，個雞胸煮得剛剛好，唔會太乾太柴，保留住一啲肉汁！最適合on diet嘅女士!Mussels Pot🦪呢個係意料之外嘅好味，佢啲青口新鮮又大粒，最重要係個汁條配得好好味！睇佢個樣奶白色就知道佢一定係好Creamy，呢個汁好適合用嚟搭配旁邊嘅烤酸種麵包，麵包控超愛！呢間餐廳保留一貫嘅水準，除咗pancake之外，其他食物都係好合我心意！重點係好近我屋企，之後可以成日去食！開心！…Read More

呢間炸雞店我哋食咗好多次，今日我哋又過嚟幫襯！半半炸雞雙拼炸雞最適合我哋呢啲貪心嘅人士，可以一次過試晒兩種味！今次我哋揀咗果味醬油蒜香烤雞味和甜辣醬味！朋友鍾意食果味醬油蒜香，因為佢個醬汁酸酸甜甜好開胃！而且一上枱就聞到好香濃嘅果香！我就更加喜歡甜辣醬味，辣辣地咁惹味！炸雞外皮鬆脆，內裏依然好嫩滑，仲好Juicy ！果然保持一貫水準！韓式雞蛋捲蛋捲都係我哋必點嘅菜式之一！佢哋嘅蛋煎到好香，裏面嘅餡料都好豐富，最特別係中間有一舊醃蘿蔔，咬落爽脆，令到個蛋卷更有層次感！呢度嘅出品一如既往咁好味，而且呢一間分店嘅位置都好方便，座位又好闊落，會繼續幫襯！…Read More

今日同朋友嚟咗呢一間高質嘅日本鐵板燒，我同朋友都讚不絕口！一定要推薦俾大家！我哋一人叫咗一個商務鐵板燒套餐，最佳咗一隻大鮑魚，每一道菜都好有心思，成餐飯食得好開心！沙律佢個前菜係一個好醒胃嘅沙律，沙律菜好新鮮，有少許醋汁增加鮮味！茶碗蒸超級濃郁的蛋香，蒸蛋口感滑捋捋！上面也點綴海膽，超級香濃！辛之海洋，2品今日嘅海鮮係帶子同埋炒蟶子，帶子好鮮甜，鐵板燒完後突然保留豐富肉汁！炒聖子好有鍋氣，聖子爽口彈牙，上面點綴住脆脆地鹹鹹地嘅蝦乾，個人認為呢個係點睛支筆！令到成個炒蟶子嘅香氣更突出！虎蝦法式龍蝦汁做伴碟，廚師建議我地先食一舊冇點醬嘅試吓佢本身嘅鮮味，第二嚿就用嚟點啲法式嘅龍蝦醬，味道會更加濃郁！龍蝦肉質好結實，咬落好彈牙！高知隻鰹魚呢個係佢哋嘅signature，鰹魚肉質好軟，一啲都冇！醬汁方面佢哋配有黑蒜醋同埋豆乳醬同埋basil oil，配上酸酸甜甜嘅黑蒜醋汁好惹味！大鮑魚三食傳統鐵板牛油鮑魚，最簡單嘅烹飪方法最考驗功夫，佢哋鮑魚炒到乾身，有一啖都好大壓同埋好濃重嘅牛油香味溢出來！第二種食法係黑松露炒鮑魚，黑松露好香，同鮑魚係Perfect match ！第三款係鮑魚乾，佢嘅味道比其他兩款更濃郁，個人最喜歡一個鮑魚乾！鐵板香煎鵝肝鵝肝超級香，煎緊嘅時候就成間舖頭都聞到嗰浸香味！呢度菜擺盤好靚，就好似藝術品一樣，鵝肝下面有焦糖蘋果，上面點綴少少香檸皮，鵝肝外面煎到脆脆地，裏面好多汁！搭配埋焦糖蘋果同埋上面嘅青檸皮一齊食，甜甜嘅蘋果汁同焦糖令到個鵝肝唔會太漏！呢個搭配好有心思，大贊！日本德島縣雞扒雞皮煎到好脆，雞肉好嫩滑，雞味濃郁！隻雞都好多汁！伴菜都好好食，個大啡菇超級Juicy ！黑松露櫻花鐵板炒飯配味噌湯個炒飯飯底焦焦脆脆好香口！松露都好香，櫻花蝦又可以增加個飯嘅口感，更加香脆可口！最後甜品係開心果雪糕，開心果味好香濃，認真食落，仲有少少抹茶味，上面嘅果仁脆脆哋！完美！除咗食物之外，佢哋嘅服務亦都好impressing！店員會同我地介紹每一種食物既選材及講解食用方法，也細心觀察顧客用餐狀況，不是去詢問客人對食物嘅評價，盡量做出令客人滿意嘅味道，呢個位好細心！大贊！成日覺得食物同埋服務係相輔相成，可以體現出一間餐廳對客人嘅重視，我覺得呢間餐廳佢哋真係兩方面都做得好突出！所以真心推薦俾大家！…Read More