俾我搵倒荃灣這間鋿晶館，場內環境乾淨企理，自家製品牌，點心師傅曾就職於日本東京富麗華多年，專為高管達人和明星服務，回港後係多間米芝蓮酒店及大型連鎖酒樓集團做主管，經驗豐富。
現在只須平民價錢就可以食倒星級點心，一於叫多幾樣野食先😋
黑松露北菇燒賣皇（2粒）$19勁大粒，望都望倒成隻鮮蝦，好鮮味
月半彎晶瑩鮮蝦餃（2粒）$19皮煙韌，蝦肉彈牙，翠肉瓜粒爽口，而且蝦餃燒賣可以選擇2粒/4粒，好適合我地兩個人黎食又想食多幾款
香噴噴招牌流沙包$26果然是招牌菜，流沙奶黃蛋黃味濃郁，包皮鬆軟，好好味呀
紫金名醬蒸鳳爪$26好野味，而且鳳爪皮唔會蒸得太林
粉果皮薄通透，餡料豐富，九菜芹菜味濃
上湯鮮竹卷$28加左紅蘿白同椰菜更脆口，腐竹皮是新鮮的米黃色，唔會overcook
半肥不瘦叉燒腸$30，粉皮勁煙韌，皮薄餡靚，半肥瘦叉燒加埋香菜好好味呀😋必食推介
手作點心即叫即蒸，難怪樣樣都咁靚仔，唔會蒸到過曬火，真係等耐啲都值得。
