Aryen1018的個人專頁

好耐無寫食評，估唔倒今次係難食到唔寫唔得！餐廳主打扒餐，招牌鐵板肉眼牛扒係完全一啲牛味都無，味道仲差過茶記，完全唔知道自己食緊啲咩！垃圾中的垃圾，竟然要$158(未計加一）仲自稱紐西蘭牛扒，紐西蘭牛扒邊有可能咁難食！羅宋湯好稀…料唔多，一啲都唔濃郁檸檬茶點做倒有茶色但無茶味，好似飲糖水咁餐包是標配的平價餐包唯一好少少係薯條另上……唔會淋曬今餐真係好應節，嚇鬼死你咁難食向好處唸，食少啲當減肥…查看更多

好耐無寫食評，今次真係難食到忍唔住牛肉餡餅應該改名叫洋蔥餡餅食完4份1件....嘩...咁難食既攤開望一望，除左牛肉汁同少得可憐既牛肉溶，全部都係洋蔥！！唔明點解有人俾好評，可能佢真係好鍾意食洋蔥雞翼菜飯，味道正常，但超級油飯油到唔開胃...勉強食曬啲菜已經食唔落飯唯一吸引的是隔離個位點的酸辣湯，好似好足料....唉....…查看更多

好耐無寫食評，今次真係忍唔住話說台蔡滷肉飯勁多人排隊，於是去左附近真台客。越食越唔對路，所以決定出食評...一開始見到menu好多野食，好吸引，於是叫左個二人餐，點知...（食左兩件後拍攝，但我無整亂過）食物既賣相好重要，『台客炸物拼盤』一放低就震撼左我既五觀...點解可以求其炸埋一碟排得靚少少可以嗎...至少同類放埋一齊雞肉飯係唯一我覺得正常的，唔會好濃味，白灼雞胸肉加少少胡椒粉啱曬正想減肥既我黑糖珍珠鮮奶，係我唔啱，少甜少冰後變左一杯珍珠牛奶九份紅豆芋圓類既甜品係我地既至愛，點知都真係可以煮得唔好食首先芋圓少得可憐，但係好彩得幾粒，煙煙靭靭既芋圓點解可以整到咁膠...食完之後我同自己講，下次台蔡滷肉飯幾多人都要照排！！…查看更多

去深井唔一定食燒鵝😆今次俾我搵到間高質西餐one restaurant👏👏👏秋冬季坐室外都好有feel先有蒜蓉包送，有別於一般蒜蓉包，唔係焗到好脆，仲食倒軟綿綿有咬口既麵包加上新鮮蒜蓉好味道呀...好想encore😝正宗美國水牛城雞翼配藍芝士醬雞翼咸咸香香醃得好入味，帶少少辣好醒胃，$88蚊有6隻算抵食😋正宗孜然羊肉配乳酪烤餅（$108）一放低都好香羊肉味，烤餅好脆，羊肉烤完仲好有肉汁，一啲都唔羶，非常軟嫩，羊肉同孜然粉幾時都係絕配😍鍾意食羊既朋友仔一定要試❣️胡椒蒜片大蝦扁意粉（$188）平時食大蝦意粉好多時得1-2隻，所以一放低見到有3隻大蝦已經加分😆大蝦非常彈牙👍第三隻要用搶的🤣🤣意粉味道唔會太濃，我覺得剛剛好，意粉硬度適中。蝴蝶碗豆花檸檬氣泡水（$32）紛藍色好靚，飲落好似椰汁既味道，又甜又滑青檸香茅氣泡水（$32）好清新，加左香茅飲落更有層次，非常解渴…查看更多

古今二我又黎啦😆按完摩再食餐勁既😋老公最近健身，教練話要增肥，於是點左一檯野食😜『東京爆脆$88』有吞拿魚＋蟹柳混埋做餡口感好幼滑唔駛點醬油已經好夠味道，帶一點微辛辣味夠曬刺激🤗好掛住日本緊係要點『富士山$88』砌埋成座山咁高既蟹柳＋脆片都是帶一點點辛辣味，底部係鰻魚＋牛油果圈，一啖一嚿，唔錯唔錯。『柚想蝦你』一送上檯就好吸晴，材料豐富又有益健康，有沙律菜、海草、車厘茄、蘋果、柚子、蟹子、牛油果，仲有甜蝦刺身😍配上柚子汁非常開胃，咁多材料都只不過$78真係好抵食😎『埼玉網燒牛舌$58』超級好味，肉質Q彈有咬口，配埋酸酸甜甜的柚子味醬汁，真係流曬口水，一定要試！『雜錦天婦羅$88』都唔簡單，有蝦、日本紫薯、秋葵，全部炸到卜卜脆又唔會油膩喎，秋葵裡面竟然仲釀左蝦膠❤️❤️好味道！…查看更多

去開荃灣兆和街剪頭髮，晚餐就係附近覓食，今次俾我搵到對面街間Vision 8意大利菜。餐廳裡面既餐檯唔會排到人迫人，好鬆動。餐前麵包都唔野少，竟然係配黑松露牛油9醬😍至愛個塊切到好薄，焗到好脆既多士。酥炸小食拼盤 （$98）有薯條、炸魷魚圈、炸雞冀同炸魚塊，好細心有3種配醬：黑松露醬、蕃茄醬、他他醬點唔同既炸物。份量唔少，全部都炸得好好，特別係加左芝麻既雞翼炸到金黃鬆脆。炸魚塊配他他醬都好滋味。半生吞拿魚櫻桃蕃茄沙律配欖油意大利陳醋（$128）好大盤呀😆食完炸野，最好就係食好fresh既沙律，半生吞拿魚加上黑白芝麻好有口感，外脆內軟。沙律菜非常新鮮，賣相亦十分吸引。黎到呢度一定要試下啲西湯，非常出色❤️❤️❤️野菌黑松露忌廉湯（$78）飲落去唔會好漏，野菌打到好幼細，配埋黑松露真係無得彈！法式干邑龍蝦湯（$88）超級濃郁😍仲要有唔少龍蝦肉碎，加埋少少黑椒碎，正到暈😋❤️食得牛扒多，今晚試下蘋果木燒西班牙黑毛豬鞍扒（$238）任何扒類可以選配黑椒汁/紅酒汁/野菌汁/芥末籽汁，有別於一般醬汁yummy😁厚身黑毛豬鞍扒唔會overcooked，仲好有肉汁。好最鍾意食佢既配菜薯仔片，好過一般既薯蓉👍👍…查看更多

荃灣愉景新城新開左間韓式餐廳梨泰院，想試好耐啦，今晚見排隊既人唔多就試下佢先😋講到韓國菜最吸引既當然係炸雞😍韓式豆醬炸雞半份$86勁鬆脆，好似食緊薯片咁😆外脆內軟，雞肉仍然保持嫩滑，豆醬咸咸香香好野味。鮮人蔘雞湯$88好濃郁，唔會一層油係面，人蔘味重，口感比較杰身我估係落左糯米，飲落去好暖身又滋補。韓式牛肉炒粉絲超級大份都係$68炸，最後多到要打包😝一碟夠兩個女仔食。用料十足，我覺得配料仲多過粉絲😂味道豐富又抵食，讚！吞拿魚紫菜包飯$68，維持一貫水準，食落去仲有淡淡的芝麻香味，唔錯唔錯👍叫主食加$5熱飲、$8凍飲、$18有杯特式飲品，老公二話不說叫左男神梳打😂😂即係覆盆子梳打🍹藍色賣相好靚🥰味道清新甜蜜💕有少少似波子汽水，女仔會鍾意飲多啲...我知啦！男神梳打緊係為女士而設🤣唔覺唔覺點左成檯食物🤭但古語有雲甜品係用第二個胃去消化既😂於是我地叫埋抹茶及百爵茶戚風蛋糕（$32/件）因為menu望倒太吸晴啦😍💕唔係講笑～個cream超滑溜，就好似食緊雲呢拿雪糕咁，cream面仲有桂花乾碎，食落去有花香味💮蛋糕好綿密，我比較喜歡抹茶口味🥰十分愛💖連老公都讚不絕口😚必食呀💁‍♀️…查看更多

荃灣荃興徑的美食街最近開左間新外賣店『珍一料理』，係我鍾意的川麻風味，今晚食佢啦！食物以冷盤為主，好多選擇，花多眼亂，一於叫多幾樣試下先豬耳絲好爽脆彈力十足，年藕片點解可以咁脆既，麻麻辣辣勁野味，喜歡麻香辣既你一定會鍾意😍椒麻雞好入味好似燻肉咁，雞肉結實送飯一流牛筋凍我都係第一次食炸，好似食緊豬手筋既感覺非常煙韌四喜烤麩微酸帶甜，麵筋吸曬味，雲耳爽口，花生香脆東坡肉好鬆化，醬汁咸甜適中，一層肉一層油脂入口即溶，口感唔油膩喎豆干竟然削到咁薄片，打結都唔斷開，這間店的主廚真係有兩道👍👍味味有驚喜，味味都咁好食，一啲都唔馬虎，難怪已有7間分店…查看更多

荃灣間十二味成日排長龍，今日出大圍見倒十二味分店唔駛等位一於食佢啦！十二味最出名是酸菜魚，但因為之前食過，今晚想來一點不一樣的，於是點了酸豆角炒肉末、燒椒皮蛋、大盆花菜同白飯。燒椒皮蛋係糖心皮蛋黎，好好味呀，又唔會太辣！酸豆角炒肉末係老公至愛之一，超級大既一盆，可以一半堂食一半外賣拎走😆咸咸酸酸送假一流👍大盆花菜果然又係好大盆，花菜有別於一般餐廳既上湯、蒜蓉、腐乳炒菜，味道更香濃，配料仲有切到超薄一片的肥腩片，食落一啲都唔膩仲好香脆😍未食過既朋友仔一定要試！而家俾$200即享多款會員優惠卷同九折優惠一年其實佢既點選餐單會員優惠點止9折😆…查看更多

初見我又黎啦😆今次試下佢既蒲燒原條鰻魚飯同野菜豆腐鍋先！鰻魚飯（$128）一整條鰻魚夠曬兩個人食饅魚醃料好入味又肥美，網燒唔油膩又能鎖住肉汁。饅魚入口即溶好味道，珍珠米加上又脆又香的飯素特別好送飯。野菜豆腐鍋（$58）選擇一味濃味，另一味就清淡一點吧！鍋物份量都唔少，麵豉湯同豆腐是絕配哦～加上大量椰菜、娃娃菜、雜菇、獅子狗等。豆腐非常滑，椰菜久煮不爛，麵豉湯唔會太咸，加上配料後清甜易入口。兩個人share食，有魚有菜有湯，均衡飲食，好味得黎又有營養。…查看更多

想食點心又唔想去酒樓咁多人又感覺唔夠衛生？俾我搵倒荃灣這間鋿晶館，場內環境乾淨企理，自家製品牌，點心師傅曾就職於日本東京富麗華多年，專為高管達人和明星服務，回港後係多間米芝蓮酒店及大型連鎖酒樓集團做主管，經驗豐富。現在只須平民價錢就可以食倒星級點心，一於叫多幾樣野食先😋黑松露北菇燒賣皇（2粒）$19勁大粒，望都望倒成隻鮮蝦，好鮮味月半彎晶瑩鮮蝦餃（2粒）$19皮煙韌，蝦肉彈牙，翠肉瓜粒爽口，而且蝦餃燒賣可以選擇2粒/4粒，好適合我地兩個人黎食又想食多幾款香噴噴招牌流沙包$26果然是招牌菜，流沙奶黃蛋黃味濃郁，包皮鬆軟，好好味呀紫金名醬蒸鳳爪$26好野味，而且鳳爪皮唔會蒸得太林粉果皮薄通透，餡料豐富，九菜芹菜味濃上湯鮮竹卷$28加左紅蘿白同椰菜更脆口，腐竹皮是新鮮的米黃色，唔會overcook半肥不瘦叉燒腸$30，粉皮勁煙韌，皮薄餡靚，半肥瘦叉燒加埋香菜好好味呀😋必食推介手作點心即叫即蒸，難怪樣樣都咁靚仔，唔會蒸到過曬火，真係等耐啲都值得。…查看更多

High tea你只會唸倒去酒店？今日我就試左一間工廈餐廳The 5B Private Corner的下午茶。工廈餐廳俾人既感覺會陰暗啲但5B就唔會啦，餐廳內有一排大窗透光加上文青風格的裝修吸引唔少人黎打卡。而且對比酒店high tea價錢抵好多，只須一人$148或二人$288。High tea set有多款咸、甜點，食物、擺盤、容器都係酒店級數，絕不馬虎，份量仲要非常多👍👍食到捧住肚走🥴北海道帶子一口酥酥皮好鬆化，帶子好新鮮，配合埋鬆軟口感好正香芒海蝦紅菜頭撻非常eye-catching，我一向唔太喜歡紅菜頭的味道，但這個紅菜頭撻加左芒果同其他配料，口感豐富好易入口，唔錯。牛油果蛋沙律多士多士脆到不得了，牛油果蛋沙律加左少少檸檬汁酸酸地又幾match喎黃金雞肉條口味似麥樂雞，但比麥樂雞好食，香脆唔油膩，食完想encore😋自家製冰梅浸串茄無唸過連車厘茄都咁唔簡單，加左梅酒之後除左酒香仲甜甜的，這個idea好唔錯自家製英式鬆餅鬆餅是心形的，連牛油都是心型的，連這種細節都有注意好有心思呀❤️❤️夏日芒果熱情果慕絲蛋糕賣相好靚，酸酸甜甜的芒果熱情果好好味呀，好啱夏日🌞英式柑橘百爵茶慕絲蛋糕採用百爵茶就無咁甜無咁漏，仲落左柑橘碎令味道更豐富，賣相更吸引柚子芝士蛋糕加左柚子的芝士蛋糕好清新，成件事無咁漏，真係考慮周到，因為tea set通常食到最後就好飽食唔落，但5B的甜品口味都令人好開胃。自家製班蘭意式奶凍味道好似明治雪米糯雪糕，是我很喜歡的口味，讚啦！經典石板街朱古力蛋糕濃郁的朱古力蛋糕加上棉花糖真係甜到入心，建議最後食選了伯爵茶和甘草薄荷花茶，都用上雲石花紋的茶杯茶壺，未飲已經加曬分。甘草薄荷花茶味道好特別，好清香，飲落去淡淡薄荷味道帶一點清甜，可以解膩仲可以令口氣清新😬…查看更多

韓式店除左食炸雞，這間位於觀塘的小火焰韓式咖啡廳仲有好多特式主食。蟹黃炒淮山麵（$88）個汁醬超級有驚喜，好鮮味又濃郁，真係未食過這款口味，好creamy但一啲都唔會膩，炒淮山這個配搭很贊，加埋新鮮蟹肉、卜卜脆的蟹籽、脆肉瓜同冬菇，口感豐富。柚子蜜糖雞翼炒年糕（$88）雖然餐牌有兩個辣椒，但唔會太辣，反而食倒柚子蜜的甜味，有別於一般的韓式辣醬。幼身年糕更吸味，雞翼先煎再炒脆脆的。熱綠茶拿鐵（$35）綠茶味很濃加上奶香，飲落去好順口。無左咖啡的苦澀味，配一塊綠茶朱古力脆曲奇，非常唔錯！…查看更多

哈豆我來了～台灣我來了😆牆上畫滿了台灣的景點，台劇的畫面，加上台灣的歌曲，猶如置身其中。牛肉拼雞翅滷肉飯（$68）吃台灣料理不少得一碗滷肉飯，好正宗的味道，跟我去台灣吃到的味道很像❤️這個配搭有雞有牛很好很好，而且選用了粒粒分明的珍珠米🍚雞翼加了秘製醬汁味道不錯哦！厚切牛展好有咬口，比薄切牛展好吃多啦😋走心牛肉蕃茄湯麵（$78）闊廟麵吸收了濃郁的蕃茄湯很香滑，配料十分豐富有貢丸、花枝丸、雞蛋、牛展同走心牛肉。走心牛肉選用比較多筋的位置牛味更濃。桂圓紅棗茶（原價$38，跟餐減10元$28）好清甜呀😍桂圓味道很濃很有驚喜❣️養生的女生絕不要錯過💘…查看更多

黎到元朗國真係好多選擇，花多眼亂。不過朋友介紹一間食日式定食的餐廳 – 「稚」。由西鐵站朗屏站落車後，沿天橋一直到餐廳，都不算難找。朋友推介性價比頗高的日式定食，我們點了兩款試試。1.招牌蒲燒鰻魚- 半條$72 >>>轉定食 + $30 = $1022.日式和風牛肉 - $60 >>>轉定食 + $30 = $90***定食是包括了(前菜·漬物·煎茶·味增湯·珍珠米)前菜: 除了麻醬玉子豆付是我的喜好，最令我驚喜是似海哲，又似帶子裙邊的小食，加了一點似麻辣的秘製汁，很香佷特別! 非常開胃!味增湯: 這個味增湯，裏面的蘑菇絕不吝嗇，入面的蘑菇令湯更鮮甜，繼前菜再次加分。主食: 平時我是不太喜好鰻魚，因為有些餐廳煮出來的鰻魚會有種似鐵锈的味道。但這個真的是出乎意外地味道很好，面上用火槍燒過，增加了一份焦香的味道，沒有鐵锈味，而且魚比較厚身而且有汁，半條份量都不少，愛上了這個鰻魚，完全對鰻魚改觀，絕對推介及好評。主食: 日式和風牛肉肉味濃郁，面上還加上香辣七味粉，提升了牛肉的味道。份量之多，一啖肉一啖飯，吃完了整碗飯都還有牛肉剩，真的很厲害! 最後埋單，餐廳是沒有加一服務費，$200有找吃到這個質素的定食，真的非常抵食!…查看更多